بھارت کے صحت کے شعبے اور تحقیق میں پائیدار توانائی کو فروغ دینے کے لیے ایک اہم معاہدے کے تحت، جو کہ محترم وزیراعظم کے "اتم نر بھربھارت" (خود کفیل بھارت) اور ایک صاف ستھرے سر سبز مستقبل کے وژن کے مطابق ہے، بھارتی طبی تحقیق کونسل(آئی سی ایم آر ) نے  این ٹی پی سی ودیوت ویاپار نگم( این وی وی این ) کے ساتھ ایک مفاہمت نامے پر   دستخط کیے۔ یہ شراکت داری ملک بھر میںآئی سی ایم آر  کے اداروں کے لیے شمسی توانائی کے استعمال پر مرکوز ہے، جو کہ بھارت کی تجدید پذیر توانائی اور پائیداری کی طرف بڑھنے کی کوششوں کی حمایت کرتی ہے۔

اس معاہدے کے تحت 15 آئی سی ایم آر  اداروں میں این وی وی این  4559 کلو واٹ کی مجموعی صلاحیت والے  چھت پر نصب کئے جانے والے  شمسی پینلز کی فراہمی، تنصیب، جانچ، کمیشننگ، اور دیکھ بھال کرے گا۔ اس منصوبے میں گرڈ سے منسلک شمسی منصوبوں کے لیے ایک پاور پرچیز ایگریمنٹ(پی پی اے) بھی شامل ہے، جو اگلے 25 برسوں کے لیے ایک مقررہ شمسی ٹیرف فراہم کرے گا، جس سے آئی سی ایم آر کی ککما کاج                        کے لیے طویل مدتی لاگت  کے  مؤثر  اور پائیدارہونے  کو یقینی بنایا جائے گا۔

سات ادارے پہلے ہی گزشتہ منصوبوں کے تحت شمسی توانائی سے فائدہ اٹھا رہے ہیں، اور این وی وی این کے ساتھ  باہمی مفاہمت کا سمجھوتہ  شمسی توانائی کے استعمال کی کوششوں کو وسعت دے گا، جس سے آئی سی ایم آر  کا کاربن فٹ پرنٹ اور توانائی کے اخراجات میں نمایاں کمی ہوگی۔

یہ شراکت داری بھارت کے قومی  قابل تجدید توانائی کے اہداف کو مؤثر طریقے سے تقویت بخشتی  ہے، صحت کے تحقیق میں ایک پائیدار مستقبل کی بنیاد رکھتی ہے، اور آئی سی ایم آر  کو بایومیڈیکل شعبے میں سبز توانائی کے اپنانے میں ایک رہنما کے طور پر پیش کرتی ہے۔

 ******

ش ح۔ ش ب  ۔ س ع س

U-NO.868