ಭಾರತ ಮತ್ತು ಕೊಲಂಬಿಯಾ ಆಡಿಯೊ-ವಿಶುವಲ್‌ ಸಹ-ನಿರ್ಮಾಣ ಒಪ್ಪಂದಕ್ಕೆ ಸಹಿ ಹಾಕಿದ್ದು, ಇದು ಭಾರತೀಯ ಮತ್ತು ಕೊಲಂಬಿಯಾ ಚಲನಚಿತ್ರ ನಿರ್ಮಾಪಕರಿಗೆ ಚಲನಚಿತ್ರ ತಯಾರಿಕೆಯ ವಿವಿಧ ಆಯಾಮಗಳಲ್ಲಿಸಹಯೋಗಕ್ಕಾಗಿ ವೇದಿಕೆಯನ್ನು ಬಳಸಿಕೊಳ್ಳಲು ಅನುವು ಮಾಡಿಕೊಡುತ್ತದೆ. ಈ ಒಪ್ಪಂದವು ಎರಡೂ ದೇಶಗಳ ಚಲನಚಿತ್ರೋದ್ಯಮದ ನಿರ್ಣಾಯಕ ಕ್ಷೇತ್ರಗಳ ನಡುವಿನ ಸಂಬಂಧವನ್ನು ಆಳಗೊಳಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ, ಆ ಮೂಲಕ ಸಹಯೋಗದ ಹೊಸ ಅಧ್ಯಾಯವನ್ನು ತೆರೆಯುತ್ತದೆ. ಈ ಒಪ್ಪಂದಕ್ಕೆ ಗೌರವಾನ್ವಿತ ಮಾಹಿತಿ ಮತ್ತು ಪ್ರಸಾರ ಖಾತೆ ರಾಜ್ಯ ಸಚಿವ ಡಾ. ಎಲ್‌. ಮುರುಗನ್‌ ಮತ್ತು ಕೊಲಂಬಿಯಾ ಗಣರಾಜ್ಯದ ವಿದೇಶಾಂಗ ವ್ಯವಹಾರಗಳ ಉಪ ಸಚಿವ ಗೌರವಾನ್ವಿತ ಶ್ರೀ ಜಾರ್ಜ್‌ ಎನ್ರಿಕ್‌ ರೋಜಾಸ್‌ ರೊಡ್ರಿಗಸ್‌ ಅವರು ಸಹಿ ಹಾಕಿದರು.

ಕೊಲಂಬಿಯಾ-ಭಾರತದೊಂದಿಗೆ ಆಡಿಯೊ ವಿಶುಯಲ್‌ ಸಹ-ನಿರ್ಮಾಣ ಒಪ್ಪಂದಕ್ಕೆ ಸಹಿ ಹಾಕಿದ 17ನೇ ದೇಶ ಭಾರತ 

ಕೊಲಂಬಿಯಾ ನಡುವಿನ ಒಪ್ಪಂದವು ಎರಡೂ ದೇಶಗಳ ಉತ್ಪಾದಕರಿಗೆ ತಮ್ಮ ಸೃಜನಶೀಲ, ಕಲಾತ್ಮಕ, ತಾಂತ್ರಿಕ, ಹಣಕಾಸು ಮತ್ತು ಮಾರುಕಟ್ಟೆ ಸಂಪನ್ಮೂಲಗಳನ್ನು ಸಹ-ನಿರ್ಮಾಣಕ್ಕಾಗಿ ಒಟ್ಟುಗೂಡಿಸಲು ಪ್ರಯೋಜನವನ್ನು ನೀಡುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಇದು ಕಲೆ ಮತ್ತು ಸಂಸ್ಕೃತಿಯ ವಿನಿಮಯಕ್ಕೆ ಕಾರಣವಾಗುತ್ತದೆ ಮತ್ತು ಎರಡೂ ದೇಶಗಳ ಜನರಲ್ಲಿ ಸದ್ಭಾವನೆಯನ್ನು ಸೃಷ್ಟಿಸುತ್ತದೆ ಮತ್ತು ಆ ಮೂಲಕ ಸಾಂಸ್ಕೃತಿಕ ಸಂಬಂಧಗಳನ್ನು ಹೆಚ್ಚಿಸುತ್ತದೆ.

ಈ ಒಪ್ಪಂದವು ಭಾರತದ 'ಸಾಫ್ಟ್ ಪರ್ವ' ಅನ್ನು ರಚಿಸಲು ಮತ್ತು ಪ್ರದರ್ಶಿಸಲು ಅವಕಾಶವನ್ನು ಒದಗಿಸುತ್ತದೆ ಮತ್ತು ಪೋಸ್ಟ್‌ ಪ್ರೊಡಕ್ಷ ನ್‌ ಮತ್ತು ಮಾರ್ಕೆಟಿಂಗ್‌ ಸೇರಿದಂತೆ ಚಲನಚಿತ್ರ ನಿರ್ಮಾಣದಲ್ಲಿ ತೊಡಗಿರುವ ಕಲಾತ್ಮಕ, ತಾಂತ್ರಿಕ ಮತ್ತು ತಾಂತ್ರಿಕೇತರ ಮಾನವ ಸಂಪನ್ಮೂಲಗಳಲ್ಲಿಉದ್ಯೋಗ ಸೃಷ್ಟಿಗೆ ಕಾರಣವಾಗುತ್ತದೆ.

ಭಾರತ ಮತ್ತು ಕೊಲಂಬಿಯಾ ನಡುವಿನ ಸಾಂಸ್ಕೃತಿಕ ಮತ್ತು ಸಹಕಾರ ಸಂಬಂಧಗಳನ್ನು ಬಲಪಡಿಸಲಾಗುತ್ತಿದೆ ಎಂದು ವಾರ್ತಾ ಮತ್ತು ಪ್ರಸಾರ ಖಾತೆ ರಾಜ್ಯ ಸಚಿವರಾದ ಡಾ.ಎಲ್‌.ಮುರುಗನ್‌ ಒತ್ತಿ ಹೇಳಿದರು. ದೀರ್ಘಕಾಲೀನ ಸಂಬಂಧದ ಬಗ್ಗೆ ಮಾತನಾಡಿದ ಸಚಿವರು, ಕೊಲಂಬಿಯಾದೊಂದಿಗೆ ಭಾರತದ ವೈವಿಧ್ಯಮಯ ಮತ್ತು ಬಹು ಆಯಾಮದ ಸಹಯೋಗವನ್ನು ಒತ್ತಿ ಹೇಳಿದರು.

‘‘ಭಾರತವು ಹಲವು ವರ್ಷಗಳಿಂದ ಕೊಲಂಬಿಯಾದೊಂದಿಗೆ ಶ್ರೀಮಂತ ಸಾಂಸ್ಕೃತಿಕ ವಿನಿಮಯವನ್ನು ಅನುಭವಿಸಿದೆ. ವಿಜ್ಞಾನ ಮತ್ತು ತಂತ್ರಜ್ಞಾನ, ರಕ್ಷ ಣೆ, ಐಐಟಿ, ಆರೋಗ್ಯ ಮತ್ತು ಸಂಸ್ಕೃತಿ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ನಾವು ಸಹಕಾರವನ್ನು ಹೊಂದಿದ್ದೇವೆ. ಭಾರತ ಸರ್ಕಾರವು ಸಹ-ಉತ್ಪಾದನಾ ಒಪ್ಪಂದಗಳ ಮಹತ್ವವನ್ನು ಒಪ್ಪಿಕೊಂಡಿದೆ, ಇದು ಅಂತಾರಾಷ್ಟ್ರೀಯ ಪಾಲುದಾರಿಕೆಯನ್ನು ಉತ್ತೇಜಿಸುವ ಮಹತ್ವದ ಹೆಜ್ಜೆಯಾಗಿದೆ. ನಮ್ಮ ಮೊದಲ ಸಹ-ನಿರ್ಮಾಣ ಒಪ್ಪಂದವು ಒಂದು ಹೆಗ್ಗುರುತಾಗಿದೆ, ಮತ್ತು ನಾವು ನಿರಂತರವಾಗಿ ಆ ಅಡಿಪಾಯದ ಮೇಲೆ ನಿರ್ಮಿಸಿದ್ದೇವೆ,’’  ಎಂದು ಸಚಿವರು ಹೇಳಿದರು.

ಈ ಒಪ್ಪಂದವು ಚಿತ್ರೀಕರಣಕ್ಕಾಗಿ ಭಾರತೀಯ ಸ್ಥಳಗಳ ಬಳಕೆಯನ್ನು ಹೆಚ್ಚಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಇದು ವಿಶ್ವದಾದ್ಯಂತ ಆದ್ಯತೆಯ ಚಲನಚಿತ್ರ ಶೂಟಿಂಗ್‌ ತಾಣವಾಗಿ ಭಾರತದ ಗೋಚರತೆ / ನಿರೀಕ್ಷೆಗಳನ್ನು ಹೆಚ್ಚಿಸುತ್ತದೆ ಮತ್ತು ದೇಶಕ್ಕೆ ವಿದೇಶಿ ವಿನಿಮಯದ ಒಳಹರಿವಿಗೆ ಕಾರಣವಾಗುತ್ತದೆ. ಈ ಒಪ್ಪಂದವು ಚಲನಚಿತ್ರ ನಿರ್ಮಾಣಕ್ಕೆ ಪಾರದರ್ಶಕ ಧನಸಹಾಯಕ್ಕೆ ಕಾರಣವಾಗುತ್ತದೆ ಮತ್ತು ಕೊಲಂಬಿಯಾ ಮಾರುಕಟ್ಟೆಗೆ ಭಾರತೀಯ ಚಲನಚಿತ್ರಗಳ ರಫ್ತನ್ನು ಹೆಚ್ಚಿಸುತ್ತದೆ.

ವಿವಿಧ ದೇಶಗಳೊಂದಿಗೆ ಆಡಿಯೊ-ವಿಶುವಲ್‌ ಸಹ-ಉತ್ಪಾದನಾ ಒಪ್ಪಂದಗಳು

ಈ ಹಿಂದೆ ಭಾರತ ಸರ್ಕಾರವು 2005ರಲ್ಲಿಇಟಲಿಯನ್‌ ಗಣರಾಜ್ಯ ಮತ್ತು ಯುನೈಟೆಡ್‌ ಕಿಂಗ್‌ಡಮ್‌ ಆಫ್‌ ಗ್ರೇಟ್‌ ಬ್ರಿಟನ್‌ ಮತ್ತು ಉತ್ತರ ಐರ್ಲೆಂಡ್‌, 2007ರಲ್ಲಿ ಫೆಡರಲ್‌ ರಿಪಬ್ಲಿಕ್‌ ಆಫ್‌ ಜರ್ಮನಿ, 2007ರಲ್ಲಿ ಫೆಡರೇಟಿವ್‌ ರಿಪಬ್ಲಿಕ್‌ ಆಫ್‌ ಬ್ರೆಜಿಲ್‌, 2010ರಲ್ಲಿರಿಪಬ್ಲಿಕ್‌ ಆಫ್‌ ಫ್ರಾನ್ಸ್‌, 2011ರಲ್ಲಿ ರಿಪಬ್ಲಿಕ್‌ ಆಫ್‌ ನ್ಯೂಜಿಲೆಂಡ್‌, ರಿಪಬ್ಲಿಕ್‌ ಆಫ್‌ ಪೋಲೆಂಡ್‌ ಮತ್ತು 2012ರಲ್ಲಿ ಸ್ಪೇನ್‌ ಗಣರಾಜ್ಯದೊಂದಿಗೆ ಇದೇ ರೀತಿಯ ಒಪ್ಪಂದಗಳಿಗೆ ಸಹಿ ಹಾಕಿತ್ತು. 2014ರಲ್ಲಿ ಕೆನಡಾ ಮತ್ತು ಚೀನಾ, 2015ರಲ್ಲಿ ಕೊರಿಯಾ ಗಣರಾಜ್ಯ, 2016ರಲ್ಲಿಬಾಂಗ್ಲಾದೇಶ, 2017ರಲ್ಲಿ ಪೋರ್ಚುಗಲ್‌, 2018ರಲ್ಲಿಇಸ್ರೇಲ್‌, 2019ರಲ್ಲಿ ರಷ್ಯಾ ಮತ್ತು 2023ರಲ್ಲಿಆಸ್ಪ್ರೇಲಿಯಾದೊಂದಿಗೆ ಇತ್ತೀಚಿನ ಒಪ್ಪಂದಗಳಿಗೆ ಸಹಿ ಹಾಕಲಾಯಿತು.

ಒಪ್ಪಂದಗಳು ಸರ್ಕಾರದ ಆರ್ಥಿಕ ನೆರವು ಮತ್ತು ಬೆಂಬಲವನ್ನು ಉತ್ತೇಜಿಸುತ್ತವೆ

ಇಲ್ಲಿಯವರೆಗೆ ಸಹಿ ಹಾಕಲಾದ ಸಹ-ಉತ್ಪಾದನಾ ಒಪ್ಪಂದಗಳು ಆರ್ಥಿಕ, ಸಾಂಸ್ಕೃತಿಕ ಮತ್ತು ರಾಜತಾಂತ್ರಿಕ ಗುರಿಗಳನ್ನು ಸಾಧಿಸಲು ಪ್ರಯತ್ನಿಸುತ್ತವೆ. ಚಲನಚಿತ್ರ ನಿರ್ಮಾಪಕರಿಗೆ, ಒಪ್ಪಂದದ ಸಹ-ನಿರ್ಮಾಣದ ಪ್ರಮುಖ ಆಕರ್ಷಣೆಯೆಂದರೆ ಅದು ಪ್ರತಿ ಪಾಲುದಾರ ರಾಷ್ಟ್ರಗಳಲ್ಲಿರಾಷ್ಟ್ರೀಯ ಉತ್ಪಾದನೆಯಾಗಿ ಅರ್ಹತೆ ಪಡೆಯುತ್ತದೆ ಮತ್ತು ಪ್ರತಿ ದೇಶದ ಸ್ಥಳೀಯ ಚಲನಚಿತ್ರ ಮತ್ತು ದೂರದರ್ಶನ ಉದ್ಯಮಕ್ಕೆ ಲಭ್ಯವಿರುವ ಪ್ರಯೋಜನಗಳನ್ನು ಪಡೆಯಬಹುದು. ಅಂತಹ ಒಪ್ಪಂದಗಳಿಂದ ಪಡೆಯುವ ಪ್ರಯೋಜನಗಳಲ್ಲಿ ಸರ್ಕಾರದ ಆರ್ಥಿಕ ನೆರವು, ತೆರಿಗೆ ರಿಯಾಯಿತಿಗಳು ಮತ್ತು ದೇಶೀಯ ದೂರದರ್ಶನ ಪ್ರಸಾರ ಕೋಟಾಗಳಲ್ಲಿಸೇರ್ಪಡೆ ಸೇರಿವೆ.

ಭಾರತದಲ್ಲಿಅಧಿಕೃತ ಸಹ-ಉತ್ಪಾದನೆ ಮತ್ತು ವಿದೇಶಿ ಉತ್ಪಾದನೆಗಳಿಗೆ ವರ್ಧಿತ ಆರ್ಥಿಕ ಬೆಂಬಲ

ಭಾರತವು ಸಹ-ನಿರ್ಮಾಣ ಸೇರಿದಂತೆ ಭಾರತದಲ್ಲಿಚಲನಚಿತ್ರ ನಿರ್ಮಾಣಕ್ಕಾಗಿ ಪ್ರೋತ್ಸಾಹಕಗಳನ್ನು 12 ಪಟ್ಟು ಹೆಚ್ಚಿಸಿದೆ, ಗರಿಷ್ಠ ಪ್ರೋತ್ಸಾಹ 300 ದಶಲಕ್ಷ  ರೂ. ಆಗಿದೆ. ಅಧಿಕೃತ ಸಹ-ನಿರ್ಮಾಣಗಳಿಗೆ ಪ್ರೋತ್ಸಾಹಕ ಯೋಜನೆಯು ಭಾರತದಲ್ಲಿಮಾಡಿದ ವೆಚ್ಚದ ಶೇ.30ರವರೆಗೆ ಮರುಪಾವತಿಯನ್ನು ನೀಡುತ್ತದೆ, ಗರಿಷ್ಠ 300 ದಶಲಕ್ಷ  ರೂ. ವಿದೇಶಿ ಉತ್ಪಾದನೆಗಳಿಗಾಗಿ ಭಾರತದಲ್ಲಿ ಕೈಗೊಳ್ಳಲಾದ ಸೇವೆಗಳು ಗಮನಾರ್ಹ ಭಾರತೀಯ ವಿಷಯವನ್ನು ಪ್ರದರ್ಶಿಸಿದ್ದಕ್ಕಾಗಿ ಶೇ.5ರಷ್ಟು ಹೆಚ್ಚುವರಿ ಬೋನಸ್‌ಅನ್ನು ಗರಿಷ್ಠ 300 ದಶಲಕ್ಷ  ರೂ.ಗೆ ಒಳಪಟ್ಟು ಪಡೆಯಬಹುದು. ಶೇ.15 ಅಥವಾ ಅದಕ್ಕಿಂತ ಹೆಚ್ಚಿನ ಭಾರತೀಯ ಮಾನವಶಕ್ತಿಯನ್ನು ನೇಮಿಸಿಕೊಳ್ಳಲು ಇನ್ನೂ ಶೇ.5 ರಷ್ಟನ್ನು ಕೋರಬಹುದು, ಇದು ಮರುಪಾವತಿಯ ವೆಚ್ಚವನ್ನು ಶೇ. 40ಕ್ಕೆ ಹೆಚ್ಚಿಸುತ್ತದೆ.

ಈ ಸಂದರ್ಭದಲ್ಲಿ ಮಾತನಾಡಿದ ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ ಕಾರ್ಯದರ್ಶಿ, ಸಿನೆಮಾ, ಮಾಧ್ಯಮ ಮತ್ತು ಮನರಂಜನೆಯಲ್ಲಿಅತ್ಯುತ್ತಮವಾದಕ್ಕಾಗಿ ಜಾಗತಿಕ ವೇದಿಕೆಯಾಗಿ ಭಾರತದ ಮುಂಬರುವ ಪಾತ್ರದ ಬಗ್ಗೆ ಘೋಷಿಸಿದರು. ‘‘ನವೆಂಬರ್‌ 20ರಿಂದ, ಭಾರತವು ಗೋವಾದಲ್ಲಿಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವವನ್ನು (ಐಎಫ್‌ಎಫ್‌ಐ) ಆಯೋಜಿಸಲಿದೆ, ಇದು ವಿಶ್ವದಾದ್ಯಂತ ಮತ್ತು ಭಾರತದೊಳಗಿನ ಅತ್ಯುತ್ತಮ ಚಲನಚಿತ್ರಗಳನ್ನು ಪ್ರದರ್ಶಿಸುತ್ತದೆ,’’ ಎಂದು ಕಾರ್ಯದರ್ಶಿ ಹೇಳಿದರು.

2025ರ ಫೆಬ್ರವರಿಯಲ್ಲಿ, ಭಾರತವು ಬಹುನಿರೀಕ್ಷಿತ ವಿಶ್ವ ಆಡಿಯೊ ದೃಶ್ಯ ಮತ್ತು ಮನರಂಜನಾ ಶೃಂಗಸಭೆಯನ್ನು (ವೇವ್ಸ್) ಆಯೋಜಿಸಲಿದೆ, ಇದು ಸಾಂಪ್ರದಾಯಿಕ ಪ್ರಸಾರ, ಚಲನಚಿತ್ರಗಳು ಮತ್ತು ಹೊಸ ರೀತಿಯ ಮಾಧ್ಯಮ ಮತ್ತು ಮನರಂಜನೆಯ ಸಂಯೋಜನೆಗೆ ಸಾಕ್ಷಿಯಾಗಲಿದೆ, ಇದು ಉದ್ಯಮದ ಭವಿಷ್ಯದಲ್ಲಿ ಪ್ರಮುಖ ಕ್ಷಣವನ್ನು ಸೂಚಿಸುತ್ತದೆ ಎಂದು ಕಾರ್ಯದರ್ಶಿ ಒತ್ತಿ ಹೇಳಿದರು.

ಭಾರತ ಸರ್ಕಾರದ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಭಾಗವಹಿಸುವವರು -

1. ಡಾ. ಎಲ್‌. ಮುರುಗನ್‌, ಗೌರವಾನ್ವಿತ ವಾರ್ತಾ ಮತ್ತು ಪ್ರಸಾರ ಖಾತೆ ರಾಜ್ಯ ಸಚಿವರು
2. ಶ್ರೀ ಸಂಜಯ್‌ ಜಾಜು, ಕಾರ್ಯದರ್ಶಿ (ಐಬಿ)
3. ಶ್ರೀಮತಿ ನೀರಜಾ ಶೇಖರ್‌, ಹೆಚ್ಚುವರಿ ಕಾರ್ಯದರ್ಶಿ (ಐಬಿ)
4. ಶ್ರೀಮತಿ ವೃಂದಾ ಮನೋಹರ್‌ ದೇಸಾಯಿ, ಜಂಟಿ ಕಾರ್ಯದರ್ಶಿ (ಚಲನಚಿತ್ರಗಳು)
5. ಶಿಲ್ಪಾ ರಾವ್‌ ತನುಗು
ಲಾ, ನಿರ್ದೇಶಕಿ, (ಐಐಎಸ್‌, ಐಐಎಂಸಿ, ಸಿಆರ್‍ಎಸ್‌)

ಕೊಲಂಬಿಯಾ ಗಣರಾಜ್ಯದ ಸ್ಪರ್ಧಿಗಳು

1.ಗೌರವಾನ್ವಿತ ಶ್ರೀ ಜಾರ್ಜ್‌ ಎನ್ರಿಕ್‌ ರೋಜಾಸ್‌ ರೊಡ್ರಿಗಸ್‌, ಕೊಲಂಬಿಯಾ ಗಣರಾಜ್ಯದ ವಿದೇಶಾಂಗ ವ್ಯವಹಾರಗಳ ಉಪ ಸಚಿವರು (ನಿಯೋಗದ ಮುಖ್ಯಸ್ಥರು)
2.ಗೌರವಾನ್ವಿತ ಡಾ. ವಿಕ್ಟರ್‌ ಎಚ್‌. ಎಚೆವೆರಿ ಜರಾಮಿಲ್ಲೋ, ಭಾರತಕ್ಕೆ ಕೊಲಂಬಿಯಾ ಗಣರಾಜ್ಯದ ರಾಯಭಾರಿ
3. ಶ್ರೀ ಜುವಾನ್‌ ಕಾರ್ಲೋಸ್‌ ರೋಜಾಸ್‌, ಭಾರತದಲ್ಲಿನ ಕೊಲಂಬಿಯಾ ರಾಯಭಾರ ಕಚೇರಿಯ ಮಿಷನ್‌ನ ಉಪ ಮುಖ್ಯಸ್ಥ
4. ಶ್ರೀಮತಿ ಲಾರಾ ಮಾಂಟೆಜೊ ಎಸ್ಪಿಟಿಯಾ, ಪ್ರಥಮ ಕಾರ್ಯದರ್ಶಿ, ಕೊಲಂಬಿಯಾದ ವಿದೇಶಾಂಗ ವ್ಯವಹಾರಗಳ ಸಚಿವಾಲಯ
5.ಶ್ರೀಮತಿ ಅಲೆಜಾಂಡ್ರಾ ಮಾರಿಯಾ ರೊಡ್ರಿಗಸ್‌, ಎರಡನೇ ಕಾರ್ಯದರ್ಶಿ, ಭಾರತದ ಕೊಲಂಬಿಯಾ ರಾಯಭಾರ ಕಚೇರಿ
6. ಶ್ರೀಮತಿ ಮಿನ್ನಿ ಸಾಹ್ನಿ, ಸಂಪನ್ಮೂಲ ವ್ಯಕ್ತಿ.

*****