পঞ্চায়তী রাজকী কেন্দ্র মন্ত্রী শ্রী রাজিব রঞ্জন সিংহ এলিয়স ললন সিংহনা সেপ্তেম্বর ৩০, ২০২৪দা নই দিল্লীগী দোক্তর অম্বেদকর ইন্তরনেস্নেল সেন্তরদা পীপল্স প্লান কেম্পেন (সবকী য়োজনা সবকা বিকাস)কী মতাঙদা নেস্নেল ৱর্কসোপ হৌদোক্কনি‍। পঞ্চায়তী রাজকী কেন্দ্রগী রাজ্য মন্ত্রী প্রোফ: এস.পি. বঘেল, পঞ্চায়তী রাজ মন্ত্রালয়গী সেক্রেতরী শ্রী বিবেক ভরদ্বাজ, জল শক্তি মন্ত্রালয়গী দিপার্তমেন্ত ওফ দ্রিঙ্কিং ৱাতর এন্দ সেনিতেসনগী সেক্রেতরী শ্রীমতী বিনি মহাজন, রুরেল দিভেলপমেন্ত মন্ত্রালয়গী দিপার্তমেন্ত ওফ রুরেল দিভেলপমেন্তকী সেক্রেতরী শ্রী সাইলেস কুমার সিংহ, অমসুং লৈবাক শিনবা থুংবদগী পঞ্চায়তকী মীহুৎ অমসুং থৌমীশিংসু থৌরমসিদা শরুক য়াগনি‍। পঞ্চায়তী রাজ মন্ত্রালয়না অৱাংবা ক্বালিতীগী মতিং লৈবা পঞ্চায়ত দিভেলপমেন্ত প্লানশিং শেম্নবা মথৌ তাবা স্কিল অমসুং লাল্লোংশিং ওফিসিএলশিং, মীখল মায় পাক্লক্লবা মীহুৎশিং, অমসুং অতৈ স্তেকহোল্দরশিংদা লৈহন্নবগীদমক ‘সবকী য়োজনা সবকা বিকাস’ হায়না খঙনবা পীপল্স প্লান কেম্পেনগী মরমদা নেস্নেল ৱর্কসোপ অমা পাঙথোক্কদৌরি‍।

ৱর্কসোপ অসিনা তোঙান তোঙানবা কেন্দ্রগী মন্ত্রালয়শিং/দিপার্তমেন্তশিং, স্তেত দিপার্তমেন্তশিং, ত্রেনিং ইন্সতিত্যুৎশিংগী ফেকল্তী মেম্বরশিং, অমসুং পঞ্চায়তকী তোঙান তোঙানবা থাক্তা লৈরিবা মীখল কারক্তুনা মীহুৎ ওইরিবশিং পুনশিন্দুনা স্তেত অমসুং য়ুনিয়ন তেরিতরীশিংদা শীজিন্ননবা মখোয় মখোয়গী খ্বায়দগী ফবা থৌওংশিং তাথোক তাশিন তৌনগনি‍। পীপল্স প্লান কেম্পেন (২০২৪-২৫) ফোর প্রিপেরেসন ওফ পঞ্চায়ত দিভেলপমেন্ত প্লান্স ফোর ফাইনেন্সিএল ইয়র (২০২৫-২৬) অমসুং এনুএল এক্সন প্লান ২০২৪-২৫ রিপোর্ত ওফ রাস্ত্রিয় গ্রাম স্বরাজ অভিয়ান (RGSA)গী বুকলেতশিং থৌরম অসিদা ফোঙগনি‍। পঞ্চায়তী রাজ মন্ত্রালয়গী হিন্দী ভর্জন ৱেবসাইতসু লোঞ্চ তৌগনি‍।

বেকগ্রাউন্দ

“সবকী য়োজনা সবকা বিকাসস” হায়না খঙনবা পীপল্স প্লান কেম্পেন অসি মীখল কারক্লবা মীহুৎশিং, মরী লৈনবা লাইন দিপার্তমেন্তশিংগী ফ্রন্তলাইন ৱর্করশিং, সেল্ফ হেল্প গ্রুপশিং (SHGs), কম্ম্যুনিতী বেজ ওর্গনাইজেসনশিং (CBOs) অমসুং অতৈ মরী লৈনবা স্তেকহোল্দরশিংনা মশানা য়ানিংনা শরুক য়াহন্দুনা মথঙগী শেনবা চহিগী পার্তিসিপেতরী পঞ্চায়ত দিভেলপমেন্ত প্লান (PDP) শেম্নবগীদমক ২০১৮দা পঞ্চাতী রাজ মন্ত্রালয়না হৌদোকখিবা লৈবাক পুম্বগী ওইবা অওনবা পুরক্কদবা থৌরাং অমনি‍। কেম্পেন অসি, পঞ্চায়তশিংগী চাওখৎ থৌরাং শেম শাবদা মীয়াম্না শরুক য়াহল্লিবা, সবকা সাথ, সবকা বিকাস, সবকা বিস্বাস, সবকা প্রয়াসকী নুংগী ওইবা ৱাখল্লোন পরিংদা মাঙদা থাংজিনবা খোঙথাঙ অমনি‍।

পঞ্চায়ত দিভেলপমেন্ত প্লান শেম্বগী থবক থৌওং অসি চহি খুদিংগী পঞ্চায়তী রাজ ইন্সতিত্যুসনশিংনা পায়খৎপনি অমসুং অনম্বনা ওক্তোবর ২দা পঞ্চায়তী রাজ মন্ত্রালয়না পীপল্স প্লান কেম্পেন হৌদোকপগা ইরোয়ননা শুকশোয় শোয়দনা গ্রাম সভা ফমদুনা হৌই‍। মসি মীয়ামগী ফোরম ওইরিবা গ্রাম সভাদা মখোয় মখোয়গী গ্রাম পঞ্চায়তশিংদা মথৌ তারিবা অমসুং লৈরিবা মচাক মথুমশিং খন্নদুনা চাওখৎ থৌরাংগী থবকশিং পায়খৎনবা মথঙগী শেনবা চহিগী গ্রাম পঞ্চায়ত দিভেলপমেন্ত প্লানশিং শেম্বা কেম্পেন অমনি‍।

পঞ্চয়ত প্লান্নিংগী থৌওং অসি ওক্তোবর ২দা শুকশোয় শোয়দনা গ্রাম সভা ফমদুনা হেক হেক হৌই, অমদি মসিদা চৎলিবা চহিদুগী থৌরাংশিংগী খোঙজেল, লাক্কদৌরিবা চহিগী লৈরিবা মচাক মথুমশিং, লাক্কদৌরিবা চহিগী প্লান শেম্বদা হাপকদবা থবক থৌওংশিং অতৈ হীরমশিংগা লোয়ননা খন্নৈ‍। লাক্কদৌরিবা চহিদা হাপকদবা থবক থৌওংশিংদা মরুওইবা মীৎয়েঙ থম্মি অমসুং মতুং তারকপা মীফম(শিং)দা অয়াবা পীনবগীদমক গ্রাম সভাদা পুথোকই‍। অয়াবা পীরবা গ্রাম পঞ্চায়ত দিভেলপমেন্ত প্লান অদু, হেন্না ত্রান্সপেরেন্সী অমসুং একাউন্তেবিলিতী পুরক্নবা পুনশিল্লবা ৱর্ক ফ্লো ইনেবল্দ তৌরিবা পোর্তেল, ইগ্রামস্বরাজতা থাগৎলি‍।

কেম্পেন অসিগী মনুংদা, লাইন দিপার্তমেন্তশিংদা লৈরিবা ফ্রন্তলাইন ৱর্করশিংবু গ্রাম সভাদা মখোয়গী স্কীমশিং অমসুং প্রোগ্রামশিং, লৈরিবা মচাক মথুমশিং, বেনিফিসরীশিংগী মচা খায়বা ৱারোল থম্লনবা কৌই‍। অসুম্না, কেম্পেন অসি পুনশিল্লবা প্লান শেম্নবা অমসুং মচং ওইবা ইনফ্রাস্ত্রকচর অৱাৎপা শেমগৎনবা অমদি খুন্নাইগী চাওখৎপগী পান্দমশিং ফংননবা পঞ্চায়তকী মচাক মথুংশিং মশিং হেনগৎহন্নবা কান্নরবা খুৎলায় অমসু ওইরি‍।

পুন্না চাওখৎপা পুরক্নবা মায়কৈদা থাংজিনবা মশক থোকপা খোঙথাঙ অমা ওইনা, কেম্পেন অসি মালেমগী সস্তেনেবল দিভেলপমেন্ত গোলশিং (SDGs)গী পরিংদা চুনহল্লি‍। হায়রিবা পান্দমশিং অসি লম-লমদুগী মতুং ইন্না শেমদোক শেমজিন তৌরবা, লোকেলাইজেসন ওফ সস্তেনেবল দিভেলপমেন্ত গোল্স (LSDGs) হায়না হেক হেক হায়নবা থৌওংসি পায়খত্তুনা, কেম্পেন অসিনা লৈবাক শিন্বা থুংনা পায়খৎলিবা চাওখৎ থৌরাংশিং অসি মালেমগী লৈরিবা পান্দমশিংগা চুনবা ওইহল্লি‍। খোঙজেল য়াঙনা মীৎয়েঙ থম্নবগগীদমক লায়রবা কোকহন্বা, হকশেল, মহৈ মশিং, এনভাইরনমেন্তেল সস্তেনেবিলিতী অসিনচিংবা মরুওইবা হীরমশিং য়াওহন্দুনা মরুওইবা থীম মাপল মশক খঙদোক্লে‍।

স্তেত পঞ্চায়তী রাজ দিপার্তমেন্তশিং অমসুং স্তেত ইন্সতিত্যুৎ ওফ রুরেল দিভেলপমেন্ত এন্দ পঞ্চায়তী রাজ (SIRD&PRs)শিংনা হায়রিবা থৌওংশিং অসি পায়খৎপদা মরুওইবা শক্লোন অমা লৌরি‍। মখোয়না ৱর্কসোপ অমসুং ত্রেনিং সেসনশিং পাক শন্না পাঙথোক্তুনা লোকেল লুচিংবা অমসুং মীয়ামবু প্লান্নিং প্রোসেসতা মতিং লৈনা শরুক য়াহন্নবা ৱাখল লৌশিং অমসুং খুৎলায়শিং ফংহল্লি‍। গ্রাম সভা মীফমশিং অসি ৱা খন্ননবা অমসুং তাননবা মতিং লৈবা ফোরমশিং ওইরক্তুনা মসিদা ৱাখল্লোনশিং তাথোক তাশিন তৌই, নৈনৈ অমসুং ফজনবা শেমদোকই‍।

পীপল্স প্লান কেম্পেন অসি এদমিনিস্ত্রেতিব এক্সরসাইজ অমা ওইবখক নত্তনা; মসি পার্তিসিপেতরী দিমোক্রেসী অমসুং পুন্না চাওখৎমিন্নবগী মায়কৈদা চঙশিনবা ইহৌ অমনি‍। মসিনা মীয়ামবু মখোয়গী তুংলমচৎ শেম্লিবা মীশক ওইহন্নবা মপাঙ্গল হাপ্পি, মচাক মথুমশিং মতিং লৈনা শীজিন্নবগী থৌওং য়োকখৎলি, অমসুং চাওখৎ থৌরাংগী থবকশিংদা মপু ওইবা অমসুং একাউন্তেবিলিতীগী ৱাখল্লোন অমা ফাওহল্লি‍। পীপল্স প্লান কেম্পেন অসিনা “বিক্সিত ভারতকীদমক বিক্সিত পঞ্চায়ত” হায়রিবা ৱাখল পরিংসিদা চত্তুনা খুঙ্গং চাওখৎনবগী পুক্না চঙশিন্বা লম্বী অমা ওইরি‍।

******