ನಿಮ್ಮೆಲ್ಲರಿಗೂ ಶುಭೋದಯ! 

ಶ್ರೀ ಅನಿಲ್ ಶಾಸ್ತ್ರಿ ಜೀ, ಅಧ್ಯಕ್ಷರು, ಲಾಲ್ ಬಹದ್ದೂರ್ ಶಾಸ್ತ್ರಿ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ಮೆಂಟ್. ಅನಿಲ್ ಜೀ ಅವರೊಂದಿಗೆ ನನಗೆ ಸುದೀರ್ಘ ಒಡನಾಟವಿದೆ. 1989ರಲ್ಲಿ ನಾವಿಬ್ಬರೂ ಲೋಕಸಭೆಗೆ ಆಯ್ಕೆಯಾಗಿದ್ದೆವು. 

ಅದೇ ಸಮಯದಲ್ಲಿ ನಮ್ಮನ್ನು ಸಚಿವ ಸಂಪುಟಕ್ಕೆ ಸೇರ್ಪಡೆಗೊಳಿಸಲಾಯಿತು.  ನಂತರ ಅವರು ನಮ್ಮ ನೆನಪುಗಳಲ್ಲಿ ಮತ್ತು ನಮ್ಮ ಹೃದಯದಲ್ಲಿ ಜೀವಂತವಾಗಿರುವ ಈ ದೇಶದ ಪ್ರಧಾನ ಮಂತ್ರಿ, ಅವರ ತಂದೆ ಶ್ರೀ ಲಾಲ್ ಬಹದ್ದೂರ್ ಶಾಸ್ತ್ರಿ ಅವರ ಉದಾತ್ತ ಮೌಲ್ಯಗಳನ್ನು ಪ್ರತಿಬಿಂಬಿಸುತ್ತಾರೆ ಎಂದು ನನಗೆ ತಿಳಿಯಿತು.

ಆದ್ದರಿಂದ, ಪ್ರಸ್ತುತ ದೇಶದಲ್ಲಿರುವ ಅತ್ಯುತ್ತಮ ವ್ಯಕ್ತಿಗಳಲ್ಲಿ ಒಬ್ಬರಾದ, ಮಾನವೀಯತೆಯ ಎಲ್ಲಾ ಕ್ಷೇತ್ರಗಳಲ್ಲಿ ಬದ್ಧತೆಯನ್ನು ಪ್ರತಿನಿಧಿಸುವವ ಶ್ರೀಮತಿ ರಾಜಶ್ರೀ ಬಿರ್ಲಾ ಅವರಿಗೆ ಈ ಪ್ರತಿಷ್ಠಿತ ಪ್ರಶಸ್ತಿಯನ್ನು ನೀಡಲು ನನಗೆ ಈ ಅವಕಾಶವನ್ನು ನೀಡಿದ್ದಕ್ಕಾಗಿ ನಾನು ನಿಮಗೆ ಕೃತಜ್ಞನಾಗಿದ್ದೇನೆ. ಅದೃಷ್ಟವಶಾತ್, ಇದು 25 ನೇ ಪ್ರಶಸ್ತಿ. ಸಂಪೂರ್ಣವಾಗಿ ಗಳಿಸಿದ, ಸಂಪೂರ್ಣವಾಗಿ ಅರ್ಹವಾದ ಪ್ರಶಸ್ತಿ.

ಶ್ರೀ ಸುನೀಲ್ ಕುಮಾರ್ ಗುಪ್ತಾ, ಉಪಾಧ್ಯಕ್ಷರ ಕಾರ್ಯದರ್ಶಿ, ಶಾಸ್ತ್ರಿ ಕುಟುಂಬದ ಗಣ್ಯ ಸದಸ್ಯರೇ,, ನಾನು ವೈಯಕ್ತಿಕವಾಗಿ ಅವರನ್ನು ಬಲ್ಲೆ, ರಾಜಶ್ರೀ ಜೀ ಅವರೊಂದಿಗೆ ಬಂದ ಗೌರವಾನ್ವಿತ ಸದಸ್ಯರೇ, ತೀರ್ಪುಗಾರರ ಸದಸ್ಯರೇ ಮತ್ತು ಈ ಪ್ರಶಸ್ತಿ ಪ್ರದಾನವು ಜನಮನದ ಆಸೆಗೂ ಮತ್ತು ಆಡಳಿತ ಮಂಡಳಿಯ ಅಭಿಪ್ರಾಯಕ್ಕೂ ತಕ್ಕಂತೆ ನಡೆಯುವಂತೆ ನೀವು ಯೋಚಿಸಿದ್ದು ಪ್ರಶಂಸನೀಯವಾಗಿದೆ. ಇದಕ್ಕೆ ನಾನು ನಿಮ್ಮನ್ನು ಶ್ಲಾಘಿಸುತ್ತೇನೆ.

ಬಿರ್ಲಾ ಕುಟುಂಬದೊಂದಿಗಿನ ನನ್ನ ಸಂಪರ್ಕದ ಬಗ್ಗೆ ನಾನು ಹೇಳುತ್ತೇನೆ. ಅದು 1970-71ರ ಸಮಯ. ಸ್ಥಳವು ಝುಂಝುನು ಜಿಲ್ಲೆಯ ದೂರದ ಹಳ್ಳಿಯಾಗಿತ್ತು.

ಈ ಸಂದರ್ಭದಲ್ಲಿ ದಿವಂಗತ ಶ್ರೀ ಜಿ. ಡಿ. ಬಿರ್ಲಾ ಜಿ ಅವರನ್ನು ನಮ್ಮ ಕುಟುಂಬದ ಸಂಬಂಧಿಕರೊಬ್ಬರು ಬರಮಾಡಿಕೊಂಡರು. ಒಂದು ಫೋಟೋ ತೆಗೆಯಬೇಕಿತ್ತು. ಎಲ್ಲರೂ ಸಾಲಾಗಿ ನಿಂತಿದ್ದರು. 

ಮೊದಲ ಸಾಲಿನಲ್ಲಿ, ಜಿ.ಡಿ. ಬಿರ್ಲಾ ಅವರು ಮಧ್ಯದಲ್ಲಿದ್ದರು. ನನ್ನ ವಯಸ್ಸು ಮತ್ತು ಸಂಬಂಧದ ಕಾರಣದಿಂದ ನಾನು ಕೊನೆಯ ಸಾಲಿನಲ್ಲಿದ್ದೆ. 

ಆಗ ಜಿ.ಡಿ. ಬಿರ್ಲಾ ಅವರ ಹಿರಿಯ ಸಹೋದರ ಬಂದರು. ಆಗ ಮುಂದಿನ ಸಾಲಿನಲ್ಲಿ ಯಾರೂ ತಮ್ಮ ಸ್ಥಾನವನ್ನು ಬಿಟ್ಟು ಕೊಡಲು ಸಿದ್ಧರಿರಲಿಲ್ಲ.

ಜಿ.ಡಿ. ಬಿರ್ಲಾ ಅವರೊಂದಿಗೆ ಫೋಟೋ ತೆಗೆಸಿಕೊಳ್ಳುವ ಅವಕಾಶವನ್ನು ಯಾರು ತಪ್ಪಿಸಿಕೊಳ್ಳುತ್ತಾರೆ? ಜಿ.ಡಿ. ಬಿರ್ಲಾ ಅವರು ಸದ್ದಿಲ್ಲದೆ ತಮ್ಮ ಹಿರಿಯ ಸಹೋದರನಿಗೆ ಜಾಗ ಕೊಟ್ಟರು. ಮತ್ತು ಅವರು ಕೊನೆಯ ಸಾಲಿಗೆ ಬಂದರು. ನನ್ನ ಭುಜದ ಮೇಲೆ ತಮ್ಮ ಕೈಯಿಟ್ಟರು. ನಾನು ಆ ಮಹಾನ್  ವ್ಯಕ್ತಿಯಿಂದ ಆಶೀರ್ವದಿಸಲ್ಪಟ್ಟಿದ್ದೇನೆ ಎಂದು ಭಾವಿಸಿದೆ.

ನಂತರ ನಾನು ಅವರ ಬಗ್ಗೆ ಇನ್ನಷ್ಟು ತಿಳಿದುಕೊಂಡೆ ಮತ್ತು ದೇಶಕ್ಕಾಗಿ ಅವರು ಮಾಡಿದ ತ್ಯಾಗವನ್ನು ಅರಿತೆ. ಆ ಕಷ್ಟಕರ ದಿನಗಳನ್ನು, ಭಯಾನಕ ಪರಿಸ್ಥಿತಿಯನ್ನು, ಬ್ರಿಟಿಷರ ಆಳ್ವಿಕೆಯನ್ನು ಊಹಿಸಿಕೊಳ್ಳಿ - ದಮನಕಾರಿ, ಶೋಷಕ, ಸಂಪೂರ್ಣ ಪ್ರತೀಕಾರದೊಂದಿಗೆ. ಅವರು ಸ್ವಾತಂತ್ರ್ಯ ಚಳವಳಿಗೆ ಆರ್ಥಿಕವಾಗಿ ಇಂಧನ ಒದಗಿಸಿದರು. ಅವರು ಮತ್ತು ಮಹಾತ್ಮ ಗಾಂಧೀಜಿ ನಿಧಿಗಳನ್ನು ವಿವೇಚನೆಯಿಂದ ಬಳಸುವಲ್ಲಿ ಎಷ್ಟು ಮಿತವ್ಯಯಿಗಳಾಗಿದ್ದರೆಂದರೆ, ಅವರು ಬ್ಯಾಂಕಿಂಗ್ ಕಮಿಷನ್ ಪಾವತಿಸುವ ಮೂಲಕ ವ್ಯವಹಾರದ ವೆಚ್ಚವನ್ನು ಭರಿಸಲು ಸಿದ್ಧರಿರಲಿಲ್ಲ.

ಹೀಗಾಗಿ, ದಾಖಲೆಯ ಪ್ರಕಾರ, ಪ್ರಮಾಣೀಕೃತ  ದಾಖಲೆಯ ಪ್ರಕಾರ ಹಣವನ್ನು ವರ್ಗಾಯಿಸಲಾಗುತ್ತಿತ್ತು. ಒಂದು ಸ್ಥಳದಲ್ಲಿ ಅಗತ್ಯವಿದ್ದರೆ, ಅದನ್ನು ಬೇರೆ ಯಾರಾದರೂ ನೀಡುತ್ತಿದ್ದರು. ಹೀಗೆ ಪ್ರತಿ ಕೊಡುಗೆಯನ್ನು ಅತ್ಯುತ್ತಮವಾಗಿ ಬಳಸಿಕೊಳ್ಳಲಾಗುತ್ತಿತ್ತು.

ಜಿಡಿ ಬಿರ್ಲಾ ಜಿ ಅವರು ತಮ್ಮ ಜೀವನದುದ್ದಕ್ಕೂ ತತ್ವಗಳ ಪರವಾಗಿ ನಿಂತರು. ನಮಗೆ ಸ್ವಾತಂತ್ರ್ಯ ಸಿಕ್ಕಿತು ಮತ್ತು ಅದು ಮುಂದುವರೆಯಿತು. ನನ್ನ ಮುಂದಿನ ಒಡನಾಟ ಆದಿತ್ಯ ಬಿರ್ಲಾಜಿ ಅವರೊಂದಿಗೆ ಬಂತು.  1989 ರಲ್ಲಿ ನಾನು ಅನಿಲ್ ಅವರೊಂದಿಗೆ ಮಂತ್ರಿಯಾಗಿ ಆಯ್ಕೆಯಾದೆ. 1990 ರಲ್ಲಿ FICCIಯಲ್ಲಿ ಒಂದು ಕಾರ್ಯಕ್ರಮ ನಡೆಯಿತು. ಅದು ಜಿ.ಡಿ. ಬಿರ್ಲಾ ಜಿಯವರ ಮಹಾನ್ ವ್ಯಕ್ತಿತ್ವಕ್ಕೆ ಸಂಬಂಧಿಸಿದ್ದಾಗಿತ್ತು.

ಆ ದಿನ ಸಂಪೂರ್ಣ ಮಂತ್ರಿ ಮಂಡಲ ಸಭೆ ನಡೆಯುತ್ತಿದ್ದ ಕಾರಣ ಯಾವುದೇ ಸಚಿವರು ಕಾರ್ಯಕ್ರಮಕ್ಕೆ ಹಾಜರಾಗಲು ಅವಕಾಶವಿರಲಿಲ್ಲ. ನನಗೆ ಯಾರಿಂದಲೋ ಸಂದೇಶ ಬಂತು. ಝುಂಝುನು ಪ್ರದೇಶದ ಸಂಸದನಾಗಿದ್ದು, ಜಿ.ಡಿ. ಬಿರ್ಲಾ ಕುಟುಂಬದೊಂದಿಗೆ ಚೆನ್ನಾಗಿ ಸಂಪರ್ಕ ಹೊಂದಿದ್ದ ನೆಲದಿಂದ ಬಂದವನಾಗಿದ್ದು, ಆ ಸಂಪರ್ಕ ಇಂದಿನವರೆಗೂ ಹೆಚ್ಚುತ್ತಲೇ ಇದೆ.

ಬಿರ್ಲಾಜಿ ಅದನ್ನು ರಾಷ್ಟ್ರೀಯ ಮತ್ತು ಜಾಗತಿಕ ಮಟ್ಟದಲ್ಲಿ ಪ್ರತಿಬಿಂಬಿಸುತ್ತಾರೆ. ಆ ಕಾರ್ಯಕ್ರಮಕ್ಕೆ ಹಾಜರಾಗಲು ನಾನು ಆಗಿನ ನನ್ನ ಪ್ರಧಾನಮಂತ್ರಿಯವರಿಂದ ಅನುಮತಿ ಕೇಳಿದೆ. ಇದು ಆದಿತ್ಯ ಬಿರ್ಲಾಜಿ ಅವರೊಂದಿಗೆ ಆಳವಾದ ಭಾವನಾತ್ಮಕ ಸ್ವಭಾವದ ಸಂಬಂಧವನ್ನು ಪ್ರಾರಂಭಿಸಿತು. ಅವರು ನಾವು ರಾಜಕೀಯದಲ್ಲಿ ನೋಡುವ ರೀತಿಯ ಹಸ್ತಕ್ಷೇಪವನ್ನು ಎಂದಿಗೂ ಮಾಡಲಿಲ್ಲ. ಆದರೆ ಅವರು ನನ್ನ ರಾಜಕೀಯ ಧೋರಣೆಗಳ ಬಗ್ಗೆ ವಿಚಾರಿಸಿದರು ಮತ್ತು ನನ್ನನ್ನು ಇಂಡಸ್ಟ್ರಿ ಹೌಸ್ಗೆ ಆಹ್ವಾನಿಸಿದರು.

ಅಲ್ಲಿ ನನಗೆ ಎರಡು ವಿಷಯಗಳನ್ನು ಗಮನಿಸುವ ಅವಕಾಶ ದೊರಕಿತು. ಒಂದು, ನಾವು ಮಧ್ಯಾಹ್ನ ಭೋಜನ ಮಾಡುತ್ತಿದ್ದಾಗ, ಇತರರೂ ಸಹ ಊಟ ಮಾಡುತ್ತಿದ್ದರು. ಆ ಭೋಜನವನ್ನು, ಮಧ್ಯಾಹ್ನದ ಬಳಿಕ ಹೆಚ್ಚಿನ ಉತ್ಪಾದಕತೆ ಮತ್ತು ಪೌಷ್ಟಿಕ ಮೌಲ್ಯಕ್ಕಾಗಿ ವಿಶೇಷವಾಗಿ ರೂಪಿಸಲಾಗಿತ್ತು. ತದನಂತರ ಆದಿತ್ಯ ಬಿರ್ಲಾ ಜಿ ಅವರು ವೃತ್ತಿಪರತೆಯಲ್ಲಿ ಆಮೂಲಾಗ್ರ ಬದಲಾವಣೆಗಳನ್ನು ಮಾಡಿರುವುದನ್ನು ನಾನು ಮೊದಲ ಬಾರಿಗೆ ನೋಡಿದೆ. ಅವರು ಬಲವಾದ ಅಡಿಪಾಯವನ್ನು ಹಾಕಿದರು. ನಾವು ಅವರನ್ನು ಬೇಗನೆ ಕಳೆದುಕೊಂಡೆವು. ಆದಾಗ್ಯೂ, ಈ ಮಧ್ಯೆ, ಅವರು ಉನ್ನತ ನೈತಿಕ ಮಾನದಂಡಗಳು ಮತ್ತು ಜಾಗತಿಕ ಉಪಸ್ಥಿತಿಗೆ ಹೆಸರುವಾಸಿಯಾದ ಗುಂಪನ್ನು ಅಭಿವೃದ್ಧಿಪಡಿಸಿದರು

ನಾನು ಪಶ್ಚಿಮ ಬಂಗಾಳದ ರಾಜ್ಯಪಾಲರಾದ ನಂತರ ಕುಮಾರ್ ಮಂಗಳಂ ಜಿ ಅವರ ಪರಿಚಯವಾಯಿತು. ಬಿರ್ಲಾ ಪಾರ್ಕ್ನಲ್ಲಿ ಅವರು ಕೋವಿಡ್ನಿಂದಾಗಿ ಸಿಲುಕಿಕೊಂಡರು. ಅವರು ಕಾನೂನು ಆಡಳಿತದ ಬಗ್ಗೆ ಎಷ್ಟು ಜಾಗರೂಕರಾಗಿದ್ದರು ಎಂದರೆ ನಾನು ಅನುಕೂಲ ಮಾಡಿಕೊಡುವ ಕಾರ್ಯವನ್ನು ಕೈಗೊಂಡರೂ ಅವರು ಸ್ಥಳಾಂತರಗೊಳ್ಳಲಿಲ್ಲ.

ನಂತರ ಒಂದು ಬಹಳ ಸೂಕ್ಷ್ಮ ಕ್ಷಣ ಬಂತು. ಆ ಕ್ಷಣವೆಂದರೆ ಅವರಿಗೆ ತಿಳಿದಿದ್ದ ಯಾರೋ ಒಬ್ಬರು ಅನಾರೋಗ್ಯದಿಂದ ಬಳಲುತ್ತಿದ್ದರು. ಅವರನ್ನು ನೋಡಲು ಹೋಗಬೇಕೆಂದು ಬಯಸಿದ್ದರು. ಅವರು ಕೇವಲ 300 ಮೀಟರ್ ಅಂತರದಲ್ಲಿದ್ದರು. ಆದರೆ ನಿರ್ಬಂಧಗಳಿದ್ದ ಕಾರಣ ಅವರು ಕಾನೂನು ಅನುಮತಿಯಿಲ್ಲದೆ ಆ 300 ಮೀಟರ್ ದೂರವನ್ನು ಕ್ರಮಿಸಲು ಸಾಧ್ಯವಾಗಲಿಲ್ಲ. ಆ ಸಮಯದಲ್ಲಿ ನಾನು ಅವರೊಂದಿಗೆ ಹಲವಾರು ಬಾರಿ ಸಂಭಾಷಣೆ ನಡೆಸುವ ಅವಕಾಶ ಪಡೆದಿದ್ದೆ. ಅವರು ಕೇವಲ ಪ್ರೀತಿಯ ಮಾರ್ಗವನ್ನು ಮಾತ್ರ ಅನುಸರಿಸಿದರು. ಅದು ನನಗೆ ಯಾರೋ ಸರಿಯಾಗಿ ಹೇಳಿದ್ದನ್ನು ನೆನಪಿಸುತ್ತದೆ: ನೀವು ಪ್ರಜಾಪ್ರಭುತ್ವವನ್ನು ಅರಳಿಸಿ ವಿಕಸನಗೊಳಿಸಲು ಬಯಸಿದರೆ, ಶಾರ್ಟ್ ಕಟ್ ಗಳನ್ನು ಎಂದಿಗೂ ತೆಗೆದುಕೊಳ್ಳಬೇಡಿ. ಈ ಶಾರ್ಟ್ ಕಟ್ ಗಳು ಬಹಳ ನೋವುಂಟುಮಾಡುತ್ತವೆ. ಅಗತ್ಯದ ಸಮಯದಲ್ಲಿ ಅದು ಅತ್ಯಂತ ಸವಾಲಿನ ಮತ್ತು ದೀರ್ಘವಾದ ಮತ್ತು ಅಂತ್ಯವಿಲ್ಲದಂತೆ ಮಾರ್ಪಡುತ್ತವೆ. ಈ ಶಾರ್ಟ್ ಕಟ್ ಗಳು ನಿಮ್ಮನ್ನು  ಕತ್ತಲ ಸುರಂಗಕ್ಕೆ ಕರೆದೊಯ್ಯುತ್ತವೆ, ಅಲ್ಲಿ ನೀವು ಬೆಳಕನ್ನು ನೋಡುವುದಿಲ್ಲ.

ನಂತರ, ನಾನು ಈ ಸ್ಥಾನವನ್ನು ಸ್ವೀಕರಿಸಲು ಅವಕಾಶ ಪಡೆದುಕೊಂಡೆ ಮತ್ತು ಕುಟುಂಬದೊಂದಿಗೆ ಸಂವಾದ ನಡೆಸಲು ಮತ್ತೊಂದು ಅವಕಾಶ ಸಿಕ್ಕಿತು. ನಾನು ಕುಟುಂಬ ಸದಸ್ಯರೊಂದಿಗೆ ನನ್ನ ಜೀವನದ ಅತ್ಯಂತ ಸಮೃದ್ಧ ಕ್ಷಣಗಳಲ್ಲಿ ಕೆಲವನ್ನು ಕಳೆದಿದ್ದೇನೆ ಮತ್ತು ಕುಟುಂಬದೊಂದಿಗೆ ವೈಯಕ್ತಿಕವಾಗಿ ಸಂವಹನ ನಡೆಸುವ ಅವಕಾಶವನ್ನು ಪಡೆದುಕೊಂಡಿದ್ದೇನೆ. ಈ ಶ್ರೇಯಸ್ಸು ಯಾವಾಗಲೂ ಪ್ರಶಸ್ತಿ ಪುರಸ್ಕೃತರದ್ದೇ ಆಗಿರುತ್ತದೆ. ಈ ಪ್ರತಿಷ್ಠಿತ ಪ್ರಶಸ್ತಿಯ ಪ್ರಶಸ್ತಿ ವಿಜೇತರು!

ಮೂರು ದಶಕಗಳಿಂದ, ನಮ್ಮ ನಾಗರಿಕತೆಯ ಆಳ ಮತ್ತು ಸಾಂಸ್ಕೃತಿಕ ಮೌಲ್ಯಗಳನ್ನು ಉದಾಹರಿಸುವ ನಿಷ್ಠೆಯೊಂದಿಗೆ, ಅವರು ಶಿಕ್ಷಣ ಮತ್ತು ಆರೋಗ್ಯದ ವಿಭಿನ್ನ ಕ್ಷೇತ್ರಗಳಲ್ಲಿ ಮಾನವತೆಯ ಸೇವೆ ಮಾಡುತ್ತಿದ್ದಾರೆ. ಮತ್ತು ಸಾರ್ವಜನಿಕ ಪ್ರಚಾರಕ್ಕೆ ಕಡಿಮೆ ಪ್ರಾಮುಖ್ಯತೆಯನ್ನು ನೀಡಿದ್ದಾರೆ. 

ಅತ್ಯುತ್ತಮ ರಾಯಭಾರಿ ಎಂದರೆ ಬಾಯಿಮಾತಿನ ಮೂಲಕ ಕಲ್ಪನೆಯನ್ನು ಪ್ರಚಾರ ಮಾಡುವವರು, ಆದ್ದರಿಂದ ಕಾರ್ಪೊರೇಟ್ ಸಾಮಾಜಿಕ ಜವಾಬ್ದಾರಿಯನ್ನು ಉತ್ತಮವಾಗಿ ಬಳಸಿಕೊಳ್ಳುವ ಮೂಲಕ ಮಾನವೀಯತೆಯ ಸೇವೆ ಮಾಡುವವರಲ್ಲಿ ಅವರು ಪ್ರತ್ಯೇಕರಾಗಿದ್ದಾರೆ ಎಂದು ನಾನು ಹೇಳಬಲ್ಲೆ. ಅವರು ನಿಧಿಯನ್ನು ಸರಿಯಾಗಿ ಬಳಸಿದ್ದಾರೆ ಆದ್ದರಿಂದ ಅವರು ಈ ಪ್ರಶಸ್ತಿಗೆ ಅರ್ಹರಾಗಿದ್ದಾರೆ.

ನಾನು ಹೇಳಿದಂತೆ ಅವರು ಪದ್ಮಭೂಷಣ ಸೇರಿದಂತೆ ಅನೇಕ ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಅವರ ಮಗನಿಗೂ ಪದ್ಮಭೂಷಣ ದೊರೆತಿದೆ. ನಾನು ಉಪರಾಷ್ಟ್ರಪತಿಯಾಗಿದ್ದ ಕಾರಣ ಆ ಕುಟುಂಬವನ್ನು ಅಭಿನಂದಿಸುವ ಸಂದರ್ಭ ನನಗೆ ದೊರೆತಿತ್ತು. ಆದರೆ ನ್ಯಾಯ ಮಾಡುವ ಕೆಲವು ಜನರಿದ್ದಾರೆ. ಇದು ನಮ್ಮನ್ನು ಚಿಂತಿಸುವಂತೆ ಮಾಡುತ್ತದೆ, ಹೌದು ಇದನ್ನು ಸರಿಯಾದ ವ್ಯಕ್ತಿಗೆ ನೀಡಲಾಗಿದೆ ಮತ್ತು ಆದ್ದರಿಂದ ಸರಿಯಾದ ಸಮಯದಲ್ಲಿ ಒಬ್ಬರನ್ನು ಆಯ್ಕೆ ಮಾಡಿದ್ದಕ್ಕಾಗಿ ನ್ಯಾಯಮಂಡಳಿಗೆ ನನ್ನ ಅಭಿನಂದನೆಗಳು. ಏಕೆಂದರೆ ಈ ದೇಶದಲ್ಲಿ ಈ ಸವಾಲಿನ ಸನ್ನಿವೇಶದಲ್ಲಿ, ದೇಶವು ಏಳಿಗೆಯ ಹಾದಿಯಲ್ಲಿರುವಾಗ, ಈ ಏಳಿಗೆಯು ಹಿಂದೆಂದೂ ಕಂಡಿರದಷ್ಟು ದೊಡ್ಡದಾಗಿದೆ, ಈ ಏಳಿಗೆಯು ಗಣನೀಯ ಮತ್ತು ನಿರಂತರವಾಗಿದೆ

ಈ ಪ್ರಕ್ರಿಯೆಯಲ್ಲಿ ನಾವು ನಮ್ಮ ಮೌಲ್ಯಗಳನ್ನು ನೆನಪಿಸುವ ಮಾರ್ಗದರ್ಶಿ ತತ್ವವನ್ನು, ದಾರಿದೀಪವನ್ನು ಕಳೆದುಕೊಳ್ಳಬಾರದು. ಸರಳತೆ, ಲವಲವಿಕೆ ಮತ್ತು ಜನರನ್ನು ಸಂಪರ್ಕಿಸುವ ಸುಲಭತೆಗೆ ಹೆಸರಾದ ಲಾಲ್ ಬಹದ್ದೂರ್ ಶಾಸ್ತ್ರಿ ಅವರ ಸ್ಮರಣಾರ್ಥ ನಾವು ಈ ಪ್ರಶಸ್ತಿಯನ್ನು ನೀಡುತ್ತಿದ್ದೇವೆ.  ಲಾಲ್ ಬಹದ್ದೂರ್ ಶಾಸ್ತ್ರಿ. ಆ ಹೆಸರೇ ದೇಶಭಕ್ತಿಯನ್ನು ನೆನಪಿಸುತ್ತದೆ, ಆ ಹೆಸರೇ ಒಂದು ವ್ಯವಸ್ಥೆಯನ್ನು ನೆನಪಿಸುತ್ತದೆ, ಹೌದು ಇದು ಬದ್ಧತೆಯಾಗಿದೆ.

ಶಾಸ್ತ್ರಿಜಿಯವರು ಸಾರ್ವಜನಿಕ ಸೇವೆಯನ್ನು ವ್ಯಾಖ್ಯಾನಿಸುತ್ತಾರೆ, ಶಾಸ್ತ್ರಿಜಿಯವರು ಸ್ವ-ತ್ಯಾಗಕ್ಕಾಗಿ ನಿಂತರು, ಶಾಸ್ತ್ರಿಜಿಯವರು ಬೋಧನೆಯಿಂದಲ್ಲ ಬದಲಾಗಿ ನಡವಳಿಕೆಯಿಂದ, ಆಚರಣೆಯಿಂದ ಮಾದರಿಯಾದರು. ನಾವು ಹಸಿವಿನ ಬಿಕ್ಕಟ್ಟನ್ನು ಎದುರಿಸಿದಾಗ ಇಡೀ ರಾಷ್ಟ್ರ ಅವರ ಜೊತೆ ನಿಂತಿತು. ಜನರ ಭಾಗವಹಿಸುವಿಕೆಯನ್ನು ಒಂದು ಘೋಷಣೆಯ ಕರೆಯ ಮೂಲಕ ಮೊದಲು ಆವಿಷ್ಕರಿಸಿದವರು ಅವರೇ. ನನ್ನ ನೆನಪಿನಲ್ಲಿ ತಪ್ಪಿಲ್ಲದಿದ್ದರೆ, ಒಂದು ಊಟವನ್ನು ತ್ಯಜಿಸಿ ಎಂದು ಕರೆ ನೀಡಿದರು.

ಅವರಷ್ಟು ಎತ್ತರದ ವ್ಯಕ್ತಿಗೆ ಈವೆಂಟ್ ಮ್ಯಾನೇಜ್ಮೆಂಟ್ ಅಥವಾ ಕೃತಕ ನಟನೆ ಅಗತ್ಯವಿಲ್ಲ.ಅವರು ನಮ್ಮ ಸ್ಮರಣೆಯಲ್ಲಿ ಬದುಕುತ್ತಾರೆ, ಅವರು ನಮಗೆ ಮಾರ್ಗದರ್ಶನ ನೀಡುತ್ತಾರೆ, ಅವರು ನಮ್ಮನ್ನು ಪ್ರೇರೇಪಿಸುತ್ತಾರೆ, ಅವರು ನಮ್ಮನ್ನು ಪ್ರಚೋದಿಸುತ್ತಾರೆ. ಅವರ ಘೋಷಣೆಯ ಕರೆ - ವಾಸ್ತವವಾಗಿ ನಾನು ಎರಡೂ ವರ್ಗಗಳಿಗೆ ಸೇರಿದವನು, ಜವಾನ್ ಮತ್ತು ಕಿಸಾನ್ ಕೇವಲ ಒಂದು ಕರೆ ಮಾತ್ರವಾಗಿರಲಿಲ್ಲ. ಆ ಕರೆಯು ಅಂದಿನ ಸಮಕಾಲೀನ ಸನ್ನಿವೇಶದಿಂದ, ಊಹಿಸಲಾಗದ ಆಯಾಮದ ಬೆದರಿಕೆಯಿಂದ ಹುಟ್ಟಿಕೊಂಡಿತ್ತು.

ಆ ದೃಶ್ಯವನ್ನು ಊಹಿಸಿಕೊಳ್ಳಿ, ಯಾವ ಪರಿಸ್ಥಿತಿಯಲ್ಲಿ ಅವರು ಜವಾಬ್ದಾರಿ ವಹಿಸಿಕೊಂಡರು, ಅದನ್ನು ನಿಭಾಯಿಸಬಲ್ಲವರು ಅವರೊಬ್ಬರೇ ಆಗಿದ್ದರು. ಸಾರ್ವಜನಿಕ ಜೀವನದ ಅತ್ಯುನ್ನತ ಮಾನದಂಡಗಳನ್ನು ನೋಡಿ, ಅವರು ಸಚಿವ ಸ್ಥಾನವನ್ನು ಹೊಂದಿದ್ದಾಗ ಮತ್ತು ನಂತರ ಒಂದು ತಪ್ಪು ನಡೆಯಿತು, ಅದು ಅವರ ಕಾರಣದಿಂದಲ್ಲ ಆದರೂ ಅವರು ನಿಯಮಗಳನ್ನು ಮೀರಿ ಹೋದರು. ಸಂಪೂರ್ಣ ಜವಾಬ್ದಾರಿ ವಹಿಸಿಕೊಂಡು ಸಚಿವ ಸ್ಥಾನ ರಹಿತ ಸಚಿವರನ್ನಾಗಿ ಮಾಡುವಂತೆ ಮನವೊಲಿಸಿದರು.. ಅವರ ಕುಟುಂಬವು ಅದೇ ಮಾರ್ಗದಲ್ಲಿ ಮುಂದುವರಿಯುತ್ತಿರುವುದನ್ನು ನಾನು ನೋಡುತ್ತಿದ್ದೇನೆ, ಅವರು ಅವರ ತತ್ವಗಳ ಪ್ರಕಾರ ಬದುಕಿದ್ದಾರೆ.

ಅದ್ಭುತವಾದ ಈವೆಂಟ್ ಮ್ಯಾನೇಜ್ಮೆಂಟ್ನಿಂದ ನಮ್ಮ ಜೀವನಶೈಲಿಯನ್ನು ಹೆಚ್ಚಿಸುವ ಸಮಯದಲ್ಲಿ ನಾವು ವಾಸಿಸುತ್ತಿದ್ದೇವೆ.ಇಲ್ಲಿ ಪ್ರತಿಷ್ಠಿತ ಸ್ಥಾನಮಾನವನ್ನು ಗೊಂದಲಕಾರಿ ಮಾನದಂಡಗಳ ಮೇಲೆ ಕಾರ್ಯಕ್ರಮ ನಿರ್ವಹಣೆಯಿಂದ ನೀಡಲಾಗುತ್ತದೆ. ಜನರನ್ನು ನಾವು ಸಹಿಸಲಾಗದ ಮಟ್ಟಕ್ಕೆ ಏರಿಸಲಾಗುತ್ತದೆ. ಅವರು ಸಾರ್ವಜನಿಕ ಸ್ಥಳವನ್ನು ಆಕ್ರಮಿಸಿಕೊಳ್ಳುತ್ತಾರೆ. ಆದರೆ ಒಂದು ಮಾದರಿ ಬದಲಾವಣೆ ಸಂಭವಿಸಿದೆ. ಉದಾಹರಣೆಗೆ, ಪದ್ಮ ಪ್ರಶಸ್ತಿಗಳು, ನಮ್ಮ ನಾಗರಿಕ ಪ್ರಶಸ್ತಿಗಳು, ನಮ್ಮ ಪ್ರತಿಷ್ಠಿತ ನಾಗರಿಕ ಪ್ರಶಸ್ತಿಗಳು. ಅವುಗಳನ್ನು ಅತ್ಯಂತ ಅರ್ಹರಾದ ಜನರಿಗೆ ನೀಡಲಾಗುತ್ತಿದೆ, ಮತ್ತು ಆದ್ದರಿಂದಲೇ ಪ್ರಶಸ್ತಿಯ ಘನತೆ ತುಂಬಾ ಹೆಚ್ಚಾಗಿದೆ.

ಇದು ಕೂಡ ಅದೇ ಮಾರ್ಗದಲ್ಲಿದೆ. ನಾನು ಎರಡು ಸಂದರ್ಭಗಳಲ್ಲಿ, ಬಹುಶಃ ಹೆಚ್ಚು ಬಾರಿ ಸಂಪರ್ಕ ಹೊಂದಿದ್ದೇನೆ. ನನಗೆ ಜೀವನದಲ್ಲಿ ಇದಕ್ಕಿಂತ ದೊಡ್ಡ ಸಾಧನೆ ಏನಿರಬಹುದು? ನಾವು ಶಾಸ್ತ್ರಿಜಿಯವರನ್ನು ಕಳೆದುಕೊಂಡಾಗ ನಾನು ಕೇವಲ ಸೈನಿಕ ಶಾಲೆಯ ಏಳನೇ ತರಗತಿಯಲ್ಲಿದ್ದೆ. ಮಹಾನ್ ಬಿರ್ಲಾ ಕುಟುಂಬದ ಪರಂಪರೆಯನ್ನು ಹೆಚ್ಚು ಗೌರವದಿಂದ ನೋಡುತ್ತಿದ್ದವರು ಇಂದು ಈ ಸ್ಥಾನದಲ್ಲಿದ್ದಾರೆ. ಮಾನವೀಯತೆಗೆ ಬಿರ್ಲಾ ಕುಟುಂಬದ ಅತ್ಯಂತ ಮಹತ್ವದ ಕೊಡುಗೆದಾರರಲ್ಲಿ ಒಬ್ಬರಾದ ಶ್ರೀಮತಿ ರಾಜಶ್ರೀ ಬಿರ್ಲಾ ಅವರನ್ನು ಗೌರವಿಸುತ್ತಿರುವುದು ನನ್ನ ಜೀವನದಲ್ಲಿ ಎಂದಿಗೂ ಮರೆಯಲಾಗದ ಕ್ಷಣವಾಗಿದೆ. ಮತ್ತು ಈ ಪ್ರಶಸ್ತಿಯು ನೆಲದ ಅತ್ಯುತ್ತಮ ಪುತ್ರರಲ್ಲಿ ಒಬ್ಬರ ಹೆಸರನ್ನು ಹೊಂದಿದೆ, ಅವರ ನೆನಪು ಎಂದಿಗೂ ಮಾಸುವುದಿಲ್ಲ.

ನೀವು ಸಚಿವ ಸ್ಥಾನವನ್ನು ಹೊಂದಿದ್ದಾಗ ನನ್ನ ಬೆಂಬಲಕ್ಕೆ ನಿಂತಂತೆ, ನಾನು ಯಾವಾಗಲೂ ನಿಮ್ಮ ಪಕ್ಕದಲ್ಲಿರುತ್ತೇನೆ. ಮತ್ತೊಮ್ಮೆ, ನಾನು ವಿನಮ್ರನಾಗಿದ್ದೇನೆ, ಗೌರವಾನ್ವಿತನಾಗಿದ್ದೇನೆ, ಮತ್ತು ಅತ್ಯಂತ ಸೌಭಾಗ್ಯಶಾಲಿಯಾಗಿದ್ದೇನೆ. ಲಾಲ್ ಬಹದ್ದೂರ್ ಶಾಸ್ತ್ರಿಯವರ ಹೆಸರಿನಲ್ಲಿ ಶ್ರೀಮತಿ ರಾಜಶ್ರೀ ಬಿರ್ಲಾ ಅವರಿಗೆ ಪ್ರಶಸ್ತಿಯನ್ನು ನೀಡುವುದು ನನಗೆ ದೊರೆತ ಅಪರೂಪದ ಸೌಭಾಗ್ಯದ ಕ್ಷಣಗಳಲ್ಲಿ ಒಂದಾಗಿದೆ.

ನಮಸ್ಕಾರ! 

ಧನ್ಯವಾದಗಳು.

 

*****

(Release ID: 2060952) Visitor Counter : 49