কম্ম্যুনিকেসনগী মন্ত্রী; অমসুং অৱাং নোংপোক লমদম চাউখৎ থৌরাং মন্ত্রী শ্রী জ্যোতিরদিত্য এম সিন্দিয়ানা ঙরাং ভারত মন্দপমদা লিংখৎলিবা কলচরেল কোরিদোরদা চৎতুনা ITU-WTSA 2024দা শরুক য়ারিবা অন্তর্জাতিগী দেলিগেত লিশিং কয়াগা লোইননা ভারতকী ইনাক খুল্লবা নাৎকী লনশিন য়েংখ্রে। কোরিদোর অসিনা নীংথিজরবা লৈবাক অসিগী কাচিন কোয়াদগী হেন্দলুম অমসুং হেন্দিক্রাফশিং উৎলি অমসুং তেক্সতাইল মন্ত্রালয় অমসুং অৱাং নোংপোক লমদম চাউখৎ থৌরাং মন্ত্রালয় দোনরনা শীনবা স্তোল ১৪দা লৈবা য়াবা পোৎলম কয়া লৈরি।

কোরিদোর অসিনা অৱাং নোংপোক লমদম (এন.ই.আর.)দা মরুওইনা হেন্দলুমগী সেক্তরদা পুরক্লিবা তেক্নোলোজীগী খুমাং চাউশিনবশিং উৎলি। দেলিগেতশিংনা ভারতকী তেক্নোলোজীগী লুচিং অসিবু দিজিতেল পব্লিক ইনফ্রাস্ত্রকচর (দি.পি.আই.)গী খুত্থাংদা কেসলেস ত্রাঞ্জেক্সশিং পোৎলমশিংদা পীদুনা য়ু.পি.আই.গী সর্ভিসকী খুত্থাংদা লৈবা য়াহল্লি।

অতোপ্পা মশক থোকপা তেক্নোলোজী শীজিন্নবগী খুদম অমদি NEHHDC (নোর্থ ইস্তর্ন হেন্দিক্রাফ এন্দ হেন্দলুম দিবেলপমেন্ত কোর্পোরেসন লিমিতেদ)কী ইরি কোকুন "ফাইবর তু ফেসন" ভেল্যু চেনগী ত্রেসিএবিলিতীগী ব্লোকচেন শীজিন্নবগী কেস স্তদি অসিনি NEHHDCনা LW3 গা খুৎশম্নদুনা হেন্দলুম সেক্তরদা ব্লোকচেন তেক্নোলোজী শীজিন্নদুনা দিজিতেল প্রদক্ত পাস্পোর্ত শেমগৎনবা অমসুং অখন্নবা ক্লোন তৌবা য়ারোইদবা QR কোদশিংনা ইরি সিল্ক কোকুনবু তুং কোইনা চৎপা য়াবা ফাইবর ওইনা শীজিন্নবা হেন্দলুম অমসুং হেন্দিক্রাফকী পোত্থোকশিংদা দিজিতেল পাসপোর্ত শেম্নবা হোৎনরি। হায়রিবা পাস্পোর্ত অসিনা মনুং মপান ফাওনা উবা, ত্রেস তৌবা য়াবা অমসুং অশেংবা মশক পীরদুনা অচুম্বা লল্লোন ইতীক্কী থবক পায়খৎহল্লি অমসুং আর্তিসান অমসুং ৱিবরশিংগী মশাগী মরুওইবা লন ঙাকপীরি। পোত্থোক অসিগী খোঙচৎ, কস্তদীগী চেন, অমসুং কঞ্জুমরশিংগী ৱারীশিং আর্তিসান অমসুং ৱিবরশিংগা রেকোর্দ তৌরদুনা LW3 না কঞ্জুমরশিংবু মশা খঙনা পোৎ লৈবা অমসুং তুং কোইনা চৎপা হেন্দিক্রাফকী পোৎলমশিং শৌগৎহনবদা মতেং পাংই। ফম্বাক সইনা আর্তিসানশিংদা অফবা কঞ্জুমর ফীদবেক্কা লোইননা মীয়াম্না খঙবা হেনগৎহল্লি।

মসিগী মথক্তা, কোরিদোর অসিনা দোনর মন্ত্রালয়গী মখাদা NEHHDCগীদমক অখন্নবা স্তোল অহুম পীরি, মসিদা অৱাং নোংপোক রাজ্যশিংদগী হেন্দলুম অমসুং হেন্দিক্রাফকী পোৎলমশিং উৎলি। মসিদা য়াওরিবশিংগী মনুংদা অৱাং নোংপোক লমদমগী স্তোলদা মনিপুরদগী শাফি লানফী য়াওরি। অৱাং নোংপোক লমদমগী হেন্দিক্রাফশিংগী স্তোলদা মনিপুরদগী আর্তিস্ত শ্রীমতি কৈশাম ববিতা দেবী লীগী য়ান্নবা কঝাউ অমসুং চান্দি চপ্পী হাপ্নবা শেনগাও য়াওরি। মসিগী মথক্তা, NER গী হেন্দলুমদা তেক্নোলোজী শীজিন্নবগী স্তোলদা নেসনেল এৱারদী শ্রীমতি ইন্দিরা চিরোমগী মনিপুরি হোম তেক্সতাইলশিং উৎলি অমসুং মসিনা মনিপুরগী মৈহৌরোলদগী চারোন কয়াদা থংথরকপা ফি শাবগী হৈশিংবশিং উৎলি। য়োংখম, কোন অমসুং ইয়োংদা শাবা ইনফি অমসুং মোইরাংফিশিং উৎলি।

নেসনেল এৱারদী অমসুং হৈশিংলবা খুৎশা হৈবা মীওইশিং য়াওরিবা কলচরেল কোরিদোরদা গুজরাতকী কৎচ শাল অমসুং তঙ্গালিয়া ৱিব, মনিপুরি হোম তেক্সতাইল, হিমাচল প্রদেশতগী কুলু শাল,অমসুং তেলঙ্গানাদগী পোচম্পল্লি ইকত য়াওনা তোঙান-তোঙানবা রাজ্যশিংদগী হেন্দলুম অমসুং হেন্দিক্রাফকী পোৎলমশিং উৎলি।

খোঙচৎ অসি নৈ দিল্লীদা পাঙথোক্লিবা WTSA 24 & IMC24 গী নাকনগী থৌরমগী শরুক অমনি। থৌরম অসিনা ভারতকী দিজিতেলগী খোঙচৎকী অনৌবা পন্দুপ অমা শেম্লদুনা লৈবাক অসিনা এদভান্স কম্ম্যুনিকেসন তেক্নোলোজীদা মালেমগী লুচিংবা ওইনবগী ফিরেপ হেন্না চেৎশিলহল্লে।

WTSA 2024 গী মতাংদা:

ইন্তর্নেসনেল তেলিকম্ম্যুনিকেসন য়ুনিয়ন (ITU) না শীনবা WTSA 2024 অসিনা মালেমগী তেলিকম্ম্যুনিকেসন স্তেন্দার্দশিং শেমগৎপা অমসুং চলাইনবগী, রিগুলেতরশিং, ইন্দস্ত্রী লিদরশিং, পোলিসী মেকরশিং পুনশিন্নদুনা মালেম শীনবা থুংবগী কম্ম্যুনিকেসনগী তুংলমচৎ শেম্নবা ফম্বাক অমা পীরে।

চাং নাইনা উপদেত ফংবীনবগীদমক DoT গী হেন্দলশিং ফোলো তৌবীয়ু

X - https://x.com/DoT_India

Insta- https://www.instagram.com/department_of_telecom?igsh=MXUxbHFjd3llZTU0YQ==

Fb - https://www.facebook.com/DoTIndia

YT- https://www.youtube.com/@departmentoftelecom]

***************