0 2

IFFIwood،  اکتوبر 2024

ماہ نومبر جشن کے جذبے کے ساتھ آگیا ہے۔ ہم آپ کو فلموں کے سالانہ فیسٹیول – انٹرنیشنل فلم فیسٹیول آف انڈیا (افی) کا حصہ بننے کی دعوت دیتے ہیں جو 20 سے  28 نومبر 2024 کے دوران پنجی، گوا میں منعقد ہونے والا ہے۔ دنیا بھر سے فلموں کے شائقین گوا میں بحیرہ عرب کے شاندار پس منظر میں سنیما کا جشن منانے کے لیے جمع ہوتے ہیں۔

آپ کا تعلق دنیا کے مختلف کونوں اور مختلف ثقافتی پس منظر سے ہوسکتا ہے ، لیکن افی فلموں سے عشق کے لیے یکجا ہونے کا موقع فراہم کرتی ہے۔ اس تعلق کا جشن منانے کے لیے، ہم سب کو کہانی سنانے کی مسرت اور بڑے پردے کے جادو میں شامل ہونے کی دعوت دیتے ہیں۔ آپ https://my.iffigoa.org/ میں اندراج کرسکتے ہیں اور اس سال کے فیسٹیول کے لیے افی کے نمائندے بن سکتے ہیں۔

افی میں شرکت کیوں کریں؟

55 ویں افی میں آپ کو دنیا بھر کی فلموں کی ایک متنوع لائن اپ 16 ترتیب شدہ زمروں میں ملے گی۔ چاہے آپ دل کو چھو لینے والے ڈراموں، سنسنی خیز دستاویزی فلموں یا جدید مختصر فلموں کے شائقین ہوں، اس فیسٹیول میں ہر فلموں کے ہر شائق کے لیے لطف اندوز ہونے کے لیے کچھ نہ کچھ ہے۔مندوبین کو کسی اور سے پہلے بہت سی فلمیں دیکھنے کا خصوصی موقع بھی ملے گا کیونکہ کئی فلمیں یہاں افی میں اپنے قومی اور بین الاقوامی پریمیئر کریں گی۔

لیکن یہ صرف فلمیں دیکھنے کے بارے میں نہیں ہے۔ بلکہ کہانی سنانے کا فن بھی سیکھنے کے بارے میں بھی ہے!

افی لیجنڈری فلم سازوں اور صنعت کے پیشہ ور افراد کی قیادت میں ورکشاپس اور ماسٹر کلاسز پیش کرتا ہے جو اپنی بصیرت اور تجربات کا اشتراک کرنا چاہتے ہیں۔ جاندار گفتگو میں مشغول ہوں، اپنے خیالات کا اشتراک کریں، اور سرحدوں سے آگے دوستی قائم کریں جو آپ کے اگلے بڑے منصوبے کو جنم دے سکتی ہیں ، اگر آپ ایک پرجوش اور ابھرتے ہوئے فلم ساز ہیں۔

آپ کو فلم انڈسٹری کی چمک دمک اور گلیمر کا براہ راست تجربہ کرنے کا بھی موقع ملے گا۔ افی ریڈ کارپٹ میں معروف فلم سازوں، اداکاروں اور صنعت کی شخصیات کی ایک لائن اپ ہے جو اپنے کام کا جشن منانے اور سنیما کے لیے اپنے جذبے کو بانٹنے کے لیے جمع ہوتے ہیں۔ افی کے مندوبین کو فلم سازوں، اداکاروں اور صنعت کے ماہرین سے ملنے اور رابطہ قائم کرنے کا موقع ملے گا۔ زندہ بحث میں مشغول ہونے اور ان لوگوں کے ساتھ خیالات کا تبادلہ کرنے کا تصور کریں جو آپ کی پسند کی فلموں کو شکل دیتے ہیں۔

اس کے علاوہ ، افی ایک بار پھر ’کریٹیو مائنڈز آف ٹومورو‘، ’فلم بازار‘ اور ’سینے میلہ‘ کے 2024 ایڈیشن ز کو واپس لایا ہے جس نے انٹرنیشنل فلم فیسٹیول آف انڈیا کو ابھرتے ہوئے ٹیلنٹ اور ہر فلم کے لیے ’ون اسٹاپ شاپ‘ بنا دیا ہے۔

لہذا، زندگی بھر کے تجربے کے لیے تیار ہو جاؤ. اس ناقابل یقین سنیما سفر کا حصہ بننے کا موقع ضائع نہ کریں۔

افی  معذورین کے لیے قابل رسائی ہے

شمولیت کی کوشش میں، فیسٹیول کے مقام کو مختلف سہولیات پر مشتمل قابل رسائی بنانے کے لیے ڈیزائن کیا گیا ہے تاکہ رکاوٹ سے پاک تجربے کو یقینی بنایا جاسکے۔ دویانگ جنوں کی خصوصی ضروریات کے لیے مقام کے بنیادی ڈھانچے کو بھی بہتر بنایا گیا ہے۔ ای ایس جی کے احاطے اور دیگر مقامات جہاں فلمیں دکھائی جا رہی ہیں انھیں ریمپ، ہینڈ ریل، دیویانگجن کے دوستانہ چھونے والے واک وے، پارکنگ کی جگہیں، دوبارہ تعمیر شدہ بیت الخلا، بریل میں سائن بورڈ وغیرہ کے انتظامات کے ساتھ رکاوٹوں سے پاک بنایا گیا ہے، تاکہ اس بات کو یقینی بنایا جاسکے کہ فلموں کا جشن منانے میں کوئی بھی پیچھے نہ رہے۔

رجسٹر کیسے کریں؟

رجسٹریشن کے لیے، https://my.iffigoa.org/ پر لاگ ان کریں

55  ویں افی کے لیے مندوبین کی رجسٹریشن  فیسٹیول کے اختتام تک جاری رہے گا۔ زمرہ جات درج ذیل ہیں:

فلمی پیشہ ور افراد

• رجسٹریشن فیس: 1180 روپے (18٪ جی ایس ٹی سمیت)
• فوائد: آن لائن تصدیق، اضافی ٹکٹ، اور پینل اور اسکریننگ تک آزادانہ رسائی۔

 سینے کے شوقین افراد

• رجسٹریشن فیس: 1180 روپے (18٪ جی ایس ٹی سمیت)
• فوائد: آن لائن تصدیق اور پینل اور اسکریننگ تک آزادانہ رسائی۔

نمائندہ - طالب علم

• رجسٹریشن فیس: 0 روپے
• فوائد: آن لائن ایکریڈیٹیشن، پینل اور اسکریننگ تک آزادانہ رسائی، روزانہ 4 ٹکٹوں کے الاؤنس کے ساتھ۔

یہ زمرے پیشہ ور افراد، سنیما کے شائقین اور سنیما کے طلبہ کے لیے تیار کردہ مختلف فوائد پیش کرتے ہیں۔ طلبہ کو روزانہ 4 ٹکٹوں کے ساتھ خصوصی رسائی حاصل ہوگی، جس سے انھیں فلموں اور تقریبات کے لیے وسیع تر نمائش فراہم ہوتی ہے ، فلمی پیشہ ور افراد کو روزانہ ایک اضافی ٹکٹ کی رسائی حاصل ہوگی۔

مندوبین کو آن لائن ایکریڈیشن حاصل ہوگی ، جس سے میلے کے دوران تمام تقریبات اور مقامات تک ہموار رسائی کو یقینی بنایا جائے گا۔ اپنے ذاتی ڈیش بورڈ تک رسائی حاصل کرنے کے لیے https://my.iffigoa.org/ اپنا مائی افی اکاؤنٹ بنائیں ، جہاں آپ ٹکٹ بک کرسکتے ہیں اور میلے کے شیڈول کو چیک کرسکتے ہیں۔ اگر آپ کے کوئی سوالات یا مسائل ہیں تو، registration@iffigoa.org پر رابطہ  کریں۔ رجسٹر کریں اور فلموں کے فن کا جشن منائیں۔

گوا کے لیے اپنے ٹکٹ بک کرنے اور فلم فیسٹیول کے لیے ہمارے ساتھ شامل ہونے پر آپ کو مبارک باد!

افی کے بارے میں

1952 میں قائم ہونے والا انٹرنیشنل فلم فیسٹیول آف انڈیا (افی) ایشیا کے اہم فلمفیسٹیولز میں سے ایک ہے۔ اپنے آغاز سے ہی افی کا مقصد فلموں، ان کی دلکش کہانیوں اور ان کے پیچھے موجود باصلاحیت افراد کا جشن منانا ہے۔ فیسٹیول کا مقصد فلموں کے لیے گہری تعریف اور محبت کو فروغ دینا اور پھیلانا، لوگوں کے درمیان تفہیم اور بھائی چارے کے پل تعمیر کرنا اور انھیں انفرادی اور اجتماعی مہارت کی نئی بلندیوں تک پہنچنے کی ترغیب دینا ہے۔

افی کا انعقاد ہر سال نیشنل فلم ڈیولپمنٹ کارپوریشن (این ایف ڈی سی)، وزارت اطلاعات و نشریات، حکومت ہند کے ذریعے انٹرٹینمنٹ سوسائٹی آف گوا، حکومت گوا اور میزبان ریاست کے تعاون سے کیا جاتا ہے۔

55 ویں افی کے بارے میں تازہ ترین اپ ڈیٹس کے لیے، www.iffigoa.org پر فیسٹیول کی ویب سائٹ ملاحظہ کریں۔

***

(ش ح – ع ا)

U. No. 1599