وزیر دفاع جناب راج ناتھ سنگھ نے آج غیر روایتی طور پر 2,236 کروڑ روپے کی لاگت سے 75 بی آر او (بارڈر روڈز آرگنائزیشن) سڑک اور پل پروجیکٹوں کا افتتاح اور انہیں قوم کے نام وقف کیا۔

ان میں جموں و کشمیر كے  731.22 کروڑ روپے کے 7 سڑک اور 12 پل پروجیکٹ شامل ہیں جن كا آج غیر روایتی  طور پر افتتاح ہوا۔سائنس اور ٹیکنالوجی اور ارضیاتی علوم کے مرکزی وزیر مملکت (آزادانہ چارج)،  محکمہ جوہری توانائی، محکمہ خلائی، عملہ، عوامی شکایات اور پنشن كے مملكتی وزیر ڈاکٹر جتیندر سنگھ جو جموں و کشمیر سے لوک سبھا کے رکن بھی ہیں، افتتاحی تقریب میں غیر روایتی طور پر شامل ہوئے۔

جموں و کشمیر کے سڑک پروجیكٹ بشنہ-کولپور-خوجی پور (کلومیٹر 0.0 سے 24.328) مالیت 73.26 کروڑ روپے ، بسولی-بنی-بھدرواہ (کلومیٹر 70.00 تا 89.00) مالیت 97.76 کروڑ روپے، بسولی-بنی-بھدرواہ (کلومیٹر 89.00 سے 102.00) مالیت 81.42 کروڑ روپے، گلہار سنساری(کلومیٹر 0 سے 10) 37.69 روپے ہیں۔ یہ بی آر او کے پراجیکٹ سمپارک کے تحت ہیں۔ بی آر او کے پروجیکٹ بیکن کے تحت 230.54 کروڑ روپے کی بانڈی پور-گوریزین، 134.99 روپے کی مہورا باز اور 24.35 کروڑ روپے کی توتمریگالی-کیان باؤل ہیں۔

اس کے علاوہ جموں و کشمیر کے مختلف علاقوں میں ساون، سانو، نائگڑھ، چنانی، نانٹو، کورگا، سیوا-2، بیالو، درسو، نیرونر، گورائی اور گرجن میں 12 پل  51.21 کروڑ روپے کی لاگت سے تعمیر کیے گئے۔

مجموعی طور پر یہ پروجیکٹ انڈمان اور نکوبار جزائر سمیت ملک کی 11 سرحدی ریاستوں/ مرکز کے زیر انتظام علاقوں میں تعمیر کیے گئے ہیں۔

تقریب کا اہتمام مغربی بنگال کے سکنا میں بارڈر روڈز آرگنائزیشن  نے کیا تھا۔ وزیر دفاع نے 22 سڑکوں، 51 پلوں اور 02 دیگر متفرق منصوبوں کا افتتاح کیا۔ یہ انفراسٹرکچر پروجیکٹس انتہائی ناگوار خطوں والی جگہوں پر مشکل موسمی حالات میں تعمیر کیے گئے ہیں۔

اس موقع پر خطاب کرتے ہوئے جناب راج ناتھ سنگھ نے ان سڑکوں اور پلوں کی بروقت تکمیل کو یقینی بنا کر دور دراز کے علاقوں میں رابطہ قائم کرنے کے لیے بی آر او کے عزم کی ستائش کی۔ انہوں نے بتایا کہ گزشتہ پانچ سالوں میں بی آر او نے 16,000 کروڑ روپے سے زیادہ کی لاگت سے 450 بنیادی ڈھانچے کے منصوبے مکمل کیے ہیں اور اس سال 2024 میں ان 75 انفراسٹرکچر پروجیکٹوں کے ساتھ بی آر او نے ریکارڈ 111 بنیادی ڈھانچے کے پروجیکٹوں کو قوم کے نام وقف کیا ہے۔

وزیر دفاع نے اس سال کے دوران اتنی تیز رفتاری سے ان 75 بنیادی ڈھانچے کے منصوبوں کی تعمیر کے کارنامے کو سراہا۔ انہوں نے کہا کہ بی آر او کی اس طرح کی کارکردگی بے مثال ہے اور یہ پوری بارڈر روڈز آرگنائزیشن کے عزم اور عزم کی ترجمان ہے۔

جناب راج ناتھ سنگھ نے مخالف ماحول والے خطوں، سخت موسم، کم آکسیجن کی سطح اور شدید سرد اور اونچائی والے علاقوں میں 40 فیصد سے زیادہ سڑکوں کی تعمیر میں ہمیشہ سب سے آگے رہنے کی بی آر او کی کوشش کی بھی تعریف کی۔ ان چیلنجوں کے باوجود بی آر او لوگوں اور جگہوں كو جوڑنے کے اپنے مشن کے لیے پرعزم ہے۔

*****

ش ح۔ع س۔س ا

U.No:1185