پینے کے پانی اور صفائی ستھرائی کے محکمے(ڈی ڈی ڈبلیو ایس) ، جل شکتی کی وزارت نے، نئی دہلی میں 17 سے 19 ستمبر 2024 کے درمیان منعقدہ 8 ویں انڈیا واٹر ویک کے موقع پر بین الاقوامی واش (پانی، صفائی اور حفظان صحت) کانفرنس کا اہتمام کیا۔ 'دیہی پانی کی فراہمی کو برقرار رکھنا' کے موضوع پر مرکوز اس تین روزہ اجتماع نے علم کے تبادلے، اختراعات کی نمائش، اور پائیدار ترقی کے ہدف 6 (ایس ڈی جی6)  کو حاصل کرنے پر خصوصی توجہ کے ساتھ، عالمی ڈبلیو اے ایس ایچ چیلنجوں سے نمٹنے کے لیے بہترین طریقوں کا اشتراک  کے لیے ایک پلیٹ فارم  فراہم کیا۔

کانفرنس میں محترمہ  ونی مہاجن، سکریٹری،ڈی ڈی ڈبلیو ایس ، جناب  اشوک کے کے مینا، آفیسر آن اسپیشل ڈیوٹی، ڈی ڈی ڈبلیو ایس ،  جناب چندر بھوشن کمار، ایڈیشنل سکریٹری اور مشن ڈائریکٹر، نیشنل جل جیون مشن (این جے جے ایم) اور ڈی ڈی ڈبلیو ایس کے دیگر نامور افسران، ریاستوں/مرکز کے زیر انتظام علاقوں کے افسران ، آر ڈبلیو پی ایف  پارٹنرز اور پیپر پیش کرنے والوں کی نمایاں موجودگی کا مشاہدہ کیا گیا۔

 

 

اس پروگرام  میں 40 سے زیادہ اجلاس (آف لائن اور آن لائن)، 143 آف لائن پیپر پریزنٹیشنز، 43 آن لائن پیپر پریزنٹیشنز، اور 5 پینل ڈسکشنز شامل تھے، جس میں پانی کے معیار، گرے واٹر مینجمنٹ، کمیونٹی کی مشغولیت، معلومات، تعلیم اور طرز عمل میں تبدیلی ، مواصلات(آئی ای سی/ بی سی سی) کے اقدامات، اور موسمیاتی تبدیلی کی موافقت، دوسروں کے درمیان  جیسے موضوعات کے ایک وسیع سلسلے کو تلاش کیا گیا ۔

پہلے دن   کاآغاز پانی کی جراثیم کشی کی ٹیکنالوجیز اور پائیدار پانی کی فراہمی کی اسکیموں کو یقینی بنانے میں معاشرے کی شمولیت کے کردار پر کلیدی اجلاس کے ساتھ ہوا۔ نیشنل سیف واٹر ڈائیلاگ نے جے جے ایم کے اثرات ، جیسے موضوعات پر غور و خوض کے ساتھ – پانی کی جراثیم کش ٹیکنالوجی کو پیمانے پر لاگو کرنے سے اسباق، کمیونٹی کی شمولیت اور جل جیون مشن کے اثرات کا جائزہ کو ظاہر کیا۔

 

 

دوسرے دن کا اجلاس ،ڈیجیٹل پبلک انفراسٹرکچر پر بات چیت کے لیے وقف تھا، جس میں اس بات پر روشنی ڈالی گئی کہ کس طرح ایس سی اے ڈی اے اور آئی او ٹی  نظام پانی کے انتظام کو تبدیل کر رہے ہیں۔ جناب اشوک کے کے مینا،  او ایس ڈی-ڈی ڈی ڈبلیو ایس نے اپنے کلیدی خطاب میں پانی کے معیار کی نگرانی اور خدمات کی فراہمی کو بہتر بنانے میں ٹیکنالوجی کے کردار پر زور دیا۔ کولکتہ میں ایس پی ایم این آئی ڈبلیو اے ایس  میں متوازی اجلاس منعقد کیے گئے، جس میں پانی کے انتظام کے مختلف پہلوؤں، جیسے ڈیجیٹل اختراعات، آئی او ٹی (انٹرنیٹ آف تھنگز) اور پانی کے انتظام کے نظام کو بڑھانے میں ان کے کردار پر توجہ مرکوز کی گئی۔

 

تیسرے دن کا آغاز 'دیہی پینے کے پانی تک سب کی  رسائی کے حصول' پر ایک پینل مباحثے سے  ہوا۔اس مباحثے کی مشترکہ صدارت محترمہ  ڈی تھرا، ہاؤسنگ اور شہری امور کی وزارت میں ایڈیشنل سکریٹری  اور  ڈاکٹر چندر بھوشن کمار،اے ایس اینڈ ایم ڈی-این جے جے ایم نے کی ۔مباحثے میں  دیہی پانی کے انتظام میں چیلنجز اور مواقع، دیہی اور شہری پانی کی گورننس کے درمیان تعاون کی ضرورت، پانی کی فراہمی کے نظام کی طویل مدتی آپریشنل وابستگی کے لیے کمیونٹی کی شراکت کا کردار بحث کے کچھ اہم موضوعات تھے۔

 

 

جے جے ایم کے تحت رویے میں تبدیلی مواصلات (بی سی سی) پر اجلاس نے پینے کے محفوظ پانی کے قابل اعتماد ذریعہ کے طور پر نل کے پانی پر عوامی اعتماد کو فروغ دینے کے لیے ساختی بی سی سی کی اہم ضرورت پر روشنی ڈالی۔ بات چیت میں آب و ہوا کی تبدیلی کے موافقت اور ڈیزاسٹر مینجمنٹ کے لیے اختراعی حل کے انضمام پر بھی روشنی ڈالی گئی، جس میں پانی کے چیلنجوں سے نمٹنے، کمیونٹیز کی حفاظت، اور متنوع خطوں میں لچک کو فروغ دینے کے لیے عالمی علم کے تبادلے کی اہمیت پر زور دیا گیا۔

 

 

نمائش

سوچھ سوجل گاؤں، ایک ماڈل گاؤں، جو دیہی علاقوں میں ڈبلیو اے ایس ایچ شعبے کو مضبوط بنانے کے لیے ہندوستان کے جامع نقطہ نظر کی عکاسی کرتا ہے، اس تقریب کے مرکز کے طور پر کھڑا تھا۔ تین دنوں تک جاری رہنے والی اس نمائش نے ریاستوں/ مرکز کے زیر انتظام علاقوں کو اپنی اختراعات اور بہترین طریقوں کا مظاہرہ کرنے کے لیے ایک پلیٹ فارم فراہم کیا، جس سے ملک بھر میں پائیدار پانی کے انتظام اور صفائی کی کوششوں کے بارے میں قابل قدر بصیرتیں پیش کی گئیں۔

 

مستقبل کا منصوبہ

بین الاقوامی واش کانفرنس 2024 اہم نتائج اور قابل عمل بصیرت کے ساتھ اختتام پذیر ہوئی۔ اس تقریب نے جل جیون مشن اور سوچھ بھارت مشن جیسے اقدامات کے ذریعے دیہی پانی کے انتظام میں ہندوستان کی قیادت کی نمائش کی، جبکہ مستقبل کے پانی کے چیلنجوں سے نمٹنے کے لیے عالمی شراکت داری، کمیونٹی کی قیادت میں حل اور ٹیکنالوجی پر مبنی اختراعات کی ضرورت پر بھی زور دیا۔

 

*************

 

 

(ش ح ۔ش ت۔ج ا(

U.No 185

(Release ID: 2056908) Visitor Counter : 15