تجارت اور صنعت کے مرکزی وزیر جناب پیوش گوئل نے آج نئی دہلی میں انڈین فاؤنڈیشن فار کوالٹی مینجمنٹ (آئی ایف کیو ایم) سمپوزیم میں اپنی اختتامی تقریر کے دوران صنعت کاروں اور فریقوں پر زور دیا کہ وہ معیار کو صنعت کی بنیاد بنائیں۔ انہوں نے شرکاء پر زور دیا کہ وہ مصنوعات کی تیاری میں معیار کو ڈیفالٹ سیٹنگ بنائیں نہ کہ صارفین کے لیے کوئی آپشن۔

جناب گوئل نے معیار سے متعلق صنعت کی قیادت میں پہل کرنے کے لیے آئی ایف کیو ایم کی تعریف کی اور کہا کہ ہندوستان کے معیار کو اپنانے کے لیے ذہنیت کی تبدیلی سب سے بڑی رکاوٹ ہے۔ جناب گوئل نے ذکر  کیا کہ وزیر اعظم جناب نریندر مودی نے ہمیشہ معیار کو ملک کی تعمیر میں حکومت کی کوششوں کا مرکز بنایا ہے۔ انہوں نے مزید کہا کہ 'زیرو ڈیفیکٹ اور زیرو ایفیکٹ' کا وزیر اعظم کا نظریہ ہندوستان کو ایک ترقی یافتہ ملک بنانے کے لیے گزشتہ دو میعادوں سے ان کی حکمرانی میں سب سے آگے رہا ہے۔ انہوں نے اس بات پر زور دیا کہ ماحول کیلئے سازگار معیشت کی طرف بڑھتے ہوئے پائیدار مینوفیکچرنگ کے طریقے وکست بھارت کے سفر میں فیصلہ کن ثابت ہوں گے۔ انوسندھان نیشنل ریسرچ فاؤنڈیشن (اے این آر ایف) کے 1 لاکھ کروڑ روپے کے بارے میں، انہوں نے کہا کہ اس فنڈ کے ذریعے حکومت صنعت کے لیے اختراعات کی حمایت کرے گی تاکہ اسے وکست بھارت کے لیے معیار کے ساتھ ساتھ بنیاد بنایا جائے۔

جناب گوئل نے ذکر کیا کہ 2014 تک صرف 14 کوالٹی کنٹرول آرڈرز (کیو سی او) تھے جن میں 106 پروڈکٹس شامل تھے، جب کہ پچھلی دہائی میں حکومت نے 732 پروڈکٹس کا احاطہ کرتے ہوئے 174 کیو سی او تک اسے وسعت دی۔ کھلونوں کی تیاری پر معیار کے اثرات پر زور دیتے ہوئے وزیر موصوف نے کہا کہ کوالٹی کنٹرول متعارف کرانے سے برآمدات میں اضافہ ہوا ہے۔ انہوں نے یہ بھی کہا کہ ہندوستان کو عالمی سطح پر ایک برانڈ کے طور پر پہچانے جانے کے لیے معیار کو سب سے زیادہ اہمیت دینی ہوگی۔ جناب گوئل نے کہا کہ اگر یہ ہندوستان سے آرہا ہے تو اس میں معیار کا نشان ہونا چاہیے، یہی ہمارا بنیادی مقصد  ہونا چاہیے۔

مرکزی وزیر نے صنعت کے رہنماؤں کو حکومت کے ساتھ شراکت داری کرنے کی دعوت دی اور کیو سی او ماحولیاتی نظام کے ذریعے ایم ایس ایم ای سیکٹر میں معیار کو بنیاد بنائے  جانے پر زور دیا۔ انہوں نے صنعت کاروں پر زور دیا کہ وہ اپنے بہترین طریقوں کو مشترک کریں اور کمپنیوں کو تکنیکی افرادی قوت کے ساتھ حکومت کی تکنیکی معیارات کی کمیٹیوں کی مدد کے لیے قائل کریں تاکہ کوالٹی کو عالمی معیارات کے مطابق بنایا جا سکے۔ انہوں نے معیارات کے کنٹرول سے متعلق انضباطی اداروں کے ساتھ حکومت، صنعت اور اکیڈمی پارٹنرشپ پر زور دیا تاکہ مینوفیکچرنگ کرنے والوں کو اچھے معیار کو اپنانے میں درپیش مشکلات کو حل کیا جا سکے۔

جناب گوئل نے شرکا سے وکست بھارت کے تئیں عہد بستگی کا احساس پیدا کرنے کو بھی کہا اور کہا کہ ملک میں برآمدات کے سلسلے میں مقابلہ آرائی سبسڈی سے نہیں آئے گی بلکہ ایک خود کفیل بھارت سے آتم نربھر بھارت بنے گا۔ انہوں نے کہا کہ معیار ہمارا کام نہیں، یہ ہمارا فرض ہے۔

*******

UR-1335

(ش ح۔   اع خ۔ش ہ ب)