লম্বী লৈহন্নবা, চৎথোক-চৎশিন লাইহন্নবা, পোৎ-চৈ পুথোক-পুশিনগী চাদিং হন্থহন্নবা, মপান্দগী থাউ পুশিল্লকপা হন্থনবা অমসুং কার্বোনদাইওক্সাইদ থাদোকপা হন্থহন্নবা: গঙ্গা তুরেল মথক্তা অনৌবা রেল-কম-রোদ ব্রিজ য়াওনা বরানাসী-পন্দিৎ দীনদয়াল উপধ্যায় মল্তিত্রেক্কিং শাবদা মন্ত্রীমন্দলনা অয়াবা পীরে

ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অপুনবা শেনফম লুপা করোর ২,৬৪২ (চাউরাক্না) গী রেলৱেজ মিনিস্ত্রিগী প্রোজেক অমা অয়াবা পীখ্রে। মল্তি-ত্রেক লৈগদবা প্রোজেক অসিনা চৎথোক-চৎশিন নুংঙাইনগনি অমসুং লম্বী চিনবা হন্থহনগনি, ভারত রেলৱেজ শীনবা থুংবগী খ্বাইদগী চিনবা সেক্সনশিংদা খ্বাইদগী দরকার ওইবা ইনফ্রাস্ত্রকচরশিং শেমগৎকনি। প্রোজেক অসিনা উত্তর প্রদেসকী বরানাসী অমসুং চান্দৌলি জিলাশিং ফাওদুনা চৎকনি। বরানাসী রেলৱে স্তেসন অসি, ভারত রেলৱেজগী মরুওইবা মফম অমা ওইনা, মরুওইবা জোনশিং শম্নরি অমসুং লাইফমশিং, লমকোয়বা মীওইশিং অমসুং মফম অসিগী মীয়ামগী থোঙ্গাল অমনি। বরানাসী-পন্দিৎ দীনদয়াল উপধ্যায়(দিদিয়ু) জঙ্গসন রুত অসি পেসেঞ্জর অমসুং পোৎ-চৈ পুবা অনিমক্কী মরুওইরি, মসিদা কয়লা, সিমেন্ত অমসুং মহৈ-মরোংশিং পুথোক-পুশিন তৌবা অমসুং তুরিজম অমসুং উদ্যোগ চাউখৎনবা থবক তৌবা মরম্না, লম্বী য়াম্না চিল্লি।

খুদোংচাদবা অসি কোকহন্নবা, গঙ্গা তুরেল মথক্তা অনৌবা রেল-কম-রোদ ব্রিজ অমা য়াওনা অমসুং ৩শুবা অমসুং ৪শুবা রেলৱে লাইনশিং হাপচিনবা য়াওনা ইনফ্রাস্ত্রকচর ফগৎহনবা দরকার ওইরে। হায়রিবা থবকশিং অসিনা কেপাসিতি অমসুং থবক ফজনা তৌবা হেনগৎহনগনি অমসুং লমদম অসিগী শেন-থুমগী ফিবম চাউখৎহনবদা মতেং পাংগনি। লম্বী চিনবা ফহনবগী মথক অসিদা, শেমগৎকদৌরিবা লম্বী অসিদা ফ্রেদ এম.তি.পি.এ ২৭.৮৩ পুগনি হায়না থাজনরি।

অনৌবা ভারত অমা শেমগৎনবা প্রধান মন্ত্রী শ্রী নরেন্দ্র মোদীগী পান্দম ফংনবা হোৎনবদা প্রোজেক অসিনা মতেং পাংগনি। মসিনা লমদম অসিগী মীয়ামদা থবক ফংবা/মশানা মশাবু থবক পীজনবগী খুদোংচাবশিং হেন্না পীদুনা মফম অসি অত্মানির্ভর লমদম অমা ওইহনগনি।

প্রোজেক অসি মল্তি-মোদাল কন্নেক্তিবিতিগী পি.এম-গাতি শক্তি নেসনেল মাস্তর প্লানগী ফলনি অমসুং মসি অপুনবা থৌরাংগী খুৎথাংদা পাংথোকপা ঙমখিবনি অমসুং মসিনা মীয়াম, পোৎ-চৈ অমসুং থবকশিং চৎথোক-চৎশিন্দা খুদোংচাবা পীগনি।

প্রোজেক অসিনা উত্তর প্রদেসকী জিলা অনি কোনশিন্দুনা হৌজিক লৈরিবা ভারত রেলৱেজগী নেতৱার্ক কিমি ৩০ হেনগৎহল্লগনি।

রেলৱেজ অসি মহৌশাগী অকোয়বগী ফিবম শোকহন্দবা অমসুং ইনর্জি য়াম্না চঙদবা চৎথোক-চৎশিনগী পাম্বৈ ওইনা, ক্লাইমেতগী পান্দমশিং ফংবা অমসুং লৈবাক অসিদা চৎথোক-চৎশিনগী চাদিং হন্থহনবা অমসুং উ পাম্বী করোর ৬ থাবগা মান্ননা কার্বোনদাইওক্সাইদ থাদোকপা(কেজি করোর ১৪৯) হন্থহনবদা মতেং পাংগনি।

*****