ফিসরিজ, এনিমেল হজবেনদ্রী এন্দ দেরিইং মন্ত্রালয়গী মখাদা লৈবা দিপার্তমেন্ত ওফ ফিসরিজনা পত্না, বিহারদা লৈবা জ্ঞান ভৱন্দা ওক্তোবর ১৯, ২০২৪দা এপ্লিকেসন এন্দ দিমোন্সত্রেসন ওফ দ্রোন তেক্নোলোজী ইন ফিসরিজ এন্দ এক্বাকলচর হায়বা হীরমসিদা ৱর্কসোপ অমা পাঙথোক্কনি‍। থৌরম অদু বিহারগী মুখ্য মন্ত্রী শ্রী নিতিস কুমারগা লোয়ননা ফিসরিজ, এনিমেল হজবেনদ্রী এন্দ দেরিইং মন্ত্রালয় (MoFAH&D) অমসুং পঞ্চায়তী রাজ মন্ত্রালয়গী কেন্দ্র মন্ত্রী শ্রী রাজিব রঞ্জন সিংহ, এলিয়স ললন সিংহ, বিহারগী এনিমেল হজবেনদ্রী অমসুং ফিসরিজ রিসোর্স দিপার্তমেন্ত মন্ত্রী শ্রীমতী রেনু দেবী, বিহারগী উপ মুখ্য মন্ত্রী শ্রী বিজয় কুমার সিন্হা, বিহারগী উপ মুখ্য মন্ত্রী শ্রী সম্রাত চৌধরী অমসুং অতৈ মীথুংশিংগা শরুক য়াগনি‍। ৱর্কসোপ অসিনা ফিসরিজ অমসুং অমসুং এক্বাকলচর প্রেক্তিস খুমাঙ চাওশিলহনবদা ইনোভেতিব ওইবা দ্রোন তেক্নোলোজী উত্থোক্নবা ফম্পাক অমদা সাইন্তিস্ত, স্তেত ফিসরিজ ওফিসিএলশিং, ঙামীশিং পুনশিন্নগনি‍।

বিহারগী মুখ্য মন্ত্রী, MoFAH&D কেন্দ্র মন্ত্রী অমসুং অতৈ মরুওইবা মীথুংশিংনা হৌদোকপগী থৌরমদা ৱা ঙাংগনি‍। থৌরম অসিদা PMMSY অমসুং তোঙান তোঙানবা স্তেত স্কীমশিংগী বেনিফিসরীশিংদা য়েন্থোকপগা লোয়ননা ঙা মচিঞ্জাক অমসুং ঙা মরুমশিং লৌমীশিংদা য়েন্থোক্কনি‍।

ৱর্কসোপ অসিদা ফিসরিজ সেক্তরদা দ্রোন তেক্নোলোজীগী লৈরিবা অওনবা পুরকপগী মতিংগী মতাঙদা তেক্নিকেল সেসনশিংসু পাঙথোক্কনি‍। থৌরম অদুদা ICAR-CIFRI দাইরেক্তরনা ইনোভেতিব ওইবা স্তার্তঅপশিংগা লোয়ননা দ্রোন তেক্নোলোজীগী লমদা মখোয়না পায়খৎলিবা থবকশিং, ওন-গ্রাউন্দ এক্সপিরিএন্স, প্রেক্তিকেল এপ্লিকেসনগী ফাইন্দিংশিং অমসুং মাঙদা চঙশিনগদৌরিবা লম্বীগী মতাঙদা পাউদমগনি‍।

ৱর্কসোপ অসি শ্রী রাজিব রঞ্জন সিংহনা লুচিংদুনা দিঘা ঘাত, পত্নাদা গঙ্গা তুরেলদা রিভর রেঞ্চিং প্রোগ্রাম অমা পাঙথোক্তুনা লোইশিনগনি‍। থৌশিল অসিনা তুরেল অসিদা ঙা মশিং হেনগৎহন্নবা অমসুং সস্তেনেবল ফিসরিজকীদমক ইকোলোজিকেল বেলেন্স পুরক্নবা পান্দম থম্লি‍।

ৱর্কসোপ অসিনা ফিসরিজ সেক্তরদা অওন্বা পুরকপদা দ্রোন তেক্নোলোজীগী অওন্বা পুরকপা থৌদাং অমসুং মসিগী মপুং ফাবা মতিং ফুদোকহনবদা মীৎয়েঙ থমদুনা তেক্নোলোজিগী খুমাঙ চাওশিনবা থাক উৎনবা তোপ তোপ্পা ফম্পাক অমা ফংহনগনি‍। তেক্নোলোজীনা লেপ্তনা ওল্লকপগা লোয়ননা, দিপার্তমেন্ত ওফ ফিসরিজনা খুমাঙ চাওশিল্লবা থাক অসি শীজিন্নদুনা সস্তেনেবল ফিসরিজদা ইনোৎ হাপ্নবা, ফিসরিজ ভেল্যু চেন পুম্বদা ইনোভেসন হেন্না পুরক্নবা অমসুং প্রদক্তিবিতী হেনগৎহন্নবা খোঙফম চেৎনা লেপ্লি‍।

হান্না লৈরম্বা পলশিং নমখায়দুনা মনুং হঞ্জিনবা মফমশিংদা ঙা অমসুং ঙাগী পোত্থোক দেলিভর তৌদুনা অমসুং হেন্না য়াঙবা দেলিভরী লৈহন্দুনা ঙা অমসুং ঙাগী পোত্থোকশিং পুথোক পুশিন তৌবদা দ্রোন তেক্নোলোজীনা মরুওইবা থৌদাং লৌরক্কনি হায়না থাজরি‍। ফিসরিজ সেক্তরদা দ্রোন তেক্নোলোজীগী মতিং মখা তানা থিজিন্নবা, দিপার্তমেন্ত ওফ ফিসরিজনা ঙা অহিংবা পুথোক পুশিন তৌনবগীদমক দ্রোন তেক্নোলোজী শেমগৎনবা ICAR-CIFRI দা লুপা করোর ১.১৬ থাদদুনা পাইলোত প্রোজেক্ত অমা পায়খৎনবা অয়াবা পীখ্রে‍।

বেকগ্রাউন্দ::

‘সনরাইজ সেক্তর’ হায়না হেক হেক হায়নবা, ফিসরিজ অমসুং এক্বাকলচর সেক্তর অসিনা প্রাইমারী থাক্তা, লোয়ননা ফিসরিজ ভেল্যু চেন পরিংদা লৈরিবা অতৈ য়াওনা ঙামী করোর ৩ লোমদা পুন্সি হিংনবা অমসুং থবক পীনবগী খুদোংচাবা ফংহনবদা মরুওইবা থৌদাং য়াদুনা লাক্লি‍। সেক্তর অসিদা মীৎয়েঙ চঙদুনা চাওখৎপা পুরকপগী মতিং খঙলদুনা, ভারত লৈঙাক্না (GoI) ফেব্রুৱারী ২০১৯দা তোঙানবা দিপার্তমেন্ত ওফ ফিসরিজ (DoF, GoI) লিংখত্তুনা, মখা তারকপদা জুন ২০১৯দা ফিসরিজ, এনিমেল হজবেনদ্রী, এন্দ দেরিইং মন্ত্রালয় (MoFAH&D) শেমখি‍।

২০১৫দগী হৌরগা, ব্লু রিভোলুসন স্কীম, ফিসরিজ এন্দ এক্বাকলচর ইনফ্রাস্ত্রকচর দিভেলপমেন্ত ফন্দ (FIDF), প্রধান মন্ত্রী মতস্য সম্পদ য়োজনা (PMMSY), অমসুং PMMSYগী মখাদা লৈবা সেন্ত্রেল সেক্তর সব-স্কীম অমা ওইরিবা প্রধান মন্ত্রী মতস্য কিসান সম্রিধি সহ-য়োজনা (PM-MKSSY)নচিংবা থৌশিলশিংগী মখাদা ফিসরিজ সেক্তরদা শেল থাদবগী চাং পুন্না লুপা করোর ৩৮,৫৭২ য়ৌরে‍। GoI না পায়খৎলিবা থৌশিলশিং অসিনা সেক্তর অসিবু মশক থোক্না খুমাঙ চাওশিলহন্দুনা ঙামীশিং লোয়ননা ঙা য়োকপা অমসুং ফাবগী থবক তৌরিবা শোত্থহৌরবা অমসুং ত্রাইবেল ফুরুপশিংগী ফীভম ফগৎহল্লি‍।

দ্রোন তেক্নোলোজীনা, থুনা খুমাঙ চাওশিল্লকপগা লোয়ননা, লৌউ-শিংউ, এনভাইরনমেন্তেল মোনিতরিং, অমসুং দিজাস্তর রিলীফনচিংবা তোঙান তোঙানবা সেক্তরশিংদা ইনোভেতিব ওইবা শীজিন্নফম য়াম্না লৈরক্লি‍। মসিগী অওনবা পুরকপগী মতিং অসিবু খঙলদুনা, দিপার্তমেন্ত ওফ ফিসরিজনা মোনিতরিং অমসুং সর্ভিলেন্স হেনগৎহনবা, রিসোর্স অমসুং ফার্ম মেনেজমেন্তকী ফীভম ফগৎহন্বা, ঙা; পুথোক পুশিন তৌবা অমসুং অতোপ্পা শীজিন্নফম কয়া য়াএনা কমদৌনা দ্রোন্না ফিসরিজ অমসুং এক্বাকলচর ওপরেসন্দা অওনবা পুরকপা ঙমগনি হায়বসিদা থিজিল্লি‍।

সর্ভিলেন্স, স্তোক এসেসমেন্ত, এনভাইরনমেন্তেল মোনিতরিং, লায়না খঙদোকপা, এক্বাকলচর ফার্মশিংদা ঙা মচিঞ্জাক থাবা, ঈশিং সেমপ্লিং তৌবা অমসুং প্রিসিজন ফিসিংনচিংবা মরুওইবা থবক থৌওংশিংদা তেক্নোলোজী অসি খুমাঙ চাওশিল্লক্লি‍। মরিন ইকোসিস্তেম ঙাক্তুনা থম্নবগীদমক, দ্রোন্না ঈশিংগী ক্বালিতী য়েংশিনবা, মোৎশিনবা খঙদোকপা, মাঙনিংঙাই ওইবা পাম্বীশিং হৌগৎলকপদা মতেঙ ওইগনি‍। অথু অকায়গী মতমদা, অমাঙ অতা থোরকপদা দ্রোনগী শীজিন্নফম পাক চাউনা কোনশিন্দুনা ঈচাও নৎত্রগা নোংলৈ নুংশিৎ থোরকপদা ফিসরিজ ইনফ্রাস্ত্রকচর শোকপগী চাং য়েংশিন্দুনা, থিবা হুম্বা অমসুং মী কন্বগী থবক্তা মতেঙ পান্দুনা, মাঙখিবা মী নৎত্রগা হি থুনা অমসুং মতিং লৈনা থিদোকপদা মতেঙ পাংদুনা দ্রোন্না মমল নাইদ্রবা মতেঙ পীরি‍। ঈশিং মনুংগী দ্রোন্না ঙানা মখোয়গী মহৌশাগী লৈফমদা কমদৌনা লৈবগে হায়না য়েংশিন্দুনা লায়না ঙন্না খঙদোকপদা মতেঙ ওইগদবা ইরোয়বগী মওং চুমদবা অমসুং ঈমায়দা তাউদুনা লৈবনচিংবা অৱাবা তাবগী খুদম চাংদমশিং খঙদোকপদা মতেঙ পাংবা ঙমগনি‍। রিজোলুসন ৱাংবা দ্রোনগী মমিশিংনা ঙাগী মশাদা চাথৎপা অমসুং ঈ থোকপনচিংবা লায়নাগী মীৎনা উবা লাইওংশিং খঙদোক্তুনা মতম চানা খুৎ থাবা ঙমহনগনি‍।

******