কেন্দ্রগী হকশেল অমসুং য়াইফ য়ুম্বাল মন্ত্রী, শ্রী জগৎ প্রকাশ নদ্দানা গ্লোবেল ফুদ রেগুলেতরশিংগী মীফম 2024গী অনিশুবা ইদিসন ঙসি ভারত মন্দপমদা কেন্দ্রগী কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসনগী মন্ত্রী, শ্রী প্রলহাদ জোশী অমসুং ন্যু অমসুং রিন্যুএবল ইনর্জীগী মন্ত্রীগা লোয়ননা হৌদোকখ্রে। হকশেল অমসুং য়াইফ-য়ুম্বালা মন্ত্রালয়গী মখাদা ফুদ সেফতী এন্দ স্তেন্দর্দ ওথোরিতী ওফ ইন্দিয়া (FSSAI) না শিন্দুনা ফুদ প্রোসেসিং ইন্দস্ত্রীজ মন্ত্রালয়না শিনবা ৱর্ল্দ ফুদ ইন্দিয়া 2024গী থৌরমগা লোয়ননা শিন্দুনা পাংথোক্লিবা সম্মিৎ অসিনা ফুদ সেফতী সিস্তেমশিং অমসুং ফুদ ভেল্যু চেন পুম্বদা রেগুলেতরী ফ্রেমৱার্কশিং মপাঙ্গল কনখৎহন্নবা ফুদ রেগুলেতরশিংগীদমক গ্লোবেল প্লেৎফোর্ম অমা শেমগৎনবা পান্দম থম্লি।

মীয়াম তিনখিবা অদুদা ৱা ঙাংলদুনা শ্রী জে.পি. নদ্দানা হায়খি, "ঐখোয়গী ইকাই খুম্নরবা প্রধান মন্ত্রীগী 'বসুধৈব কুতুম্বকম' - মালেম অমা, ইমুং অমা, তুংলমচৎ অমা, হায়বা মীৎয়েং অদুগা চুনবা মওংদা ঐখোয়না 2023দা G20 মীফমগা লোয়ননা কো-ব্রান্দেদ ইভেন্ত অমা ওইনা অহানবা গ্লোবেল ফুদ রেগুলেতর সম্মিৎ হৌদোকখি।" মসিগী অনৌবা খোঙথাং অসিনা ঐখোয়গী ফুদ সেফতী সিস্তেমশিংদা থেংনরিবা শীংনবশিং অমসুং খুদোংচাদবশিং অদু খন্ননবা মালেমগী ফুদ রেগুলেতরশিংবু পুনশিনখি।

অরিবা ভারতকী লাইরিক অমদগী ৱাহৈ অমা পল্লদুনা, "করিগুম্বা চীঞ্জাক অসি শেংলবদি, ৱাখল অদুসু অশেংবা ওইগনি। ৱাখল অসি মপুং ফারবদি, মেমোরি অসি লেপ্পা লৈতে। মেমোরি অদু লেপ্পা লৈতনা লৈরকপা মতমদা, হার্তকী নোৎ পুম্নমক (থৌশাদবা, চিংনবশিং, এতেচমেন্তশিং) অদু থাদোক্তুনা, মীওই অমনা লিবরেসন ফংই”। শ্রী নাদ্দানা মেন্তেল ক্লিয়রনেস অমসুং অরোইবা ওইনা স্পিরিচুএল লিবরেসন ফংনবগীদমক প্যুর ফুদকী মরুওইবা অদু পনখি। মহাক্না হায়খি, মতম চুপ্পগী ওইবা কাংলোন অসিনা চীঞ্জাক, হকশেল অমসুং য়াইফ-থৌরাংগী মরক্তা লৈরিবা মরুওইবা মরী অসিবু ময়েক শেংহল্লি।

কেন্দ্রগী হকশেল মন্ত্রীনা ফুদ রেগ্যুলেতরশিংগী মরুওইবা হেনগৎলক্লিবা অসি মালেম অসিনা চীঞ্জাক্তগী থোকহনবা অনাবা, ন্যুত্রাস্যুতিক সেফতী, নোভেল ফুদশিং, অমসুং মাইক্রো প্লাস্তিককুম্বা শীংনবশিং মায়োক্নরিবা মতম অসিদা ফুদ রেগ্যুলেতরশিংগী মরুওইবা হেনগৎলক্লিবা অদু পনখি। মহাক্না হায়খি মদুদি ফুদ রেগুলেতরশিংগী থৌদাং অসি মমাংদা অমুক্তা ওইখিদ্রিবা মওংদা য়াম্না মরু ওই অমসুং মসিনা লেপ্পা লৈতনা মতেং পাংনবা, লেপ্পা লৈতনা ইন্নোভেসন তৌনবা অমসুং ফুদ সেফতী সিস্তেমশিংদা লেপ্পা লৈতনা ফগৎহন্নবগীদমক থৌদাং লৌবা মথৌ তাই।

শ্রী নদ্দানা FSSAI না হকশেল অমসুং য়াইফ য়ুম্বাল মন্ত্রালয়গা লোয়ননা স্তেন্দর্দশিং শেমগৎপদা, ইন্তর্নেস্নেল ত্রেদতা মীৎয়েং থমদুনা, ফুদ প্রদক্সন প্রোসেসশিং শেমগৎপদা অমসুং কঞ্জ্যুম্পসন পেতর্নশিং হোংদোকপদা হোৎনরিবশিং অদু থাগৎপা ফোংদোকখি। মহাক্না হায়খি, 2023গী মার্চ 18দা গ্লোবেল মিল্লেৎ (শ্রী অন্ন) কনফরেন্সতা ঐখোয়গী ইকাই খুম্নরবা প্রধান মন্ত্রীনা হৌদোকখিবা মাইলেৎ স্তেন্দর্দশিং শেমগৎপা অসি মশক থোকপা মাইপাকপা অমনি”।

কেন্দ্রগী হকশেল মন্ত্রীনা হায়খি মদুদি ফুদ সেফতী স্তেন্দর্দশিংবু ইন্তর্নেস্নেল বেঞ্চমার্কশিংগা চান্নহন্নবা থবক পায়খৎলি। মহাক্না হায়খি, "মসিদা AMR 2.0 দা নেস্নেল এক্সন প্লান শেমগৎপা অমসুং কোদেক্স স্তেন্দর্দশিংগা লোয়ননা পেস্তিসাইদশিংগী মেক্সিমম রেসিদ্যু লিমিৎশিং (MRLশিং) এলাইন তৌবা য়াওরি, মসিনা মালেমগী ললোন-ইতিক্তা ঐখোয়গী থাক হেনগৎহনগনি।" মহাক্না মখা তানা হায়খি মদুদি GFRS 2024 না মালেমগী রেগ্যুলেতরী ফ্রেমৱার্কশিংগী মতাংদা ঐখোয়না হেন্না খঙনবা অমসুং ফুদ প্রদক্ত সেফতীগী মথৌ তাবশিংগী মতাংদা ইনফোর্মেসন এক্সচেঞ্জ তৌনবা পাকথোক চাউথোক্লবা প্লেৎফোর্ম অমা পীরি। 

কেন্দ্রগী মন্ত্রীনা হায়খি মদুদি ভারতনা ভুতান, নেপাল অমসুং শ্রী লঙ্কাগুম্বা লৈবাকশিংদা রেগুলেতরী কেপাসিতী মপাঙ্গল কনখৎহন্নবা হোৎনরি। প্লাস্তিক ৱেস্তকী হেনগৎলক্লিবা খুদোংথীবা অসি লাকশিন্নবা ভারতনা লৌখৎলিবা অতোপ্পা খোঙথাংশিং অদু পল্লদুনা মহাক্না হায়খি মদুদি ভারতনা প্লাস্তিক ৱেস্ত হন্থহন্নবা অমসুং ওর্গানিক ফার্মিং অমসুং ওর্গানিক পেস্ত কন্ত্রোলগী খোঙথাংশিং লৌখৎনবা খোঙথাংশিং লৌখৎলি।

শ্রী প্রলহাদ জোশীনা FSSAI না মথং-মথং অনিশুবা চহিগী ওইনা গ্লোবেল সম্মিৎ অসি পাংথোক্নবগীদমক থাগৎপা ফোংদোকখি। ফুদ সেফতীগী মতাংদা মালেমগী ওইবা ৱারী শানবগী মরুওইবা অদু পল্লদুনা শ্রী জোশীনা হায়খি, "ফুদ রেগুলেতরশিং, রিসর্চ ওর্গনাইজেসনশিং অমসুং কঞ্জ্যুমর এফিয়র্স দিপার্তমেন্তশিংগী মরক্তা ঐখোয়গী পুন্না হোৎনরিবা অসিনা ইন্নোভেসন্দা শাহৌ পীরগনি, মসিনা পোলিসীশিংনা কঞ্জ্যুমর প্রোতেক্সন অমসুং এনভাইর্নমেন্তেল সস্তেনেবিলিতীগী অখন্নবা মরুওইবশিং অদু উৎলি।"

খ্বাইদগী ফবা থৌওংশিং অমসুং লৌশিং শেয়র তৌনবগীদমক সম্মিৎ অসিগী মরুওইবা অদু পল্লদুনা শ্রী জোশীনা হায়খি মদুদি "ফুদ সেক্যুরিতী" হায়বসিনা মরাং কায়না চীঞ্জাক লৈবা হায়বদু নত্তে। ঐখোয়না চারিবা চীঞ্জাক্কী ক্বালিতী অমসুং সেফতীসু শোয়দনা লৈহনগদবনি। সেফ অমসুং অফবা চীঞ্জাক ফংহন্নবা কেন্দ্র সরকারনা লৌখৎলিবা মরুওইবা খোঙথাংশিং ওইনা মহাক্না ইত রাইৎ কেম্পেন, প্রধান মন্ত্রী গরীব কল্যান য়োজনা অমসুং মিল্লেৎ প্রমোৎ তৌবগী মতাংদা পনখি।

হকচাং ফনা লৈবা অমসুং ফিৎ ওইবা লৈবাক অমা শেমগৎপদা ফুদ ক্বালিতী অমসুং ফুদ সেফতীগী মরুওইবা অদুসু মহাক্না ফোংদোকখি।“রেগুলেসনগী স্তেন্দর্দশিং অসি লেপথোকপা হায়বসি সরকারগী মরুওইবা মথৌ অমসুং থৌদাংনি। মীয়ামদা অফবা চীঞ্জাক ফংহন্নবা FSSAI অমসুং ঐখোয়গী দিপার্তমেন্তনা মরুওইবা থৌদাং লৌরি," হায়না মহাক্না ফোংদোকখি।

ৱর্ল্দ হেল্থ ওর্গনাইজেসন (WHO) গী দাইরেক্তর জেনরেল, দোক্তর তেদ্রোস অধানোম ঘেব্রীয়সসনা মীফম অদুদা ভর্চুএল ওইনা ৱা ঙাংবদা হায়খি মদুদি ঐখোয়গী ফুদ সিস্তেম অসি ক্লাইমেৎ চেঞ্জনা মরম ওইদুনা মালেমগী থাক্তা শীংনবা কয়া মায়োক্নরি অমসুং মালেমগীদমক্তা রেগুলেতরী পোলিসীশিং অসি মান্নহন্নবদা নেস্নেল ফুদ রেগুলেতরশিংগী মরু ওইবা থৌদাং অদু মহাক্না ফোংদোকখি।

FSSAI না ফুদ স্তেন্দর্দশিং মান্নহন্নবা থবক পায়খৎলি হায়বা ৱাফম থম্লদুনা, শ্রী অপূর্ব চন্দ্র, সেক্রেতরী, হকশেল অমসুং য়াইফ-য়ুম্বাল মন্ত্রালয় অমসুং FSSAIগী চেয়রমেননা হায়খি মদুদি “ফুদ সেফতী স্তেন্দর্দশিং মপাঙ্গল কনখৎহন্নবা তেক্নোলোজী অসি মরু ওই অমসুং তঙাই ফদে। FSSAI না লাইসেন্সিং, ইম্পোর্ত ক্লিয়রেন্স, ওদিৎ, ইন্সপেক্সন অমসুং ফুদ ইকোসিস্তেমগী অতৈ মরুওইবা হিরমশিংদা তেক্নোলোজীদা য়ুম্ফম ওইবা সোলুসনশিং শীজিন্নবদা মাংজিল থাখ্রে”।

কেন্দ্রগী হকশেলগী সেক্রেতরীনা ভারত সরকারনা লৈবাক অসিদা মাইক্রো-ন্যুত্রিএন্তকী অৱাৎপা কোকহন্নবগীদমক্তা চেং ফোর্তিফাই তৌবা অমসুং মীয়ামগী দিস্ত্রিব্যুসন নেৎৱার্কগী খুত্থাংদা য়েন্থোক্নবা হোৎনবদা চাউনা খুমাং চাউশিল্লকপগী মতাংদা পনখি। মহাক্না হায়খি মদুদি AI অমসুং মেছিন লর্নিং অসি ফুদ রেগুলেতরী সিস্তেম মপাঙ্গল কনখৎহন্নবা অনৌবা পাম্বৈশিংনি।

হকশেল অমসুং য়াইফ য়ুম্বাল মন্ত্রালয়গী ওফিসর ওন স্পেসিএল দ্যুতী, শ্রীমতী পুনিয়া সলিলা শ্রীবাস্তবনা হায়খি মদুদি সম্মিৎ অসিনা লৌশিং শেয়র তৌনবগী খুদোংচাবা অমা পীরিবা ফুদ সেফতীদা মালেমগী খ্বাইদগী ফবা ৱাখল্লোনশিং পুনশিল্লি। মহাক্না হায়খি মদুদি ফুদ সেফতী অমসুং ন্যুত্রিসন অসি মীওইবগী হকশেলগীদমক য়াম্না মরু ওই অমসুং ভারত সরকারনা ফুদ সেফতী গভর্নান্স মপাঙ্গল কনখৎহন্নবা অমসুং হেনগৎহন্নবা থৌরাং কয়া লৌখৎলি।

IUFoST গী প্রসিদেন্ত, দোক্তর সেমুৱেল গোদফ্রোইনা হায়খি মদুদি ফুদ সাইন্স অসি মীওইবগী হিংবদা য়াম্না মরু ওই অমসুং মসি ইনোবেতিব রেগুলেতরী সোলুসনশিংগী খুত্থাংদা ঙাকথোকপা ঙমগনি। মহাক্না মালেমগী ফুদ রেগুলেতরী নেৎৱার্ক মপাঙ্গল কনখৎহনবদা FSSAIনা লৌরিবা থৌদাং অদুগীদমক থাগৎপা ফোংদোকখি।

কোদেক্স অমসুং ফুদ সেফতী রেগুলেসনদা ভারতনা চাউনা শেল থাদরকপদা কোদেক্সকী চেয়রমেন শ্রী স্তীভ ৱর্নিনা থাগৎপা ফোংদোকখি। মহাক্না হায়খি মদুদি কোদেক্সকী সবসিদিয়রী কম্মিসনশিং হোস্ত তৌরিবা লৈবাক খরগী মনুংদা ভারতসু অমনি।

থৌরম অদুগী মনুংদা ফুদ সেফতী প্রেক্তিসশিং ত্রান্সফোর্ম তৌনবা অমসুং ইনফোর্মেসন শেয়র তৌনবা পান্দম থম্লিবা ইন্নোভেতিব ইনিসিএতিব কয়া অমা হৌদোকখি। মসিগী খোঙথাংশিং অসিগী মরক্তা ভারতকী ঙমখৈদা চীঞ্জাক পুশিল্লকপা য়াদবগী মতাংদা মীয়াম অমসুং মরী লৈনবা ফুদ সেফতী ওথোরিতীশিংদা খঙহন্নবা শেমখিবা ওনলাইন পোর্তেল অমা ওইরিবা ফুদ ইম্পোর্ত রিজেক্সন এলর্ত (FIRA) হৌদোকখিবসু য়াওরি।

সম্মিৎ অসিদা ফুদ ইম্পোর্ত ক্লিয়রেন্স সিস্তেম 2.0 (FICS 2.0)গী অনৌবা ৱেবসাইত অমা উরেপ-হৌদোকখি। মসি হেন্না থুনা প্রোসেসিং অমসুং ত্রান্সপরেন্সী ফংহন্নবা হোৎনরিবা ফুদ ইম্পোর্ত ক্লিয়রেন্স সিস্তেমগী এদভান্স ওইরবা ভর্সন অমনি।  মসিনা অনৌবা ফিচরশিং, ওতোমেসন অমসুং অতোপ্পা মরী লৈনবা পোর্তেলশিংগা পুন্সিন্নবা মপুং ফানা ওনলাইন সোলুসন অমা পীদুনা মমাংগী সিস্তেমগী অকক্নবা থাকশিং কোকহল্লি।

মিলেৎ রেসিপি শো “ফ্লেভর্স ওফ শ্রী অন্না - সেহত ওর স্বাদ কে সং” অসি মিলেৎ বেজ রেসিপিশিং প্রমোৎ তৌনবগী পান্দমদা দুরদর্শন্দা এপিসোদ 13গী সেরিজ অমা ওইনা হৌদোকখ্রে। মসিগী খোঙথাং অসিনা ন্যুত্রিসনগী মতাংদা এৱ্যেরনেস হেনগৎহন্নবা অমসুং নুমিৎ খুদিংগী চিঞ্জাক শেম্বদা মিলেৎকী হকশেলগী কান্নবশিং অমসুং মখল কয়াগী কান্নবশিংবু ময়েক শেংনা খংহন্নবা হোৎনরি।

হৌদোকপগী মীফম অদুগী অতোপ্পা মরুওইবা মমি অমা হায়রগদি, স্তেত ফুদ সেফতী ইন্দেক্স (SFSI)  2024 রিলিজ তৌখি। মসি ভারতকী রাজ্যশিং অমসুং য়ুনিয়ন তেরিতোরীশিংগী ফুদ সেফতী পর্ফোর্মেন্স য়েংশিন্নবা চহিগী ওইবা রিপোর্ত অমনি। কেরলা, তমিল নাদু, জম্মু অমসুং কশ্মীর, গুজরাত অমসুং নাগালেন্দ অসি ইন্দেক্স অসিদা খ্বাইদগী ৱাংবা মফমদা লৈরি।

সম্মিৎ অসিগী অহানবা নুমিৎতা মালেমগী ফুদ সেফতীদা মরু ওইবা হীরমশিং খন্ন-নৈনখিবা ময়েক লারবা তেক্নিকেল সেসন কয়া অমা পাংথোকখি। "রেগুলেতিং ফুদ সেফতী এন্দ সেক্যুরিতী: এ গ্লোবেল পর্সপেক্তিব"গী মতাংদা অহানবা সেসন অসিনা রেগুলেতিব কমপ্লাইএন্সকীদমক কমপ্লাইএন্স এসেসমেন্ততা মীৎয়েং থমখি। অতৈ সেসনশিং অসি মথংশিৎনা এন্টিমাইক্রোবিএল রেসিস্তেন্সী: ইনক্লুসিব স্ত্রেতেজিশিংগী খুত্থাংদা মিটিগেসন, হেল্থ সপ্লিমেন্তশিং অমসুং ন্যুত্রাসিউতিকলশিং রেগুলেৎ তৌবা: ইভোলুসনিং লেন্দস্কেপ, সস্তেনেবল ফুদ পেক্কেজিং: পোলিসী, ইনোবেসন অমসুং কমপ্লাইন্স, অমসুং স্পোর্তস অমসুং ন্যুত্রিসন: হকশেল অমসুং য়াইফ-থৌরাংগী মরুওইবা হায়বা হিরমদা ওইখি।

অচৌবা ফুদ কম্পেনীশিংগী CEOশিংগা লোয়ননা মকোকথোংবা গবর্নমেন্ত ওফিসিএলশিংগী মরক্তা ইজ ওফ দুইং ব্যুজিনেস প্রমোৎ তৌবা, ন্যুত্রিসিয়স ফুদশিংদা খুদোংচাবা ফংহনবা অমসুং ফুদ সেফতী ইনফ্রাস্ত্রকচর ফগৎহনবগী মতাংদা খন্ন-নৈননবা পেরেলেলেল সেসন অমা ওইনা পাংথোকখি।

মালেমগী ওইবা ওর্গানাইজেসনশিং হায়বদি WHO, ৱার্ল্দ ত্রেদ ওর্গানাইজেসন (WTO), ফুদ এন্দ এগ্রিকলচর ওর্গানাইজেসন (FAO), কোদেক্স এলিমেন্তরিয়স কম্মিসন, য়ুরোপিয়ন ফুদ সেফতী ওথোরিতী অমসুং জোইন্ত ইন্সতিত্যুৎ ফোর ফুদ সেফতী এন্দ এপ্লাইদ ন্যুত্রিসন, USAগুম্বা স্তেকহোল্দরশিংনা গ্লোবেল ফুদ রেগুলেতরস সমিত 2024দা শরুক য়াগনি। ফুদ সেফতী রেগুলেতরশিং অমসুং রিস্ক এসেসমেন্ত ওথোরিতীশিং, রিসর্স ইন্সতিত্যুৎশিং অমসুং য়ুনিভর্সিতীশিং য়াওনা লৈবাক 70 হেনবদগী লাকপা মীহুৎশিংনা মীফম অসিদা শরুক য়াদুনা মরুওইবা ইসুশিং খন্ন-নৈনগনি অমসুং মালেম শিনবা থুংনা ফুদ সেফতী সিস্তেম হেনগৎহন্নবা থৌরাংশিং খঙদোক্কনি।

নুমিৎ নিনি অসিদা পাংথোক্কদৌরিবা সম্মিৎ অসিদা মীওই 5,000 হেন্না শরুক য়াগনি অমসুং লৈবাক 60 হেনবদা লৈরিবা ভারতকী মিসনশিং শরুক য়াবগী মথক্তা ভর্চ্যুএল ওইনা শরুক য়াবা মীওই 150,000 হেন্না য়াওরগনি। মসিগী মনুংদা ফুদ বিজিনেস ওপরেতর 1,00,000, মহৈরোই অমসুং রিসর্সর 40,000, এক্সপোর্তর 6,000, ইম্পোর্তর 5,000, ফুদ সেফতী ওফিসর 3,500, ফুদ সেফতী ত্রেনী 2,500, লেবোরেতরী ওফিসর 2,000, ফুদ সেফতী মিত্র 800 য়াওরি।

থৌরম অদুদা FSSAIগী , CEO শ্রী জি. কমলা বর্ধনা রাও; FSSAI গী একজিক্যুতিব দাইরেক্তর শ্রী US ধ্যানি অমসুং কেন্দ্রগী হকশেল মন্ত্রালয়গী মকোক থোংবা ওফিসিএলশিংসু শরুক য়াখি।

*****