পোর্তস, শিপ্পিং অমসুং ৱাতরৱেজ মন্ত্রালয় (MoPSW) অমসুং এসিয়ন দিবেলপমেন্ত বেঙ্ক (ADB) না পুন্না য়ুম্বু ওইদুনা পাংথোকপা ভারত্তা মেরিতাইম দিকার্বোনাইজেসনগী কনফরেন্স ঙসি নই দিল্লীগী লে মেরিদিয়নদা লোইশিনখ্রে। মরুওইবা ভারতকী পোর্তশিংগী লুচিংবশিং, কেন্দ্র অমসুং রাজ্য সরকারগী ওফিসিএলশিং, ইন্দস্ত্রী স্তেকহোল্দরশিং, ইন্তর্নেস্নেল এক্সপর্তশিং অমসুং একাদেমিসিয়ন য়াওনা দেলিগেৎ 200 হেনবনা গ্রীন শিপ্পিং অমসুং পোর্ত ওপরেসনশিংগী তুংলমচৎকী মতাংদা খন্ন-নৈননবা থৌরম অসিদা পুনশিনখি।

কনফরেন্স অসিনা 2070  ফাওবদা নেৎ জিরো কার্বোন ইম্মিসন ফংহন্নবা ভারতকী অচেৎপা ফিরেপ অদু পনখি অমসুং মেরিতাইম ইন্দিয়া ভিজন 2030গা মরী লৈননা মেরিতাইম সেক্তরদা দিকার্বোনেজ তৌনবা স্ত্রেতেজিক ইনিসিএতিবশিং ফোংদোকখি। গ্রীন পোর্ত ইনফ্রাস্ত্রকচর, ক্লিন হরবর ক্রাফ, জিরো কার্বোন ফ্যুলশিং শীজিন্নবা, ইম্মিসন হন্থহন্নবা থৌরাংশিং, অমসুং ইন্তরলেন্দ ৱাতরৱেজ ইলেক্ত্রিফিকেসন য়াওনা মরু ওইবা হীরম কয়াদা খন্ন-নৈনখি।

মহাক্কী মরুওইবা ৱারোলদা MoPSWগী সেক্রেতরী, শ্রী তি.কে. রামচন্দ্রন্না ভারতকী মেরিতাইম সেক্তরদা অহোংবা পুরক্নবা ৱারেপ লৌবগী ৱাফম অদু অমুক হন্না ফোংদোকখি। মহাক্না হায়খি, "ভারতকী মেরিতাইম সেক্তর অসি লৈবাক অসিগী শেন্মিৎলোনগী মরুওইবা দ্রাইভর অমা ওইবতা নত্তনা ক্লাইমেৎ চেঞ্জগী মায়োক্তা ঐখোয়না লান্থেংনরিবা অসিদা মরুওইবা থৌদাং অমা লৌরি। হরিত সাগর গ্রীন পোর্ত গাইদলাইনশিং অমসুং হরিত নৌকা গ্রীন ত্রাঞ্জিসন গাইদলাইনশিংগুম্বা খোঙথাংশিংগী খুত্থাংদা, MoPSWনা গ্রীন ইনর্জী, সস্তেনেবল পোর্ত ওপরেসনশিং, অমসুং ক্লিনর শিপ্পিং প্রেক্তিসশিং শীজিন্নবদা মালেমগী ওইনা ফিদম্নফম ওইরবা খুদম অমা ওইরি। ঙসি ঐখোয়না হোৎনরিবশিং অসিনা তুংলমচৎকী মেরিতাইম লেন্দস্কেপ মশক তাক্লগনি, মসিনা শেন্মিৎলোনগী চাউখৎপা অমসুং অকোইবগী ফিবম লেংদনা থম্বগী মরক্তা তংদু লৈহল্লগনি।"

“MoPSWনা 2047 ফাওবদা ভারতকী ঈশিং মনুংদা লৈরিবা জহাজ খুদিংমক গ্রীন জহাজশিংদা ওন্থোক্নবা অমসুং হন্থবা নত্রগা জিরো-ইম্মিসন ফ্যুলশিং শীজিন্ননবা পান্দম থম্লিবা অসি ক্লাইমেৎ এক্সন অমসুং সস্তেনেবল মেরিতাইম প্রেক্তিসকী মায়কৈদা খুমাং চাউশিন্নবা পাম্বৈগী খুদম অমনি”।

“নেস্নেল গ্রীন হাইদ্রোজেন মিসন অসিনা ভারতপু গ্রীন হাইদ্রোজেন পুথোকপগী মালেমগী হব অমা ওইহন্নবা পান্দম থম্লি। মসিনা 2070 ফাওবদা নেৎ জিরো ইম্মিসন ফংনবা হোৎনবগী পান্দম অদু উৎলি। কার্বোন ইন্তেন্সিতী হন্থহন্দুনা অমসুং 'ৱার্কিং ৱিথ নেচর' প্রিন্সিপলশিং শীজিন্নদুনা, MoPSWনা ভারতকী মেরিতাইম সেক্তরনা শেন্মিৎলোন চাউখৎহনবদা মতেং পাংবতা নত্তনা ক্লাইমেৎকী পাক চাউরবা পান্দমশিংগা ইরোইননা ইনোভেসন অমসুং সস্তেনেবিলিতীদা খোঙথাং খুদিংদা মতেং পাংলি।”.

থৌরম অদুগী মরুওইবা শরুকশিংগী মরক্তগী অমা হায়রগদি গ্রীন পোর্তস অমসুং মেরিতাইম দেকার্বোনাইজেসনগী মতাংদা অখন্নবা সেসন অমা ওইখি। মফম অদুদা এক্সপর্তশিংনা ভারতকী পোর্তশিংগী কার্বন ফুতপ্রিন্স হন্থহন্নবা লৌশিং অমসুং খ্বাইদগী ফবা থৌওংশিং য়েন্থোকখি। সেসন অদুদা DNV  মেরিতাইম এদভাইজরী ইন্দিয়াগী হেদ, অজয় কুমার সিংহনা প্রজেন্তেসনশিং পীখি। মহাক্না ইনর্জী ইফিসিএন্সী হেনগৎহনবদা স্মার্ত পোর্তশিংগী থৌদাং অদু খন্নখি। অমসুং সিঙ্গাপুরগী দেকার্বোনেজাইজেসন খোঙচৎকী মতাংদা লৌশিংশিং পীরম্বা সিঙ্গাপুরগী মেরিতাইম অমসুং পোর্ত ওথোরিতীগী দিপুতি দাইরেক্তর, লরেন্স ওংনা ৱা ঙাংখি।

অতোপ্পা সেসন অমদা, মেরিতাইম ওপরেসনশিংদা জিরো-কার্বোন ফ্যুলশিংগী থৌদাংদা মীৎয়েং থমখি। এক্সপর্তশিংনা গ্রীন হাইদ্রোজেন অমসুং অমোনিয়াগুম্বা অতোপ্পা ফ্যুলশিং অথুবা মতমদা শীজিন্নবগী তঙাই ফদবা অদু পনখি। মের্সক লাইনগী কেপ্তেন প্রশান্ত এস. ৱিজনা গ্রীন ফ্যুএলদা ওন্থোকপদা মালেমগী ওইবা শীংনবশিং অমসুং খুদোংচাবশিংগী মতাংদা শিপ ওনরশিংগী ৱাখল্লোনশিং শিয়র তৌখি অদুগা কোচিন শিপয়ার্দকী CMD মাধু নায়রনা অতোপ্পা ফ্যুলগা মরী লৈনবা ভারতকী এক্সপরিয়েন্স অদু উৎখি।

কনফরেন্স অদুদা ইনলেন্দ ৱাতরৱেজ অসি দেকার্বোনাইজেসনগী মরুওইবা লম অমা ওইনা শন্দোক্না তাকখি। MoPSWগী জোইন্ত সেক্রেতরী (IWT), আর লক্ষ্মনন, কোচি ৱাতর মেত্রোগী CGM  পি.জে. শাজীনা ঈশিং য়ুম্ফম ওইবা ত্রান্সপোর্তেসনদা ইম্মিসন হন্থহন্নবা অমসুং ইফিসিএন্সী ফগৎহন্নবা মায় পাকপা থবকশিং উৎলি। শ্রী লক্ষ্মনন্না হায়খি মদুদি ইম্মিসন য়াম্না হন্থবা অতোপ্পা ফ্যুলদা ওন্থোকপনা IWT গী মপুং ফাবা পোতেন্সিএল অসি সস্তেনেবল ত্রান্সপোর্তেসন মোদ অমা ওইনা শীজিন্নবদা মতেং পাংগনি।

মীফম অদুগী মনুংদা MoPSWগী জোইন্ত সেক্রেতরী (IWT), আর লক্ষ্মনন্না ভারতকী মেরিতাইম ইন্দস্ত্রীদা দেকার্বোনাইজেসনগী পান্দম ফংনবগীদমক সেক্তর অসিগী মনুংদা লেপ্তনা খুৎশম্নদুনা থবক তৌমিন্নবগী মরুওইবা অদু ফোংদোকখি। মহাক্না মরুওইবা পোর্তশিংদা গ্রীন হাইদ্রোজেন পুথোকপা অমসুং এক্সপোর্ত তৌনবগীদমক ইকোসিস্তেম দিবেলপমেন্তকীদমক MoPSW ব্ল্যুপ্‌রিন্ততা মীৎয়েং থমখি।

কনফরেন্স অসি ADB অমসুং KPMG গী শক্নাইরবা প্রোফেস্নেলশিংনা হৈ-শিংলবা মওংদা লমজিংখি। মসিনা থৌরম অদুগী মনুংদা ময়েক শেংনা খন্ন-নৈনবশিং অমসুং মওং চুম্বা কোওর্দিনেসন অমা লৈহন্নবা হোৎনখি। কনফরেন্স অদু ERDI, ADB, এদভাইজর  দা. য়েসিম এলান-কায়ালর মোদরেৎ তৌখিবা ভারতকী মেরিতাইম দেকার্বোনাইজেসনগী মরুওইবশিং অমসুং সস্তেনেবল অমসুং গ্রীন শিপ্পিং প্রাক্তিসকীদমক মাংলোমদা চংশিন্নবা লম্বীগী মতাংদা পাংথোকপা পেনেল দিস্কসন অমগা লোয়ননা লোইশিনখি।

আউতকমশিংগী শরুক অমা ওইনা, কনফরেন্স অসিনা সরকারগী বোদীশিং, ইন্দস্ত্রীগী লুচিংবশিং অমসুং ইন্তর্নেস্নেল ওর্গানাইজেসনশিংগী মরক্তা শরুক য়ামিন্নরিবা দেকার্বোনাইজেসনগী পান্দমশিং ফংনবগীদমক মখা তানা খুৎশম্নবগী তঙাই ফদবা অদুদা অকনবা ৱাফম থমখি। মসিনা গ্রীন শিপ্পিং অমসুং পোর্ত দিবেলপমেন্ততা মতেং পাংলিবা ইন্নোভেতিব ফাইনান্সিং মোদেলশিং অমসুং রেগ্যুলেতরী ফ্রেমৱার্কশিংগী মতাংদা মখা তানা খন্ন-নৈনবগী ফম্পাক অমসু শেমখি।

ভারতনা মাগী অচৌবা পান্দমশিংগা লোয়ননা মাংদা চংশিনবগা ইরোইননা কনফরেন্স অসিদগী ফংলকপা লৌশিং অসিনা মেরিতাইম দিকার্বোনাইজেসনগী লমদা হেন্না ক্লিন অমসুং গ্রীন ওইবা মেরিতাইম সেক্তরদা শরুক তম্মিবা পোলিসীশিং অমসুং প্রেক্তিসশিং শেম্বদা মরু ওইবা থৌদাং অমা লৌরগনি।

***