2024গী ওক্তোবর 8দা চেন্নাই, তমিল নাদুগী তাম্বরমদা লৈবা এয়র ফোর্স স্তেসনদা ইন্দিয়ন এয়র ফোর্স (IAF) গী 92শুবা মপোক কুমওনগী থৌরম অসি ফজরবা সেরেমোনিএল পরেদ, ফায়রপাৱরগী নীংথিজরবা এরিএল দেমোনস্ত্রেসন অমসুং স্তেৎ-ওফ-দি-আর্ত ইক্বিপমেন্তগী ফজরবা স্তেতিক দিস্প্লেগা লোয়ননা পালন তৌখি। চীফ ওফ দিফেন্স স্তাফ, জেনরেল অনিল চৌহাননা থৌরম অদুদা শরুক য়াখি লোয়ননা সেরেমোনিএল পেরেদ অদু চীফ ওফ দি এয়র স্তাফ, এয়র চীফ মার্শেল এ.পি. সিংহনা য়েংশিনখি।

মহাক্কী ৱারোলদা, চীফ ওফ দি এয়র স্তাফনা নেস্নেল ইন্তরেস্তপু চেলেঞ্জ তৌরিবা খুদোংচাদবা থৌওং খুদিংমক থেংনবা ঙম্নবা IAFনা শেম-শাদুনা লৈবগী তঙাইফদবা অদু পনখি। মহাক্না হায়খি মদুদি হৌজিক মালেমগী ওইরিবা সেক্যুরিতীগী ফিভম অসি লেপ্পা লৈতনা হোংলক্লি অমসুং চত্থরিবা লানশিনশিং অসিনা মপাঙ্গল কনবা অমসুং মতিক লৈবা এয়র ফোর্স অমা লৈবগী তঙাই ফদবা অমা উৎলি। ইন্নোভেতিব অমসুং আউৎ-ওফ-দি-বোক্স থিঙ্কিংগা লোয়ননা খ্বাইদগী নৌবা তেক্নোলোজী শীজিন্নবনা ঙসিগী মল্তি-দোমেন এনভাইর্নমেন্তদা মরু ওইবা থৌদাং অমা লৌগনি হায়না মহাক্না মখা তাখি।

এয়র চীফ মার্শেল এ.পি. সিংহনা মরুওইনা ফোংদোকখি মদুদি 2024গী এয়র ফোর্স নুমিৎকী থিম, 'ভারতীয় ৱায়ু সেনা: সক্ষম, সশক্ত, আত্মানির্ভর' অসি IAFকী এস্পিরেসনশিং অসি মপুং ফানা তাক্লি। “চহি কয়া অসিদা, ঐখোয়না হেন্না ফবা তেক্নোলোজীগা লোয়ননা হেন্না শক্তি লৈরক্লি অমসুং সিস্তেমশিং অমসুং খুৎলাইশিং শীজিন্নবগী অনৌবা থাক অমা ফংলি। দিফেন্স R&D অমসুং মেন্যুফেকচরিংগী লমদা আত্মনির্ভর ভারত অসি ঐখোয়গী প্রাইওরিতিনি। MSMEশিং, স্তার্ত-অপশিং, ইন্দিভিজুএল ইন্নোভেতরশিং, প্রোফেস্নেলশিং, R&D ইন্সতিত্যুৎশিং অমসুং একাদমিসিয়নশিং য়াওহন্দুনা মেক ইন ইন্দিয়া ইনিসিএতিবশিং শৌগৎনবগীদমক্তা অকনবা খোঙথাংশিং লৌখৎলি," হায়না মহাক্না মখা তাখি।

দীফ ওফ দি এয়র স্তাফনা এয়র ফোর্স নুমিৎ অসি এয়র ৱারিয়রশিংনা লৈবাক অসিগী সেবাদা অমুক্কা হন্না থৱায় কৎথোক্নবা, মমাংগী চহিদা মশা মথন্তা য়েংশিন্নবা, মায় পাকখিবশিংবু নীংশিংবা, ফগৎলকপা য়াবা লমশিং খঙদোকপা অমসুং হৌজিক অমসুং তুংগী মথৌ তাবশিংগা চান্ননবা খুদোংচাবা অমনি হায়না ফোংদোকখি। মমাং চহিগী মায়পাকপশিংগী মতাংদা মহাক্না হায়খি মদুদি IAFনা তোঙান তোঙানবা ফ্রন্তশিংদা মখোয়গী থৌনা অদু উৎখ্রে। “ঐখোয়গী মরুওইবা পান্দম অমা হায়রগদি, খুৎলাইশিং অসি, তার্গেৎতা, মতম চানা, মতম খুদিংদা ফংহনবা অমসুং মসিগী তৌবা ঙম্বশিং অসি 2024গী ফেব্রুৱারীদা পোখরান রেঞ্জদা পাংথোকখিবা ফায়র পাৱরগী দিমোস্ত্রেসন এক্সরসাইজ 'ৱায়ু শক্তি'গী মনুংদা মওং চুম্না উৎখি," হায়না মহাক্না মখা তাখি।

এয়র চীফ মার্শেল এ.পি. সিংহনা মখা তাখি মদুদি চহি অসিদা IAFনা মরুপ ওইরিবা লৈবাক্কী লৈবাকশিংগা লোয়ননা বাইলেতরেল অমসুং মল্তিলেতরেল এক্সরসাইজশিংদা শরুক য়াবা হেনগৎহনখ্রে। মহাক্না হায়খি মদুদি ভারতকী লৈমায়দা খ্বাইদগী চাউবা মল্তি-নেস্নেল এক্সরসাইজ "তারঙ্গ শক্তি" মায় পাক্না পাংথোকপা অসিনা ভারতকী এয়র ৱারিয়রশিংগী হৈশিংবা অমসুং প্রোফেস্নেলিজমগী খুদম্নি।

চীফ ওফ দি এয়র স্তাফনা হায়খি মদুদি IAFনা লৈবাক অসিগী মনুংদা অমসুং মপাল লমদা মীওইবা খুন্নাইগী ওইবা মতেং অমসুং দিজাস্তর রিলিফকী কোলশিংদা মতম পুম্নমক্তা ইহান হান্না পাউখুম পীরম্মি। মহাক্না হৌখিবা চহি অমদা পাংথোকখিবা তোঙান তোঙানবা ওপরেসনশিং অদু পনখি। মহাক্না এয়র ৱারিয়রশিংদা খুদোংচাবা অমসুং থবক তৌবগী ফিভম অমা পীনবগীদমক IAFগী মপুং ফাবা ফিরেপ অদু অমুক হন্না ফোংদোকখি। মহাক্না পর্সনেল অমসুং মখোয়গী ইমুং-মনুংগী য়াইফনবা অমসুং য়াইফ-থৌরাংবু খ্বাইদগী মরু ওই হায়না ফোংদোকখি।

পরেদ

পরেদ অদু চাউথোকচবা, অমত্তা ওইবগী ইথিল, থৌনা অমসুং ইস্পরিৎ-দি-কোর্পসকী খুদম ওইনা প্রসিদেন্তকী মচুশিং মার্চ তৌদুনা হৌখি। ত্রাই-সর্ভিসেস বেন্দনা লৈবাক নুংশিবগী মতৌগা লোয়ননা পরফোর্মেন্স উৎপবা থৌরম অদু হেন্না নুংশিবা ওইহনখি। এয়র ৱারিয়র দ্রিল তীমনা মখোয়গী ফজরবা অমসুং সিনক্রোনাইজ ওইবা খোঙথাংশিংগা লোয়ননা ভাবোক্কী পুক্নিং শুমহৎতুনা মীপুম খুদিংমক্তা ইথিল পীখি।

এয়রশো

পরেদ অদুগী মতুংদা এরিএল দিস্প্লে অমা পাংথোকখি। লাইত কোম্বেত এয়রক্রাফ, তেজাস, সুখোই-30 MKI অমসুং পিলাতস য়াওনা তোঙান তোঙানবা জেৎশিংনা অৱাংবা থাক্কী এয়রোবেতিক মেনোবরশিং পাংথোকখি। চেন্নাইগী মথক্তা লৈবা আকাশ অসি লৈবাক অসিগী মচুশিংদা মচু শঙখি। সুর্য়কিরন এরোবেতিক্স তীম অমসুং সরং হেলিকোপ্তর তীমনা মীয়াম্বু মখোয়গী থোইদোক হেন্দোকপা পরফোর্মেন্সশিংগা লোয়ননা শুমহৎখি।

স্তেতিক দিস্প্লে

স্তেতিক দিস্প্লে অসিদা লাইৎ কোম্বেৎ হেলিকোপ্তর (প্রচান্দ), C-295  ত্রান্সপোর্ত এয়রক্রাফ্ত, অকাস মিসাইল দিফেন্স সিস্তেম, এদভান্স লাইৎ হেলিকোপ্তর Mk-4, HTT-40 ত্রেনর এয়রক্রাফ্ত, অমসুং রোহিনী রাদরগুম্বা খ্বাইদগী নৌবা পোৎলমশিং উৎখি।

থৌরম অসি 'ভারতীয় ৱায়ু সেনা: সক্ষম, সশক্ত, আত্মনির্ভর'গী থিমদা ময়েক শেংনা ফোংদোক্তুনা, লৈবাক অসিগীদমক চই চাম্মগী ময়া লেংদনা কত্থোকপা অমসুং লম্বা লৈত্রবা সর্ভিসকীদমক IAFতা ইকাই খুম্নবা উৎপনি।

***