جمہوریہ ہند کی حکومت اور جمہوریہ ازبیکستان کی حکومت کے درمیان دو طرفہ سرمایہ کاری معاہدہ  (بی آئی ٹی) پر خزانہ اور کارپوریٹ امورکی  مرکزی وزیر محترمہ نرملا سیتارمن اور ازبکستان کے نائب وزیر اعظم عزت مآب جناب  خودجاییف جمشید عبدالخاکی مووچ نے آج تاشقند میں دستخط کئے۔

ہندوستان اور ازبیکستان کے درمیان دو طرفہ  سرمایہ کاری  کا معاہدہ (بی آئی ٹی)  ہندوستان میں ازبیکستان کے سرمایہ کاروں اور جمہوریہ ازبیکستان میں ہندوستانی سرمایہ کاروں کو متعلقہ بین الاقوامی نظیروں اور طریقوں کی روشنی میں مناسب تحفظ کی یقین دہانی کراتا ہے۔ یہ  راحت کی سطح میں اضافہ کرے گا اور ثالثی کے ذریعے تنازعات کے تصفیے کے لیے ایک آزاد فورم فراہم کرنے کے ساتھ ساتھ معاملات   کرنے اور غیر امتیازی سلوک کے کم سے کم معیار کی یقین دہانی کر کے سرمایہ کاروں کے اعتماد میں اضافہ کرے گا۔ بی آئی ٹی سرمایہ کاری کو ضبطی سے تحفظ فراہم کرتا ہے اور  شفافیت، منتقلی اور نقصانات کا معاوضہ فراہم کرتا ہے۔ تاہم، ایسے سرمایہ کار اور سرمایہ کاری کو تحفظ فراہم کرتے ہوئے، ریاست کے ریگولیٹ کرنے کے حق کے حوالے سے توازن برقرار رکھا گیا ہے اور اس طرح پالیسی کے لیے مناسب جگہ فراہم کی گئی ہے۔

بی ٹی آئی پر دستخط اقتصادی تعاون کو بڑھانے اور سرمایہ کاری کا زیادہ مضبوط اور لچکدار ماحول بنانے کے لیے دونوں ممالک کے مشترکہ عزم کی عکاسی کرتا ہے۔ توقع ہے کہ بی آئی ٹی سے دو طرفہ سرمایہ کاری میں اضافے کی راہ ہموار ہوگی، جس سے دونوں ممالک میں کاروبار اور معیشتوں کو فائدہ ہوگا۔

************

U.No:549

ش ح۔اک۔ق ر