কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ), আর্থ সাইন্সকী MoS (I/C), MoS PMO, এতোমিক ইনর্জী দিপার্তমেন্ত, স্পেস, পর্সনেল, পব্লিক গ্রিভান্স অমসুং পেন্সনগী দিপার্তমেন্ত, দা জিতেন্দ্র সিংহনা ঙসি অৱাং নোংপোক লমদমদা অহানবা ওইনা ইন্তর্নেস্নেল সাইন্স ফেস্তিবেল পাংথোক্কনি হায়না লাউথোকখ্রে।

কেন্দ্রগী মন্ত্রী দা. জিতেন্দ্র সিংহনা ইরাই নুমিৎতা নই দিল্লীগী নেস্নেল মেদিয়া সেন্তরদা ইন্দিয়া ইন্তর্নেস্নেল সাইন্স ফেস্তিবেল (IISF)কী 10শুবা ইদিসনগী কর্তেন রেজর মনুংদা মীদিয়াদা ৱা ঙাংবা

নেস্নেল মীদিয়া সেন্তরদা পাংথোকপা প্রেস ব্রিফিং অমদা, দা. জিতেন্দ্র সিংহনা হায়খি মদুদি ইন্দিয়া ইন্তর্নেস্নেল সাইন্স ফেস্তিবেল (IISF) গী 10শুবা ইদিসন গুৱাহাতিদা পাংথোক্কনি। মসিনা লমদম অসিগী সাইন্তিফিক অমসুং তেক্নোলোজিকেল ইন্নোভেসনগী হব অমা ওইবগী মায়কৈদা মরুওইবা মাইলস্তোন অমা ওইগনি। 2024গী নবেম্বর 30দগী দিসেম্বর 3 ফাওবা IIT গুৱাহাতিদা পাংথোক্কদৌরিবা ফেস্তিবেল অসি অৱাং নোংপোক লমদমগীদমক সরকারনা লৌরিবা থৌদাং অদুগী খুদম অমনি অমসুং মসিনা ভারতকী চাউখৎপগী ৱারীদা মরুওইবা শক্তম অমা ওইনা লমদম অসিদা মীৎয়েং থম্লিবা প্রধান মন্ত্রী শ্রী নরেন্দ্র মোদীগী মঙলান অদুগা চান্নরি।

মফম অসিগী তোপ তোপ্পা মরুওইবা অদু পল্লদুনা দোক্তর জিতেন্দ্র সিংহনা হায়খি, “IIT গুৱাহাতি অসি লৈবাক অসিগী মকোক থোংবা ইন্সতিত্যুৎশিংগী মরক্তগী অমা ওইবতা নত্তনা ভারতকী সাইন্তিফিক এদভান্সশিংগী ফোকল পোইন্ত অমা ওইনা অৱাং নোংপোক লমদম করম্না ওইরক্লিবগে হায়বগী খুদম অমসু ওইরি। অৱাং নোংপোক্তা IISF 2024 পাংথোকপা হায়বসি সাইন্সপু সেলেব্রেৎ তৌবা খক্তা নত্তে, মসিনা লমদম অসিবু ভারতকী সাইন্তিফিক তুংলমচৎকীদমক মরু ওইনা লৌবা অদুনি”।

ফেস্তিবেল অসি গুৱাহাতিদা পাংথোক্নবা ৱারেপ লৌখিবা অসিনা সরকারনা মরুওইনা পুৱারীগী ওইবা মওংদা মশীং য়ামদবা মফমশিংদা ইনক্লুসিব দিবেলপমেন্ত প্রমোৎ তৌনবা পাক চাউবা স্ত্রেতেজী অমা উৎলি। প্রধান মন্ত্রী মোদীনা অৱাং-নোংপোক লমদম অসি ভারতকী অতৈ মফমশিংগা নকশিন্নবা অমসুং লৈবাক অসিগী চাউখৎ-থৌরাংদা মরুওইবা থৌদাং অমা লৌনবগী খুদোংচাবা পীবগী মরুওইবা অদু তত্তনা পনখি। অৱাং-নোংপোক লমদম অসি মহৌশাগী ওইবা রিসোর্স অমসুং তেলেন্তকী লমদম অমনি অমসুং ফেস্তিবেল অসিনা লৈবাক অসিগী অতৈ মফমশিংদা লৈরিবা পোতেন্সিএল অদু খঙদোক্নবা অমসুং শিজিন্ননবা খুদোংচাবা অমা পীরি," হায়না জিতেন্দ্র সিংহনা মখা তাখি।

IISFকী 10শুবা ইদিসনগী থিমদি "ভারতপু S&Tনা লমজিংবা গ্লোবেল মেনুফেকচরিং হব অমদা ওন্থোকপা" হায়বসিনি। মসিনা ইন্দস্ত্রীএল গ্রোথকা লোয়ননা সাইন্স অমসুং তেক্নোলোজী পুনশিন্নবা, ভারতপু মশা-মরোমদোম লেপচবা অমসুং মেন্যুফেকচরিংদা গ্লোবেল লিদরশিপকী মায়কৈদা পুখৎনবা সরকারগী পান্দম অদু উৎলি। হীরম অসি 'মেক ইন ইন্দিয়া' অমসুং 'আত্মনির্ভর ভারত'গুম্বা নেস্নেল ইনিসিএতিবশিংগা নক্না মরী লৈনৈ অমসুং আর্তিফিসিএল ইন্তেলিজেন্স, রোবোতিক্স অমসুং বাইওতেক্নোলোজীগুম্বা অনৌবা তেক্নোলোজীশিং অসিদা মীৎয়েং থমগনি হায়না মন্ত্রীনা হায়খি।

দা. জিতেন্দ্র সিংহনা ভারতকী শেন্মিৎলোনগী তুংলমচৎপু লমজিংবদা সাইন্সকী থৌদাং অদুসু পনখি। মহাক্না হায়খি, "ভারতকী শেন্মিৎলোনগী চাউখৎপগী মথংগী ইনোৎ অসি বাইওতেক্নোলোজী, বাইওইকনোমী অমসুং স্পেস তেক্নোলোজীদা খুমাং চাউশিল্লকপদগী লাক্কনি। ফেস্তিবেল অসিনা সাইন্সনা ঐখোয়গী ইকনোমী, এনভাইরনমেন্ত অমসুং এমপ্লোইমেন্তকী তুংলমচৎ করম্না শেমগনি হায়বদু ময়েক শেংহন্নবা খুদোংচাবা অমা পীরি”।

দা. জিতেন্দ্র সিংহনা হায়খি মদুদি “IISF-2024না লৈবাক অসিগী সাইন্তিফিক্কী ওইবা মায়পাকপশিংবু সেলেব্রেৎ তৌবতা নত্তনা কোলাবোরেসন অমসুং ইন্নোভেসনগী খুদোংচাবসু শেমগনি। প্লেৎফোর্ম অসিনা সাইন্তিস্তশিং, ইন্দস্ত্রীগী লুচিংবশিং, মহৈরোইশিং অমসুং মীয়াম্বু সাইন্সকী ত্রান্সফোর্মেতিব পৱার নৈননবগীদমক পুনশিনগনি। IISF-2024না ভারতকী তুংলমচৎপু সাইন্স অমসুং তেক্নোলোজীদা মালেমগী লুচিংবা অমা ওইনা শেমগৎকদবা খন্ন-নৈনবশিংদা  শাহৌ পীগনি”।

সাইন্সনা লমজিংবা ইন্দস্ত্রীএল গ্রোথতা মরুওইবা মীৎয়েং থম্লিবা অসিগী মথক্তা, IISF-2024 অসি লৈবাক শীনবা থুংনা নহা ওইরিবা মীওইশিংবু শরুক য়াহন্নবা মরুওইবা প্লেৎফোর্ম অমা ওইনা মথৌ তৌগনি। ফেস্তিবেল অসিনা মহৈরোইশিংদা মকোক থোংবা সাইন্তিস্তশিংগা মরী লৈনবা, সাইন্স কম্পিতিসনশিংদা শরুক য়াবা, অমসুং গ্রাউন্দব্রেকিং ইন্নোভেসনশিং য়াম্না নক্না থেংনবগী খুদোংচাবা ফংহল্লগনি হায়না মন্ত্রীনা হায়খি।

প্রধান মন্ত্রী শ্রী নরেন্দ্র মোদীগী লুচিং মখাদা ভারতকী সাইন্তিফিক প্রোগ্রেসতা মীৎয়েং থম্লদুনা, মন্ত্রীনা হায়খি মদুদি ভারতকী সাইন্তিফিক প্রোগ্রেস অসি চাউখৎলক্লি, লৈবাক অসিনা স্পেস এক্সপ্লোরেসন, বাইওতেক্নোলোজী অমসুং দিজিতেল তেক্নোলোজীগুম্বা লমশিংদা চাউখৎপা কয়া অমা উবা ফংলে। মহাক্না অমুক হন্না হায়খি মদুদি IISF-2024না সাইন্তিফিক ইন্নোভেসন্না লমজিংদুনা মালেমগী মেনুফেকচরিং পাৱরহাউস অমা ওইনবা ভারতকী অচেৎপা ফিরেপ অদু অমুক হন্না ফোংদোক্কনি।

IISF-2024 অসি কাউন্সিল ওফ সাইন্তিফিক এন্দ ইন্দস্ত্রীএল রিসর্স (CSIR)না কোওর্দিনেৎ তৌরি অমসুং মসিদা ভারত সরকারগী মরুওইবা সাইন্তিফিক দিপার্তমেন্ত অমসুং মন্ত্রালয় পুম্নমক্না ভিজনানা ভারতীগা খুৎশম্নদুনা শরুক য়ারি। থৌরম অসিদা ক্লাইমেৎ চেঞ্জ, ফুদ সেক্যুরিতী, অমসুং সস্তেনেবল দিবেলপমেন্তকুম্বা মালেমগী ওইবা অৱাবা কয়া কোকহন্নবা পান্দম থমদুনা মখল কয়াগী এক্সপোজিৎশিং, পেনেল দিস্কসনশিং, অমসুং ইন্তর্নেস্নেল কোলাবোরেসনশিং উৎকনি।

ফেস্তিবেলগী রেজিস্ত্রেসনগী 30% অৱাং নোংপোক লমদমগী শরুক য়ারিবশিংগীদমক্তা রিজর্ব তৌদুনা, থৌরম অসিনা লমদম অসিগী হৈ-শিংলবা মীওইশিংদা সাইন্তিফিক কম্ম্যুনিতীগী খ্বাইদগী থোইদোক হেন্দোকপা মীওইশিংগা ৱারী শানবগী তোপ তোপ্পা খুদোংচাবা অমা পীগনি। মসি দোক্তর জিতেন্দ্র সিংহনা হায়খি, এক্সচেঞ্জ অমসুং কোলাবোরেসনগীদমক প্লেৎফোর্ম কয়া শেমদুনা ভারতপু অৱাং-নোংপোক্কী লমদমগা নকশিন্নবা হোৎনরিবা অসিগী শরুক অমনি।

দোক্তর. জিতেন্দ্র সিংহনা লোইশিনবদা লৈবাক শিনবা থুংবদগী মীওই কয়া অমা অৱাং নোংপোক লমদমদা চৎতুনা মাগী নুংঙাইরবা চৎনবী, চাউরবা রিসোর্স অমসুং ইন্নোভেতিব স্পিরিৎ এক্সপরিয়েন্স তৌনবা হায়খি। “ঐখোয়না ভারতকী অতৈ মফমশিং অসি অৱাং-নোংপোক লমদমগা নকশিন্নবা মতম ওইরে। লমদম অসিদা নেচরেল রিসোর্সশিং, সস্তেনেবল ওইবা থবকশিং, অমসুং প্রোগ্রেসিব কলচরগী মতাংদা পীবা য়াবা কয়া অমা লৈ। ফেস্তিবেল অসিনা লৈবাক অসিদা মদু উৎকনি”।

 ভারত সরকারগী প্রিন্সিপল সাইন্তিফিক এদভাইজর, প্রোফেসর এ.কে. সুদ; CSIRগী দাইরেক্তর জেনরেল, দোক্তর এন. কালাসেলভি; আর্থ সাইন্স মন্ত্রালয়গী সেক্রেতরী দোক্তর এম. রবিচন্দ্রন, সাইন্স অমসুং তেক্নোলোজী দিপার্তমেন্তকী সেক্রেতরী দোক্তর অভায় কারান্দিকর অমসুং ভিজন ভারতীগী নেস্নেল ওর্গানাইজিং সেক্রেতরী দোক্তর শিব কুমার শর্মা অমসুং মকোক থোংবা ওফিসিএলশিংনা থৌরম অদুদা শরুক য়াখি।

***