শেল-থুম মন্ত্রালয়
DFS না ভারত অমসুং মপান লৈবাকশিংদা দিজিতেল পেমেন্ত পাকথোক চাউথোকহল্লি
দিজিতেল পেমেন্ত ত্রাঞ্জেক্সন ভোল্যুম ৪৪% গী কম্পাউন্দেদ এনুএল গ্রোথ রেত (CAGR)তা FY ২০১৭-১৮ দা করোর ২,০৭১ লৈরম্বদগী FY ২০২৩-২৪দা করোর ১৮,৭৩৭ দা হেনগৎলকখি; ত্রাঞ্জেক্সনগী ভেল্যুনা ১১%গী CAGRদা FY17-18 দা লুপা করোর লাখ ১,৯৬২ ওইরম্বদগী FY23-24দা লুপা করোর লাখ ৩,৬৫৯দা হেনগৎলকখি
UPI ত্রাঞ্জেক্সন ভোল্যুমসু ১২৯% CAGRদা FY ২০১৭-১৮দা করোর ৯২ ওইরম্বদগী FY ২০২৩-২৪দা করোর ১৩,১১৬দা হেনগৎলকখি; UPI ত্রাঞ্জেক্সন ভেল্যুনা ১৩৮% CAGRদা FY17-18দা লুপা করোর লাখ ১ ওইরম্বদগী FY23-24দা লুপা করোর লাখ ত্রিলিয়ন ২০০ য়ৌখ্রে
হৌজিক UPI না UAE, সিঙ্গাপুর, ভুতান, নেপাল, স্রি লঙ্কা, ফ্রান্স, অমসুং মৌরিসসনচিংবা মরুওইবা কৈথেলশিং য়াওনা লৈবাক ৭তা লাইব ত্রাঞ্জেক্সন অপন্বা লৈতনা ফংহল্লি
Posted On:
20 SEP 2024 3:31PM by PIB Imphal
দিপার্তমেন্ত ওফ ফাইনেন্সিএল সর্ভিসেস (DFS), শেলথুম মন্ত্রলয়না লৈবাকসিদা দিজিতেল পেমেন্ত য়োকখৎপদা মরুওইবা থৌদাং অমা য়ারি।
য়ুনিফাইদ পেমেন্ত ইন্তরফেস (UPI) গুম্বা খোঙজেল য়াঙবা পেমেন্ত সিস্তেম শীজিন্নবগী খোঙজেল য়াঙ্খৎহন্নবা হোৎনবনা, রিএল তাইম য়াহন্দুনা, সিক্যুর অমসুং সিমলেস পেমেন্ত মীওই মিলিয়ন কয়াদা ফংহন্দুনা শেলথুমগী ত্রাঞ্জেক্সন তৌবগী মওংদা য়াওল অমা পুরক্লে।
থৌরাং অসি মীপুম খুদিং মখোয়গী শেলথুম গী ফিরেপ্তা মপাঙ্গল হাপ্তুনা কেসলেস অমসুং ইনক্লুজিব ওইবা শেন্মিৎলোন অমা পুরক্নবগী লৈঙাক্কী মঙলান পরিংদা পায়খৎপনি।
মমাঙগী শেন্বা চহিগা চাংদম্নবদা, দিজিতেল পেমেন্ত লেন্দস্কেপ অসিনা শেন্বা চহি (FY) ২০২৩-২৪দা শিংথানিংঙাই ওইনা পাকথোক চাউথোরকপা উৎলি। মচং ওইবা পন্বা য়াবা ৱাফমশিংদি:
দিজিতেল পেমেন্ত ত্রাঞ্জেক্সন হেনগৎলকপা:
ভারত্তা দিজিতেল পেমেন্ত মশক থোক্না হেনগৎলকপা উবগা লোয়ননা অপুন্বা দিজিতেল পেমেন্ত ত্রাঞ্জেক্সন ভোল্যুম ৪৪% গী কম্পাউন্দেদ এনুএল গ্রোথ রেত (CAGR)তা FY ২০১৭-১৮ দা করোর ২,০৭১ লৈরম্বদগী FY ২০২৩-২৪দা করোর ১৮,৭৩৭ দা হেনগৎলকখি। মখা তানা, চৎলিবা শেন্বা চহি ২০২৪-২৫ অসিগী হৌখিবা থা ৫ (এপ্রিল-ওগস্ত) মনুংদা, ত্রাঞ্জেক্সন ভোল্যুম করোর ৮,৬৫৯ য়ৌখ্রে।
সোর্স: RBI, NPCI & বেঙ্কশিং
ত্রাঞ্জেক্সনগী ভেল্যুনা ১১%গী CAGRদা লুপা করোর লাখ ১,৯৬২ ওইরম্বদগী লুপা করোর লাখ ৩,৬৫৯দা হেনগৎলকখি। মসিগী মথক্তা, চৎলিবা শেন্বা চহি ২০২৪-২৫ অসিগী হৌখিবা থা ৫ (এপ্রিল-ওগস্ত) মনুংদা, অপুন্বা ত্রাঞ্জেক্সন ভেল্যু লুপা করোর লাখ ১,৬৬৯ য়ৌখ্রে।
সোর্স: RBI, NPCI & বেঙ্কশিং
UPI না মখা তানা মায় পাকপা:
UPI না ভারতকী দিজিতেল পেমেন্ত ইকোসিস্তেমগী য়ুম্বী ওইদুনা লৈরি। UPI না লৈবাকসিগী দিজিতেল পেমেন্ততা য়াওল অমা পুরক্তুনা, UPI ত্রাঞ্জেক্সন ভোল্যুমসু ১২৯% CAGRদা FY ২০১৭-১৮দা করোর ৯২ ওইরম্বদগী FY ২০২৩-২৪দা করোর ১৩,১১৬দা হেনগৎলকখি। মখা তানা, চৎলিবা শেন্বা চহি ২০২৪-২৫ অসিগী হৌখিবা থা ৫ (এপ্রিল-ওগস্ত) মনুংদা, ত্রাঞ্জেক্সন ভোল্যুম করোর ৭,০৬২ য়ৌখ্রে।
শরুক য়ারিবা বেঙ্কশিং অমসুং ফিন্তেক প্লেতফোর্মশিংগী পাকথোক চাউথোরক্লিবা নেতৱর্কনা পীরিবা শীজিন্নবদা কোম্বগী মওং অসিনা UPI বু লৈবাক শিন্বা থুংবদা য়ুজর মিলিয়ন কয়াগী রিএল-তাইম পেমেন্তকী পাম্নবা মওং অমা ওইহল্লে।
সোর্স: NPCI
UPI ত্রাঞ্জেক্সন ভেল্যু ১৩৮% CAGRদা লুপা করোর লাখ ১ ওইরম্বদগী লুপা করোর লাখ ত্রিলিয়ন ২০০ য়ৌখ্রে। মসিগী মথক্তা, চৎলিবা শেন্বা চহি ২০২৪-২৫ অসিগী হৌখিবা থা ৫ (এপ্রিল-ওগস্ত) মনুংদা, অপুন্বা ত্রাঞ্জেক্সন ভেল্যু লুপা করোর লাখ ১০১ য়ৌখ্রে।
সোর্স: NPCI
UPI: ওগস্ত ২০২৪গী P2M অমসুং P2P ত্রাঞ্জেক্সন (করোরগী ভোল্যুমদা)
ওগস্ত ২০২৪দা P2M ত্রাঞ্জেক্সনগী কন্ত্রিব্যুসন ৬২.৪০% য়ৌখি, মসিগী মনুংদা ৮৫% দি লুপা ৫০০ ফাওবগী মনুংদা লৈবনি। মসিনা তাক্লিবদি শেল য়ামদনা পেমেন্ত তৌবদা লৈবাক মীয়াম্না UPI দা থাজবা থম্লি হায়বনি।
UPI অমসুং RuPay মালেমগী ওইনা পাকথোক চাউথোকপা:
ভারতকী দিজিতেল পেমেন্তকী য়াওল অসি ঙমখৈগী ৱাংমদসু পাকথোক চাউথোক্লি। UPI অমসুং RuPay অনিমক খোঙলৈ থুনা মালেমগী মফমশিংদা শন্দোক্তুনা, মপান্দা লৈবা অমসুং মপান্দা চৎখিবা ভারত মচাশিংগী মফমদা ঙমখৈ লান্না অপন্বা লৈতবা ত্রাঞ্জেক্সন তৌবা য়াহল্লি। হৌজিক্কী ওইনা, UPI না UAE, সিঙ্গাপুর, ভুতান, নেপাল, স্রি লঙ্কা, ফ্রান্স, অমসুং মৌরিসসনচিংবা মরুওইবা কৈথেলশিং য়াওনা লৈবাক ৭তা লাইব ত্রাঞ্জেক্সন অপন্বা লৈতনা ফংহন্দুনা ভারতকী কঞ্জ্যুমর অমসুং বিজিনেসশিংবু মালেমগী ওইনা শেল থিবা অমসুং ফংবা য়াহল্লি। পাকথোক চাউথোরক্লিবা অসসিনা মপান্দগী শেল চঙলকপা হেনগৎহনগনি, ফাইনেন্সিএল ইনক্লুজনগী ফীভম ফগৎহনগনি, অমসুং মালেমগী শেলথুমগী লমদা ভারতকী থাক ৱাংখৎহল্লগনি। ACI ৱর্ল্দৱাইদ রিপোর্ত ২০২৪গী মতুং ইন্না, ২০২৩দা মালেমগী রিএল-তাইম পেমেন্ত ত্রাঞ্জেক্সনগী ৪৯% দি ভারত্তা তৌখি।
ভারতনা দিজিতেল পেমেন্তকী লমদা মালেমগী লুচিংবা অমা ওইনা খোঙলৈ থুনা কাখৎলক্লি। UPI মালেমগী মফমশিংদা পাকথোক চাউথোরকপা অমসুং দিজিতেল ত্রাঞ্জেক্সন লেপ্পা লৈতনা হেনগৎলকপগা লোয়ননা ভারতনা মীচম মীয়ামগী ফাইনেন্সিএল ইনক্লুজন অমসুং ইকনমিক এমপৱারমেন্তকী অনৌবা বেঞ্চমার্ক শেম্লি।
দিপার্তমেন্ত ওফ ফাইনেন্সিএল সর্ভিসেসনা মালেমগী ফাইনেন্সিএল ইকোসিস্তেমতা ভারতকী মফম চেৎশিলহন্নবা অনৌবা লম্বীশিং থিবগা লোয়ননা সিক্যুর, স্কেলেবল অমসুং ইনক্লুজিব ওইবা দিজিতেল পেমেন্ত সোলুসনশিং খুমাঙ চাওশিলহন্নবা খোঙফম চেৎনা লেপ্লি।
****
(Release ID: 2057062)
Visitor Counter : 11