প্রধান মন্ত্রী শ্রী নরেন্দ্র মোদীগী লুচিং মখাদা অমসুং কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত সাহগী লমজিং মখাদা, গৃহ মন্ত্রালয়না স্বচ ভারত অভিয়ান মপুং ফানা পাঙথোক্নবা লেপ্লি‍। স্বচ ভারত অভিয়ানগী মখাদা, লু-নান্বা পুরক্নবা অমসুং মীয়াম্না লেপ্তনা ইচঙ থৌনা শরুক য়াহন্নবা থৌরাং কয়া MHA না পায়খৎলি‍। থৌরাংশিং অসিগী শরুক অমা ওইনা সেক্রেতরী (বোর্দর মেনেজমেন্ত) শ্রী রাজেসন্দ্র কুমারনা নোর্থ ব্লোক্তা MHAগী ওফিসর অমসুং এমপ্লোয়ীশিংদা স্বচ্চতা ৱাশক শকহনখি‍।

গৃহ মন্ত্রালয়গী য়াম্লবা ওফিসর অমসুং এমপ্লোয়ীশিংনা নোর্থ ব্লোক কেম্পসতা লু-নান্বা পুরক্নবা শ্রমদান তৌখি‍। থৌরম অসি স্বচ ভারত অভিয়ানগী মখাদা, লু-নান্বা পুরক্নবা অমসুং মীয়াম্না লেপ্তনা ইচঙ থৌনা শরুক য়াহন্নবা থৌরাং কয়া MHA না পায়খৎলিবা থৌরাংশিংগী মনুংদা অমনি‍। স্বচ্চতা ৱাশক অসিনা ঐখোয়গী অকোয়বগী ফীভম লু-নান্না থমবা, ফত্ত-হৌদি মফম চানা হুন্দোকপগী থৌওং য়োকখৎপা অমসুং নুংতিগী পুন্সিদা তুং কোইগদবা থৌওংশিং শীজিন্নবগী মরুওইবা ৱাফম থম্লি‍।

থৌরম অদুদা, সেক্রেতরী (বোর্দর মেনেজমেন্ত)না গৃহ মন্ত্রালয়গী ওফিসর অমসুং এমপ্লোয়ী পুম্নমক্কী মফমদা মখোয়গী লনাই অমসুং প্রোফেস্নেল পুন্সিদা স্বচ ভারত অভিয়ানগী মায়কৈদা লেপ্তনা থৌদাং য়ানবা পুক্নিং থৌগৎখি‍। গৃহ মন্ত্রালয়না তরু তনান্বা অমসুং অশংবা ভারত অমগীদমক খোঙফম চেৎনা লেপ্লি অমসুং লু-নান্বা, অকোয়বগী ফীভম ঙাক শেন্বদা তুং কোইগদবা অমসুং থৌদাং লৈবা থৌওংশিং য়োখৎকদবা থৌরাংশিং ইচঙ থৌনা লেপ্তনা পায়খৎখিগনি হায়না মহাক্না হায়খ‍ি‍।

স্বচ ভারত অভিয়ানগী মায়কৈদা লেপ্লিবা খোঙফম উৎলদুনা, গৃহ মন্ত্রালয়গী মশিং য়াম্লবা ওফিসর অমসুং এমপ্লোয়ীশিংনা শিৎ-শেংবগী থবক থৌরমশিংদা শরুক য়াদুনা ওফিস অদুদা লৈরিবা কম্মন স্পেসশিং ফত্ত-হৌদি পৈশিন্দুনা লৈহনখিদে‍। পাক শন্না পায়খৎলিবা শিৎ-শেংবগী থৌরম অদুনা অকোয়বগী ফীভম লু-নান্না থম্বদা মীপুম খুদিংমক্না লৌফম থোকপা থৌদাংশিং উৎনবা হোৎনবগী মমি তাখি‍।

এনভাইরনমেন্ত ঙাক্তুনা থম্নবা অমসুং অশংবা তুংলমচৎ অমগীদমক লেপ্লিবা খোঙফম উৎপা ওইনা গৃহ মন্ত্রালয়গী মশিং য়াম্লবা ওফিসর অমসুং এমপ্লোয়ীশিংনা নোর্থ ব্লোক্তা লৈবা পার্ক্তা ‘এক পের মা কে নাম’ কেম্পেনগী মখাদা উ চারাশিংসু থাখি‍।

*****