محکمہ بائیوٹیکنالوجی نے ’’بڑے پیمانے پر صفائی مہم" کا انعقاد کیا جس میں محکمہ کے سینکڑوں ملازمین نے حصہ لیا۔ "ہمارے ملک کو صاف ستھرا رکھیں‘‘کے عزم کے ساتھ، دیال سنگھ کالج، لودھی روڈ، نئی دہلی کے قریب بازار کے علاقے کو ڈی بی ٹی کے عملے نے صاف کیا۔

محکمہ بائیوٹیکنالوجی  کے سکریٹری نے اس بڑے پیمانے پر صفائی مہم کی قیادت کی۔ جوائنٹ سکریٹری، ڈی بی ٹی نے عملے کو خاص طور پر بلیک اسپاٹ ایریا میں گہری صفائی کرنے کی ترغیب دی۔ انہوں نے بازار میں اور اس کے آس پاس کے لوگوں کو صفائی کے فوائد سے آگاہ کیا اور ’’نا گندگی پھیلائیں گے، نہ پھیلانے دیں گے‘‘کے عزم کے لیے حوصلہ افزائی کی۔

ملک کو صاف اور سرسبز بنانے کے تصور کے ساتھ، جے ایل این اسٹیڈیم میٹرو اسٹیشن، نئی دہلی کے قریب سکریٹری، ڈی بی ٹی اور دیگر افسران کے ذریعہ پروگرام - "ایک پیڑ ماں کے نام" کے تحت شجرکاری کی سرگرمی بھی منعقد کی گئی۔ اس مہم کی نگرانی سینئر افسران وقتاً فوقتاً کر رہے ہیں۔ اس کے علاوہ ،  جوائنٹ سکریٹری، ڈی بی ٹی  نے، ڈی بی ٹی اور اس کے خود مختار اداروں اورپی ایس یوز کے ڈویژنوں/سائنسی کیڈر یونٹوں کے ذریعہ اعلان کردہ سرگرمیوں کی تیاری/عمل درآمد کی پیش رفت کے بارے میں ایک جائزہ میٹنگ کی۔

************

ش ح۔ش ت۔ ج ا

 (U: 532)