ایک بے عیب رسمی پریڈ میں ، فضائی طاقت کا ایک سانسیں روکنے  دینے والا مظاہرہ اور جدید ترین آلات کے شاندار جامد مظاہرے نے چنئی، تمل ناڈو 8 اکتوبر 2024 کو ایئر فورس اسٹیشن، تمبرم میں ہندوستانی فضائیہ (آئی اے ایف) کی 92 ویں سالگرہ کی تقریبات کو نشان زد کیا۔ چیف آف ڈیفنس اسٹاف جنرل انل چوہان نے تقریبات میں شرکت کی، جب کہ رسمی پریڈ کا چیف آف ایئر اسٹاف ایئر چیف مارشل اے پی سنگھ نے جائزہ لیا۔

اپنے خطاب میں، چیف آف ایئر اسٹاف نے آئی اے ایف کو قومی مفادات کو چیلنج کرنے والی کسی بھی ہنگامی صورتحال سے نمٹنے کے لیے تیار رہنے کی ضرورت پر زور دیا۔ انہوں نے کہا کہ موجودہ عالمی سلامتی کا ماحول مسلسل بہاؤ کی حالت میں ہے اور جاری تنازعات نے ایک مضبوط اور قابل فضائیہ کی ناگزیر ضرورت کا مظاہرہ کیا ہے۔ انہوں نے مزید کہا کہ جدید ترین ٹیکنالوجی کو اپنانے کے ساتھ ساتھ اختراعی  اور کچھ الگ سوچنے کی صلاحیت آج کے کثیر جہتی  ماحول میں فیصلہ کن کردار ادا کرے گی۔

ایئر چیف مارشل اے پی سنگھ نے اس بات پر زور دیا کہ ایئر فورس ڈے 2024 کی تھیم، ’بھارتیہ وایو سینا: سکشم، سشکت، آتم نر بھر‘ آئی اے ایف کی امنگوں کو پوری طرح بیان کرتا ہے۔ "گزشتہ برسوں  میں، ہم بہتر ٹیکنالوجی کے ساتھ زیادہ بااختیار ہو ئے ہیں اور نظام اور ہتھیاروں کے استعمال کے لیے نئی سطحیں حاصل کی ہیں۔ دفاعی تحقیق و ترقی  اور مینوفیکچرنگ کے شعبے میں آتم نربھارت ہماری ترجیح ہے۔ انہوں نے مزید کہا کہ ایم ایس ایز،ا سٹارٹ اپس، انفرادی اختراع کاروں، پیشہ ور افراد، تحقیق و ترقی  کے اداروں اور تعلیمی اداروں کو شامل کرکے میک ان انڈیا پہل کی حمایت کے لیے ٹھوس اقدامات کیے گئے ہیں۔

فضائیہ کے سربراہ نے یوم فضائیہ کو فضائیہ کے جانبازوں کے لیے ایک موقع قرار دیا کہ وہ ملک کی خدمت میں اپنے آپ کو دوبارہ وقف کریں، گزشتہ سال کا خود جائزہ لیں، کامیابیوں کا جشن منائیں، بہتری کے شعبوں کو پہچانیں اور موجودہ اور مستقبل کے تقاضوں سے ہم آہنگ ہوں۔ گزشتہ برس کی کامیابیوں پر انہوں نے کہا کہ آئی اے ایف نے مختلف محاذوں پر اپنی صلاحیتوں کو ثابت کیا ہے۔ انہوں نےمزید  کہا’’ہمارے بنیادی مقاصد میں سے ایک  ہدف پر، وقت پر، بر وقت ہتھیاروں کی فراہمی ہے اور اس صلاحیت کا فروری 2024 میں پوکھرن رینج میں فائر پاور کے مظاہرے کی مشق ’وایو شکتی‘کے دوران مناسب طریقے سے مظاہرہ کیا گیا تھا۔‘‘

ایئر چیف مارشل اے پی سنگھ نے مزید کہا کہ آئی اے ایف نے اس سال دوست ممالک کے ساتھ دو طرفہ اور کثیر جہتی مشقوں میں اپنی شرکت کو بڑھایا ہے۔ انہوں نے کہا کہ ہندوستانی سرزمین پر سب سے بڑی کثیر القومی مشق ’’ترنگ شکتی‘‘ کا کامیاب انعقاد ہندوستان کے فضائی جانبازوں  کی اہلیت اور پیشہ ورانہ مہارت کا منہ بولتا ثبوت ہے۔

فضائیہ کے سربراہ نے آئی اے ایف کے ذریعہ گزشتہ ایک سال میں کئے گئے مختلف آپریشنز کا تذکرہ کرتے ہوئے  کہا کہ ملک اور بیرون ملک انسانی امداد اور آفات سے متعلق امداد کی ضروریات میں ہمیشہ سب سے پہلے مدد پہنچانے والا رہا ہے۔ انہوں نے اہلکاروں اور ان کے خاندانوں کی فلاح و بہبود کو انتہائی اہمیت کا حامل قرار دیتے ہوئےفضائی جانبازوں کو ایک سازگار اور کام کرنے کا ماحول فراہم کرنے کے لیے ہندستانی فضائیہ کے مکمل عزم کا اعادہ کیا۔

پریڈ

پریڈ کا آغاز  پریسزیڈنٹ کلرس کی مارچنگ سے ہوا، جو فخر، اتحاد، طاقت اور اسپرٹ ڈی کورپس کی علامت ہے۔ ٹرائی سروسز بینڈ کی پرفارمنس سے ماحول اور بھی دلکش ہو گیا جس نے فضا کو حب الوطنی کے جوش سے بھر دیا۔ ایئر واریر ڈرل ٹیم نے حاضرین کو اپنی تیز اور ہم آہنگ حرکات سے مسحور کیا، جو تمام حاضرین پر ایک دیرپا تاثر چھوڑ گیا۔

ایئر شو

پریڈ کے بعد ایک فضائی نمائش کا مظاہرہ کیا گیا، جس میں مختلف جیٹ طیاروں بشمول تیجس ہلکے لڑاکا طیارے، سکھوئی-30 ایم کے آئی  اور پائلیٹس نے نیچے سطح کی ایروبیٹک مشقوں کا مظاہرہ کیا۔ چنئی کا آسمان قومی پرچم کے رنگوں میں رنگ گیا جب  سوریاکرن ایروبیٹکس ٹیم اور سارنگ ہیلی کاپٹر ٹیم نے سنسنی خیز کارکردگی کا مظاہرہ کرکے ہجوم کو مسحور کردیا۔

جامد ڈسپلے

جامد ڈسپلے میں اے ایل ایچ ایم کے -4 ،  سی -295 ٹرانسپورٹ ایئر کرافٹ، آکاش میزائل ڈیفنس سسٹم، ایچ ٹی ٹی-40، اور روہنی ریڈار جیسی جدید ترین خصوصیات شامل  ہیں۔

یہ تقریب آئی اے ایف کی تقریباً ایک صدی کے غیر متزلزل لگن اور قوم کے لیے بے مثال خدمات کے لیے ایک موزوں خراج تحسین تھی، جو’بھارتیہ وایو سینا: سکشم، سشکت، آتم نر بھر‘ کے موضوع  پر مبنی تھی۔

*****

 ش ح۔م ش۔  ج

UNO-1011