হকশেল অমসুং য়াইফ-য়ুম্বালগী কেন্দ্রগী রাজ্য মন্ত্রী, শ্রীমতী অনুপ্রিয়া সিংহ পতেলনা ঙসি ভারত মন্দপমদা ফুদ প্রোসেসিং ইন্দস্ত্রিজ মন্ত্রালয়না শিন্দুনা পাঙথোক্লিবা ৱর্ল্দ ফুদ ইন্দিয়া ২০২৪ থৌরমগা ইরোয়ননা ফুদ সেফ্তী এন্দ স্তেন্দর্দ্স ওথোরিতী ওফ ইন্দিয়া (FSSAI)না শিন্দুনপা পাঙথোক্লিবা গ্লোবেল ফুদ রিগুলেতর্স সম্মিত ২০২৪গী অনিশুবা ইদিসন্দা “ইনহেন্সিং রিজনেল কোলাবোরেসন এন্দ হার্মোনাইজেসন ইন স্তেন্দর্দ সেত্তিং প্রোসেস” হায়বা হীরমদা পাঙথোকপা রিজনেল কনক্লেবতা ৱা ঙাংখ্রে‍। রিজনেল কনক্লেব অসিগী পান্দমদি ফুদ সেফ্তী অমসুং স্তেন্দর্দ সেত্তিংগী থৌওংদা রিজনেল কোলাবোরেসন অমসুং হার্মোনাইজেসন হেনগৎহনবনি‍।

কনক্লেব অদুগী মরুওইবা ৱাফমশিং ফোঙদোক্লদুনা, শ্রীমতী অনুপ্রিয়া পতেলনা হায়খি, “এসিয়ন রিজন অসি মালেমগী চীঞ্জাক পুথোকপগী শিংথানিংঙাই ওইবা শরুক অমা পুরিবনি‍। অসিগুম্না মরুওইবা মফম অমা কন্বসিনা ফুদ সেফ্তী লৈহন্নবা, হকশেল য়োকখৎনবা, অমসুং মালেমগী স্তেন্দর্দশিংগা চুনবা মওং চুম্বা লল্লোন ইতিক্কী থৌওং লৈহন্নবা থৌদাং চাউনা লৈ‍। কনক্লেব অসিনা এসিয়া রিজন মনুংদা ফুদ সেফ্তী অমসুং স্তেন্দর্দকী লমদা হেন্না মপাঙ্গল কন্বা, হেন্না তেংবাংনবগী লম্বী অমদা চঙশিন্নবা ফিরেপ অমুক হন্না লৌমিন্নখি‍। মসি ঐখোয়গী রিজনখক্তগী নত্তনা মালেম পুম্বগী ওইনা হেন্না শাফবা অমসুং হেন্না মচি ওইবা ফুদ সিস্তেমগী মায়কৈদা চঙশিল্লিবা ঐখোয়গী অপুন্বা খোঙচৎ অসিগী মরুওইবা পন্দোল অমনি‍।”

“ঐখোয়দা রিজন অমা ওইনা মতিং অসি লৈজরগসু, রিজন শিন্বা থুংনা রিগুলেতরী ফ্রেমৱর্ক, ইন্সতিত্যুস্নেল কেপাসিতীশিং অমসুং তেক্নিকেল এক্সপরতিজতা চাউনা খেন্নবা লৈরিবসুগুম্বা শিংনবশিং অমসুং ফুদ সেফ্তী স্তেন্দর্দকী লমদা নেস্নেল স্তেকহোল্দরশিংগী মরক্তা খঙবা ৱাৎপনা মালেমগী ফুদ সেফ্তী স্তেন্দর্দ ইন্বা ঙম্বগী ঐখোয়গী মতিং হন্থহল্লি‍। হায়রিবা শিংনবশিং অসি থেংননবগীমক, লিংজেল মান্ননা অমসুং তেংবাংনদুনা চৎমিন্নরবখক্তদা মালেমগী ফুদ স্তেন্দর্দকী মশক মওং লেপ্পদা রিজন অসিগী থৌদাংগী থাক ৱাংখৎহনবা ঙমগদবা মরম্না ঐখোয়না ঐখোয়গী রিসোর্সশিং পুনশিন্দুনা, তেক্নিকেল এক্সপরতিজ তাথোক তাশিন তৌনদুনা অমসুং ঐখোয়গী লাল্লোংশিং পরিং অমদা থমদুনা ঐখোয়গী রিজনেল কোলাবোরেসনগী ফীভম ফগৎহন্বা তাই” হায়না শ্রীমতি পতেলনা ফোঙদোকখি‍।

“ঐখোয়না অনৌবা অমসুং মচিন তুমখৎলক্লিবা সেক্তরশিংদা মীৎয়েঙ থম্বা মথৌ তাই‍। বাইও-তেক্নোলোজী অমসুং সস্তেনেবল ফার্মিংনচিংবা অনৌবা তেক্নোলোজীশিংগী ৱাফমসু য়েংবগা লোয়ননা এক্বাকলচর, প্রোসেস ফুদ অমসুং ওর্গানিক ফার্মিংনচিংবা হীরমশিংগী স্তেন্দর্দশিং শেমগৎপা তাই‍। ঐখোয়না ঐখোয়গী ফুদ সিস্তেম শাফবা, হেন্না রেজিলিএন্ত অমসুং তুংগীদমক সস্তেনেবল ওইহন্নবা হোৎনবগা লোয়ননা হায়রিবা লমশিং অসিদা খুমাঙ চাওশিন্বা য়াম্নমক মরুওই,” হায়না শ্রীমতী পতেলনা মখা তাখি‍। “কনক্লেব অসিনা রিজন পুম্বসিদা ফুদ-সেফ্তী হার্মোনাইজ তৌনবগী মায়কৈদা ৱাহন্থোক লৈবা খোঙজেল পুরক্তুনা ঐখোয়গী মীয়ামগীদমক অপন্বা লৈতবা লল্লোন ইতিক্তা মতেঙ পাংগনি অমসুং ফুদ সেফ্তীগী মপাঙ্গল কনখৎহনগনি,” হায়না মহাক্না ফোঙদোকখি‍।

শ্রী জি. কমলা বর্ধন রাও, CEO, FSSAI না হায়খি মদুদি “এসিয়ানা থেংনরিবা খুদোংচাদবা ফীভমশিং অসি মালেমগী অতৈ মফমশিংনা থেংনরিবদুগা খেন্নৈ‍। হৌজিক অসি মালেমদা ইথিল পীগদবা রিজনেল থাক্কী খুদোংচাদবা ৱাফমশিং খন্নবগী চপ চারবা মতম্নি‍। কনক্লেব অসিনা মচিন তুমখৎলক্লিবা মার্কেত অমদি ফুদ প্রদক্তশিং, স্তেন্দর্দাইজেসনগী থৌওং, ক্বালিতী এস্যুরেন্স অমসুং মেথোদোলোজীনচিংবা হীরমশিংগী মতাঙদা খন্ননবা অমসুং খুদোংচাদবা ৱাফমশিংগী পাম্বৈ পুথোক্নবা এক্সপিরিএন্স তানশিন্নবা তাঞ্জাম অমা ওইগনি‍।”

মিস্তর স্তীব ৱীয়র্ন, চেয়রপর্সন, কোদেক্স এলিমেন্তারিয়স কম্মিসসন, ফুদ স্তেন্দর্দ্স এজেন্সী (গ্লোবেল এফ্যার্স), UK না ফোঙদোকখিবদা, “এসিয়ন রিজন অসিদা খেন্নবা কলচর, অইং-অশা অমসুং চীঞ্জাক পুথোকপগী থৌওং লৈ‍। মেম্বর লৈবাক খুদিংনা তেবল অসিদা তোপ তোপ্পা ৱাখল লৌশিং পুদুনা লাক্লি‍। রিজনেল কনক্লেব অসিনা রিজন পুম্বসিদা রিগুলেতরী ফ্রেমৱর্ক, ইন্সতিত্যুস্নেল কেপাসিতীশিং অমসু তেক্নিকেল এক্সপর্তিজতা চাউনা খেন্নবা লৈরিবা অসিগী পাম্বৈ পুথোকপদা মরুওইরিবা ফুদ স্তেন্দর্দ অমসুং ক্বালিতী কন্ত্রোয়গী মরমদা খন্ননবা তাঞ্জা অমসুং ফম্পাক অমা পীরি‍‍।"

সম্মিত অসিগী রিজনেল অমসুং মালেমগী ওইনা মরুওইবা ৱাফমশিং থম্লদুনা, দোক্তর ভিন্সেন্ত অর্বক্কল, DDG, নিউ জীলেন্দ ফুদ সেফ্তী, মিনিস্ত্রী ওফ প্রাইমারী ইন্দস্ত্রিজ, নিউ জীলেন্দনা হায়খি, “সম্মিত অসিনা ফুদ সেফ্তী লীদর্সিপ উৎননবা, ঐখোয়গী মীৎয়েঙ তাথোক তাশিন তৌনবা অমসুং অমনা অমগী সিস্তেম মমুৎ তানা খঙবা হেলহন্নবা, হেন্না চাউবা কেপাসিতী বিল্দিং পুরক্নবা, লৈঙাক্কী কোওপরেসন অমসুং হার্মোনাইজেসন হেনগৎহন্নবা অমনা অমদগী তমশিন্নবা নীংথিরবা তাঞ্জাম অমা পীদুনা কঞ্জ্যুমরশিং, ফুদ বিজিনেসশিংগী কান্নগদবা অমসুং মালেমগী লল্লোন ইতিক্তা মতেঙ ওইগদবা ফংসন অমসুং সিস্তেমগী ফীভম ফগৎহনগনি‍।”

দোক্তর অল্কা রাও, কোদেক্স – SPS কন্তেক্ত পোইন্ত অমসুং এদভাইজর, সাইন্স এন্দ স্তেন্দর্দ্স এন্দ রিগুলেসন্ত দিভিজন, FSSAI; কেন্দ্রগী হকশেল মন্ত্রালয়গী মকোক থোংবা ওফিসিএলশিং অমসুং তোঙান তোঙানবা লৈবাকশিংদগী মীথুংশিংসু থৌরমদুদা শরুক য়াখি‍।

****