செயற்கைக்கோள்கள் மற்றும் அவற்றின் பயனர்களின் பாதுகாப்பை உறுதி செய்வதற்காக, விண்வெளி பொருட்களை, குறிப்பாக பூமிக்கு அருகிலுள்ள செயற்கை செயற்கைக்கோள்களை கண்காணிக்க பட செயலாக்க நுட்பங்கள், தரவு பகுப்பாய்வு தீர்வுகளுக்கான மென்பொருள் மற்றும் கருவிகள் மற்றும் ஆய்வகங்கள் விரைவில் உருவாக்கப்படும். இத்தகைய கண்காணிப்பு நடைமுறை விண்வெளி சூழ்நிலை விழிப்புணர்வு (எஸ்எஸ்ஏ) என்று அழைக்கப்படுகிறது.

மத்திய அரசின் அறிவியல் மற்றும் தொழில்நுட்பத் துறையின்  கீழ் ஒரு தன்னாட்சி நிறுவனமாக நைனிடாலில்  இயங்கும் ஆர்யபட்டா கண்காணிப்பு அறிவியல் ஆராய்ச்சி நிறுவனம் (ஏ.ஆர்.இ.எஸ்), விண்வெளி தொழில்நுட்பங்களில் ஒத்துழைக்க நவரத்னா பாதுகாப்பு பொதுத்துறை நிறுவனமான பாரத் மின்னணு  லிமிடெட் (பி.இ.எல்) உடன் புரிந்துணர்வு ஒப்பந்தத்தில் கையெழுத்திட்டுள்ளது.

 'தற்சார்பு இந்தியா' மற்றும் 'மேக்-இன்-இந்தியா' முன்முயற்சிகளுக்கு ஏற்ப, இந்தியாவின் விண்வெளி சூழ்நிலை விழிப்புணர்வு மற்றும் தொழில்நுட்ப திறன்களை மேம்படுத்துவதில் இது ஒரு குறிப்பிடத்தக்க படியாகும். விண்வெளியில் உள்ள பொருட்களுக்கு இடையிலான சாத்தியமான மோதல்களைக் கணிக்கவும், எச்சரிக்கவும் மற்றும் தவிர்க்கவும் எஸ்எஸ்ஏ தேவைப்படுகிறது.

புரிந்துணர்வு ஒப்பந்தத்தின் ஒரு பகுதியாக, ARIES மற்றும் BEL ஆகியவை இந்த நோக்கத்திற்காக அதிநவீன தொலைநோக்கிகளிலிருந்து அவதானிப்புகளைப் பயன்படுத்தும். இரு நிறுவனங்களும் கூட்டாக பட செயலாக்க நுட்பங்கள் மற்றும் தரவு பகுப்பாய்வு தீர்வுகளுக்கான மென்பொருளை உருவாக்கும். கருவிகள் மற்றும் ஆய்வகங்களை உருவாக்குவதிலும் அவர்கள் ஒத்துழைப்பார்கள். அனைவருக்கும் கல்வி இயக்கத்தில் திறன் மேம்பாட்டிற்காக பல்வேறு பயிற்சி பட்டறைகள் நடத்தப்படும். விண்வெளி வானிலையில் தனது நிபுணத்துவத்தையும் ஏரிஸ் பகிர்ந்து கொள்ளும்..

*****

PKV / KV