মিনিস্ত্রী ওফ দেবেলপমেন্ত ওফ দি নোর্থইস্তর্ন রিজন (MDoNER)না ২০২৪গী সেপ্তেম্বর ২৬দা বেঙ্গলুরুগী ফোর সিজন হোতেলদা নুমিদাংৱাইরম পুং ৫দগী নোর্থইস্ত ত্রেদ অমসুং ইনবেস্তমেন্ত রোদশো ওর্গনাইজ তৌরি। থৌরম অসিদা ভারত সরকারগী কম্মুনিকেসন অমসুং দেবেলপমেন্ত ওফ দি নোর্থইস্তর্ন রিজনগী কেন্দ্র মন্ত্রী শ্রী জ্যোতিরাদিত্য এম. সিন্ধিয়াসু শরুক য়াগনি।

শ্রী চনচল কুমার, সেক্রেতরী অমসুং সুশ্রী মোনালিসা দাস, জোইন্ত সেক্রেতরী য়াওনা MDoNERদগী মকোকথোংবা ওফিসিয়েলশিংসু তোঙান তোঙানবা অৱাংনোংপোক রাজ্যশিংদগী মীহুৎশিংগা লোয়ননা শরুক য়াগনি।

থৌরম অসি অৱাং নোংপোক্কী রাজ্য সরকারশিং, FICCI (ইন্দস্ত্রী পার্তনর), অমসুং ইনবেস্ত ইন্দিয়া (ইনবেস্তমেন্ত ফেসিলিতেসন পার্তনর)গা খুৎশম্নদুনা ওর্গনাইজ তৌরি।

মসি বেঙ্গলুরুদা মরিশুবা মরুওইবা রোদশোনি, মসিদা অৱাং নোংপোক রাজ্য নিপাল: অসাম, অরুনাচল প্রদেশ, ত্রিপুরা, মিজোরাম, মনিপুর, মেঘলয়া, সিক্কিম অমসুং নগালেন্দগী মীহুৎশিংদগী প্রজেন্তেসনশিং য়াওরি। মখোয়না মখোয়-মখোয়গী রাজ্যশিংদা তোঙান তোঙানবা ইনবেস্তমেন্তকী খুদোংচাবশিংগী মতাংদা খংহনগনি।

মরুওইবা ইনবেস্ত তৌবা য়াবা সেক্তরশিংদা রিজনগী ইকোনোমিক গ্রোথকীদমক মথৌ তাবা আই.তি. & আই.তি.ই.এস., হেল্থকেয়র, এজুকেসন & স্কিল দেবেলপমেন্ত, স্পোর্তস & এন্তরতেমেন্ত, তুরিজম & হোস্পিতালিতী অমসুং ইনর্জী য়াওরি।

MDoNER না ওর্গনাইজ তৌবা নোর্থইস্ত ইনবেস্তর্স সম্মিতকী পান্দমদি ইনবেস্তমেন্তশিং পুক্নিং চিংশিনবা অমসুং ইকোনোমিক দেবেলপমেন্ত থৌগৎপনি। মুম্বাই, হায়দ্রবাদ অমসুং কোলকতাদা মমাগী রোদশোদা অকনবা শরুকয়াবশিং উবা ফংখি অদুগা বাইব্রেন্ত গুজরাত্তা স্তেত সেমিনারদা পোতেন্সিয়েল ইনবেস্তরশিংগী পুক্নিং চিংশিনখি।

হোৎনরিবশিং অসি শেমগৎনবা MDoNERনা ২০২৪গী মার্চ ৬দা বিগ্যান ভবন নই দিল্লীদা নোর্থ ইস্ত ইনবেস্তর্স সম্মিতকীদমক য়ানা ৱারোলশিং খুৎয়েক পীনবা অমসুং খুৎশিন্নবগী থৌরম পাংথোকখি। মসিদা রাজ্য সরকারশিংদগী মকোকথোংবা ওফিসিয়েলশিংগা লোয়ননা বিজিনেস-তু-গবর্নমেন্ত (B2G) মীফমশিং পাংথোকখি।

বেঙ্গলুরুদা পাংথোক্কদৌরিবা রোদশোদগী অৱাংনোংপোক ভারত্তা চাউখৎপগী খোংচৎকী শরুক ওইনবগীদমক খৌরাংলিবা পোতেন্সিয়েল ইনবেস্তর কয়া পুক্নিং চিংশিন্নবা আশা তৌরি।

****