সাইন্স অমসুং তেক্নোলোজী মন্ত্রালয়
NIF না অমরাপুর, গুজরাত্তা ইন্দিয়া ইন্তরনেস্নেল সাইন্স ফেস্তিবেল (IISF)গী ১০শুবা ইদিসনগী আউতরীচ থৌরম পাঙথোকখ্রে
Posted On:
18 OCT 2024 3:09PM by PIB Imphal
ভারত লৈঙাক্কী দিপার্তমেন্ত ওফ সাইন্স এন্দ তেক্নোলোজী (DST)গী ওতোনোমস ইন্সতিত্যুসন অমা ওইরিবা, নেস্নেল ইনোভেসন ফাউন্দেসন (NIF) – ইন্দিয়ানা ওক্তোবর ১৭, ২০২৪দা অমরাপুর, গান্ধিনগরদা ইন্দিয়া ইন্তরনেস্নেল সাইন্স ফেস্তিবেল (IISF) আউতরীচ থৌরম অমা পাঙথোকখ্রে। তোঙান তোঙানবা চহি কাঙলুপ্তগী (চহি ১৪-১৮) মহৈরোয় ৫০০ রোম্না আউতরীচ থৌরম অদুদা শরুক য়াখি।
IISF না চহি খুদিংগী লৈবাকসিগী সাইন্তিফিক এচীবমেন্তশিং সেলেব্রেত তৌই অমসুং কোলাবোরেসন অমসুং ইনোভেসনগী খুদোংচাবশিং শেম্মি। লৈবাক শিনবা থুংনা পব্লিক ইন্সতিত্যুসনশিংনা ইন্দিয়া ইন্তরনেস্নেল সাইন্স ফেস্তিবেল (IISF)কী ১০শুবা ইদিসনগী আউতরীচ থৌরম কয়া পাঙথোক্নবা থৌরাং তৌরি।
IISF কী ১০শুবা ইদিসন অসিনা সাইন্তিস্ত, ইন্দস্ত্রী লুচিংবা, মহৈরোয়, অমসুং মীয়ামবু সাইন্সকী অওনবা পুরকপা ঙমগদবা মতিক নৈননবগীদমক পুনশিল্লি। থৌরম অসিনা সাইন্স অমসুং তেক্নোলোজীগী মালেমগী লুচিংবা অমা ওইবগী ভারতকী তুংলমচৎ শেমগদবা মখন্ন-নৈনবশিং মথৌ হাপকনি।
আউতরীচ থৌরম অসিদা শরুক য়ারিবা মহৈরোয়শিংদা IISF কী হৌরকপা, ২০১৫দগী হৌরগা লাক্লিবা মাগী খোঙচৎ, লাক্লিবা খোঙচৎসিদা ফংবা ঙমখ্রবা কয়া অমসুং লাক্কদৌরিবা IISF ২০০২৪গী মরমদা নীংথিনা খঙহনখি।
থৌরমদুদা ৱা ঙাংলদুনা, NIF দাইরেক্তর দোক্তর অর্বিন্দ সি রনাদেনা মহৈরোয়শিংগী মফমদা ৱেব পোর্তেল (www.iisf2024.in), প্রিন্ত, ইলেক্ত্রোনিক অমসুং সোসিএল মীদিয়াদা য়াওরিবা ঈ-পাউ অসিনচিংবা IISFকা মরী লৈনবা তোঙান তোঙানবা মচাকশিং থিজিন্নবা অমসুং পাঙথোক্লিবা তোঙান তোঙানবা প্রোগ্রামশিংগী মরমদা মমুৎ তানা খঙজিন্নবা ৱাফম থমখি।
মহাক্না মখা তানা IISF ২০২৪গী মিসন – এ প্রোস্পেরস ভারত ইন হার্মোনী ৱিথ মোদর্ন ইনফ্রাস্ত্রকচর এন্দ নেচর, গিভিং ওপোর্চুনিতিজ ফোর ওল সিতিজন্স ওফ ওল রিজন্স তু রীচ দিয়র পোতেন্সিএল থ্রু সাইন্স এন্দ তেক্নোলোজী হায়বসিগী মতাঙদা শুগায়না তাকখি। ভারতপু সাইন্স অমসুং তেক্নোলোজীনা মথৌ হাপ্পা মালেমগী মেনুফেকচরিং হব অমা ওন্থোকপগী নুংদা লৈরিবা ৱাখল্লোন অমসুং মরমগী মতাঙদসু পল্লমখি।
মহাক্না মহৈরোয়শিংগী মফমদা স্তুদেন্ত সাইন্স ভিলেজনচিংবা প্রোগ্রামশিংগী মরমদা মখোয়দা লৈরিবা ৱাহংশিং অমসুং শরুক য়ানবগী মরমদা NIF তা হংলক্নবা পুক্নিং থৌগৎখি অমসুং মীদিয়াগী মফমদা পাউজেল শন্দোকপদা মঙ পাংনবা ৱাফম থমখি।
দোক্তর মাধবী জোসি, জোইন্ত দাইরেক্তর, গুজরাত বাইওতেক্নোলোজী রিছর্চ সেন্তর (GBRC), দিপার্তমেন্ত ওফ সাইন্স এন্দ তেক্নোলোজী (DST), গভর্নমেন্ত ওফ গুজরাত (GoG)নসু মহৈরোয়শিংগী মফমদা লাক্কদৌরিবা IISF অসিদা ইচঙ থৌনা শরুক য়ানবা পুক্নিং থৌগৎখি। Shri Jignesh Borisagar, Prant Secretary, VIBHA প্রন্ত সেক্রেতরী শ্রী জিগ্নেস বোরিসাগর অমসুং গ্রামভার্তি সন্সথাগী দাইরেক্তর – ত্রস্তী শ্রী অম্রুতভাই পতেলসু থৌরমদুদা শরুক য়াখি।
NIFকী খ্বায়দগী নৌবা ইনোভেসনশিং উৎপা একজিবিসন অমসু থৌরমদুদা পাঙথোকখি।
***
(Release ID: 2066146)
Visitor Counter : 26