পুম্নমকপু খুরমজরি,

অদোমগী ফ্রেতর্নিতীগা ঐহাক্কা য়াম্না শাংনা নক্নদুনা লাক্লি, ঐহাক নখোয়গী মরক্তা অমনি।

ঐহাক্না নখোয়গা লোইনবা ফংবসিদা অদুক্কী মতীক নুংঙাইজৈ। ঐহাক্না মসিবু অচৌবা খুদোংচাবা অমা ওইনা লৌই অমসুং অসিগুম্বা শক্তি লৈরবা লৈবাক অসিবু শেম্নবগীদমক লাক্লবা কাংলুপ অসিদা করিগুম্বা ৱাহৈ খরা থম্বগী তাঞ্জা অমা ফংবসি অদুক্কী মতীক নুংঙাইবা ফাওজৈ।

ইকাইখুম্নজরিবা মীথুংলেনশিং, মতীক চারবা মেম্বরশিং, অমসুং মফম অসিদা তিল্লিবা মীপুম খুদিংমক্কী মফমদা,

হৌদোকপগী থৌরম অসিদা শরুক য়াদুনা ময়ামগা লোইনবা ফংবা হায়বসি লৈবাক অসিগী শেন্মিৎলোনগা, লৈবাক অসিগী ইন্দস্ত্রীগা, লৈবাক অসিগী লল্লোন ইতীক্কা, লৈবাক অসিগী কম্মর্সকা, লৈবাক অসিগী প্রোফেসনেলশিংগা, অমসুং মরী লৈনবা খুদিংমক্কা শম্নহল্লি। অসিগুম্বা তাঙলবা খুদোংচাবা অসিগীদমক থাগৎপা ফোংদোকচরি।

চারতর্দ একাউন্তেন্তশিং অসি মীনা খঙনদবা থৌনা ফবশিংনি, অদুবু হৌজিক্তি মখোয়গী মরুওইবদু খঙনরক্লে। মমাংগী খঙনবীখিদ্রবা ৱারীশিং অসি খোঞ্জেল থোক্না হৌবা হেনগৎলক্তুনা লৈবাক অসিগী মীপুম খুদিংমক্কী নাকোং য়ৌরক্লে। অদোম্না ঐখোয়গী চাউখৎপগী লম্বীদা স্তেকহোল্দরশিংবু হেন্না মরী লৈনহল্লি অমসুং থাজবা হেনগৎহল্লি। খোঙজেল য়াঙনা চঙশিল্লক্লিবা গ্লোবেলাইজেসনগী ইরা অসিদা, শেন্মিৎলোন অমগা অমগা শম্নহনবা হায়বসি য়াম্না মরুওই। নখোয়গী ত্রেনিং, নখোয়গী হৈশিংবা, অমসুং খঙ হৈবশিংনা মরম ওইদুনা নখোয়না অশেংবা থোং অদু ওইরি, নখোয়না ময়াম্বু শেন্রি অমসুং ফাইনান্সিএল ইন্তিগ্রিতীগী গার্দিয়ানশিং ওইরি।

লাইরিক অদু ঐগী ইফমদা পীরকপা মতমদা, ঐহাক্না করি ইখি? ঐহাক্না তাকথোক্কনি। মনুং মপান ফাওনা উবা অমসুং থাজবা হায়বদুগী মৈঙাল ওইয়ু, অমসুং মদু নখোয়নি। মসিগী মনুং মপান ফাওনা উবা হায়বসি তঙাইফদবগী ৱা ঙাক নত্তে, মসি তৌদবা য়াদবা অমগী ৱা নত্তে। মসিনা ঐখোয়গী ফাইনান্সিএল সিস্তেমদা মতীক চাবা ফাইনান্সিএল এদভাইস অমসুং স্ত্রেতেজিক ইন্সাইত পীদুনা থাজবগী য়ূম্ফম ওইগদবনি। ঐহাক্না খঙই মদুদি মসি নখোয়তনা নহা ওইরিবা ওন্ত্রপ্রিন্যুরশিংবু খুৎশম্নবীদুনা পাঙথোকপা ঙমগনি। নখোয়না লল্লোন ইতীকশিংবু মশা খঙনা থবক পায়খৎহল্লি, করিগুম্বা মতমদনা অনৌবা ৱারেপশিং লৌহল্লি। নখোয়না মখোয়বু তুংগী য়েংহল্লি, অমসুং অসুম্না নখোয়না চাউখৎপা অমসুং ইন্নোভেসনগী কেতালিস্ত অমা ওইরি, মসিমক লৈঙাক্লোনগী অফবা য়ূম্বীশিংনি।

ভারতকী মশক থোকপা শেন্মিৎলোনগী খোঙচৎ অসিনা মালেম পুম্বদা শাফু পীরি। ঐখোয়গী শেন্মিৎলোন খঙহেন হেনগৎলক্লি, মসিনা লৈবাক অসিবু মালেমগী খ্বাইদগী চাউবা মঙাশুবা শেন্মিৎলোন ওইগদৌরি, জর্মনি অমসুং জাপান্দগী মাঙজিল থানা অহুমশুবা ওইগদৌরি, অদুবু ঐখোয়গী পান্দমদি খেন্নৈ, অমসুং প্রধান মন্ত্রীনা অসিগুম্বা মঙলান অসি মায়খুম হাংখ্রে। মঙলান অদুদি, ঐখোয় চাউখৎলবা লৈবাক অমা ওইবা তাই, চাউখৎলবা লৈবাক অমা হায়বসি মফম অসিদা লৈরিবা মীওই কাংলুপ অসিদগী হেন্না মমুৎ তানা খঙবা কনা লৈরোই।

শিংনবসি চাউই অদুবু ঐখোয়গী হ্যুমেন রিসোর্স অসি য়েংলগদি ফংবা য়াবদি ওই, অমসুং ঐখোয়না ঐখোয়গী পার কেপিতা ইঙ্কম্বু শরুক নিপান ৱাংখৎহনদুনা খোঙথাং অসি লৌখৎপা হৌখ্রে। শিংনবসি শোইদনা মায় পাক্কনি।

লৈবাক শীনবা থুংবদা অচৌবা হবন অমা পাঙথোকখ্রে। হায়রিবা হবন অসি চাউখৎলবা ভারত অমগীনি। মসিগী পান্দম অসি ভারতপু ২০৪৭ ফাওবদা চাউখৎলবা লৈবাক অমা ওইনবগীদমক্তনি। মীপুম খুদিংমক্কী কত্থোকপদু হবন অসিদা তঙাইফদনা চঙই, ঐহাক্না চিংনবা লৈতে মদুদি করিগুম্বা মীপুম খুদিংমক্না মপুং ফানা কত্থোক্লবদি, মদু নখোয়গী ফ্রেতর্নিতী অসি ওইগনি।

ঐখোয়না ৱার্ল্দ বেঙ্ককী ইজ ওব দুইং বিজিনেসকী রেঙ্কিংদা মশক থোক্না ৱাংখৎলে অমসুং মসি তোঙান-তোঙানবা স্তেকহোল্দরশিংগী থৌনানি, য়াম্না মরু ওইনা চারতর্দ একাউন্তেন্তশিংগী ফ্রেতর্নিতীগী থৌনাগী খুদমনি।

নুংশিজরবা মরুপশিং, চহি ৫,০০০গী সিভিলাইজেসনগী ইথো লৈবা লৈবাক অসি ঐখোয়না মালেমদা অমত্তা ঙাইরবা লৈবাকনি। ঐখোয়গী ঈদা ইথিক্স য়াওরি, ইথিক্স হায়বসি ঐখোয়গী দি.এন.এ.দা য়াওরি, অমসুং নখোয়না ঐঙোন্দগী হেন্না খঙলবনি মদুদি একাউন্তিং অমসুং ওদিতিংদা ইথিক্স হায়বসিনা থাজবা অমসুং দিমান্দগী মরুওইবা পোৎচঙ অমনি। মসিদা শেমদোক শেমজিন অমত্তা লৈতে, মসিদি ১০০% ওইগদবনি। মসি ওপ্সনেল অমা নত্তে, মসিনা অমত্তা ঙাইরবা মচাকনি।

হৌজিক্কী দিজিতেলগী য়ুগ অসিদা, একাউন্তিং অমসুং ওদিতিংগী লেন্দস্কেপ অসি খোঙজেল য়াঙনা হৌগৎলক্লি। ভারতনা অসিগুম্বা অরুবা মফমদা চঙশিল্লিবা লৈবাক অমা ওইরি হায়বসি তাবদা নখোয় হরাওগনি।

ঙরাংতদা, রিজর্ব বেঙ্ক ওব ইন্দিয়াগী গবর্নরনা মফম অসিদা চেকশিন ৱা থম্লিবসি তাকখ্রে। ঐখোয়না আর্তিফিসিএল ইন্তেলিজেন্সনা ফাজিনহনবগী মহুত্তা ঐখোয়গী খুত্তা থমগদবনি। আর্তিফিসিএল ইন্তেলিজেন্স অমসুং মসিগা মান্নবশিং অসি শিংনবা অমসুং খুদোংচাবনি, ঐখোয়না শিংনবশিং অসি খুদোংচাবদা ওন্থোক্কদবনি। ঐহাক্না চিংনবা লৈতে মদুদি ওর্গানাইজেসনশিংনা হীরম অসিগী মতাংদা খোং থাংজিল্লক্কনি থাজৈ।

ভারতকী একাউন্তিং স্তেন্দার্দপু মালেমগী ফাইনান্সিএল রিপোর্তিং স্তেদার্দকা চুশিন্নহনবা হায়বসি অচৌবা খোঙথাং অমনি, মসিগীদমক ঐহাক্না নখোয়বু হরাওবা ফোঙদোকচরি। চারতর্দ একাউন্তেন্তশিং অসি মশীং খক্তমক নত্তে। ঐহাক্না উকিল অমা ওইরিঙৈ মতমগী থৌদোক অমা নীংশিংলি, মখোয়না হায়নৈ মদুদি, চারতর্দ একাউন্তেন্সী পাস তৌবা হায়বসি য়াম্না লুরম্মি, উকিলদনা ফেল ওইবা য়াম্না লুই, অদুবু হৌজিক্তি ফিভম অসি য়াম্না হোংলে, অমসুং লিগেল এজুকেসন হায়বসি নখোয়গুম্না য়াম্না প্রোফেসনেল ওইরে, ঐহাক্না হায়রিবসি ঐহাক্কী মতমগী ৱারীনি।

চারতর্দ একাউন্তেন্তশিং অসি মশীং হোৎনবখক নত্তে। নখোয়গী থবক অসি মেকানিকেল ওইদে, ঐহাক্তি নখোয়গী থবক অসি ইমোতিব ওই হায়নিংই মরমদি করিগুম্বা মতমদা ইন্দস্ত্রিগী য়ুমশিং অমসুং ঐখোয়গী লৈবাক্তা, মখোয় অসি পার্তনরশিপ্না পুবা নৎত্রগা ইমুং মনুংনা পুবা ওই। কনাগুম্বা অমনা ঐহাকপু হায়বী, ঐহাক্না ইন্তর্নেসনেল কোর্ত ওব আর্বিত্রেসনগী পেরিসতা মেম্বর ওইরিঙৈ মতমদা, ঐহাক্কী ইফমদা তাকপীখি মদুদি ভারত্তা কোর্পোরেতকী অখন্নবা ৱাখল্লোন অমা লৈ, অমসুং মদু ফেমিলি কোর্পোরেত অসিনি। নখোয়না মসি য়াইফনা থম্বা মথৌ তাই, মসি মুত্তনবা হোৎনগদবনি।

মসি মপাঙ্গল কনবা, মনুং মপান ফাওনা উবা, অমসুং মশক থোকপা শেন্মিৎলোন অমা শেমগৎনবা হোৎনবদা মথৌ তাই। হৌজিক্তি, ঐখোয়গী ওইনা শীংনবশিং অসি খেন্নরে, মরমদি ঐখোয়না মমাংদা লৈরমদবগুম চাউখৎলক্লি, অমসুং ঐখোয়না ৱাংখৎলক্লিবা অসি লেপ্পা য়ারোইদৌরি।

অহানবদা ঐহাক্না হায়জনিংই মদুদি শেন্মিতলোনগী য়েংবদা অপুনবগী মশক অমা তঙাইফদনা চঙই। মসি ঐহাক্না লৌশিনবদা নখোয় খুদিংমক্না পাম্নরমগনি খল্লি মরমদি মসিদা কা হেন্না শন্দোক্না তাকপগী মরম লৈতে। ঐখোয়না পিরামিদিকেল ওইবা ইয়ারোই, ঐখোয় প্লেত্যু ওইগদবনি, মসি ঐখোয়গী নাৎনি। ঐখোয়না মীপুম খুদিংমকপু ঐখোয়গা লোইননা পুগদবনি। মসিনা মরম ওইদুননি জি ২০দা ঐখোয়না মালেমদা মোত্তো অমা পীখ্রিবসিঃ মালেম অমা, ইমুং অমা, তুংলমচৎ অমা 'বাসুধাইব কুতুম্বকম'।

ঐখোয়গী জাতিগী ৱারীদা অসিগুম্বা জাতিগী ওইবা মঙলান অমা তঙাইফদনা চংই, মসিগী মরমদি ঙসিদি হান্নদগী হেন্না, ঐখোয়না ঐখোয়গী মীয়াম অসি হেন্না জাতি নুংশিবা পোকহনবা তঙাইফদে। লৈবাক অসিদা মতৌ করম্না পার্তিসানগী অপাম্বা, ইশাগী অপাম্বা, ফিদ্যুসিয়ারীগী অপাম্বা, ইশাগী অপাম্বনা জাতিগী অপাম্বদগী মাংজিল থাহল্লিবনো? মসি ঐখোয়না তোইনা উরি। নখোয়না মায়কৈ অসিদা লুচিংবা ঙমগনি। শিংনবা কয়া থেংনরবা মতউংদা, ঐখোয়না শাংনা মালেমগী খ্বাইদগী য়াঙবা শেন্মিৎলোন ওইবা ঙম্লক্লি। অসুম্না ৱাংখৎলকপনা, ইন্তর্নেল অমসুং এক্সতর্নেলগী ওইবা শিংনবশিং অসি হেনগৎলক্লিবনি।

ঐহাক পার্লিয়ামেন্ততা ১৯৮৯দা মীখলদা খনখি, অমসুং ঐহাক্না মতম অদুগী ফিভম অদু খঙবা ঙম্মি। ঐখোয়গী ফোরেন এক্সচেঞ্জ রিজর্ব অসি নখোয়না হেন্না খঙলম্লগনি, য়ু.এস. দোল্লার বিলিয়ন ১ ওইখি। শনাগী উচেক হায়না খঙনরম্বা লৈবাক অসিগী শনা অদু স্বিতজর্লেন্দগী বেঙ্ক অনিদা কাইথোক্লম্মি। মদু ঐখোয়গী থাজবা হেনগৎনবা নোংথক্তা পুরকখ্রে, অমসুং মসি মীকুপ অসিগী ওইনা কয়াদা চাউথোকচনিংঙাই ওইরিবা! ঐখোয়গী ফোরেন এক্সচেঞ্জ রিজর্বসু ৭০০ বিলিয়ন্দগী হেল্লে। মসি অচৌবা মায় পাকপা অমনি।

মরম অসিনা, ঐহাক্না কোকহনগদবা খ্বাইদগী চাউবা শিংনবসি ঙসি নোংমা নোংমগী হেনগৎলক্লিবা শিংনবশিং অসিনি। শিংনবসি ঙসিদি অৱাবা ফিভম অমা য়ৌশিল্লক্লে, মসি য়াম্না নুংনাংনিংঙাই ওইরক্লি। মরম অসিনা ঐখোয়না জাত বিজাতি, মচু, নাত, থাজবগী ৱাংবদা অপুনবা ওইনা হোৎনগদবনি।

ঐখোয়না পুম্নমকসি লৌশিল্লি। ঐখোয় অয়াম্বনা মসিবু কোনশিল্লি, ঐখোয়না অমত্তা ওইনা নুংঙাইবা ফিভম অমা শেমগৎনবা হোৎনগদবনি। খেন্নবসি হৌজিক্তি চাউখৎলক্লে।

মরুপশিং, অসিগুম্বা য়াম্না চাউবা সিভিলাইজেসন লৈবা, মীওইবা খুনাইগী শরুক তরুক থোকপগী অমা ওইরিবা, অমসুং মালেমদা অখন্নবা মীওই কয়াগী হৌরকফম ওইনা খঙনরিবা স্তেত ভারত অমগী প্রজা অমা ওইনা, ঐখোয়না অখুবা পেরোকিএল দিভিজন থাদোক্কদবনি। জাতিগী খনবা প্রজা অমনা খেন্নবশিং অসিবু কোনশিনবদা অৱাবা ওইরোই, মহাক্না লৈবাক অসিগী মশেক নাইরবা পুৱারীবু মহাক্কী থাজবা ওইনা হরাওবা পোক্কনি মরমদি মসি ঐখোয়গী মান্নবা নাতকী লন্নি।

ঐগী মাংদা লৈরিবা মীয়াম অসি অসিগুম্বা চাউরবা ৱারী অসিগী ময়োলনি। অসিগুম্বা অপুনবসিনা শেন্মিৎলোন চাউখৎপগী হৌরকফম্নি। ঐখোয়না য়াম্না চাউখৎপা হেল্লক্লি, ঐখোয়গী ইনফ্রাস্ত্রকচরদা চাউখৎপগী খোঙচৎ অসিদা মালেম্না অঙকপা পোক্লি। মালেমগী ইন্সতিত্যুসনশিং, আই.এম.এফ., ৱার্ল্দ বেঙ্কনা ভারতপু মরম কয়াগীদমক থাগৎনরি, দিজিতাইজেসন্না মরুওইনা লৌরি, অদুবু অসিগুম্বা শেন্মিৎলোনগী চাউখৎপা অসি খুনাইগী অপুনবগী মশক অসিদা য়ৈখাই থিনগাইবা পীরকপা মতমদা কাইগতল্লি। মসি ঐখোয়না মুন্না খঙজিনগদবনি।

কনাগুম্বা অমত্তনা আইনবু মখুৎতা পায়বা য়ারোই। মসি পুম্নমক্কীনি, মীওই খরনা আইনগী মথক্তা লৈ হায়না খনবা মতম অমা লৈখি। মখোয়দা আইনা করিগুম্বা অকায়বা অমত্তা পীবা ঙমদে, আইন্না মখোয়দা য়ৌবা ঙমদে, মদুনা মখোয়দা কান্নবা কয়া পীরম্মি। অহোংবসি লাক্লবা ফাওবদা, ঙসিসু ঐখোয়না অদুবুম্বা মীওইশিং অদুনা কন্সিত্যুসনেল পোস্ত পায়না পায়না আইনবু থওইদে, লৈবাক অসিগীদমক খন্দে, মখোয়না ঙাংনিংবা ঙাংই। মসি ফত্তবা খুদম অমা ওইনা হৌরক্লি। অদুনা নখোয়না হোৎনরিবশিং অদুনা ঙসিদি ভারতকী মীপুম খুদিংমক্না হরাওবা ঙম্লি, কনাগুম্বা মীওই খরনা মসিবু থুগাইনবা হোৎনরি। মখোয়না ঐখোয়গী চাউখৎপা অসিবু লৌশিনবা ঙমদে। ঐখোয়দি রাজনিতীগী শক্তিগীদমক খন্দে, রাজনিতীগী শক্তিদি মীয়ামদগী লাক্কদবনি। মসি গনতন্ত্রগী থৌওংগা লোইননা মীয়ামদগী হৌরক্কদবনি।

ঐহাক্না নখোয়দা আপিল অমা তৌজনিংই মরমদি নখোয়না পায়বা ঙমগদবসি শেন্মিৎলোন ইনোৎ অসিনি। লৈবাক অসিগী মরাইবকসি য়েংসি, ফোরেন এক্সচেঞ্জ বিলিয়ন কয়া চহি খুদিংগী কান্নদবা ফুরিত, খোংগ্রাও, খোংউপ, কার্পেত, ফর্নিচর, তেলঙ্গা, দিয়া, শান্নপোৎশিংদা মাঙহল্লি। ঐখোয়দা পোৎলম অহুমদা অৱাবা থেংনরি।

ঐখোনা ঐখোয়গী মীয়াম্বু থবক ফংহনবা ঙমদ্রি, ঐখোয়না ফোরেন এক্সচেঞ্জ মাঙহল্লি, ঐখোয়না ওন্ত্রপ্রিন্যুরশিপ তপহল্লি। হৌজিক মপান্দগী পুশিল্লক্ত্রসু য়াবা পোৎশিং অসি কনানা পুশিল্লক্লি? লৈবাক্কী অপাম্বদগী মশাগী কান্নবনা হান্না মমাং থাবা মীওইশিংনা তৌরি।

ঐহাক্না নখোয়দা আপিল তৌজরি, অদোমগী ফ্রেতর্নিতীনা য়াম্না চাউবা থৌদাং লৌবা ঙমগনি, মসিনা লৈবা অসিগী অচৌবা সেবা ওইগনি।

অনিশুবদা, লৈবাক অসিদগী রো মতিরিএলশিং মপান্দা পুথোকখিবা মতমদা কনাগুম্বা অমত্তনা, নখোয়দগী হেন্না খঙবা ঙম্লোই। য়োৎকী ওর হায়বসি পেরাদিপ পোর্ত্তা পুরি। ঐখোয়না মালেমদা লাউথোক্লি মদুদি মসিগী ভেল্যু হাপচিনবা ঙমদে। ভেল্যু হাপচিনবা য়াওদনা করম্না লৈবাক অসিগী শমুদ্র খোঙবালদগী রো মতিরিএলশিং চৎখিগদৌরিবনো? ঐখোয়না ভেল্যু হাপচিনবা তারবদি, ঐখোয়না থবক পীগনি, ওন্ত্রপ্রিন্যুরশিপনা হৌবা ঙমগ্নি। মসিদা নখোয়গী অচৌবা থৌদাং লৈরি, মসিগী থৌদাং অসি নখোয় নত্তনা কনাগুম্বা অমত্তা লৌবা ঙম্লোই।

মরুপশিং, মহৌশাগী রিসোর্সশিংবু চাং চানা শীজিন্নবা হায়বসি নখোয়না য়েংশিনগদবনি। ঐখোয়গী শেন্মিৎলোনগী শক্তি ওইরিবা, ঐখোয়গী ফাইনান্সিএলগী পাঙ্গল অসিনা কনানা মহৌশাগী রিসোর্সপু করম্না শীজিন্নগদগে হায়বদু লেপ্পা য়ারোই। মখোয়না ত্রস্তীনি। ঐখোয় মসিদা মীৎয়েং চঙশি।

মরুপশিং, অসিগুম্বা আউৎফিত অসিনা মালেমগী থাক্তা লৈরকপা হায়বসি য়াম্না হরাওই, অহোংবগী মতাংদা ঙাংবা তারবদি ঐখোয়না ESG ওদিতকী দিমান্দ হেনগৎলক্লিবা অসি লৌশিনগদবিনি।

ঐহাক্কী ইফমদা চিংনবা লৈতে মদুদি, মীপুম খুদিংমক, নুপীমচাশিং খুদিংমকনা খুদক্তা য়াগনি। মালেম অসি নত্তনা অতোপ্পা ঐখোয়না হিংবা য়াবা গ্রহ অমত্তা লৈতে। ঐখোয়না মসি তুংগী মীরোলদা পীরমগদবনি, অদুসু শেমজিনবা য়াবা মওংদা, ঐখোয়না মসিবু মাঙহনবা য়াবা মওংদা মাঙহনবীরে।

তুং কোইনা চৎপা শেন্মিৎলোন অমা শেম্বা ঙম্বা মীওইশিংগী মমাংদনি ঐহাক্না হৌজিক লৈরিবসি। মালেমগী শেন্মিৎলোনশিংনা শেম শারে, মরমদি মখোয়না রিসর্চ অমসুং দিবেলপমেন্ততা থাদরি।

সি.এস.আর.না ইনোৎ হাপ্পা ঙমগদবনি। অদোম্না লৈবাক অসিবু মালেমগী মমাংদা থাংগৎপা ঙমগদবা রিসর্চ শেমগৎকদবনি। রিসর্চ অমসুং ইন্নোভেসন্দদি ঐখোয়না অতোপ্পশিংদগী মাংজিল থারি, মসিনা ঐখোয়গী দিপ্লোমেসিদা খুমাং চাউশিলহল্লি। ঐহাক্না মসি হায়রিবগী মরমদি ওর্গানাইজরশিংনা য়াম্না হৈশিংনা কনফরেন্স অসিগী থিম অমা পীখ্রে।

'সিন্থেসাইজিং দি প্রোফেসন' মসিনি তঙাইফদ্রিবসি। ঐখোয়না তুননা চৎকদবনি, ঐখোয়না পাঙ্গল শীজিন্নগদবনি, ঐখোয়না শুংগদবনি। ঐখোয়না অমত্তা ওইনা হোৎনগদবনি। ঐখোয় পুম্নমক স্তেকহোল্দরনি, মরমদি ঐখোয়না ইরোইরি নৎত্রগা লুপমিন্নরি।

ঐহাক্না চিংনদে মদুদি চারতর্দ একাউন্তেন্তশিং অসিনা অহোংবগী নর্ব সেন্তর অমসুং ইপিসেন্তরনি। নখোয়না থাজবা অহোংবদু নখোয়না পুরকপা ঙমগনি। আইনগী থবক থৈদোকপগী ফিভম অমত্তা লৈগনি হায়বগী চিংনবা লৈতে। চারতর্দ একাউন্তেন্তশিংনা অতোপ্পা অমা য়েংখিদ্রবদি মসিদা মনুং মপান ফাওনা উরোইদবা অমত্তা লৈতে। মেনেজমেন্ত অমসুং স্তেকহোল্দর, শেয়রহোল্দরগী মরক্তা লৈরিবা খেন্নবা অসি মমুত তানা খঙগদবনি। স্তেকহোল্দর, শেয়রহোল্দরগী থাজবা অসি নখোয়গী খুত্তা লৈরে। মসি নখোয়গী ফিরেপনি।

শেঞ্জা থুমজা, মেলফংসন হাংদোকপা, অমসুং কোর্পোরেত ফ্রোদশিং খঙদোকপদা লৈরিবা নখোয়গী থৌদাং অসি ইনভেস্তিগেতিং এজেন্সীগী ৱাংমদনি। মখোয়না মসি তমশিনগদবনি, মরমদি নখোয়দি মসি ঙানুনা তুরেল লানবগা চপ মাননা খঙলবনি। ইনভেস্তিগেতিং এজেন্সীশিংনা তমগদবনি, মখোয়না নখোয়দগী তমগদবনি, মসিনি ঐখোয়না মীৎয়েং চঙগদবসি।

তেক্স ইভেজন অমসুং ফাইনান্সিএল ফ্রোদ হায়বসি মখোয়না খরদি মতেং পাংলম্বা য়াই, অদুবু হৌজিকান্দি কনাগুম্বা অমত্তা মতেং পাংদ্রে। আইনগী শাংলবা মখুৎসিনা লৈবাক অসিবু সেবা তৌনবা হোৎনরি। নখোয়দি কস্তদিয়ানশিংনি অমসুং মরম অসিনা মসিগী থৌদাং অসিদগী করিগুম্বা মওং অমত্তদা মীকুপ অমত্তং থাদোকপা য়াদ্রবনি। মসি নখোয়গী থাক্তুনা পীবা থৌদাং নত্তে, মসি নশাদগী থোকপা অমসুং লৈবাক অসিগী নাগরিক অমা ওইনা থোকপা থৌদাংনি, মরম অসিনা চানবীদুনা হীরম অসিদা হোৎনবীয়ু।

মরুপশিং, ঐহাক্না খুদোংচাবা অসি লৌজনিংই মরমদি, ঐহাক্না নখোয়বু চারতর্দ একাউন্তেন্ত হায়বসিদগী হেন্না লৌজৈ। ঐহাক্না নখোয়বু লৈবাক অসিগী থৌদাং য়াম্না চাউবা নাগরিক অমনি হায়না লৌজৈ। ভারত হায়বা ইন্দিয়া অসি তংদু লৈতানা লৈরক্লিবা মালেমগী শাফু অমনি। হায়রিবা শাফু অসি হেন্না হেনগৎহনগদবনি, চহি চা অসি ভারতকীনি, অমসুং মসি মীওইবা খুনাই অসিগী ফনবগীদমক্তনি, মসিনা গ্রহ অসিগী শান্তি অমসুং নুংশি চানবদা শরুক তমগনি। মরম অসিনা, ঐখোয়না নিলসনগী মীৎয়েংবু লৈবাক অসিদা লৈরিবা দিমোগ্রাফিক্কী চরাংনবশিং সইদা য়েংলবদি অৱাবা ওইগনি। ওর্গানিক, নেচরেল দিমোগ্রাফিক্কী অহোংবা হায়বসি কৈদৌনুংদা হোংদে, অদুবু দিমোগ্রাফিক্কী অহোংবা হায়বসি স্ত্রেতেজিক ওইবা মওংদা পুরকই।

হৌখিবা চহি খরসিদা লাক্লিবা অহোংবশিং অসি নৈনবনা মীত পাংহনবা ঙমগনি। রাজ্য অমা হেক্তা লৌশিনলু, নখোয়না দিমোগ্রাফিক্কী ওইবা অহোংবশিং অসি পেতর্ন অমদা উবা ফংগনি। মদুগী পেতর্ন অদুনা ঐখোয়গী ভেল্যুদা, ঐখোয়গী সিভিলাইজেসনগী ইথোসতা, ঐখোয়গী গনতন্ত্রগা শিংনবা পীরি। করিগুম্বা মসিগী চাউনা অৱাবা ওইরিবা শিংনবসি য়েংশিলহৌদ্রবদি মসিনা হিংবদা অৱাবা শোইদনা পীগনি। মসি মালেম পুম্বদা থোকখ্রে। দিমোগ্রাফিক দিসওর্দরনা মরম ওইদুনা ১০০% মশাগী মশক মাঙখ্রবা লৈবাকশিং অসি মমিং পঞ্জররোই। দিমোগ্রাফিক দিসওর্দর অসি ন্যুক্লিয়র বোম্বদগী তাদনা শাথিবা অমনি। নহা ওইরিবা নুপামচা, নুপীমচা চারতর্দ একাউন্তেন্ত খুদিংমক্না চেকশিনগদবদি ঐহাক্না হায়রিবা ৱাফম অসি চাউরাক্না হায়রবনি। মালেমগী থাক্তা য়েংবা মতমদা নখোয়না মীওইবগী হক, মীওইবগী মমল, গনতন্ত্রনা অরোইবা মশক ওইগনি।

লৈবাক খরদা, চাউখৎলবা লৈবাকশিংদা ফাওবনা মৈশা ফংনরি, অদুবু ঐখোয়গী লৈবাক অসিদদি, ঐখোয়না শাথিবা সমশ্যাশিং অসি থেংনবা মতমদা, তোঙান-তোঙানবা থাক্তা ৱারী শানরি। ঐখোয় খুদিংমক্না মসি থোকহন্দনবা ২৪X৭ হোৎনগদবনি। চীনবুং ৱাহৈ অমা লৈ, করিগুম্বা নখোয়না অরানবা লম্বী অমদা চৎলুরবদি, নখোয় অচুম্বা লম্বীদু ফংবা ঙম্লরোই। অহানবদা নখোয় চপ লেপকদবনি অমসুং হন্ননবা খনগবনি। হনবদা থেংলিবমখৈ, অৱাবদা অসুম লুপ্লবনি।

ঐখোয়গী নাত্তা য়েংশি, ঐখোয়গী ইনক্লুসিবিতী, অমসুং অপুনবনা নুংশিনবা, অফবা খুনাইগী ওর্দর ওইরি। ঐখোয়না খুৎ লাউনা তিংথোক্তুনা লৈরি, অদুগা হৌজিক্তি করি ওইরে?

ঐহাক চাউরাক্না হায়জগে, দিমোগ্রাফিক দিসলোকেসন হায়বসিনা মীখল লাকপা মতমদা গনতন্ত্রদা রাজনিতীগী ওইবা পল অমা ওইরে। ঐখোয়না অসিগুম্বা অহোংবা অসি লৈবাক অসিদা উবা ফংখ্রে। গনতন্ত্রগী ৱাহন্থোক লৈতে, মীখলগী ৱাহন্থোক অমত্তা লৈতে। খনখ্রবা মীশকশিংনা লোইশিনবা ঙমদনা মাঙখিনি, অমসুং লৈবাক অসিদা অসিগুম্বা ফিভম অসি হেনগৎলক্লি। ঐখোয়না মসিগুম্বা খুদোংথিবসি ঙাকথোক্নবা হিংগদবনি। চহি ৫০০০গী সিভিলাইজেসনগী ইথোস লৈবা তুংগী মীরোলগীদমক হোৎনরমগদবনি, ঐখোয়না মসিবু ঐখোয়গী মীৎমাংদা মাঙহনখিবদা য়েংদুনা লৈরোইদবনি। মরম অসিনা চানবীদুনা মসিগীদমক খনবীয়ু।

মসি হিংচাবনি হায়না ঐহাক্না হায়জনিংই, অসিগুম্বা হিংচাবসিদি শেন্নবীদে, মসিবু ঐখোয়না অশিনবনি হায়না লৌনরিবা মীয়াম্না য়োকখৎলি। রাজনিতিদা লৈবা খরদি জাতিগী অপাম্ববু নোঙানবগী পাউচেগী মমাইগীদমক কত্থোকপদা অকিবা ফাওদে।

মরুপশিং, ঐহাক্না চিংনবা লৈতে, মদুদি নখোয় খুদিংমক্না লমদম অসিগী ফিভম অসি হোংহন্নবা হোৎনরক্লিবশিং অসি ঐখোয়গী হৌরকফম অমসুং তঙাইফদবশিং অদু কনবা হোৎনদুনা মাংহনগদবনি। ঐখোয়না এনার্কি য়োকখৎনবা হোৎনবদা মায় পাক্লবা খরা উবা ফংলে। মসি মখোয়না দিজাইন অমা ওইনা লৌরি। মখোয়না ৱারী কয়া শন্দোক্লি। অদুগুম্বা ৱারী অদুদা মশা পান্দুনা পুরি। মসি য়েংশিনবীদে।

ঐহাক্না নখোয় পুম্নমক্তা মসি খঙনবা আপিল তৌজরি। ভারতকী ত্রিলিয়ন ৫গী শেন্মিৎলোন অসি ঐখোয়না ফংগদবা খজিক্তা ঙাইরে। ঐখোয়না তৌগদবা থবক কয়া অমা মথং মথং লাক্লগনি।

ঐহাক্না খল্লি, করিগুম্বা ঐহাক্না ঐহাক্কী ৱাখল্লোন অসি অহোংবা পুরকপা ঙম্বা মীওইশিংদা লান্থোক্ত্রবদি অমসুং পুন্সিদা অহোংবা হায়বসিনা অমত্তা ঙাইরবা লেঙদবা পোৎশকনি, অমসুং ঐখোয়না ইশা খঙদনা হোংলোইদবনি, ঐখোয়না অহোংবগী আর্কিতেক্ত ওইগদনি, ঐখোয়না অহোংবা হায়বদু পুরক্কদবনি।

ঐখোয়না থাজবা অহোংবদু পুরক্লসি। ঐখোয়না ঐখোয়গী সিভিলাইজেসনগী ইথোসতা চুনবা অহোংবা অদু ইনোৎ হাপ্লসি। নখোয়না মতম পীবীবগীদমক ঐহাক অদুক্কী মতীক হরাওবা ফাওই।

অমুক্কা হন্না থাগৎচরি।

*****