భారత తీరరక్షక దళం 26వ డైరెక్టర్ జనరల్ గా డీజీ పరమేశ్ శివమణి బాధ్యతలు స్వీకరించారు. మూడున్నర దశాబ్దాల ఉద్యోగ జీవితంలో ఫ్లాగ్ ఆఫీసర్ శివమణి అటు తీరప్రాంతాల్లో, ఇటు నీటిపై, వివిధ హోదాల్లో అత్యున్నత స్థాయి సేవలందించారు.

నౌకాయానం, నిర్దేశనాల్లో విశేష ప్రతిభ కలిగిన డీజీ పరమేశ్ శివమణి... భారత తీరప్రాంత రక్షకదళానికి చెందిన అత్యాధునిక గస్తీ నౌక ‘సమర్’, ‘విష్వస్త్’ సహా అన్ని భారీ నౌకలకు నేతృత్వం వహించారు. న్యూఢిల్లీ నేషనల్ డిఫెన్స్ కాలేజ్, వెలింగ్టన్ డిఫెన్స్ సర్వీసెస్ స్టాఫ్ కాలేజీల్లో విద్యనభ్యసించిన ఆయన, తూర్పు, పశ్చిమ ప్రాంతాల కోస్ట్ గార్డుల్లో అత్యున్నత స్థాయి అధికారిగా, ఈస్టర్న్ సీబోర్డ్ కోస్ట్ గార్డ్ కమాండర్ గా సైతం సేవలందించారు.

2022 సెప్టెంబర్ లో అడిషనల్ డైరెక్టర్ గా పదోన్నతి పొందిన పరమేశ్ శివమణి, ఢిల్లీలోని తీరరక్షక దళ కార్యాలయానికి బదిలీ అయ్యారు. 2024 లో ఆయన కోస్ట్ గార్డ్ డైరెక్టర్ జనరల్ గా అదనపు బాధ్యతలను నిర్వర్తించారు.

2022 సెప్టెంబర్-2024 ఆగస్ట్ మధ్య కాలంలో కోట్లాది రూపాయలు విలువ చేసే మాదకద్రవ్యాలూ, బంగారం పట్టివేత, తీవ్రమైన తుఫాన్లలో చిక్కుకున్న నావికుల రక్షణ, విదేశీ తీరరక్షక దళాలతో సంయుక్త సైనిక విన్యాసాలూ, అడవి జంతువుల అక్రమ వేట నిరోధం, తుఫాన్లు, ప్రకృతి వైపరీత్యాల సమయంలో మానవతా సహాయం, తీరప్రాంత భద్రతా చర్యల నిర్వహణల్లో భాగమై.... అనేక కీలక బాధ్యతలను నిర్వహించారు.

అత్యుత్తమ స్థాయి సేవలందించినందుకు గుర్తింపుగా 2014 లో ‘తత్రక్షక్’ పతకం, 2019 లో ‘రాష్ట్రపతి తత్రక్షక్’ పతకాలను అందుకున్నారు. 2012లో డీజీ కోస్ట్ గార్డ్ పురస్కారం, 2009లో తూర్పు ప్రాంత ఫ్లాగ్ ఆఫీసర్ కమాండింగ్-ఇన్-చీఫ్ పురస్కారాన్నీ అందుకున్నారు.

***