2011গী সেন্সসকী মতুং ইন্না ভারত অসি ত্রাইবেল কম্মুনিতীগী মখল কয়াগী লমদম ওইরি। 2011গী সেন্সসকী মতুং ইন্না, সেদ্যুল ত্রাইব (ST)গী তোঙান তোঙানবা কাংলুপ 705 হেন্না য়াওরিবা হায়রিবা কম্ম্যুনিতীশিং অসি লৈবাক শিনবা থুংনা শন্দোক্লি, অমসুং অয়াম্বা মতমদা অরাপ্পা অমসুং মনুং হঞ্জিনবা মফমশিংদা লৈ। ত্রাইবেল কম্ম্যুনিতীশিং অসিবু মতেং পাংনবা অমসুং সপোর্ত তৌনবগীদমক, ভারত সরকারনা মখোয়বু চাউখৎহন্নবা পান্দম থমদুনা তোঙান তোঙানবা স্কিমশিং অমসুং পোলিসীশিং হৌদোকখ্রে। মসিগী মনুংদা সস্তেনেবল দিবেলপমেন্ত, কলচরেল প্রিজর্বেসন অমসুং সোসিও-ইকনোমিক এম্পাৱরমেন্তদা মীৎয়েং থম্লি।

পুৱারীগী ওইবা মীৎয়েং অমসুং সরকারগী ফিরেপ

ত্রাইবেল দিবেলপমেন্তকী মায়কৈদা ভারত সরকারনা হোৎনরিবশিং অসি 1974-75দা ত্রাইবেল সব-প্লান (TSP)দগী ইমপ্লিমেন্ত তৌদুনা মসি সেদ্যুল ত্রাইব কম্পোনেন্ত(STC) অমসুং দিবেলপমেন্ত এক্সন প্লান্ত ফোর সেদ্যুল ত্রাইবস (DAPST) শেমলকখি। থৌরাংশিং অসিনা তোঙান-তোঙানবা মন্ত্রালয়শিংনা ত্রাইবেলশিংগী য়াইফ-থৌরাংবু কোওর্দিনেৎ তৌরবা থৌওং অমগী খুত্থাংদা পান্দম থমখি। শেল-থুমগী ওইবা হীরমগী ৱাফম অসি য়াম্না হেনগৎখ্রে। 2023-24দা DAPSTগী বজেৎ অসি চহি খুদিংগী লুপা করোর 25,000দগী লুপা করোর লাখ 1.2দা হেনগৎখ্রে। কেন্দ্রগী বজেৎ 2024-25না ত্রাইবেল এফিয়র্স মন্ত্রালয়গীদমক এলোকেসন অসি লুপা করোর 13,000দা হেনগৎহনখ্রে। মসি মমাংগী চহিগী এস্তিমেৎ অদুদগী 73.60% হেনগৎলকপনি।

ধর্তি আবা জনজাতীয় গ্রাম উতকর্শ অভিয়ান হৌদোকপা

2024গী ওক্তোবর 2দা প্রধান মন্ত্রী শ্রী নরেন্দ্র মোদীনা ঝারখন্দগী হজারিবাগতা ধর্তি আবা জনজাতীয় গ্রাম উতকর্শ অভিয়ান হৌদোকখি। লুপা করোর 79,150 হেন্না থাদদুনা, চাউরাক্না ত্রাইবেল খুঙ্গং 63,000দা সোসিএল ইনফ্রাস্ত্রকচর, হকশেল, এজুকেসন অমসুং লাইবলিহুদ দিবেলপমেন্তদা লৈরিবা অৱাবা কয়া কোকহন্নবা পান্দম থম্লিবা অচৌবা প্রোগ্রামনি। অভিয়ান অসিনা রাজ্য অমসুং য়ুনিয়ন তেরিতোরী (UT) 30গী জিলা 549 অমসুং ব্লোক 2,740গী ত্রাইবেল মীওই করোর 5 হেন্না কান্নবা ফংহল্লি। মসিনা ভারত সরকারগী মন্ত্রালয় অমসুং দিপার্তমেন্ত 17দা ইন্তরভেন্সন 25 পুনশিনখি।

একলব্যা মোদেল রেসিদেন্সিএল স্কুলশিং (EMRS)

ত্রাইবেল কম্ম্যুনিতীশিংগীদমক সরকারনা লৌখৎলিবা এজুকেসন ইনিসিএতিবশিংগী মরুওইবা মচাক অমা হায়রগদি একলব্যা মোদেল রেসিদেন্সিএল স্কুলশিং (EMRS) নি। হায়রিবা স্কুলশিং অসিনা অরাপ্পা মফমশিংদা লৈবা STগী অঙাংশিংদা ক্বালিতী লৈবা এজুকেসন পীবা, হায়র এজুকেসন অমসুং থবক ফংহন্নবা খুদোংচাবশিং ফংহন্নবা পান্দম থম্লি। একাদেমিক অমসুং হোলিস্তিক দিবেলপমেন্ততা মীৎয়েং থমদুনা EMRSনা ত্রাইবেল এম্পাৱরমেন্তকী মরুওইবা খুৎলাই অমা ওইরক্লি। স্কুল খুদিংমক্তা ক্লাস VIদগী XII ফাওবগী মনুংদা মহৈরোয় 480 লৈ।

ত্রাইবেল কম্ম্যুনিতীশিংগীদমক এজুকেস্নেল ইনফ্রাস্ত্রকচর হেনগৎহন্নবগীদমক, প্রধান মন্ত্রীনা একলব্যা মোদেল রেসিদেন্সিএল স্কুল (EMRS) 40 শঙ্গাখ্রে অমসুং লুপা করোর 2,800 হেনবগী EMRS 25গী উরেপ উয়ুং তমখ্রে। হায়রিবা স্কুলশিং অসি নবোদয় বিদ্যলয়শিংগা মান্নবা মওংদা শেমগৎপনি অমসুং লমদম অসিগী ত্রাইবেল আর্ত অমসুং কলচর ঙাক্তুনা থম্নবা স্পোর্তস অমসুং স্কিল দিবেলপমেন্তসু প্রমোৎ তৌদুনা স্পেসিএল ফেসিলিতীশিং ফংহল্লি।

প্রধান মন্ত্রী জনজাতী অদিভাসি ন্যায় মহা অভিয়ান (পি.এম.-জনমন)

ধর্তি আবা প্রোগ্রামগা লোয়ননা, প্রধান মন্ত্রীনা প্রধান মন্ত্রী জনজাতী অদিভাসি ন্যায় মহা অভিয়ান (পি.এম.-জনমন) গী মখাদা প্রোজেক্তশিংগীদমক উরেপ উয়ুংসু তমখি। লুপা করোর 1,360 হেনবগী প্রোজেক্তশিং অসিনা লম্বীগী কন্নেক্তিবিতী ফগৎহনবা, অঙ্গনৱাদি অমসুং মলতিপর্পস সেন্তরশিং শেমগৎপা অমসুং স্কুল হোস্তেলশিং শেমগৎপদা মীৎয়েং থম্লি। সরকারনা পার্তিক্যুলর্লী ভলনরেবল ত্রাইবেল গ্রুপ (PVTG) 75,800 হেনবগী ইমুংশিংদা ইলেক্ত্রিফিকেসন তৌনবা অমসুং মোবাইল মেদিকেল য়ুনিৎ 275 অমসুং অঙ্গনৱাদি সেন্তর 500 মথৌ তৌহন্নবা লাউথোকখি। মসিগী মথক্তা, ভান ধন বিকাস কেন্দ্র 250 লিংখৎখ্রে, অমসুং PVTG গী খুঙ্গং 5550 হেনবদা "নাল সে জল" স্কিমগী মখাদা থক্নবা ঈশিং ফংহনখ্রে।

ত্রাইবেল এম্পাৱরমেন্তগীদমক পায়খৎপা সরকারগী মরু ওইবা স্কিমশিং

1. প্রি-মেত্রিক অমসুং পোস্ত মেত্রিক স্কোলরশিপ স্কিমশিং

হায়রিবা স্কোলারশিপশিং অসিনা মহৈরোয়শিং দ্রোপ আউৎ তৌবগী চাং হন্থহন্নবা অমসুং ত্রাইবেল মহৈরোয়শিংগী মহৈ-মশিং তম্বদা মতেং পাংনবা পান্দম থম্লি:

• প্রি-মেত্রিক স্কোলারশিপ: ক্লাস IX অমসুং Xদা লৈবা ST মহৈরোয়শিংদা সেকেন্দরী এজুকেসনদা য়ৌহন্নবা পুক্নিং থৌগৎতুনা শেলগী তেংবাং পীরি।
• পোস্ত-মেত্রিক স্কোলারশিপ: ক্লাস XIদগী পোস্ত-গ্রেজুএৎ কোর্স ফাওবদা হায়র এজুকেসন তম্লিবা ST মহৈরোয়শিংদা শেলগী তেংবাং পীরি।

 

2. ST মহৈরোয়শিংগীদমক নেস্নেল ওভরসীস স্কোলরশিপ

স্কিম অসিনা মেরিতোরিয়স STগী মহৈরোয়শিংদা মপান লৈবাক্কী য়ুনিভর্সিতীশিংদা পোস্ত-গ্রেজুএৎ, দোক্তরেল অমসুং পোস্ত-দোক্তরেল স্তদীজ তম্নবগী খুদোংচাবা পীরি। এক্সিলেন্স অমসুং ইন্তর্নেস্নেল এক্সপোজরদা মীৎয়েং থমদুনা, সরকারনা চহিগী ওইনা এৱার্দ 20 পীরি, অমসুং নুপী কেন্দিদেৎশিংগীদমক্তা 30% রিজর্ব তৌরি।

3. পার্তিক্যুলর্লী ভলনরেবল ত্রাইবেল গ্রুপস (PVTGs) দিবেলপমেন্ত প্রোগ্রাম

PVTG প্রোগ্রাম অসিনা হকশেল, মহৈ-মশিং, ঈশিং অমসুং মৈ ফংহনবদা মীৎয়েং থমদুনা খ্বাইদগী খুদোংচাদবা ত্রাইবেল কম্ম্যুনিতীশিংদা পান্দম থম্লি। মসিগী খোঙথাং অসিগী মখাদা দিস্ত্রিক্ত 200দা লৈবা য়ুম 22,000দা লৈরিবা PVTG গী ইমুং লাখ 7রোমনা কান্নবা ফংলি।

4. ত্রাইবেল রিসর্চ ইন্সতিত্যুসনশিং (TRIs) দা পীবা তেংবাং

TRIশিংনা ত্রাইবেল কলচর ঙাক-শেন্দুনা থম্বদা অমসুং মখোয়গী সোসিও-ইকনোমিক ওইবা শিংনবশিং থেংনবদা মরু ওইবা থৌদাং অমা লৌরি। ত্রাইবেল ৱেলফেয়র, লোলশিং, চৎনবীশিং অমসুং হিদাক লাংথক্কী থৌওংশিংগী মতাংদা রিসর্চ অমসুং দোক্যুমেন্তেসন তৌবদা মতেং পাংনবা TRI স্কিমদা পীবা তেংবাংনা প্রমোৎ তৌরি, কলচরেল ফেস্তিবেলশিং অমসুং একচেঞ্জ প্রোগ্রামশিং শিল্লি।

5. দিবেলপমেন্ত এক্সন প্লান ফোর সেদ্যুল ত্রাইবস (DAPST)

DAPST স্কিমনা কেন্দ্রগী মন্ত্রালয় খুদিংমক্না ত্রাইবেলশিংগী য়াইফনবা স্কিমশিং পায়খৎপা, মন্ত্রালয় 41না কোওর্দিনেসন তৌদুনা থবক পায়খৎপা য়াহল্লি। প্লান অসিনা ত্রাইবেল রিজনশিংদা লৈরিবা এজুকেসন, হেল্থকেয়র অমসুং ইনফ্রাস্ত্রকচরগী মরুওইবা শিংনবশিং মেনশিনবদা মীৎয়েং থম্লি।

6. ST মহৈরোয়শিংগীদমক নেস্নেল ফেল্লোশিপ

ফেল্লোশিপ স্কিম অসিনা ত্রাইবেল মহৈরোয়শিংদা দিজি-লোকর ইন্তিগ্রেসনগী খুত্থাংদা মতম চানা শেলগী তেংবাং অমসুং গ্রিভান্স রিদ্রেসেল ফংহন্দুনা মপুং ফানা দিজিতেল প্রোসেসকী খুত্থাংদা হায়র এজুকেসন তম্বদা মতেং পাংই।

7. নেস্নেল সেদ্যুল ত্রাইবস ফাইনান্স এন্দ দিবেলপমেন্ত কোর্পোরেসন (NSTFDC)

NSTFDCনা STগী কান্নবা ফংলবা মীওইশিংদা ইনকম লাকহনবা থবকশিংদা মীৎয়েং থমদুনা হন্থবা শেন্দোইগী চাংদা শেলগী তেংবাং পীরি।

8. ত্রাইবেল কোওপরেতিব মার্কেতিং দিবেলপমেন্ত ফেদরেসন ওফ ইন্দিয়া (TRIFED)

TRIFED না ত্রাইব ইন্দিয়াগী পোৎথোকশিং অমসুং ই-কম্মর্স প্লেৎফোর্মশিংগী খুত্থাংদা ত্রাইবেলগী পোৎথোকশিং প্রমোৎ তৌদুনা ত্রাইবেলগী আর্তিসানশিংদা তুং কোইনা হিংনবগী খুদোংচাবা পীরি। TRIFEDনা ত্রাইবেলগী পোৎথোকশিং, তেক্সতাইল অমসুং অতোপ্পা ত্রাইবেলগী পোৎথোকশিং প্রমোৎ তৌদুনা, হায়রিবা কম্ম্যুনিতীশিং অসিগীদমক্তা কৈথেলগী লিঙ্কশিং শেমগৎলি।

9.  আদি মহোৎসব অমসুং কলচরেল ফেস্তিবেলশিং

 অসিগুম্বা কুহ্মৈশিং অসি ত্রাইবেল হেরিতেজ উৎনবগী প্লেৎফোর্মশিংনি, মসিদা আদি মহোৎসব অসি মশক থোকপা থৌরম অমনি। মখোয় অসি ত্রাইবেল স্কিল দিবেলপমেন্ত, হেরিতেজ প্রমোসন, অমসুং ইকনোমিক এম্পাৱরমেন্তদা মীৎয়েং থম্লিবা প্রধান মন্ত্রী জনজাতীয় বিকাস মিসন (PMJVM) গী শরুক অমনি। প্রধান মন্ত্রী শ্রী নরেন্দ্র মোদীনা জনজাতী গৌরব দিবস 2022গী থৌরমদা মহাক্কী ৱারোলদা পনখিবা অতোপ্পা ইথিল পীবা য়াবা স্কিমশিং অদুদি স্বচ্ছ ভারত মিসন, ওর্গানিক ৱেস্ত মেনেজমেন্তকীদমক গোবর্ধন স্কিম, অমসুং মমা অমসুং অঙাংশিংগী হকশেলদা মতেং পাংলিবা প্রধান মন্ত্রী মাত্রু বন্দনা য়োজনা অসিনি। মসিগী খোঙথাংশিং অসিনা ত্রাইবেল কম্ম্যুনিতীশিংগী পুন্সি মহিং ফগৎহন্নবা সরকারনা লৌরিবা থৌদাং অদু উৎলি।

ত্রাইবেল কম্ম্যুনিতীশিংগী সোসিও-ইকনোমিক এম্পাৱরমেন্ত

সরকারনা ত্রাইবেল কম্ম্যুনিতীশিংবু মপাঙ্গল কনখৎহন্নবা, মরুওইনা ইনকম জেনরেসন অমসুং ইকনোমিক দিবেলপমেন্ততা মীৎয়েং থমদুনা স্কিম কয়া অমা হৌদোকখ্রে। তর্ম লোন স্কিম অসিনা চুনবা বিজিনেস য়ুনিৎশিংগীদমক লোন পীরি, য়ুনিৎ কোস্তকী 90% ফাওবগী শেনফম হন্থহন্দুনা চহি 5দগী 10 ফাওবগী শেল শিংদোকপগী মতমগা লোয়ননা লোন পীরি। অদিভাসি মহিলা সাশক্তিকরন য়োজনা (AMSY) অসি ত্রাইবেল নুপীশিংগীদমক্তা শেমগৎপনি। মসিদা লুপা লাখ 2 ফাওবগী শেন্দোং হন্থবা লোন চাদা 4খক্তদা পীরি। মসিগী মথক্তা, মাইক্রো ক্রেদিৎ স্কিম অসিনা ত্রাইবেল সেল্ফ হেল্প গ্রুপ (SHG) আদিবাসি শিখা রিন যোজনা (ASRY) না ত্রাইবেল মহৈরোয়শিংদা কোম্না লোন পীদুনা মহৈ তম্লিঙৈ মনুংদা ইন্তরেস্ত সবসিদীগা লোয়ননা অৱাংবা থাক্কী মহৈ তম্বদা মতেং পাংই। স্কিমশিং অসিনা ত্রাইবেল মীয়ামগী সোসিও-ইকনোমিক স্তেতস ফগৎহন্নবা ওন্তপ্রিনোরশিপ, এজুকেসন অমসুং মশা-মরোমদোম লেপচবা পুক্নিং থৌগৎনবা পান্দম থম্লি।

চহি কয়া অসিদা লৈরিবা ত্রাইবেল এফিয়র্স মন্ত্রালয়গী বজেৎ

ইনফ্রাস্ত্রকচর ফগৎহনবা অমসুং লাইভলিহুদকী খুদোংচাবশিং

প্রধান মন্ত্রী অদি আদর্শ গ্রাম য়োজনা (PMAAGY) না ত্রাইবেলশিংগী মীশিং য়াম্লবা খুঙ্গংশিংদা মরু ওইবা ইনফ্রাস্ত্রকচর ফংহন্নবা পান্দম থম্লি। স্কিম অসিগী মখাদা, ত্রাইবেল পোপুলেসনগী চাদা 50 লৈবা খুঙ্গং 36,428 অমসুং সেদ্যুল ত্রাইব (ST) 500 অসি নীতি আয়োগনা মশক খঙদোক্লবা এস্পিরেস্নেল দিস্ত্রিক্তশিংদা লৈবা খুঙ্গংশিং য়াওনা খুঙ্গংশিং অসিদা বেসিক ইনফ্রাস্ত্রকচরগী খুদোংচাবশিং ফংহন্নবা মশক খঙদোকখ্রে।

হেন্না ফবা হেল্থ আউতকমশিংগী ইনিসিএতিবশিং

হকশেল অমসুং ইমুং মনুংগী য়াইফ য়ুম্বাল মন্ত্রালয়গী মখাদা, নেস্নেল হেল্থ মিসননা সিকল সেল দিজিজ (SCD) য়াওনা হিমোগ্লোবিনোপেথিশিং থিংনবা অমসুং লাকশিন্নবগীদমক রাজ্যশিংদা মপুং ফাবা গাইদলাইন অমা শেমখ্রে অমসুং য়েন্থোকখ্রে। সেন্ত্রেল, ৱেস্তর্ন, অমসুং সাউথ ইন্দিয়াগী ত্রাইবেল পোপুলেসনশিংগী মরক্তা শন্দোরকপা জীনেতিক ব্লদ দিসওর্দর অমা ওইরিবা SCD গী শাথীবা শাফু অদু খঙলদুনা, সরকারনা মসিবু মপুং ফানা মুত্থৎনবা হোৎনবা হেনগৎহনখ্রে। মসিগীদমক, সিকল সেল এনেমিয়া মুত্থৎনবা মিসন অসি প্রধান মন্ত্রীনা জুলাই 1, 2023দা মধ্য প্রদেশতা হৌদোকখি।

মিসন অসিনা SCD গী অনাবা পুম্নমক্তা শেল চংদবা অমসুং এক্সেস তৌবা ঙম্বা কেয়র ফংহনবা, লাইয়েংগী ক্বালিতী ফগৎহনবা, অমসুং মপাঙ্গল কনবা এৱেরনেস কেম্পেন, য়ুনিভর্সেল স্ক্রিনিং, অমসুং কাউন্সেলিং সর্ভিসশিংগী খুত্থাংদা লায়না অসি শন্দোরকপা হন্থহনবদা মীৎয়েং থম্লি। মসিনা সেন্ত্রেল মন্ত্রালয়শিং অমসুং রাজ্য সরকারশিংগী মরক্তা তেংবাং পীনবগী মতাংদা মরুওইবা পীরি। মসিনা খ্বাইদগী খুদোংচাদবা ত্রাইবেল পোপুলেসনশিং অসি মসিগী খোঙথাংশিং অসিগী কান্নবা ফংহন্নবা হোৎনগনি।

SCDগী খোঙথাংশিং অসিগী মথক্তা, মিসন ইন্দ্রধনুশকুম্বা হকশেলগা মরী লৈনবা অতোপ্পা স্কিমশিং অসিনা চহি অনিগী মখাদা লৈবা অঙাংশিং অমসুং মীরোনবী নুপীশিংগীদমক্তা মপুং ফানা ইম্যুনাইজেসন তৌনবা পান্দম থম্লি। মসিদা অদিভাসি কম্ম্যুনিতীশিংদা অখন্নবা মীৎয়েং থম্লি। মিসন অসিনা ত্রাইবেল মীয়ামদা হেল্থকেয়র ফংহন্নবা, কোবিদ-19 ভেক্সিনশিং লেম্না ফংহন্নবা থবকসু পায়খৎলি।

অতোপ্পা মশক থোকপা প্রোগ্রাম অমা হায়রগদি নিক্ষে মিত্র ইনিসিএতিবনি, মসিনা ত্যুবরকুলোসিস (TB) নাবা মীওইশিংদা অহেনবা দাইগ্নোস্তিক, ন্যুত্রিসনেল অমসুং ভোকেসনেল সপোর্ত পীরি, মখোয়শিং অসি ত্রাইবেল কম্ম্যুনিতীশিংদা লৈ। ইনিসিএতিব অসিনা লায়রবা পোপ্যুলেসনশিংগী ওভরওল হেল্থ আউতকমশিং ফগৎহন্দুনা TBবু ইফেক্তিব ওইনা থেংননবা পান্দম থম্লি।

মসিগী মথক্তা, ত্রাইবেল রিসর্স ইন্সতিত্যুৎশিং (TRI) দা তেংবাং পীনবা স্কিম অসিনা ত্রাইবেল রিসর্চ ইন্সতিত্যুৎশিংদা রিসর্চ, দোক্যুমেন্তেসন, ত্রেনিং অমসুং কেপাসিতী বিল্দিংগী থবকশিং পায়খৎনবা শক্তি পীনবা হোৎনরি। ইন্সতিত্যুৎশিং অসিনা নোলেজ হবশিং ওইনা থবক তৌরি। মসিনা কলচরেল হেরিতেজ ঙাক্তুনা থম্বগী থোংদা ত্রাইবেল দিবেলপমেন্তদা মতেং পাংলি অমসুং সোসিও-ইকনোমিক ওইবা শিংনবশিং থেংনরি।

ভারতকী ত্রাইবেল কম্ম্যূনিতীশিং ইকাই খুম্নবা অমসুং পালন তৌবা

ত্রাইবেলশিংনা বৃতিশকী মায়োক্তা লান্থেংনখিবা অমসুং মখোয়গী মফমদা নমথবা য়াখিদবা রাজ্যশিংদা ত্রাইবেল ফ্রিদম ফাইতর 10গী ম্যুজিয়মশিং হাংবগী অয়াবা পীখ্রে। 2022গী নবেম্বর 1দা, প্রধান মন্ত্রী শ্রী নরেন্দ্র মোদীনা রাজস্থানগী বন্সৱারা জিলাদা মনগর ধাম চাউখৎহন্নবা রোদমেপ অমা শেম্নবা হায়খি। রাজস্থান-গুজরাত বোর্দরগী মনাক্তা লৈবা মনগর ধাম অসি ইং 1913দা ব্রিতিশকী মৈ থাদুনা ভিল ফ্রীদম ফাইতর 1500 হেন্না শিখিবা মফমনি। মনগর ধাম অসি রাজস্থান, গুজরাত, মধ্য প্রদেশ অমসুং মহারাস্ত্র সরকারনা পুন্না পায়খৎপা প্রোজেক্ত অমা ওইদুনা ত্রাইবেল লেগেসি অমসুং মখোয়গী কলচরেল হেরিতেজ উৎলিবা নেস্নেল মেমোরিএল অমা ওইনা শেমগৎকনি।

সরকারনা লৌখৎলিবা অতোপ্পা খোঙথাংশিংগা লোয়ননা মসিগী খোঙথাং পুম্নমক অসিনা ত্রাইবেল কম্ম্যুনিতীশিংবু মখোয়গী চৎনবী, লিগেসী অমসুং পুন্সি মহিংবু ইকাই খুম্নবা উৎতুনা মপুং ওইবা খোঙজেলদা পুরক্নবা লম্বী য়াৎলি।

ৱারোইশিন

ত্রাইবেল এম্পাৱরমেন্তকীদমক ভারত সরকারনা লৌখৎলিবা খোঙথাংশিং অসিনা হায়রিবা কম্ম্যুনিতীশিং অসিগী সোসিও-ইকনোমিক অমসুং কলচরেল ফেব্রিকপু য়াম্না চাউনা হেনগৎহল্লে। প্রোগ্রামশিং অসিগী খুত্থাংদা, ভারত সরকারনা ত্রাইবেল কম্ম্যুনিতীশিংনা চাউখৎ-থৌরাংগী মরক্তা লৈরিবা অৱা অদু কোকহন্নবা অমসুং মখোয়গী সোসিও-ইকনোমিক কন্দিসনশিং ফগৎহন্নবা তঙাইফদবা মতেং ফংহনবদা থাজবা পীরি। পি.এম. ধর্তি আবা জনজাতীয় গ্রাম উতকর্শ অভিয়ান অমসুং EMRSঅমসুং পি.এম.-জনমনগুম্বা অতোপ্পা খোঙথাংশিং অসিনা ত্রাইবেল মীয়ামদা শক্তি পীনবা অমসুং ভারতকী চাউখৎপগী ৱারীদা মখোয়বু য়াওহন্নবা সরকারগী অচেৎপা ফিরেপ অদু উৎলি।

রিফরেন্সশিং:-

https://pib.gov.in/PressReleaseIframePage.aspx?PRID=2060243

https://pib.gov.in/PressReleasePage.aspx?PRID=2055996

এন্যুএল রিপোর্ত 2023-24: https://tribal.nic.in/KnowledgeHub.aspx

সেন্সস 2011 রিপোর্ত্তা ভারত্তা লৈরিবা ST: https://tribal.nic.in/downloads/statistics/3-STinindiaascensus2011.pdf

https://adiprasaran.tribal.gov.in/pm-janman01/man.aspx

প্রধান মন্ত্রী জনজাতীয় উন্নত গ্রাম অভিয়ান (মন্থন শিভির) সেপ্তেম্বর 2024: https://adiprasaran.tribal.gov.in/pm-janman/photoAlbumjjgd1.aspx

https://tribal.nic.in/EMRS.aspx

https://tribal.nic.in/KnowledgeHub.aspx

পি.এম-জনমনগী ওপরেস্নেল গাইদলাইনশিং: https://adiprasaran.tribal.gov.in/pm-janman/photoAlbumjjgd1.aspx

https://pib.gov.in/PressReleaseIframePage.aspx?PRID=2036245

https://pib.gov.in/FeaturesDeatils.aspx?NoteId=151692&reg=3&lang=1

https://dashboard.tribal.gov.in/

PDFতা দাউন্দলোদ তৌবীয়ু

***

(Release ID: 2061473) Visitor Counter : 9