কেন্দ্রগী জল শক্তিগী মন্ত্রী, শ্রী সি.আর. পাতিলনা ঙসি নই দিল্লীদা মীদিয়াদা ৱা ঙাংখি, মহাক্না হৌজিক হৌজিক চত্থরিবা স্বচ্ছতা হি সেৱা (SHS) ২০২৪ কেমপেনদগী খ্বাইদগী নৌবা পাউশিং অমসুং মসিগী মতাংদা হায়খি। মসিগী ৱারি-ৱাতাই শানবগী থৌরম অসি লৈবাক অসিগী কোনুংদা হয়েং প্রধান মন্ত্রী, শ্রী নরেন্দ্র মোদীনা শরুক য়াগদবা স্বচ্ছ ভারত মিসন (SBM)গী ১০শুবা কুমওন থৌরমগী নোংমা মাংওইননা পাংথোকখি। দিপার্তমেন্ত ওফ দ্রিঙ্কিং ৱাতর এন্দ সেনিতেশন (DDWS)গী সেক্রেতরী, সুকুমারি ভিনি মাহাজনশু থৌরম অদুদা শরুক য়ারগনি।

শ্রী পাতিলনা ৱা ঙাংবা মতমদা, তোঙান-তোঙানবা হিরম কয়াদগী মীপুম খুদিংমক্তা, নাগ্রিকশিং য়াওনা, নহারোলশিং, নুপীশিং, কোর্পোরেতশিং, ইন্দস্ত্রী এসোসিয়েশনশিং, কলচরেল ওর্গনাইজেশনশিং, সিভিল সোসাইতী, সেলেব্রিতীশিং, রিলিজিয়স অমসুং স্পিরিচুৱল লীদরশিং অমসুং অতোপ্পা কয়া অমগী মরক্তা মীদিয়াবুশু ওক্তোবরগী ২দা মখোয়গী য়ুম্লোন-কৈরোন্নবদা, কোলোনীশিং অমসুং খুঙ্গংশিংদা স্বচ্ছতাগা মরি লৈনবা থবক-থৌরমশিংদা হকথেংননা শরুক য়ানবা অমসুং লুচিংনবা হায়খ্রে। মহাক্না মখাতানা লৈবাক মীয়ামদা হয়েং অয়ুক্কী পুং ৯দগী ১০ ফাওবা ‘শ্রামদান ফোর স্বচ্ছতা’ পাংথোক্নবা হায়খ্রে অমসুং স্বচ্ছতা হি সেৱাগী ৱাখল্লোন অসিদা শুক য়াবীয়ু হায়না হায়খি।

কেন্দ্রগী মন্ত্রীনা SBMগী লৈরিবা প্রোগ্রেসকী মতাংদা মরু ওইবা থমখি, মহাক্না মিসন অসিনা রাজ্যশিং অমসুং য়ুনিয়ন তেরিতোরীশিংগী মতেংদগী ভারত শিনথুংনা সেনিতেশনগী মতাংদা য়াম্না চাউনা অহোংবা পুরকখি, ওপন দেফিকেশন ফ্রি (ODF)গী স্তেতস ফংবা ঙম্বদগী হৌরগা সোলিদ অমসুং লিক্বিদ ৱেস্ত মেনেজমেন্তশু য়াওনা মাইপাক্না পাংথোকপা ঙমখি। হৌজিক্তি ODF প্লস মোদেল খুঙ্গংশিং হেনগৎহন্নবগী মাইকৈদা অখন্নবা মিৎয়েং থমদুনা, ওক্তোবর ২দা পাংথোক্কদৌরিবা হন্দক্কী স্বচ্ছ ভারত দিৱস অসিনা লৈবাক অসিগী খোংচৎ, অনৌবা ইনোভেতিব ওইবা সোল্যুশনশিং খুদম ওইনা ৱেস্ত-তু-ইনর্জীগী থৌরাংশিং অমসুং ক্লাইমেত রেজিলিয়েন্ত ওইবা সেনিতেশন ইনফ্রাস্ত্রকচর উৎথোক্লগনি। ওক্তোবর ২গী থৌরম অসিনা হৌখিবা চহি ১০ অসিদা খুমাং চাউশিল্লকখিবা অদুবু মশক খঙবীবদা নত্তনা মসিন অসিগী তুংগী ভিজনগীদমক্তা লেপ্তনা মতেং পাংলকখিবা মালেমগী ইনফ্লুয়েন্সরশিং অমসুং সেলেব্রিতীশিংনা তৌখিবা থবকশিং অমসুং মখোয়না পাংখিবা মতেংশিং অদুবু উৎকনি হায়না মহাক্না পনখি।

শ্রী পাতিলনা ৱারি-ৱাতাই শানবা মতমদা মহাক্না মসিগী তোপ-তোপ্পা খোংজং অসিগী তোঙান-তোঙানবা শক্তম অদুগী মতাংদা পনখিবা ইন্তরনেস্নেল বোদীশিংনা নৈনখিবশিং অদুগী মতাংদা পল্লদুনা  স্বচ্ছ ভারত মিসন (SBM)না পীরিবা শিংথানিংঙাই ওইবা শাফু অদুবু ময়েক শেংনা হায়খি। নেচর মেগাজিন্না হন্দক্তা মিসন অসিগ থবকশিং অদুগী মতাংদা থাগৎখি, মসিনা চাহি অমদা চাউরাক্না অঙাং ৬০,০০০-৭০,০০০ ফাওবা শিবদগী কনখি হায়না মহাক্না পনখি। অসিগা চপ মান্ননা, ২০১৮গী ৱার্লদ হেল্থ ওর্গনাইজেশন (WHO)গী রিপোর্ত অমগী মতুং ইন্না ২০১৪গা চাংদম্নবদা ২০১৯দা দাইরিয়ানা মরম ওইরগা শিগদবদগী লাখ ৩গী মথক্তা ঙাকথোকপা ঙমখ্রে, মসিনা অমুক্কশু হেন্না SBM-Gগী পুনশি কনবা ঙম্বগী পোতেন্সিয়েল অদুবু তাক্লি।

থৌরম অদুদা ৱা ঙাংলদুনা, সুকুমারি ভিনি মাহাজন্না স্বচ্চতা হি সেৱা ২০২৪ কেমপেন অসিদা কেন্দ্রগী মন্ত্রালয়শিং, রাজ্যশিং অমসুং য়ু.তি.শিংদগী ফংলকখিবা মপাল নাইদ্রবা তেংবাংশিং অদুগী মতাংদা য়াম্না মরু ওইনা পনখি। মহাক্না সেনিতেসন অসি খুনাইগী ওইবা ইশু অমনি, মসিনা খ্বাইদগী অৱাংবা থাক্তগী অমত্তা ওইবা লুচিং মখাদা লোকেল কম্যুনিতীশিং য়াওনা ঐখোয় পুম্নমকপু অমত্তা ওইনা পুনশিনহল্লি। মহাক্না পনখি মদুদি লু-নানবা হায়বসি মাইপাকগী পনখৈ নত্তে মসিদি নুংদা লমচৎ-শাজত্তা অহোংবা পুরকপা অদুগুন্বা লেপ্তনা হোংবা নাইবা খোংচৎ অমনি। মআক্না খঙহল্লকখি মদুদি স্বচ্ছ ভারত মিসন্না য়াম্না শিংথাংনিংঙাই ওইবা মওংদা মাইপাকপা কয়া পুরকখ্রে, মসিদা খুঙ্গং ৫৫% হেন্না ‘ODF প্লস মোদেল’ হায়না লাউথোকখ্রে, ফত্ত-হাওদি খোমগৎনবা গারি লাখ ৫ মথৌ তৌরি, অমসুং গ্রে ৱাতর অমসুং প্লাস্তিক ৱেস্ত মেনেজমেন্ততা য়াম্না শিংথানিংঙাই ওইবা মওংদা খুমাং চাউশিল্লকখ্রে। শিংথাবা য়াবা অমনা প্লাস্তিক ৱাস্ত মেনেজমেন্ত অসি লৈবাক শিনথুংনাব্লোক ৩,০০০দা ইমপ্লিমেন্ত তৌরি, মসিদা প্লাস্তিক ৱেস্তপু বিতুমেনগী মহুত্তা লম্বি শেম্নবগীদমক্তা শিজিন্নরি। প্রধান মন্ত্রী গ্রাম সরক য়োজনাগী মখাদা, খুঙ্গংগী লম্বি চাউরাক্না কি.মি. ৪০,০০০দা মসিগী সস্তেনেবল তেক্নিক অসি শিজিন্নদুনা শেমখি, লোইন-লোইননা হৌখিবা চহি অনি খক্তদা কি.মি.১৩,০০০ লোইশীনখি। মসিগী ইনোভেশনশিং অসিনা সস্তেনেবিলিতীগী অমসুং ভারতকী সেনিতেশনগী তুংলমচৎকী মতাংদা ঐখোয়না লেপ্লিবা ফিরেপ অদুবু উৎলি হায়না মহাক্না মখা তারকখি।

২০২৪গী ওক্তোবর ২দা ১৫৫শুবা গান্ধি জয়ন্তিনা সেপ্তেম্বর ১৭তা হৌদোরকখিবা স্বচ্ছতা হি সেৱা (SHS) ২০২৪ কেমপেনগী খ্বাইদগী অৱাংবা থাক অদু ওইগদৌরিবনি। মীদিয়াদা রাজ্যশিং/য়ু.তি.শিংদগী SHSকী মরু ওইবা অপদেৎশিং অদুগী মতাংদা হায়খ্রে, মসিদা তোঙান-তোঙানবা কালুপ কয়াদগী মীপুম কয়া অমনা মসিদা মশিং য়াম্না শরুক য়ারি। SHS ২০২৪গী থীম, ‘স্বভাৱ স্বচ্ছতা, সন্সকার স্বচ্ছতা’না ‘হোল ওফ সোসাইতী এপ্রোচ’কী মখাদা ভারত শিনথুংনা লু-নানবগীদমক্তা অপুনবা ওইনা থবক তৌমিন্নবগী ৱাখল্লোন অদুবু নৌহৌননা পোকহনবা অমসুং প্রজা মীয়াম্না শরুক য়াহন্নবগী পান্দম থম্লি। কেমপেন অসিদা রাজ্য সরকারশিং, লোকেল ওথোরিতীশিং অমসুং কম্যুনিতীগী কাংলুপশিংনা হকথেংননা শরুক য়াখি, লোইননা মসিদা ইকাইখুম্নরবা ভারতকী রাস্ত্রপতি অমসুং উপরাস্ত্রপতিনা মুখ্য মন্ত্রীশিং, কেন্দ্রগী মন্ত্রী, MP/MLAশিং অমসুং গোবর্নরশিংনা লোকল স্বচ্ছতাগী থবক থৌরমশিংদা লুচিংদুনা পাংথোকখি।

হৌজিক ফাওবদা ফংবা ঙমখিবা SHSকী মরু ওইবা মাইপাকপশিং:

• হৌজিক ফাওবদা থৌরম লাখ ২৫ রোম পাংথোকখ্রে, মসিদা খুনাইগী তোঙান-তোঙানবা কাংলুপকী মীওই করোর ২০ হেন্না শরুক য়াখি, লোইননা খুঙ্গংগী লমশিংদা থৌরম লাখ ১৯ হেন্না পাংথোকখি অমসুং সহরগী লমশিংদা থৌরম লাখ ৫ রোম পাংথোকখ্রে।
• ক্লীনলিনেস তার্গেত য়ুনিৎ (CTU) লাখ ৭.৩৫ হেনবদা অওনবা পুরকখিবা অদু খুঙ্গংগী লমশিংদা থৌরম লাখ ৪.৮৩ হেন্না অমসুং সহরগী লমশিংদা থৌরম লাখ ২.৫৩ হেন্নদা মী কয়া অমনা শরুক য়াদুনা পাংথোকখি।
• সাফাই মিত্র সুরক্সা শিবির চাউরাক্না লাখ ১.৫৭ থবক তৌহনখি, মসিদা লৈবাক শিনথুংনা  সাফাই মিত্র লাখ ৩৬.৩৪না কান্নখি, লোইননা মী লাখ ৩৮না মসিদা শরুক য়াখি।
• এক পের মা কে নামগী অনৌবা থৌরাং অসিগী মখাদা লৈবাক শিনথুংনা উ-পাম্বি লাখ ৫৫ হেন্না থাখ্রে।
• স্তেত লীদরবোর্দশিং
• ক্লীনলিনেস তার্গেত য়ুনিৎশিংগী ওইরকখিবা অহোংবশিং – খ্বাইদগী ফজনা থবক তৌবা মখোক থোংবা রাজ্য ৫ অদুদি উত্তর প্রদেশ, বিহার, গুজরাত, তামিল নাদু অমসুং রাজস্থান।
• সাফাই মিত্র সুরক্সা শিবিরশিং থবক তৌহনবা – মকোক থোংবা রাজ্য ৫ অদুদি অন্ধ্র প্রদেশ, বিহার, তেলঙ্গনা, উত্তর প্রদেশ, অমসুং তামিল নাদু।
• স্বচ্ছতা মে জন ভাগিদারি – খ্বাইদগী মকোক থোংবা রাজ্যশিং অদুদি বিহার, উত্তর প্রদেশ, তেলঙ্গনা, মাহারাস্ত্র অমসুং অন্ধ্র প্রদেশ।

স্বচ্ছ ভারত দিৱস থৌরম অসিদা GOBARdhan, AMRUT অমসুং নেস্নেল মিসন ফোর ক্লীন গঙ্গাগী মখাদা সেইতেশন অমসুং ক্লীনলিনেস প্রজেক্তশিং হৌদোক্লগনি অমসুং উরেপ-উয়ুংশু তম্লগনি। জাতি অসিনা থৌরম অসিগী নুংঙাইবা ফোংদোকপগা লোইননা ভারত সরকারনা লোকেল গোব্রনমেন্তশিংবু হেন্না মপাঙ্গল কনখৎহল্লগনি, পার্তনরশিপ চাউথোকহল্লগনি অমসুং সস্তেনেবল সোল্যুশনশিং পুথোকপা ইনোভেশনশিং অদুবু শিজিন্নরগনি। কনস্ত্রক্সনদা অনৌবা তেক্নোলোজীশিং অমসুং রিসাইকল তৌরবা পোৎলমশিং শিজিন্নবননা হেন্না লু-নানবা অমসুং হেন্না লিংবা ভারত অমা শেমঘ৭পদা মতেং পাংলগনি।

ভীদিও লিঙ্ক:

*****