నాడు పోస్టు చేయడమైనది:
15 OCT 2024 5:09PM by PIB Hyderabad
‘మలబార్ విన్యాసాలు’ పేరిట వివిధ దేశాల ఉమ్మడి నౌకాదళ విన్యాసాల సముద్రప్రాంత దశ అక్టోబర్ 14న విశాఖపట్నంలో ప్రారంభమయ్యింది.
బంగాళాఖాతంలో జరుగుతున్న విన్యాసాల్లో భాగంగా- ఆస్ట్రేలియా, భారత్, జపాన్, అమెరికా దేశాలకు చెందిన యుద్ధనౌకలూ, హెలికాప్టర్లూ, సుదూరప్రాంతాల గస్తీ విమానాలూ చక్కని సమ్మేళనంతో కూడిన అత్యున్నత స్థాయి కౌశలాన్ని ప్రదర్శించాయి.
ప్రదర్శనలో భాగంగా- నీటిలో, నేలపై, నింగిల్లో వివిధ దేశాల దళాలు, సముద్ర యుద్ధ ఘట్టాలను ఆవిష్కరించే అనేక విన్యాసాలను ప్రదర్శిస్తాయి. సంక్లిష్టమైన ఈ విన్యాసాలు వివిధ దళాల మధ్య అవగాహననూ, సమన్వయాన్నీ పెంపొందించి, సంయుక్త దళంగా రూపుదిద్దుకునేందుకు దోహదపడతాయి. సముద్రజలాల్లో జరిగే విన్యాసాల్లో భారత నావికాదళానికి చెందిన జలాంతర్గాములు సహా, భాగస్వామ్య దేశాల ప్రత్యేక దళాల సంయుక్త ప్రదర్శనలూ ఉంటాయి.
ఈ దశ విన్యాసాలు భాగస్వామ్య దేశాల మధ్య సహకారాన్ని బలోపేతం చేసి, ప్రాదేశిక భద్రతకూ, ఇండో-పసిఫిక్ ప్రాంతంలో సుస్థిరతకు దారితీయగలవని భావిస్తున్నారు. అక్టోబర్ 18న సముద్ర విన్యాసాల దశ ముగింపుతో, ‘మలబార్ 2024’ ముగుస్తుంది.
***