ہندوستانی وفد نے 12 ستمبر 2024 کو واشنگٹن ڈی سی میں منعقد  خوشحالی کے لیے انڈو پیسیفک اکنامک فورم (آئی پی ای ای) کی سپلائی چین کونسل کی پہلی ذاتی ملاقات میں شرکت کی جس کے بعد 13 ستمبر 2024 کو کرائسز ریسپانس نیٹ ورک کی میٹنگ ہوئی۔ ان باضابطہ ملاقاتوں سے قبل سپلائی چین  کی لچک سے متعلق مختلف موضوعات پر پینل مباحثے  ہوئے  ریاست ہائے متحدہ امریکہ کے اقدامات پر خصوصی توجہ  دی گئی بشمول سپلائی چین مرکز کی تشکیل اور ایس سی اے ایل ای جیسے ٹول کی ترقی۔

جب کہ امریکہ سربراہ ہے، بھارت سپلائی چین کونسل کا نائب سربراہ ہے۔ اس ملاقات میں اہم پیش رفت ہوئی ہے۔ کونسل نے ایک سالہ ورک پلان کو اپنایا جس میں کونسل کی طرف سے پورے سال کے لیے کی جانے والی کارروائی کی تفصیل دی گئی۔ اس کے علاوہ، اہم کامیابیاں تین شعبوں، یعنی سیمی کنڈکٹر،  بیٹریوں پر توجہ کے ساتھ اہم معدنیات؛ اور کیمیکلز سے متعلق تین ایکشن پلان ٹیموں کا قیام تھیں۔

شراکت دار ممالک کی طرف سے صحت کی نگہداشت /دوا سازی کے شعبے سے متعلق ایک اور ایکشن پلان ٹیم کے قیام پر بھی اصولی طور پر اتفاق کیا گیا ، جس میں ایکشن پلان ٹیم اس کے لیے چیئر کو حتمی شکل دینے کے بعد عمل میں آئے گی۔ ان شعبوں کی شناخت اہم شعبوں اور شراکت دار ممالک کی طرف سے نوٹیفائیڈ اہم اشیا کی فہرست سے کی گئی تھی۔ دلچسپی رکھنے والے شراکت دار ممالک ایکشن پلان ٹیموں کے قیام کے ایک ماہ کے اندر اندر ایکشن پلان ٹیموں میں شامل ہو سکتے ہیں۔ یہ ایکشن پلان ٹیمیں ان مخصوص اہم شعبوں اور اہم سامان سے متعلق سپلائی چین میں لچک پیدا کرنے کے لیے شراکت دار ممالک کے درمیان ممکنہ تعاون اور شراکت  پر مبنی کوششوں کے بارے میں کونسل کے لیے اپنی سفارشات تیار کرنے کے لیے جلد ہی کام شروع کریں گی۔

ان شعبوں میں ایکشن پلان ٹیموں کی تشکیل ان کی سپلائی کے ارتکاز اور کووڈ – 19  وبائی امراض کے دوران درپیش اہم رکاوٹوں سے سیکھے گئے تجربے کے پیش نظر سپلائی چینز کی اکثریت میں آج انتہائی اہم ہے۔ آئی پی ای ایف کے تمام شراکت داروں میں ان شعبوں میں چیلنجز اور طاقت موجود ہے۔ کچھ مثالیں ذیل میں دی گئی ہیں:

سیمی کنڈکٹر ایکو سسٹم کے لیے، کسی کو ہنر مند افرادی قوت سے نوازا جا سکتا ہے جیسے چپ ڈیزائن کے لیے ڈیزائن انجینئرز، دوسرے اس پوزیشن میں ہو سکتے ہیں کہ وہ فیبریکیشن اور مینوفیکچرنگ، ترقی یافتہ انفراسٹرکچر وغیرہ کے لیے زیادہ سرمایہ فراہم کر سکیں۔ دنیا نے تکنیکی ترقیات  اور صاف توانائی کے حل کی مانگ میں غیر معمولی نمو  دیکھی ہے۔   ایک پائیدار اور کم کاربن والے مستقبل کی طرف اس مثالی  تبدیلی نے اہم معدنیات کی قابل اعتماد فراہمی کو حاصل کرنے کی زبردست  اہمیت کو سامنے لایا ہے۔

مخصوص اہم معدنیات کا استعمال صاف توانائی، الیکٹرانکس، دفاع، نقل و حمل، ٹیلی کمیونیکیشن، کھاد، دواسازی  سمیت شعبوں کے لیے ناگزیر ہے۔ اہم چیلنجوں میں سے ایک سپلائی کے خطرے میں اس کے ارتکاز اور عالمی مارکیٹ کی حرکیات کی وجہ سے ہے اور جس کے نتیجے میں قیمتوں میں اتار چڑھاؤ اور غیر یقینی صورتحال پیدا ہو سکتی ہے جس کے نتیجے میں سپلائی میں خلل پڑتا ہے۔

اسی طرح بڑھتی ہوئی آبادی زیادہ پیداوار کے لیے محدود زرعی اراضی پر بہت زیادہ دباؤ ڈالتی ہے اور اس تناظر میں زرعی کیمیکل لچکدار سپلائی چین کی اہمیت انتہائی اہم ہو گئی ہے۔ ایک اندازے کے مطابق، ایگرو کیمیکلز مارکیٹ (کھاد، کیڑے مار ادویات،  مقوی معاون، اور پلانٹ ریگولیٹرز) کے 2023 تک 235.2 بلین امریکی   ڈالر سے 2028 تک 282.2 بلین امریکی ڈالر  تک پہنچنے کا امکان ہے، جو 3.7 فیصد  کی مرکب سالانہ شرح  نمو  کے ساتھ  ہے۔

ایک اور بڑی کامیابی تمام مسائل  کے لیے دو ذیلی کمیٹیوں کا قیام تھا۔ لاجسٹکس اور سامان کی نقل و حرکت پر ذیلی کمیٹی آئی پی ای ایف  خطے میں لاجسٹک خدمات اور لاجسٹکس کے بنیادی ڈھانچے کو بہتر بنانے کے ساتھ ساتھ تجارتی سہولت کاری کے طریقوں کو بڑھانے کی کوششوں میں سہولت فراہم کرے گی، ڈیٹا اور تجزیات پر ذیلی کمیٹی پہلے سے ہی لیے آئی پی ای ایف ممالک کے ذریعے شروع کیے گیے  کام پر مبنی  ہو  گی، جس کا مقصد   سپلائی چین آگاہی  اور خطرے  کے لیے تجزیاتی نقطہ نظر کا تبادلہ ہے۔ اس تناظر میں، ہندوستان نے ری اسکلنگ اور اپ اسکلنگ کے لیے افرادی قوت کی ترقی کے لیے کام کرنے کی ضرورت پر بھی زور دیا، جو مثبت طور پر زیر غور ہے۔

آئی پی ای ایف سپلائی چین کونسل کی ذاتی میٹنگ کے بعد، جمہوریہ کوریا کی زیر صدارت کرائسز ریسپانس نیٹ ورک (سی آر این) کا اجلاس 13 ستمبر 2024 کو منعقد ہوا۔ میٹنگ کے دوران، صلاحیت کی تعمیر کے حصے کے طور پر، سی آر این نے ایک ہنگامی سمولیشن  ایکسرسائز  (ٹیبل ٹاپ ایکسرسائز)   منعقد کیا۔ جس میں سپلائی چین میں خلل شامل ہے جو آئی پی ای ایف  ممالک کی طرف سے بعض کیمیکلز کی درآمد اور استعمال پر اثر انداز ہوتا ہے اور آئی پی ای ایف  میں تعاون کو بڑھانے کے طریقوں پر تبادلہ خیال کیا۔ سی آر این فوری طور پر سپلائی چین کی رکاوٹوں کو دور کرنے پر مرکوز ہے۔

آئی پی ای ایف کے شریک  ممالک بشمول ہندوستان اپنی دلچسپی کی ایکشن پلان ٹیموں اور ذیلی کمیٹیوں میں فعال طور پر شامل ہونے کے لیے پرعزم ہیں کیونکہ وہ آئی پی ای ایف کے پورے خطے میں سپلائی چین کی لچک کو مضبوط بنانے کے مقصد سے قابل عمل پالیسیاں اور سفارشات تیار کرنے کے لیے باہمی تعاون اور شراکت  پر مبنی طریقے سے  ایک ساتھ کام کرتے ہیں۔

سپلائی چین ریزیلینس ایگریمنٹ (پیلر دوم اگریمنٹ)  آئی پی ای ایف  ( ہند بحرالکاہل خطے   میں 14 ممالک کی کثیر جہتی گروپنگ) کے تحت 24 فروری 2024 سے عمل میں آیا۔ یہ معاہدہ شراکت دار ممالک کے درمیان اقتصادی مصروفیت  کے ذریعے سپلائی چین کو مضبوط کرنے کی کوشش کرتا ہےجس کا مقصد خطے میں ترقی، امن اور خوشحالی کو آگے بڑھانا ہے۔ اس معاہدے کے تحت، تین ادارہ جاتی ادارے بنائے گئے ہیں، یعنی سپلائی چین کونسل (ایس سی سی)، کرائسز ریسپانس نیٹ ورک (سی آر این) اور لیبر رائٹس ایڈوائزری بورڈ (ایل آر اے بی ) جو معاہدے کے مقاصد کو حاصل کرنے کے لیے مخصوص کام کرتے ہیں۔

آئی پی ای ایف کی ان میٹنگوں کے موقع پر، امریکہ، آسٹریلیا، نیوزی لینڈ، جاپان، ملائیشیا، انڈونیشیا اور جمہوریہ کوریا کے ساتھ دو طرفہ ملاقاتیں بھی ہوئیں تاکہ ان کے خیالات اور خطے میں مضبوط سپلائی چین کو آسان بنانے کے لیے آگے بڑھنے کے راستے کو سمجھا جا سکے۔

سپلائی چین کونسل کا اگلا اجلاس دسمبر 2024 میں ہوگا۔

*****

(ش ح ۔ا ک۔ر ب)

U.No.339