இந்திய விமானப்படையின் 92-வது ஆண்டு நிறைவைக் குறிக்கும் வகையில், பாதுகாப்பு அமைச்சர் திரு ராஜ்நாத் சிங், அக்டோபர் 01, 2024 அன்று புதுதில்லியில் உள்ள தேசிய போர் நினைவுச் சின்னத்திலிருந்து  கார் பேரணியைத் தொடங்கி வைத்தார். பெண்கள் உட்பட 50-க்கும் மேற்பட்ட விமானப்படை வீரர்கள் லடாக்கில் உள்ள தோய்ஸுக்கு புறப்பட்டுள்ளனர், அங்கிருந்து அவர்கள் அருணாச்சல பிரதேசத்தின் தவாங்கிற்கு ஒரு பயணத்தை மேற்கொள்வார்கள். இது ஒன்பது மாநிலங்கள் / யூனியன் பிரதேசங்களில் மொத்தம் 7,000 கி.மீ. தூரத்திற்கு நடைபெறும். இந்த பேரணியில் முன்னாள் விமானப்படை தளபதிகள் பங்கேற்பார்கள்.

நிகழ்ச்சியில் பேசிய பாதுகாப்பு அமைச்சர், துணிச்சல், அர்ப்பணிப்பு மற்றும் தேசபக்தியுடன் கடினமான சூழ்நிலைகளில் தாய்நாட்டிற்கு சேவை செய்த விமானப்படை வீரர்களைப் பாராட்டினார். "நாட்டையும் அதன் மக்களையும் பாதுகாக்கும் முயற்சியில் இந்திய விமானப்படை குறிப்பிடத்தக்க சாதனைகளை அடைந்துள்ளது. நாட்டின் எதிரிகளை அவர்களின் எல்லைக்குள் ஆழமாக தாக்குவதன் மூலம் அவர்களுக்கு பொருத்தமான பதிலடி கொடுக்கும் திறன் கொண்டது. பிரதமர் திரு நரேந்திர மோடியின் தலைமையின் கீழ், இந்திய விமானப்படையை மிகவும் மேம்பட்ட விமானங்கள் / தளங்களுடன் சித்தப்படுத்தவும், 'தற்சார்பு இந்தியா' முன்முயற்சியின் மூலம் அவற்றை அதிக திறன் கொண்டதாக மாற்றவும் நாங்கள் உறுதிபூண்டுள்ளோம், "என்று அவர் கூறினார்.

கடினமான மற்றும் மாறுபட்ட நிலப்பரப்புகளைக் கடந்து செல்லும் இந்தப் பேரணியில் பங்கேற்கும் விமானப்படை வீரர்களுக்கு திரு ராஜ்நாத் சிங் தமது நல்வாழ்த்துகளைத் தெரிவித்தார். சராசரி கடல் மட்டத்திலிருந்து 3,068 மீட்டர் உயரத்தில் உள்ள உலகின் மிக உயரமான விமானப்படை நிலையங்களில் ஒன்றான தோயிஸில் அக்டோபர் 8 ஆம் தேதி முறையான கொடியேற்றம் நடைபெறும். அக்டோபர் 29, 2024 அன்று தவாங்கில் பேரணியை நிறைவு செய்வதற்கு முன்பு, விமானப்படை வீரர்கள் லே, கார்கில், ஸ்ரீநகர், ஜம்மு, சண்டிகர், டேராடூன், ஆக்ரா, லக்னோ, கோரக்பூர், தர்பங்கா, பாக்டோக்ரா, ஹசிமாரா, குவஹாத்தி, தேஜ்பூர் மற்றும் திராங் ஆகிய இடங்களில் தங்குவார்கள்.

இந்திய விமானப்படையின் புகழ்பெற்ற வரலாறு குறித்து மக்களிடையே விழிப்புணர்வை ஏற்படுத்துவதே இந்தப் பேரணியின் நோக்கம்; பல்வேறு போர்கள் மற்றும் மீட்புப் பணிகளில் விமானப்படை வீரர்களின் வீரச் செயல்கள்; தாய்நாட்டிற்கு சேவை செய்ய இளைஞர்களை ஈர்க்கக்கூடியதாகும். இந்தக் கார் பேரணியின் போது, பல்வேறு மாநிலங்கள் / யூனியன் பிரதேசங்களில் உள்ள பள்ளிகள் மற்றும் கல்லூரிகளில் விமானப்படை வீரர்கள் இளைஞர்களுடன் கலந்துரையாடுவார்கள் என்று கூறிய பாதுகாப்புத் துறை, இந்த பரிமாற்றங்கள் இளம் மனங்களை ஆயுதப் படைகளில் சேரவும், பெருமை மற்றும் மரியாதையுடன் வாழவும் ஊக்குவிக்கும் என்று நம்பிக்கை தெரிவித்தார்.

இந்த நிகழ்ச்சியில் விமானப்படை தளபதி ஏர் சீப் மார்ஷல் ஏ.பி.சிங், முன்னாள் தளபதிகள் ஆர்.கே.எஸ் பதௌரியா, ஏஒய் திப்னிஸ் மற்றும் விமானப்படையின் பிற மூத்த அதிகாரிகள் கலந்து கொண்டனர். உத்தரகண்ட் போர் நினைவுச்சின்னத்தின் வீரர்களுடன் ஒருங்கிணைந்து இந்திய விமானப்படை இந்தப் பேரணியை ஏற்பாடு செய்துள்ளது. இந்திய விமானப்படையின் சாகசப் பிரிவு பேரணியை வழிநடத்தி ஒருங்கிணைக்கிறது.

***

PKV/AG/KV