"আই.সি.দি.আর.এ. অসি লৌশিং লান্থোকপদা, মপাং শেম্বদা অমসুং মীপুম খুদিংমক্কী অফবা অমসুং কান্নবা হিদাক ফংহন্নবা হোৎনবদা য়াম্না মরুওই। ঐখোয়না রিগুলেসনগী মতাংদা কয়া য়াম্না হোৎনরিবগে – ঐখোয়গী থৌরাংনা মালেম পুম্বগী মীয়ামদা অফবা হকশেলগী ফল পুরকপা ঙমগনি।" ৱাফম অসি হকশেল অমসুং য়াইফ য়ুম্বাল মন্ত্রালয়গী কেন্দ্রগী এম.ও.এস. শ্রীমতি অনুপ্রিয়া সিংহ পতেলনা ঙসি মফম অসিদা পাঙথোকখিবা দ্রগ রিগুলেতরী ওথোরিতীসকী ১৯শুবা ইন্তর্নেসনেল কনফরেন্সতা মহাক্কী ৱারোল থম্বদা ফোংদোকখিবনি। দা. ভি.কে পোল, মেম্বর (হেল্থ), নিতি আয়োগসু শরুক য়াখি।

ভারত্তা ইহান হানবা ওইনা য়ুম্বু ওইদুনা সেন্ত্রেল দ্রগস স্তেন্দার্দ কন্ত্রোল ওর্গানাইজেসন (সি.দি.এস.সি.ও.), হকশেল অমসুং য়াইফ য়ুম্বাল মন্ত্রালয়না ৱার্ল্দ হেল্থ ওর্গানাইজেসন (WHO)গা খুৎশম্নদুনা ওক্তোবর ১৪ দগী ১৮ ফাওবা পাঙথোকপা থৌরম অসিনা লৈবাক ২০০ রোমদগী রিগুলেতরী ওথোরিতী, পোলিসী মেকর, হকশেলগী ওফিসিএলশিংবু পুনশিন্দুনা শরুক য়ামিন্নখি।

থৌরম অদুদা ৱা ঙাংলদুনা, শ্রীমতি পতেলনা ভারত্তা হৌদোক্লিবা অনৌবা কাংলোন অমসুং রিগুলেতরী প্রোসিজ্যুরশিংগী মতাংদা ফোংদোকখি। মহাক্না হায়খি, "অনৌবা কাংলোন অমসুং রিগুলেতরী প্রোসিজ্যুরশিং হায়বদি ন্যু দ্রগ অমসুং ক্লিনিকেল ত্রাইএল রুল্স ২০১৯ অমসুং মেদিকেল দিভাইস রুল্স ২০১৭গুম্বনা মালেমনা থাজবা অমসুং অন্তর্জাতিগী থাক্তা চৎনরিবশিংগা পাননবা য়ানা সাইন্তিফিক অমসুং ইথিকেল রিসর্চ শৌগৎলে। মেদিকেল দিভাইস রুলশিংদা রিস্ক বেজ ক্লাসিফিকেসন, খুৎলাই খুদিংমক রেজিস্ত্রেসন তৌদুনা রিগুলেসন অমগী মখাদা পুশিনবা য়াওরি।" মহাক্না মখা তারদুনা হায়খি, "মেদিকেল দিভাইস খুদিংমক্কী প্রি এপ্রুভেল অমসুং পোস্ত এপ্রুভেল রিগুলেতরী প্রোসিজ্যুরশিং লৈরে। ঐখোয়না অন্তর্জাতিগী ওর্গানাইজেসনশিং হায়বদি IMDRF, ISO, WHO অমসুং SEARN গুম্বা রিজনেল নেৎৱার্ককুম্বা কয়াগা পুন্দুনা মেদিকেল দিভাইস অমসুং দাইএগ্নোস্তিক্সকী লমদা তঙাইফদবা রিগুলেতরীশিং হার্মোনাইজ তৌনবা হোৎনরি।"

কেন্দ্রগী মন্ত্রী অসিনা পনখি মদুদি ভারতপু হন্দক্তা IMDRF কী এফিলিএত মেম্বর অমা ওইনা শকখঙবীখ্রে। " ইন্দিয়ন ফার্মাকোপোইয়াবু ফার্মাকোপোইয়া দিস্কসন গ্রুপনা শকখঙবীবসি রিগুলেতরী স্তেন্দারদস ময়ামগা মান্নবা অমসুং শকখঙবীবা তাক্লে" হায়না মহাক্না মখা তাখি।

WHO না তোঙান-তোঙানবা লৈবাকশিংদা রিগুলেতরী সিস্তেমশিং ফগৎনবা হোৎনরিববু শিংথারদুনা শ্রীমতি পতেলনা হায়খি মদুদি "WHO না পার্তনরশিপ, রিলাইএন্স, এক্সপরেন্সিএল লর্নিং, ফার্মাকোভিজিলেন্স সিস্তেম, এন্তিকাউন্তরফিতিং তেক্নোলোজী অমসুং মোনিতরিং সিস্তেম শেমগৎলিবা অমসুং জিবশিংবু চাংয়েং তৌবা হন্থহন্নবা হোৎনরিবসি শিংথানিংঙাই ওই। মসিদগী হেন্না মরুওইরিবদি কোল্লাবোরেসন, দেলিবরেসন অমসুং অপুনবগী ৱারেপকী মওং অসিনি, মসিনা খ্বাইদগী ফবা ফল পুরক্নবা স্তেকহোল্দরশিংবু পুনশিলহল্লি।" হীরম অসিগী মতাংদা শ্রীমতি পতেলনা ভারতনা WHO গা লোইননা য়াম্না নক্ননা হীরমশিং অসিগী মতাংদা চঙশিল্লিবা অসিবুসু পনখি। "ঐখোয়দা লৌশিং পুক্কৈ অমসুং অপুনবগী থৌওংবু শিংথাবা ঙম্বগী পাঙ্গল লৈ। ICDRA য়ুম্বু ওইবা অসিসু ঐখোয়না মালেমগী মীয়ামগী হকশেলগীদমক লেপ্লি হায়বসি তাক্লিবনি", হায়না মহাক্না হায়খি।

লৈঙাক অসিনা হকশেলগী কেয়রগীদমক লৌরিবা থৌদাংগী মতাংদা পল্লদুনা কেন্দ্রগী মন্ত্রীনা হায়খি মদুদি "ঐখোয়গী মীয়াম পুম্বগী তঙাইফদবা ফংহনবা ঙম্বা হকশেলগী পথাপ অমা শেমগৎপদা মীৎয়েং থম্লি। আয়ুশ্মান ভারতকুম্বা থৌরাংশিংনা মীওই মিলিয়ন ৫০০ হেন্না অফবা হেল্থকেয়র ফংহনবা ঙমহল্লে। মীপুম খুদিংমক্তা হকশেল পীবা হায়বসি খুদোংচাবা নত্তে, মসি মশাগী হকনি হায়বসি মসিনা তাক্লে। "

মহাক্না কেন্দ্র সরকারনা আর্তিফিসিএল ইন্তেলিজেন্স (এ.আই.)না হকশেলগী মায়কৈ হোংহল্লক্লিবা অসিদা মীৎয়েং চঙবগী মতাংদসু ফোংদোকখি। "এ.আই.না ঐখোয়দা অথুবদা ৱারেপ লৌবদা মতেং পাংই, অনাবগী চেকশিন থৌরাং হেনগৎহল্লি, অমসুং রিসর্চকী খোঙজেল য়াঙখৎহল্লি। অনৌবা তেক্নোলোজীশিং শীজিন্নদুনা ঐখোয়না ঐখোয়গী মীয়ামদা হেন্না ফরবা সর্ভিসশিং পীবা ঙমগনি," হায়না মহাক্না ফোংদোকখি।

কেন্দ্রগী মন্ত্রী অসিনা মীপুম খুদিংমক্না হেন্না ফবা তুংলমচৎ অমগী হকশেল পীবা ঙম্নবা হোৎনমিন্নবা আপিল তৌরদুনা মহাক্কী ৱারোল লোইশিনখি। "ICDRA অসি কনফরেন্স অমখক নত্তে; মসি ঐখোয়বু পুন্ননবা, ইন্নোভেত তৌনবা অমসুং অমগা অমগা হেন্না ফবা হকশেলগীদমক মতেং পীননবগী খুদোংচাবা অমনি," হায়না মহাক্না ফোংদোকখি।

থৌরম অদুদা ৱা ঙাংলদুনা দা. ভি.কে. পোলনা হায়খি মদুদি অফবা মখলগী হিদাক লাংথকনা পুন্সিগী মগুন, মীওইবগী তৌবা ঙম্বগী চাং অমসুং পুন্সিগী লম্বী হেনগৎহল্লি। মহাক্না হায়খি মদুদি চহি অসিগী আই.সি.দি.আর.এ. অসি মালেম পুম্বগী ওইনা রিগুলেতরী এনভাইরোন্মেন্ত মপাঙ্গল হেনগৎহন্নবা হোৎনবা মরুওইনা কোবিদ -১৯ লাইচৎকী মতুংদা লাকপগীদমক য়াম্না মরুওই।

দা. পোলনা হৌজিক্কী লৈঙাক অসিনা মালেমগী খ্বাইদগী চাউবা হেল্থ ইন্সুরেন্স স্কিম হাংদোক্তুনা অমসুং দিজিতেল হেল্থকী মতাংদা থৌরাং কয়া লৌখৎতুনা হকশেলগী সেক্তর ফগৎনবা হোৎনরিবশিংগী মতাংদা পনখি। মহাক্না হায়খি মদুদি ভারত অমসুং মালেমগী তুংগী হকশেল অসি তেক্নোলোজীনা পুগনি অমসুং ভারতকী মরাং কায়রবা তেলেন্ত পুল, মপাঙ্গল লৈরবা লৈঙাক্কী থৌরাংশিংনা অহোংবসি পুরক্কনি।

দা. পোলনা পাউদমখি মদুদি ভারতনা লাইচৎকী মনুংদা মতীক চাবা রিগুলেতরী প্রোসেস অমগী মখাদা শীজিন্ননবা তিকা ৮ লাইসেন্স পীখ্রে। mRNA, DNA, নাসাল তিকা অসিনচিংবগুম্বা তোঙান-তোঙানবা মখলগী তিকাশিং অসি মালেমদা ফংলিবা অতৈ তিকাশিং অসিগী মমলগা চাংদম্নবদা খজিক্তদা ফংলি।

মহাক্না ভারতকী ইনাক খুল্লবা নাৎকী হিদাক লাংথক্কী পথাপশিং চহি চাম্মগী মমাংদগী চৎনদুনা লাক্লি হায়না পনখি। মহাক্না অসিগুম্বা মীয়ামগী হকশেল ফগৎহনবা ঙম্বা মহৌশাগী হিদাক লাংথক্কী চৎনবী অসিবু মেনস্ত্রীমদা পুশিল্লকপা তঙাইফদনা চঙই।

দা. রজিব বাহল, সেক্রেতরী, হেল্থ রিসর্চ এন্দ দি.জি. বিভাগ, আই.সি.এম.আর.না হকশেলগী রিসর্চতা লৈবা মরুওইবা রিগুলেতরশিং পুথোকখি। মহাক্না হায়খি, "লাইচৎকী অহানবা থা অহুমদা, ভারতনা মশাগী ওইবা চাংয়েংশিং শেল ইচঙ চংদনা পাংথোকখি। মসিগা মাননা, লাইচৎকী থা মাপনগী মনুংদা, ভারতনা কোবিদ-১৯ তিকা অয়াবা পীখি।" CDSCO না অয়াবা পীদুনা MPox কীদমক দাইএগ্নোস্তিক্স তেস্ত অহুম পাঙথোকখি।

দা. য়ুকিকো নাকাতিনি, এসিস্তেন্ত দিরেক্তর জেনরেল, WHO না পনখি মদুদি ICDRA 2024 অসিনা কোবিদ-১৯ লাইচৎকী মতুংদা পাঙথোকপা অহানবা ICDRA নি। মহাক্না পনখি মদুদি লাইচৎনা ঐখোয়দা খুদক্কী ওইবা তঙাইফদবা অমা পীরে, মদুদি য়াম্না মপাঙ্গল লৈবা রিগুলেতরী সিস্তেম অমনি। দা. য়ুকিকোনা ভারতপু ভেক্সিন রিগুলেসন্দা  মেচুরিতী লেভেল II ফংবগীদমক হরাওবা ফোংদোকখি।

শ্রীমতি কিম্বর্লী তরজেসিএক, দিপুতী কমিস্নর, য়ু.এস. ফুদ এন্দ দ্রগ এদমিনিস্ত্রেসন, USA না মহৌশাগী থৌওংশিংগা খেন্নবদা হেন্না খুমাং চাউশিল্লবা হিদাক লাংথক পুথোকপদা লৈবা অকিবা অমসুং খুদোঙচাবশিংগী মতাংদা পনখি। মহাক্না মালেমগী রিগুলেতরী বোদীশিংগী মরক্তা পুনশিনবগী তঙাইফদবা লৈরিবসিগী মতাংদসু পনখি।

দা. রোজেরিও গেস্পর, দিরেক্তর, রিগুলেসন এন্দ প্রিক্বালিফিকেসন দিপার্ত্মেন্ত, WHO; দা. রজিব বাল, সেক্রেতী, দিপার্ত্মেন্ত ওব হেল্থ রিসর্চ অমসুং দি.জি. ICMR; দা. রজিব সিংহ রঘুবনশি, দ্রগস কন্ত্রোল্লর জেনরেল ওব ইন্দিয়া; শ্রী রজিব ৱাধবন, এদভাইজর (কোস্ত), হকশেল মন্ত্রালয়; দা. রোদেরিকো ঐচ ওফ্রিন, WHO রিপ্রজেন্তেতিব তু ইন্দিয়া; শ্রী হাইতি সিল্লো, য়ুনিত হেদ, রিগুলেসন এন্দ সেফতী, WHO দিপার্ত্মেন্ত ওব রিগুলেসন এন্দ প্রিক্বালিফিকেসন অমসুং কেন্দ্রগী হকশেল মন্ত্রালয়গী মকোক থোংবা ওফিসিএলশিংসু থৌরম অদুদা শরুক য়াখি।

***************