حکومت ہند کے  صارفین امور کے محکمے کی سکریٹری ، محترمہ نیدھی کھرے،  جو کہ اتھارٹی کے چیف کمشنر بھی ہیں ، نے معلومات دیتے ہوئے بتایا کہ گمراہ کن اشتہارات سے متعلق معاملات ،جو کہ عوام اور صارفین کے مفاد کے لیے نقصان دہ ہیں، کو ریگولیٹ کرنے کے مینڈیٹ کو استعمال کرتے ہوئے سینٹرل کنزیومر پروٹیکشن اتھارٹی (سی سی پی اے) نے گرین واشنگ اور گمراہ کن ماحولیاتی دعوؤں کی روک تھام اور ضابطے کے لیے رہنما خطوط جاری کیے ہیں تاکہ گرین واشنگ کے مسئلے کو حل کیا جا سکے۔

یہ رہنما خطوط سچے طریقوں کو فروغ دینے کی کوشش کرتے ہیں جہاں ماحولیاتی دعوے سچے اور بامعنی دونوں ہوتے ہیں، اس طرح

صارفین کے اعتماد کو بڑھاتے ہیں اور پائیدار کاروباری طریقوں کی حوصلہ افزائی کرتے ہیں۔

ایک کمیٹی جس کی سربراہی محترمہ کھرے، چیف کمشنر سی سی پی اے کررہی ہیں، گرین واشنگ پر تشکیل دی گئ تھی۔ کمیٹی کے اراکین میں اکیڈمیا (پروفیسر ڈاکٹر سشیلا، این ایل یو، دہلی اور پروفیسر اشوک آر پاٹل، وائس چانسلر، این ایل یو رانچی) ؛ پریکٹیشنرز (نشیت دیسائی ایسوسی ایٹس)، سماجی کارکنان/تنظیموں (شریش دیش پانڈے، ممبئی گراہک پنچایت اور ایس سروجا، کنزیومر وائس) اور اے ایس سی آئی، فکی، ایسوچیم  اور سی آئی آئی کے نمائندوں نے ،متعلقین کا وسیع میدان تشکیل دیا۔ کمیٹی نے کافی غور و خوض کے بعد  اپنی سفارشات پیش کیں۔ کمیٹی کی سفارشات کی بنیاد پر محکمہ نے 20 فروری 2024 کو عوامی تبصروں کے لیے گرین واشنگ کے واسطے گائیڈ لائنز کا مسودہ پیش کیا۔ 27 مختلف متعلقین سے عوامی تجاویز موصول ہوئیں۔ قابل ذکر تجاویز میں شامل ہیں:

• قابل اعتماد سرٹیفیکیشن، قابل بھروسہ سائنسی ثبوت کے بارے میں انکشاف کے ذریعہ مخصوص ماحولیاتی دعوؤں کی حمایت کی جانی چاہئے۔
• الفاظ جیسے پائیدار، قدرتی، نامیاتی، تخلیق نو اور اسی طرح کے دعوے مناسب، درست اور قابل رسائی کوالیفائر کے بغیر استعمال نہیں کیے جائیں گے۔
• ماحولیاتی دعووں جیسے ’قدرتی‘؛ ’نامیاتی‘؛ ’خالص‘ کے لیے دعوؤں پر مناسب انکشافات ضروری ہیں۔

دی سینٹرل کنزیومر پروٹیکشن اتھارٹی (سی سی پی اے) نے تجاویز پر غور کرنے کے بعد ’’گرین واشنگ یا گمراہ کن ماحولیاتی دعوؤں کی روک تھام اور ضابطہ کے رہنما خطوط، 2024 ‘‘کی نقاب کشائی کی تاکہ گرین واشنگ اور گمراہ کن ماحولیاتی دعوؤں کو روکا جا سکے، شفافیت کو یقینی بنایا جا سکے اور ماحولیات سے متعلق اشتہارات کی درستگی کو یقینی بنایا جا سکے۔

یہ رہنما اصول سبز (ماحول دوست) مصنوعات کے اشتہارات میں تیزی سے اضافے اور ماحولیات سے آگاہ صارفین کی بڑھتی ہوئی تعداد کے تناظر میں تیار کیے گئے ہیں۔ ’’گرین واشنگ‘‘ ایک اصطلاح ہے جو لفظ ’وائٹ واشنگ‘ کے لئے استعمال ہوتی  ہے اور اس سے مراد مارکیٹنگ کی حکمت عملی ہے جہاں کمپنیاں اپنی مصنوعات یا خدمات کے ماحولیاتی فوائد کا جھوٹا دعویٰ کرتی ہیں یا بڑھا چڑھا کر پیش کرتی ہیں، اکثر مبہم یا غیر مصدقہ اصطلاحات جیسے کہ ’’قدرتی‘‘، ’’ماحول دوست‘‘ یا’’سبز‘‘کا استعمال کرتی ہیں ۔ لہذا، ماحولیاتی ذمہ داری کا بھرم پیدا کر کے، بہت سی بے ایمان کمپنیاں صارفین کی بڑھتی ہوئی ماحولیاتی حساسیت کا استحصال کرتی ہیں۔ یہ فریب کاری نہ صرف نیک نیت صارفین کو گمراہ کرتی ہے بلکہ وسیع تر ماحولیاتی کوششوں سے بھی توجہ ہٹاتی ہے۔ یہ رہنما خطوط ترقی پسند ضابطے ہیں جن کا مقصد ماحولیاتی مسائل اور ماحولیاتی مثبت اشیا اور خدمات میں صارفین کی بڑھتی ہوئی دلچسپی کو حل کرنے کے لیے مینوفیکچررز اور سروس فراہم کرنے والوں کی فعال کوششوں کو ہم آہنگ کرنا ہے۔

یہ رہنما خطوط مینوفیکچررز اور سروس فراہم کرنے والوں کی کمپنیوں کی ماحولیاتی کوششوں کو روکنے کے لیے نہیں بلکہ اس بات کو یقینی بنانے کے لیے بنائے گئے ہیں کہ ایسے دعوے شفاف اور دیانتداری کے ساتھ کیے جائیں۔ کمپنیوں کی اپنے ماحولیاتی اقدامات کو اجاگر کرنے  کے لئے حوصلہ افزائی کی جاتی ہے، بشرطیکہ ان دعوؤں کی حمایت مناسب انکشافات اور معتبر شواہد سے ہو۔ ان رہنما خطوط کا بنیادی مقصد کاروباری برادری کے اندر حقیقی ماحولیاتی ذمہ داری کو فروغ دیتے ہوئے صارفین کو گمراہ کن معلومات سے بچانا ہے۔ کمپنیاں اپنے ماحولیاتی دعوؤں کو ثابت کرنے کی حمایت کرنے،  رہنما خطوط ایک ایسے بازار کو فروغ دینے کی کوشش کرتے ہیں جہاں ماحولیاتی دعوے سچے اور بامعنی ہوں، اس طرح صارفین کے اعتماد میں اضافہ ہوتا ہے اور پائیدار کاروباری طریقوں کی حوصلہ افزائی ہوتی ہے۔

رہنما خطوط کی چند اہم جھلکیاں:

• ماحولیاتی دعووں کی تعریف [سیکشن 2(ای)]
• گرین واشنگ کی تعریف [سیکشن 2(ایف)]
• ہدایات کا اطلاق [سیکشن 3]
• گرین واشنگ یا گمراہ کن ماحولیات میں ملوث ہونے کے خلاف  روک تھام  کے بارے میں واضح رہنما خطوط [سیکشن 4]
• استثنیٰ اور مناسب انکشاف کی شقیں [سیکشن 5]

رہنما خطوط کی اہم خصوصیات:

• واضح تعریفیں: رہنما خطوط گرین واشنگ اور ماحولیاتی دعووں سے متعلق اصطلاحات کی واضح تعریفیں فراہم کرتے ہیں، اس بات کو یقینی بناتے ہوئے کہ کاروبار اور صارفین دونوں کی مشترکہ سمجھ ہو۔
• شفافیت کے تقاضے: مینوفیکچررز اور سروس فراہم کنندگان کو اپنے ماحولیاتی دعووں کو معتبر ثبوت کے ساتھ ثابت کرنے کی ضرورت ہے۔ اس میں اس طرح کے دعووں کی حمایت کے لیے استعمال کیے جانے والے طریقہ کار اور ڈیٹا کے بارے میں تفصیلی معلومات فراہم کرنا شامل ہے۔
• گمراہ کن اصطلاحات کی روک تھام: مبہم یا گمراہ کن اصطلاحات جیسے کہ ’’ماحول دوست‘‘،  ’’سبز‘‘ اور ’’پائیدار‘‘ کے بغیر مناسب دلیل کے استعمال کو ممنوع قرار دینے کی کوشش کی جاتی ہے۔
• تھرڈ پارٹی سرٹیفیکیشن: تھرڈ پارٹی سرٹیفیکیشنز کو ماحولیاتی دعوؤں کی توثیق میں بھی تسلیم کیا جاتا ہے۔
• مناسب انکشافات: کمپنیوں کو مادی معلومات کے واضح اور قابل رسائی انکشافات فراہم کرنے کی ضرورت ہے۔ دعوؤں میں اس پہلو کی وضاحت ہونی چاہیے جس کا حوالہ دیا جائے (اچھا، مینوفیکچرنگ کا عمل، پیکیجنگ وغیرہ) اور اس کی تصدیق قابل اعتبار سرٹیفیکیشن یا قابل اعتماد سائنسی ثبوت سے کی جائے۔

سینٹرل کنزیومر پروٹیکشن اتھارٹی (سی سی پی اے) صنعت کے شراکت دار، صارفین کی تنظیموں اور ریگولیٹری اداروں کے ساتھ مل کر کام کرنے کی کوشش کرتی ہے تاکہ صارفین اور عوام کے مفاد میں رہنما خطوط پر موثر عمل آوری اور تعمیل کو یقینی بنایا جا سکے۔

(یہ رہنما خطوط محکمہ صارفین کے امور کی ویب سائٹ Greenwashing_Guidelines.pdf (consumeraffairs.nic.in) پر دستیاب ہیں۔

*******

(ش ح۔ م ش ۔ن م)

U-1273