দি.জি. পরমেশ শিবমনিনা ইন্দিয়ন কোস্ত গার্দ (আই.সি.জি.)গী ২৬শুবা দিরেক্তর জেনরেল ওইরে। ফ্লেগ ওফিসর অসিনা মহাক্না চহি কুন্থ্রা মঙা হেন্না পায়রম্বা মতমদা কংফাল অমসুং ঈশিং অনিমক্তা তোঙান-তোঙানবা থৌদাং কয়া পুরম্মি।

দি.জি. পরমেশ শিবমনি নেভিগেসন অমসুং দিরেক্সন্দা কা হেন্না খঙ হৈ অমসুং মহাক্কী শমুদ্রগী কমান্দশিংদা আই.সি.জি.গী মরুওইবা জহাজশিংগী মরক্তা ওফসোর পেত্রোল ভেসেল 'সামার' অমসুং ওফসোর পেত্রোল ভেসেল 'বিস্বাস্ত' য়াওনা মরুওইবা খুদিংমক চল্লি। ফ্লেগ ওফিসর অসিনা কোস্ত গার্দ রিজন (নোংপোক), কোস্ত গার্দ রিজন (নোংচুপ), কোস্ত গার্দ কম্মান্দর (ইস্তর্ন সীবোর্দ)কী মফমশিংদা থৌ পুরম্মি। মহাক নেসনেল দিফেন্স কোলেজ, ন্যু দিল্লী অমসুং দিফেন্স সর্ভিস স্তাফ কোলেজ, ৱেলিংতনগী এলুম্নস অমনি।

দি.জি. পরমেশ শিবমনিবু সেপ্তেম্বর ২০২২দা এদিসনেল দিরেক্তর জেনরেলগী ফম পীখি, অমসুং মসিগী মতুংদা মহাক কোস্ত গার্দ হেদক্বার্তর, নৈ দিল্লীদা পুখি। মহাক দিরেক্তর জেনরেল কোস্ত গার্দকী অহেনবা থৌ ওগস্ত ২০২৪দা শিনখি।

মহাক্কী মতমদা, মশক থোকপা ওপরেসন অমসুং এক্সর্সাইজ কয়া অমা লোইশিনখি মসিদা নিশা/নার্কোতিক্সকী পোৎলমশিং অমসুং লুপা করোর কয়াগী শনা ফাগৎপা, অকনবা নোংলৈ নুংশিৎ মরক্তা মেরিনরশিং কনবা, ফোরেন কোস্ত গার্দশিংগা অপুনবা এক্সর্সাইজ পাঙথোকপা, লম লানশিল্লকপগী ওপরেসন, সাইক্লোন/মহৌশাগী ওইবা অৱা অনাদা হ্যুমেনিতরিয়ানগী ওইবা মতেং পীবা অমসুং কোস্তেল সেক্যুরিতী এক্সর্সাইজশিং মায় পাক্না পাঙথোকখি।

ফ্লেগ ওফিসর অসিবু মহাক্কী মশক থোকপা থৌদাং কয়াগীদমক ২০১৪ দা তত্রকশক মেদল অমসুং ২০১৯দা রাস্ত্রপতি তত্রকশক মেদল পীদুনা ইকাইখুম্নখি। মহাকপু ২০১২দা দি.জি. কোস্ত গার্দ কম্মেন্দেসন পীখি অমসুং ২০০৯দা ফ্লেগ ওফিসর কম্মান্দিং ইন চীফ (ইস্ত) কম্মেন্দেসন পীখি।

*****