রেলৱেজ, ইনফোর্মেসন অমসুং ব্রোদকাস্তিং অমসুং ইলেক্ত্রোনিক্স অমসুং ইনফোর্মেসন তেক্নোলোজীগী কেন্দ্রগী মন্ত্রী শ্রী অশ্বিনী বৈষ্ণবনা ঙসি নাশিক্তা লৈবা RPF জোনেল ত্রেনিং সেন্তরদা রেলৱে প্রোতেক্সন ফোর্স (RPF) গী 40শুবা রাইজিং দে পেরেদতা অথোইবা মীথুংলেন ওইনা শরুক য়াখ্রে। থৌরম অদুগী মনুংদা, কেন্দ্রগী মন্ত্রীনা 2023 অমসুং 2024দা পেসেঞ্জরশিংগী পুন্সি কন্নবা হোৎনবদা মখোয়গী থৌনা ফবগীদমক মেরিতোরিয়স সর্ভিসকীদমক অৱাংবা থাক্কী পুলিস মেদল অমসুং জীবন রক্ষ মেদল ফংখিবা RPFগী মীওই 33বু ওকখি। এৱার্দশিং অসিনা লৈবাক অসিগী রেলৱেজ নেৎৱার্ক ঙাক-শেনবদা RPFনা উৎলিবা শীংথানীংঙাই ওইবা সর্ভিস অদু উৎলি অমসুং ফোর্স অসিগী অতৈ মেম্বরশিংবু অনৌবা থৌনাগা লোয়ননা মখোয়গী থৌনা লৈরবা থবকশিং মখা চত্থনবা পুক্নিং থৌগৎলি।

মন্ত্রীনা রেলৱে প্রোতেক্সন ফোর্স (RPF) না সেক্যুরিতীগী খোঙথাংশিং হেন্না চেৎশিলহন্নবগীদমক মোদর্ন তেক্নোলোজী শীজিন্নবগীদমক থাগৎপা ফোংদোকখি। মহাক্না থাজবা পীখি মদুদি RPFনা মখোয়গী পর্সনেলশিংগী সেফতী অমসুং ইফিসিএন্সীগীদমক বুলেৎপ্রুফ জেকেৎশিং অমসুং ফগৎলবা হেলমেৎশিং য়াওনা এদভান্স প্রোতেক্তিব গিয়রশিংগা লোয়ননা খুৎশিন্নগনি। মখা তানা, মন্ত্রীনা নুপী পর্সনেলশিংগীদমক অখন্নবা মীৎয়েং থমদুনা RPFগী জোনেল ত্রেনিং সেন্তরশিং অপগ্রেদ অমসুং মোদর্নাইজেসন তৌনবা লুপা করোর 35গী শেন্থং অমা লাউথোকখি। স্পেসিএলাইজ তৌরবা ত্রেনিং ইনফ্রাস্ত্রকচর মপাঙ্গল কনখৎহন্নবা পান্দম থমদুনা তামিল নাদুদা RPF দোগ স্ক্বাদকী জোনেল ত্রেনিং সেন্তরগীদমক লুপা করোর 5.5গী অহেনবা শেন্থং অমা অয়াবা পীখ্রে।

কেন্দ্রগী মন্ত্রীনা RPF পেরেদকী মনুংদা সেরেমোনিএল সেল্যুত ওকখি, মসিনা দিসিপ্লিন অমসুং কম্মিতমেন্তকী মশক থোকপা মওং অমা উৎখি। থৌরম অদুগী শরুক অমা ওইনা, শ্রী বৈষ্ণবনা ফোর্স অসিগী মনুংদা কম্ম্যুনিকেসন হেনগৎহল্লিবা 'সঙ্গয়ন' মোবাইল এপ্লিকেসনগী হিন্দী এদিসন হৌদোকখি। মহাক্না RPF পর্সনেলশিংগী আইনগী লৌশিং হেনগৎহন্নবা পান্দম থমদুনা নৌনা শেমখিবা ক্রিমিনেল লো অহুমগী রিফরেন্স লাইরিকশিংগী হিন্দী ভর্সনশিংসু রিলিজ তৌখি।

মীয়াম তিনখিবা অদুদা ৱা ঙাংলদুনা শ্রী বৈষ্ণবনা প্রধান মন্ত্রী শ্রী নরেন্দ্র মোদীবু থাগৎপা ফোংদোকখি। মহাক্না হায়খি মদুদি হৌখিবা চহিদা অনৌবা রেল লাইন কিলোমিতর 5300 শাবা ঙমখ্রে অমসুং হৌখিবা চহি 10দা অনৌবা রেল লাইন কিলোমিতর 31,000 শাবা ঙমখ্রে। মহাক্না মখা তানা হায়খি মদুদি হৌখিবা চহি 10দা কিলোমিতর 40,000 ইলেক্ত্রিফিকেসন তৌখ্রে। মসি হৌখিবা চহি 60দা তৌখিবা অদুদগী শরুক অনি হেল্লি।

মহাক্না মখা তারদুনা হায়খি মদুদি ভারতকী মীয়াম পুম্নমক্কীদমক হেন্না সেফ ওইবা চৎথোক-চৎশিনগী এক্সপরিয়েন্স অমা ফংহন্নবা ভারত রেলৱেজনা কবাচগুম্বা মোদর্ন ফেসিলিতীশিংগা লোয়ননা অনৌবা মতমগী ত্রেনশিং হায়বদি ভন্দে ভারত অমসুং অমৃত ভারত ত্রেনশিংগী খুত্থাংদা অফবা, নুংঙাইবা, খোঙজেল য়াংবা অমসুং শেল চংদবা ত্রেনশিং পীনবা পান্দম থম্লি। মীয়ামগী খুদোংচাবা ফংহন্নবা হৌজিক জেনরেল ক্লাস কোচ 12,500 রোম পুথোক্লে হায়না মহাক্না ফোংদোকখি।

 RPFকী দাইরেক্তর জেনরেল শ্রী মনোজ য়াদভা, সেন্ত্রেল রেলৱেজকী জেনরেল মেনেজর শ্রী ধরম বীর মীনা, দিভিজনেল রেলৱেজ মেনেজর, ভূসাভাল দিভিজন অমসুং সেন্ত্রেল রেলৱেজকী হেদক্বার্তর অমসুং দিভিজনগী অতোপ্পা মকোক থোংবা ওফিসরশিং 40শুবা রাইজিং দে পেরেদকী থৌরম অদুদা শরুক য়াখি।

RPF রাইজিং দে পেরেদ অসি RPF মেম্বরশিং অমসুং মখোয়গী ইমুং মনুংশিংনা পালন তৌখি। মীয়ামগী য়াইফনবা মখোয়গী অচেৎপা ফিরেপ অদু অমুক হন্না ফোংদোকপা অমসুং মখোয়গী নুংঙাইবা অদু শরুক য়ামিন্নবগী নুমিৎ অমনি। রেলৱেজগী পোৎ-চৈশিং ঙাক-শেনবগী থৌদাং অসি RPFতা পীবতা নত্তনা পেসেঞ্জরশিং অমসুং পেসেঞ্জরগী মফমশিং ঙাক-শেনবগী থৌদাংসু পীরি। মসিনা নুপীশিং, অঙাংশিং, অনাবশিং, অহল ওইরবা মীওইশিং, মীমান্নদ্রবা মীওইশিং অমসুং রেলৱেগা শম্নরিবা অমসুং কেয়র অমসুং প্রোতেক্সন মথৌ তাবা মীওইশিংদা মতেং পাংদুনা মীনুংশিং লৈবা ফোর্স অমা ওইহল্লি। ফোর্স অসিনা রেলৱেজ পেসেঞ্জরশিংদা সেফ, সেক্যুর অমসুং কোম্ফোতেবল ওইবা ত্রেবেল এক্সপরিয়েন্স ফংহন্নবা নুমিৎ চুপ্পা থবক তৌরি। ত্রান্সপোর্ত সেক্যুরিতীদা মরু ওইবা থৌদাং অমা লৌদুনা, তেরোরিস্তকী থবকশিংগী মায়োক্তা চেকশিন থৌরাং লৌখৎতুনা, হ্যুমেন ত্রাফিকিং অমসুং স্মাগ্লিং য়াওনা ক্রাইমগা লান্থেংনদুনা, ক্রাইম থিদোকপদা পুলিস অমসুং অতোপ্পা লো এনফোর্সমেন্ত এজেন্সীশিংদা মতেং পাংদুনা, লো এন্দ ওর্দর ঙাকপদা মতেং পাংদুনা, নেস্নেল অমসুং স্তেৎ ইলেক্সনগী মতমদা বন্দোবস্ত পীদুনা মসিনা নেস্নেল সেক্যুরিতী গ্রিদকী মরু ওইবা স্তেকহোল্দর অমা ওইরক্লি।

রেলৱে প্রোতেক্সন ফোর্সনা 'সেবা হী সঙ্কলপ'কী পান্দম অসি মপুং ফাহন্নবগীদমক মপুং ফানা পুক্নিং চীংশিন্দুনা অমসুং কন্না হোৎনদুনা লৈবাক অমসুং মসিগী প্রজাশিংগী সেবা তৌবগীদমক কত্থোক্লি। মসিগী পান্দম অসি ‘য়শো লভাস্বা’ নৎত্রগা 'এতেন গ্লোরি' হায়বসিনি।

*****