য়ুনাইতেদ নেসন্স পোপুলেসন ফন্স (UNFPA) না মেতর্নেল হেল্থ অমসুং ফেমিলী প্লান্নিংগী লমদা খুমাঙ চাওশিন্নবা ভারতনা তোপ তোপ্না থাংজিল্লিবা খোঙথাঙবু শকখঙখ্রে‍। UNFPAগী একজেক্যুতিব দাইরেক্তর দোক্তর নতালিয়া কনেম্না কেন্দ্রগী হেল্থ সেক্রেতরী শ্রীমতী পুন্য সালিলা স্রিবাস্তবপু প্লাক অমসুং সর্তিফিকেৎ খুদোল তমদুনা তরাম্না ওকখি অমসুং নুপীশিংগী হকশেল অমসুং মশা মউ ফনা থম্বগী লমদা ভারতকা খোঙবু ওইদুনা চৎমিন্ননবা UNFPA না খোঙফম হন্দনা লেপ্লি হায়বা ৱাফম থমখি‍।

হকশেল অমসুং য়াইফ য়ুম্বাল মন্ত্রালয়না জিরো প্রিভেন্তেবল মেতর্নেল দেথ ফংনবগী মায়কৈদা মেতর্নেল হেল্থ আউতকমশিং ফগৎহন্নবা থৌরাং কয়ামরুম পায়খৎলি‍। হায়রিবশিং অসিগী মনুংদা সুরক্সিত মাত্রিত্ব আস্বাসন য়োজনা (SUMAN), প্রধান মন্ত্রী সুরক্সিত মাত্রিত্ব অভিয়ান (PMSMA) অমসুং মিদৱাইফরী সর্ভিসেস ইনিসিএতিব্সকী মখাদা মতিং লৈবা অমসুং ইকায়খুম্ননিংঙাই ওইবা মেতর্নিতী কেয়র ফংহন্বা য়াওরি‍।

নেস্নেল হেল্থ মিসনগী এদিস্নেল সেক্রেতরী অমসুং মিসন দাইরেক্তর শ্রীমতী অরাধনা পত্নাইক; রিপ্রদক্তিব এন্দ চাইল্ত হেল্থ (RCH)কী জোইন্ত সেক্রেতরী শ্রীমতি মীরা স্রিবাস্তব; UNFPAগী এসিয়া পেসিফিক রিজনেল দাইরেক্তর মিস্তর পিও স্মিথ; অমসুং UNFPAগী ভারতকী মীহুৎ মিস অন্দ্রিয় এ. ৱোজ্নারনা শরুক য়াবা থৌরমদুদা দোক্তর কনেম্না ২০০০ অমসুং ২০২০গী মরক্তা মেতর্নেল মোর্তেলিতী রেসিও (MMR) ৭০% হন্থহন্দুনদা লৈবাক অসিবু ২০৩০ ফাওবদা MMR ৭০%গী মখাদা থম্নবা সস্তেনেবল দিভেলপমেন্ত গোল (SDG) ফংহন্নবা লম্বী শেম্বদা ভারতনা চাউনা হোৎনখিবা থৌরাংশিংবু শিংথাখি‍। অসিগুম্বা শিংথানিংঙাই ওইরবা খোঙজেল অসিনা লৈবাক শিন্বা থুংনা, মরুওইবা চাকথুং ফিথুংদ্রবা ফুরুপশিংগী মরক্তা নুপী লিশিং কয়াগী পুন্সি কনখি‍।

তোতেল ফর্তিলিতী রেত রিপ্লেসমেন্ত লেভেল (TFR-2)গী মখাদা হন্থহন্দুনা ভারতকী ফেমিলী প্লান্নিং প্রোগ্রাম্না অনৌবা পন্দোল লোম্লে‍। হৌখিবা চহিশিংদা, নৌনা শীজিন্নবা হৌখিবা সবদর্মেল ইমপ্লান্ত অমসুং ইঞ্জেক্তেবল দিপোত মেদ্রোক্সীপ্রোজেস্তিরোন এসিতেত (DMPA) য়াওনা কন্ত্রাসেপ্তিব চোইসকী বাস্কেত পাকথোক চাউথোকহন্বদা UNFPAনা মরুওইবা শক্লোন অমা লৌখি‍।

ভারতনা পার্ত্নরসিপ ফোর মেতর্নেল, নিউবোর্ন এন্দ চাইল্দ হেল্থ (PMNCH) অমসুং ফেমিলী প্লান্নিং ২০৩০ (FP2030) গ্লোবেল পার্ত্নরসিপ্তা মরুওইবা মফম কনবগা লোয়ননা মালেমগী রিপ্রদক্তিব হেল্থ ফোরমশিংদা মন্ত্রালয়না লুচিংবগী শক্লোন লৌরিববু শকখঙখি‍।

মীফম অদুদা, দোক্তর কনেম্না নুপী, নুপীমচাশিং, অমসুং নহাশিংগী হকশেল অমসুং মশা মউ ফনা থম্বগী লমদা খুমাঙ চাওশিন্নবা ভারতনা হৎনরিবসিদা UNFPAনা শৌগৎনবা খোঙফম চেৎনা লেপ্লি হায়না অমুক নৌহৌননা ফোঙদোকখি‍।

UNFPAনা ভারত লৈঙাক্কা লৈনরিবা খোঙবু ওইবগী মরীগী চহি ৫০ ফারকপা থৌরম পাঙথোকপগা লোয়ননা, থৌরম অসিনা লৈবাকসিনা ‘বিক্সিত ভারত’কী মায়কৈদা খুমাঙ চাওশিল্লকপদা ভারত্তা লৈরিবা নুপী অমসুং নহা খুদিংমক্কী হকশেল অমসুং মশা মউ ফনা লৈহন্নবা পুন্না পায়খৎমিন্নবা মিসনগী মশক থোকপা মীৎকুপ অমা ওইখি‍।

দোক্তর ইন্দু গ্রেৱাল, এদিস্নেল কম্মিস্নর (ফেমিলী প্লান্নিং/প্রি-কন্সেপ্সন এন্দ প্রি-নেতেল দাইগ্নোস্তিক তেক্নিক/ABP), দোক্তর পৱন কুমার, এদিস্নেল দাইরেক্তর (মেতর্নেল হেল্থ এন্দ ইম্যুনাইজেসন), দোক্তর জোয়া অলি রিজবী, দিপুতী কম্মিস্নর (ন্যুত্রিসন এন্দ এদোলেসেন্ত হেল্থ), UNFPA মীথুংশিং অমসুং মন্ত্রালয়গী অতৈ মকোক থোংবা ওফিসিএলশিংসু থৌরমদুদা শরুক য়াখি‍।

****