প্রধান মন্ত্রী শ্রী নরেন্দ্র মোদীগী ভিজনরী "এক পের মা কে নাম" কেম্পেনগা মরী লৈননা, ছত্তিসগরদা লৈবা কোল ইন্দিয়াগী সবসিদিয়রী, সাউথ ইস্তর্ন কোলফিল্দস লিমিতেদনা (SECL)না ছত্তিসগর অমসুং মধ্য প্রদেশকী মখোয়গী ওপরেস্নেল এরিয়াশিংদা য়াম্লবা উ-চারা 1,46,675 থাখ্রে। মসিগী খোঙথাং অসি জুলাই 2024দা কেন্দ্রগী কোইলা অমসুং মাইন্স মন্ত্রী শ্রী জি. কিশান রেদ্দিনা লৈবাক শিনবা থুংনা লৈরিবা কোল PSU পুম্নমক কোনশিন্দুনা হৌদোকখিবা লৈবাক শীনবা থুংনা প্লান্তেসন দ্রাইবকী শরুক অমনি।

SECL না ছত্তিসগরগী জিলা 8 অমসুং মধ্য প্রদেশকী জিলা 3দা প্লান্তেসন দ্রাইব পাংথোকখি, মসি হেক্তর 56 হেনবদা কোনশিল্লি। মসিগী মথক্তা, কম্পনী অসিনা মাগী মাইনিংগী মফমশিংগী মনাক্তা লৈবা কম্ম্যুনিতীশিংদা মহৌশাগী ফিভম য়েংশিন্নবা পুক্নিং থৌগৎনবগীদমক্তা, উ-চারা 25,000 য়েন্থোকখি।

"এক পের মা কে নাম"গী মখাদা প্লান্তেসনগী থবকশিং অসি মরুওইবা স্বচ্ছতাগী খোঙথাং অমা ওইরিবা, 2024গী "স্বচ্ছতা হী সেবা" কেম্পেনগী শরুক অমা ওইনা মখা তানা মপাঙ্গল কনখৎহনখি। মসিগী থৌওং অসিগী শরুক অমা ওইনা, SECLনা অকোইবগী ফিভম ঙাক-শেন্নবা অমসুং পব্লিক ক্লিনলিনে অনিমক্কীদমক মাগী অচেৎপা ফিরেপ অসিবু মপাঙ্গল কনখৎহন্দুনা উ-চারা 4,200 থাখি।

মালেমগী খ্বাইদগী চাউবা মরিশুবা কোইলাগী মাইন ওইরিবা SECL গী কুসমুন্দা মাইননা  FY 2023-24গী মনুংদা কোইলাগী পোত্থোক তন লাখ 501 (তন মিলিয়ন 50) পুথোকপগী মঙলান অদু নীংশিংনবা নোংমা খক্তদা উ-চারা 501 থাবগী অখন্নবা মাইলস্তোন অমা শেমখ্রে। মসিনা এনভাইর্নমেন্তেল সস্তেনেবিলিতীদা প্রাইওরিতী পীরদুনা জাতি অসিগী ইনর্জীগী মথৌ তাবশিং ফংহনবদা SECLনা মীৎয়েং চংলিবা অদু উৎলি।

তুংলমচৎতা, SECLনা মথংগী চহি মঙাদা ছত্তিসগর অমসুং মধ্য প্রদেশতা পাক-শন্না প্লান্তেসন দ্রাইবশিংদা লুপা করোর 169 ইনবেস্ত তৌনবা শেম-শারি। রাজ্য ভান বিকাস নিগমগা খুৎশম্নদুনা, 2023-24 অমসুং 2027-28গী মরক্তা ছত্তিসগরদা উ-চারা লাখ 26 অমসুং মধ্য প্রদেশতা উ-চারা লাখ 12 থাবগী পান্দম থম্লি। ইনিসিএতিব অসিদা প্লান্তেসনগী চহি খুদিংগী চহি মরিগী মেন্তেননেন্স পেরিওদসু য়াওরি। মসিনা মওং চুম্না গ্রোথ লৈহনবা অমসুং উ-চারাশিং অদু হিংবা ঙমহনগনি।

এফোরেস্তেসনগী থবকশিং হেন্না য়াঙখৎহন্নবা, SECLনা য়াম্না থুনা গ্রীন কভর চাউখৎহনবদা মতেং পাংলিবা ইন্নোবেতিব জপানিজ মিয়াৱাকি তেক্নিক হৌদোকখ্রে। মসিগী পাম্বৈ অসি শীজিন্নদুনা জিভ্রা এরিয়াদা হেক্তর 2দা পাইলোৎ প্রোজেক্ত অমা হান্ননা হৌদোকখ্রে। হৌরকপা মতমদগী হৌনা, SECLনা মসিগী ওপরেস্নেল কোল বেল্তশিংদা চাউরাক্না করোর 3গী মথক্তা উ-চারা থাখ্রে, মসিনা এনভাইর্নমেন্ত সস্তেনেবিলিতীগীদমক মখা তানা লেপ্তনা হোৎনরিবা অসি মপাঙ্গল কনখৎহল্লি।

****