سماجی انصاف اور تفویض اختیارات کی وزارت کے معذور افراد کو بااختیار بنانے کے محکمے (ڈی  ای پی  ڈبلیو ڈی) کے تحت قومی ادارے، دماغی صحت سے متعلق آگاہی ہفتہ 2024 کے تحت مختلف سرگرمیوں کو انجام دینے  کے لئے فعال اقدامات کر رہے ہیں۔ان سرگرمیوں کا مقصد پورے  ملک میں دماغی صحت کے بارے میں بیداری کو فروغ دینا  اور جامع برادریوں کو آگے بڑھانا ہے، جو سب کے لئے دماغی  صحت  کو اولین ترجیح دیتا ہے۔

ایک اہم اقدام میں، نیشنل انسٹی ٹیوٹ آف مینٹل ہیلتھ ری ہیبلیٹیشن (این آئی ایم ایچ آر)، سیہور، ایک کلی طور پر وقف شدہ مہم چلا رہا ہے، جس کا عنوان 'کام کی جگہ پر دماغی صحت' ہے اور جس میں معاون اور صحت مند کام کے ماحول پیدا کرنے کے لیے عمل کی ترغیب دینے کی خاطر متعدد ورکشاپس کا انعقاد کیا جا رہا ہے۔  اس مہم کا مقصد اس اہم کردار پر روشنی ڈالنا ہے، جو کام کی جگہیں افراد کی ذہنی تندرستی کو برقرار رکھنے میں ادا کرتی ہیں اور کام کی جگہوں کو مزید جامع اور ذہنی طور پر صحت مند بنانے کے لیے اجتماعی کوششوں پر زور دیتی ہے۔

نیشنل انسٹی ٹیوٹ فار دی ایمپاورمنٹ آف پرسنز ود انٹلیکچوئل ڈس ایبلٹیز (این آئی ای پی آئی ڈی)، سکندرآباد نے ہفتے کا آغاز ایک حوصلہ بخش ریلی کے ساتھ کیا، جس سے دماغی صحت کے مسائل کے بارے میں توانائی اور بیداری پیدا ہورہی ہے۔

اس کے ساتھ ہی، نیشنل انسٹی ٹیوٹ فار لوکوموٹر ڈس ایبلٹیز (این آئی ایل ڈی)، کولکتہ، اور پنڈت دین دیال اپادھیائے نیشنل انسٹی ٹیوٹ فار پرسنز ود فزیکل ڈس ایبلٹیز (پی ٹی. ڈی ڈی یو ، این آئی پی پی دی)، نئی دہلی، برادریوں  کی شمولیت اور مدد کی  غرض سے مختلف قسم کی ورکشاپس، ہیلتھ کیمپس اور دیگر انٹرایکٹو سرگرمیوں کا اہتمام کر رہا ہے۔

ان کوششوں کے ذریعے، ڈی ای پی ڈبلیو ڈی اور اس کے ادارے دماغی صحت پر ایک قومی مذاکرہ تشکیل دینے کے لیے کام کر رہے ہیں، جس سے زندگی کے تمام شعبوں سے تعلق رکھنے والے لوگوں کو ذہنی تندرستی کو سنجیدگی سے لینے کی ترغیب دی جا رہی ہے۔ ان اقدامات کا مقصد ایک ایسا کلچر پیدا کرنا ہے، جہاں ذہنی صحت کو ترجیح دی جائے اور ہر فرد ترقی کی منازل طے کر سکے۔

************

U.No:1069

ش ح۔اک۔ق ر

(Release ID: 2063589) Visitor Counter : 10