প্রধান মন্ত্রী শ্রী নরেন্দ্র মোদীগী অহুমশুবা তর্মগী নুমিৎ 100নিগী মনুংদা লৌউ-শিংউ অমসুং লৌমীশিংগী য়াইফ থৌরাং মন্ত্রালয়গী মরুওইবা ৱারেপশিং অমসুং মায়পাকপশিং অদুগী মতাংদা কেন্দ্রগী লৌউ-শিংউ অমসুং লৌমীশিংগী য়াইফ থৌরাং অমসুং খুঙ্গং চাউখৎ থৌরাং মন্ত্রী শ্রী শিবরাজ সিংহ চৌহান্না ঙসি প্রেস কনফরেন্স অমা পাংথোকখ্রে। লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী সেক্রেতরী দা. দেবেশ চতুর্বেদী অমসুং দিপার্তমেন্ত ওফ এগ্রিকলচরেল রিসর্চ এন্দ এজুকেসন (DARE) গী সেক্রেতরী অমসুং ইন্দিয়ন কাউন্সিল ওফ এগ্রিকলচরেল রিসর্চ (ICAR) গী দাইরেক্তর জেনরেল দা. হিমাংশু পাথক অমসুং মন্ত্রালয় অসিগী অতোপ্পা ওফিসিএলশিংসু প্রেস কনফরেন্স অদুদা শরুক য়াখি।

শ্রী শিবরাজ সিংহ চৌহান্না হায়খি মদুদি লৌউ-শিংউ অসি ভারতকী শেন্মিৎলোনগী মপাঙ্গলনি অমসুং মসি ঐখোয়গী পুন্সিগী য়ুম্ফমসু ওইরি অমসুং লৈবাক অসিগী মীওই করোর 140বু চিঞ্জাক ফংহন্নবা সরকারগী খ্বাইদগী চাউবা থৌদাংনি। লৌমীশিং অসি লৌউ-শিংউগী থৱায় অমসুং পুন্সিনি। প্রধান মন্ত্রী শ্রী মোদীনা লাল কিলাগী লানবনদগী মহাক্না হান্নদগী শরুক অহুম হেন্না থবক তৌরগনি হায়না ফোংদোকখি। ঐহাক য়াওনা এগ্রিকলচর দিপার্তমেন্তকী ওফিসর পুম্নমক্না প্রধান মন্ত্রী অমখক্তনা করিগীদমক থবক তৌগদগে, ঐখোয় পুম্নমক্না পুন্না থবক তৌমিন্নগনি হায়না অচেৎপা ৱাফম থমখি। ঐখোয়না অহানবা নুমিৎ 100 অসিদা হোৎনখি। লৌমীশিংগী য়াইফ-থৌরাং অমসুং লৌউ-শিংউগী চাউখৎ-থৌরাংগীদমক ঐখোয়না পোইন্ত তরুক্কী লালোং অমা শেমখি।

অহানবদা - পোত্থোক হেনগৎহনবা, হেক্তর অমগী মহৈ-মরোং হেনগৎহনবা হৌজিত্তি লৌখিবা ৱারেপশিংগী মরক্তা, মরুওইবা ৱারেপতি মহৈ-মরোংগী পোত্থোক হেনগৎহন্নবা, প্রধান মন্ত্রীনা মহৈ-মরোং 65গী মখল 109গী অনৌবা মরুশিং লৌমীশিংদা কত্থোকখ্রে। মখোয়শিং অসি ক্লাইমেৎ ফ্রেন্দলী, পেত রেজিস্তেন্ত ওইবা অমসুং পোত্থোক লৈবা মহৈ-মরোংশিংনি।

অনিশুবদা - পোত্থোক পুথোকপগী শেনফম হন্থহনবা, পোত্থোক পুথোকপা হেনগৎহনবগুম্না পোত্থোক পুথোকপগী শেনফম হন্থহনবা অসিসু চপ মান্ননা মরু ওই। মসি হন্থহন্নবা পাম্বৈ অমা হায়রগদি লৌমীশিংদা মমল হোংবা হারশিং পীবা অসিনি। লৌমীশিংনা মতম চানা মমল হোংবা হারশিং ফংহনবদা ঐখোয়না অচেৎপা মীৎয়েং থম্লি। মহাক্না হায়খি মদুদি য়ুরিয়াগী বেগ অমগী মমল অসি লুপা 2,366 ওই। ঐখোয়না মসি লৌমীশিংদা লুপা 266দা ফংহল্লি। DAPগী বেগ অমগী মমল লুপা 2433 ওইরি অমসুং ঐখোয়না লৌমীশিংদা লুপা 1350দা ফংহল্লি।

কেন্দ্রগী মন্ত্রীনা হায়খি মদুদি নুমিৎ 100 অসিদা অতোপ্পা অখন্নবা থবক অমা পাংথোকখ্রে মদুদি দিজিতেল এগ্রিকলচর মিসন হৌদোকপদা অয়াবা পীখ্রে। নেস্নেল পেস্ত সর্ভিলেন্স সিস্তেম অসি লৌমীশিংগীদমক য়াম্না মরু ওই অমসুং লৌমীশিংনা মসি শীজিন্নবা হৌরে হায়না মহাক্না হায়খি। শ্রী চৌহান্না হায়খি মদুদি মোদর্ন কিসান চৌপাল - লেব তু লেন্দ অসি ওক্তোবর থাদা হৌরগনি। মসিদা সাইন্তিস্তশিংনা লৌমীশিংদা হকথেংননা পাউশিং পীরগনি।

মীদিয়াদা ৱারোল পীরদুনা কেন্দ্রগী মন্ত্রী শ্রী শিবরাজ সিংহ চৌহান্না নুমিৎ 100নিগী মনুংদা লৌউ-শিংউ অমসুং লৌমীশিংগী য়াইফ-থৌরাং মন্ত্রালয়না ফংলিবা মরুওইবা মায়পাকপশিং অদুগী মতাংদা হায়খি, মখোয় অদু মখাদা পীরি:

পি.এম. কিসান

প্রধান মন্ত্রীনা অহুমশুবা ওইনা প্রধান মন্ত্রী ওইরবা মতুংদা লৌখিবা অহানবা মরুওইবা ৱারেপদি লৌমী করোর 9.26 হেনবদা লুপা করোর 21,000 রোম পীবনি। সরকারগী নুমিৎ 100গী প্রোগ্রামগী শরুক অমা ওইনা, স্কিম অসিদা অনৌবা লৌমী লাখ 25 হেনবা হাপচিন্নবা, স্কিম অসিগী মখাদা কান্নবা ফংলবা অপুনবা মীওই করোর 9.51 য়ৌহন্নবগীদমক সেচুরেসন দ্রাইবশিং পায়খৎখি।

মসিগী মথক্তা, মন্ত্রালয়না ভোইসদা য়ুম্ফম ওইবা AI-চেত-বোত 'কিসান-ই-মিত্রা' অসি লৌমীশিংদা মখোয়গী মশাগী লোলদা পি.এম.-কিসানগী মতাংদা ৱাহংশিং হংবদা মতেং পাংনবা শীজিন্নখি। হৌজিক ফাওবদা, চেত বোত অসিনা লৌমী লাখ 50দগী লাকপা ৱাহং লাখ 82 হেন্না মায় পাক্না পাউখুম পীখ্রে। কিসান ক্রেদিৎ কার্দ (KCC) অমসুং পি.এম. ফাসল বিমা য়োজনা (PMFBY) স্কিমশিং অসিনচিংবা মন্ত্রালয়গী অতোপ্পা স্কিমশিং মতেং পাংনবা কিসান ই-মিত্রা চেতবোত অসি অপগ্রেদ তৌরি।

প্রধান মন্ত্রীনা অহুমশুবা ওইনা প্রধান মন্ত্রী ওইরবা মতুংদা লৌখিবা অহানবা মরুওইবা ৱারেপদি লৌমী করোর 9.26 হেনবদা লুপা করোর 21,000 রোম পীবনি।

সরকারগী নুমিৎ 100গী প্রোগ্রামগী শরুক অমা ওইনা, স্কিম অসিদা অনৌবা লৌমী লাখ 25 হেনবা হাপচিন্নবা, স্কিম অসিগী মখাদা কান্নবা ফংলবা অপুনবা মীওই করোর 9.51 য়ৌহন্নবগীদমক সেচুরেসন দ্রাইবশিং পায়খৎখি।

মসিগী মথক্তা, মন্ত্রালয়না ভোইসদা য়ুম্ফম ওইবা AI-চেত-বোত 'কিসান-ই-মিত্রা' অসি লৌমীশিংদা মখোয়গী মশাগী লোলদা পি.এম.-কিসানগী মতাংদা ৱাহংশিং হংবদা মতেং পাংনবা শীজিন্নখি।

হৌজিক ফাওবদা, চেত-বোত অসিনা লৌমী লাখ 50দগী লাকপা ৱাহং লাখ 82 হেন্না মায় পাক্না পাউখুম পীখ্রে। কিসান ক্রেদিৎ কার্দ (KCC) অমসুং পি.এম. ফাসল বিমা য়োজনা (PMFBY) স্কিমশিং অসিনচিংবা মন্ত্রালয়গী অতোপ্পা স্কিমশিং মতেং পাংনবা কিসান ই-মিত্র চেত বোত অসি অপগ্রেদ তৌরি।

এক্সপোর্ত ইম্পোর্ত পোলিসী (হৌজিক লৌখৎখিবা মরুওইবা লৌউ-শিংউগী পোলিসীগী ৱারেপশিং)

তিলহৌ

• তিলহৌগী মেত্রিক তন অমমগীদমক মিনমম এক্সপোর্ত প্রাইস দোল্লর 550 অমসুং এক্সপোর্ত দ্যুতীজ 40%না তিলহৌগী এক্সপোর্ত অসি মপানগী ইম্পোর্তরশিংগীদমক য়াম্না মমল য়াম্বা ওইহন্দুনা অথিংবা থম্লি।
•  মপান্দা থাদোকপা হন্থরকপনা মরম ওইরগা অমসুং মখোয়না রিম্যুনরেতিব দোমেস্তিক প্রাইসশিং ফংদবনা মরম ওইরগা মখোয়না তিলহৌগী লৌমীশিংগী ইনকমদা নেগেতিব ইথিল পীরি
• হন্দক্তা এক্সপোর্ত দ্যুতী 40% দগী 20%দা হন্থহন্নবা খোঙথাং লৌখিবগা লোয়ননা মিনিমম এক্সপোর্ত প্রাইস মুত্থৎনবা ৱারেপ লৌখিবনা এক্সপোর্তপু ফ্রী ওইহল্লগনি হায়না পানরি,
• এক্সপোর্ত দিমান্দ অসি হৌজিক দোমেস্তিক দিমান্দদা হাপচিল্লগনি, লৌমীশিংনা অৱাংবা মমলদগী কান্নবা ফংগনি।

বাস্মতি রাইস

• বাস্মতি রাইস অসি ভারতকী লৌউ-শিংউগী এক্সপোর্তকী মরুওইবা পোৎলম অমনি, অমসুং ভারত অসি ইন্তর্নেস্নেল মার্কেত্তা অচৌবা প্লেয়র অমা ওইরি, মসিদা মশক থোকপা অমসুং অচৌবা খুদোংচাবা লৈরে।
• অদুবু বাস্মতি
•  রাইসকী এক্সপোর্তকী অথিংবা লৈবনা মরম ওইদুনা, মেত্রিক তন অমদা দোল্লর 800দগী দোল্লর 950 ফাওবগী চাংদা লৈবা মখলশিংদি এক্সপোর্ত তৌবা ঙমখিদে, মসিনা ঐখোয়গী পোত্থোক পুথোক্লিবশিংবু মালেমগী কৈথেলদা মখোয়গী পোতেন্সিএল অদু ফংহনবদা অথিংবা থম্লি।
• বাস্মমতি রাইসকী মেত্রিক তন অমদা মিনমম এক্সপোর্ত প্রাইস দোল্লর 950 লৌথোকপগী তরাম্না ওকপা ৱারেপ অসিনা হৌজিক্তি রাইস ফার্মরশিংদা মখোয়গী প্রাইমরী পোত্থোক্কীদমক মপানগী কৈথেল রিকবর তৌবা ঙমহনগনি।
• ইন্দিয়ন বাস্মতি অসি মগুন লৈবগীদমক মমিং চৎলবা মরম্না, এক্সপোর্ত দিমান্দ হেনগৎলকপগী থাজবা লৈরে অমসুং লৌমীশিংনা হেন্না ফবা মমল ফংবা ঙম্লগনি।

অচা থাওশিং – পাম. সোয়া অমসুং সনফ্লাৱর

• এক্সপোর্ত তৌবা য়াবা মহৈ-মরোংশিং থাবদা অথিংবা থম্লিবা অসি লৌথোকপা মথৌ তাবগুম্না ইম্পোর্ত তৌবা য়াবা পোৎলমশিং থাবদা মালেমগী মমল হন্থবদগী ঙাকথোক্নবা খরা মথৌ তাই
• ভারতকী য়ুমথোং খুদিংমক্তা অচা থাওশিং মথৌ তাই, অমসুং মরম অদুনা অসিগুম্বা পোৎলমশিং পুথোকপদা মীপাল তাংদবা অসি পাম্নৈ
• পাম অমসুং সোয়া ওইলগী ইন্তর্নেস্নেল প্রাইস হন্থরকপা অমসুং পাম, সোয়া অমসুং সনফ্লাৱর ওইলগী ইম্পোর্তকী বেসিক কস্তম দ্যুতী হন্থরকপনা দোমেস্তিক মার্কেৎতা প্রাইস হন্থহল্লি।
• সোয়াবিনগী মমলশিং অসি লাক্কদৌরিবা মহৈ-মরোংগী মিনিমম সপোর্ত প্রাইস (ক্বিন্তল অমদা লুপা 4892) গী মখাদা লৈরি।
• পুৱারী ওইরবা ৱারেপ অমা লৌদুনা ক্রুদ ওইল (পাম, সোয়া অমসুং সনফ্লাৱর) দা ইফেক্তিব ইম্পোর্ত দ্যুতী 5.5% দগী 27.5% দা অমসুং রিফাইন তৌরবা থাওদা 13.75% দগী 35.75 দা হেনগৎহনখিবসি খ্বাইদগী মথৌ তাই।
• মসিনা লৈবাক অসিদা পুথোকপা অচা থাওশিং, হায়বদি নুং হৱাইগী থাও অমসুং হঙ্গাম থাওগী মমলদা হেনগৎলকপগী প্রেসর অমা পীগনি হায়না পানরি, মরমদি মসিগী ৱারেপ অসিনা অচা থাওগী কৈথেলদা য়াম্না মথৌ তাবা অমসুং য়াম্না ঙাইরিবা সিগ্নেল অমা পীরি।
•  ৱারেপ অসি খ্বাইদগী চুনবা মতমদা লাক্লি । মরু ওইনা সোয়াবিনগী মহৈ-মরোংশিং অসি মান্দীদা য়ৌরক্কদৌরি । করিগুম্বা পুশিল্লক্লিবা পোৎলমশিং অসি হান্নগুম্না কৈথেলদা য়ৌরক্লবদি মমল হন্থরক্লগনি । ৱারেপ অসিনা লৌমীশিংবু মতম চানা কনবা ঙমহনখি।

প্রধান মন্ত্রী অন্নাদাতা আই সনরক্ষন অভিয়ান (PM –AASHA)

মন্ত্রীমন্দলনা 2025-26 ফাওবগী মনুংদা 15শুবা ফাইনান্স কম্মিসন সাইকলগী মনুংদা লুপা করোর 35,000/-গী অপুনবা বজেৎ থাদদুনা প্রধান মন্ত্রী অন্নদাতা আই সনরক্ষন অভিয়ান (PM –AASHA) গী ইন্তিগ্রেতেদ স্কিম মখা চত্থনবা অয়াবা পীখ্রে। মসিগী পান্দমদি লৌমীশিংদা মহৈ-মরোং ফংহন্নবা অমসুং কঞ্জ্যুমরশিংগীদমক তঙাইফদবা পোৎলমশিংগী মমল হোংলকপা লাকশিন্নবনি।

সরকারনা লৌমীশিং অমসুং কঞ্জ্যুমরশিংদা হেন্না মপাঙ্গল কন্না তেংবাংনবা PM AASHAগী মখাদা প্রাইস সপোর্ত স্কিম (PSS) অমসুং প্রাইস স্তেবিলাইজেসন ফন্দ (PSF) স্কিম পুন্সিনখ্রে। হৌজিক্তি, PM AASHAগী ইন্তিগ্রেতেদ স্কিম অসি ইমপ্লিমেন্ত তৌরগনি। মসিদা, MSPগী ওপরেসনশিং অসি DA&FWনা ইমপ্লিমেন্ত তৌরগনি অমসুং নন-MSPগী ওপরেসনশিং অসি DOCAনা ইমপ্লিমেন্ত তৌরগনি। মসিদা NAFEDকী ই-সমৃদ্ধি পোর্তেল অমসুং NCCFগী ই-সম্যুক্তী পোর্তেলদা মাংজৌননা রেজিস্তর তৌরবা লৌমীশিংদগী পোৎ-চৈ লৌবা য়াওরি। মসিনা লৌমীশিংবু লৈবাক অসিদা মহৈ-মরোংশিং অসি হেন্না থাবদা পুক্নিং থৌগৎকনি অমসুং লমদম অসিগী মথৌ তাবশিং মপুং ফাহন্নবগীদমক্তা ইম্পোর্তকী মখা পোনবা হন্থহন্দুনা মহৈ-মরোংশিং অসিদা মশা-মরোমদোম লেপচবা ঙমহনবদা মতেং পাংগনি।

PM-AASHAদা কম্পোনেন্তশিং অসি য়াওগনি

• প্রাইস সপোর্ত স্কিম (PSS) ,
• প্রাইস স্তেবিলাইজেসন ফন্দ (PSF) ,
• প্রাইস দেফিসিৎ পেমেন্ত স্কিম (PDPS)
• মার্কেৎ ইন্তর্ভেন্সন স্কিম (MIS).

সরকারনা লৌমীশিংদগী MSP দা পলস, ওইল সিদ অমসুং কোপ্রা পুথোক্নবগীদমক হৌজিক লৈরিবা সরকারগী গরেন্তী অদু লুপা করোর 45,000/-দা হেনগৎখ্রে। মসিনা কৈথেলদা মমল অসি MSP গী মখাদা হন্থরকপা মতমদা লৌমীশিংদগী MSP দা পলস, ওইল সিদ অমসুং কোপ্রা হেন্না ফংহনবদা মতেং পাংগনি।

PSS গী মখাদা MSP দা পলস, ওইল সিদ অমসুং কোপ্রাগী পোৎ-চৈ লৈবগী চাং অসি 2024-25গী সিজনদগী হৌদুনা নেস্নেল প্রদক্সনগী চাদা 25দা ওইগনি। মসিনা রাজ্যশিংদা লৌমীশিংদগী MSP দা মহৈ-মরোংশিং অসি হেন্না ফংহন্নবা অমসুং দিস্ত্রেস সেল ঙাকথোক্নবা খুদোংচাবা পীগনি।

তুর, উরাদ অমসুং মাসুরগী লৌমীশিংবু পলসতা আত্মানির্ভরতা ওইহন্নবা অহেনবা পোত্থোক পুথোক্নবা পুক্নিং থৌগৎনবগীদমক, পলসশিং অসি 2024-25 ফাওবদা প্রোক্যুর্মেন্ত সিলিং চাদা 25গী চাং হন্থহনখ্রে।

মথংগী খারিফ সিজনগী মনুংদা, লৌমীশিংগীদমক রিম্যুনরেতিব প্রাইসশিং লৈহন্নবগীদমক্তা,

• মহারাস্ত্রা, মধ্য প্রদেশ, তেলঙ্গনা অমসুং কর্নাতকা হায়রিবা রাজ্য মরিদা প্রাইস সপোর্ত স্কিম (PSS) গী মখাদা সোয়াবিন 28.36 LMT গী প্রোক্যুর্মেন্ত তৌবা।
• মহারাস্ত্রা, তেলঙ্গনা অমসুং কর্নাতকা হায়রিবা রাজ্য অহুম অসিদা উরাদ 1.33 LMT  প্রোক্যুর তৌনবা অয়াবা পীখ্রে।
• কর্নাতকাদা নুমিৎলৈ পাম্বী 13,210 MTগী সেঙ্কসন তৌনবা অয়াবা পীখ্রে।
• মহারাস্ত্রা, তেলঙ্গনা অমসুং কর্নাতকাদা মুনগ 43,500 MT প্রোক্যুর তৌনবা অয়াবা পীখ্রে।

রাজ্যশিংদা প্রাইস দিফিসিৎ পেমেন্ত সিস্তেম (PDPS) চৎনহন্নবা পুক্নিং থৌগৎনবগীদমক, নোতিফাই তৌরবা ওইল সিদশিংগী কভরেজ অসি হান্নদগী হেনগৎহনখ্রে।

• ওইল সিদকী স্তেত প্রদক্সনগী হৌজিক লৈরিবা 25%দগী 40%দা হেনগৎলকপা
• লৌমীশিংগী কান্ননবগীদমক্তা ইমপ্লিমেন্তেসন পেরিওদ থা 3দগী থা 4দা হেনগৎহনখ্রে।

রাজ্যশিংনা মার্কেত ইন্তর্ভেন্সন স্কিম (MIS) দগী খ্বাইদগী হেন্না কান্নবা ফংবা ঙম্নবা, MIS ইমপ্লিমেন্ত তৌনবা ক্রাইতেরিয়া অসি মসি ওইগনি

• মমাংগী নোর্মেল চহিগা চাংদম্নবদা রুলিং মার্কেত প্রাইসতা 10% খক্তমক হন্থরে।
• মহৈ-মরোংশিংগী কভরেজকী চাং অসি হৌজিক লৈরিবা পোত্থোক্কী 20%দগী 25%দা হেনগৎলে।

সরকারনা MISগী মখাদা ফিজিকেল প্রোক্যুরমেন্তগী মহুত্তা দিফরেন্সিএল পেমেন্ত হকথেংননা লৌমীশিংগী একাউন্তদা পীবগী ওপ্সনসু হাপখ্রে। মখা তানা, মপুং ওইবা মহৈ-মরোং (খামেন অশিনবা, তিলহৌ, অমসুং অলু) গী ওইনদি, মহৈ-মরোং পুথোকপা রাজ্যশিং অমসুং মহৈ-মরোং শীজিন্নবা রাজ্যশিংগী মরক্তা মপুং ওইবা মহৈ-মরোংগী মমলগী খেন্নবা থম্নবগীদমক, সরকারনা NAFED & NCCFকুম্বা সেন্ত্রেল নোদেল এজেন্সীশিংনা পায়খৎলিবা ওপরেসনশিংগী ত্রান্সপোর্তেসন অমসুং স্তোরেজকী শেনফম পুথোক্নবা ৱারেপ লৌরে। মসিনা লৌমীশিংদা রিম্যুনরেতিব প্রাইস ফংহনবতা নত্তনা কৈথেলদা কঞ্জ্যুমরশিংগীদমক মপুং ওইবা মহৈ-মরোংগী মমলসু হন্থহল্লগনি। MISনা হৌজিক্তি PM-AASHA গী কম্পোনেন্ত অমা ওইরগনি।

দিজিতেল এগ্রিকলচর মিসন

প্রধান মন্ত্রী শ্রী নরেন্দ্র মোদীনা লুচিংবা কেবিনেৎ কম্মিতীনা সেপ্তেম্বর 2, 2024দা দিজিতেল এগ্রিকলচর মিসনগীদমক লুপা করোর লিশিং 2817গী শেনফমগা লোয়ননা অয়াবা পীখি।

মিসন অসিনা 2023-24 অমসুং 2024-25গী য়ুনিয়ন বজেৎতা লাউথোকখিবা এগ্রিকলচরগী দিজিতেল পব্লিক ইনফ্রাস্ত্রকচর (DPI) শেমগৎনবা হোৎনরি। DPI শিং অসি রাজ্যশিংগা লোয়ননা পুন্না শেমগৎলি। ভারত সরকারনা মিসন অসিগী মখাদা DPI শিং শেমগৎনবা রাজ্য 19গা লোয়ননা MoU খুৎয়েক পীনখ্রে।

এগ্রি স্তেক - DPIনা লৌমীশিংদা আধারগা মান্নবা দিজিতেল আইদেন্তিতী (ফার্মর আই.দি.) অমা ফংহল্লগনি। লৌমীশিংগী লমদা থাবা মহৈ-মরোংশিংগী দেতা অসি মোবাইলদা য়ুম্ফম ওইবা দিজিতেল ক্রোপ সর্ভেগী খুত্থাংদা খোমজিনগনি। ফার্মর আই.দি.শিং শেম্নবা রাজ্য তরুক্তা অমসুং মহৈ-মরোং থাবগী দেতাশিং মোবাইলদা য়ুম্ফম ওইদুনা খোমগৎনবা রাজ্য 12দা পাইলোৎকী থবকশিং পায়খৎখ্রে।

2026-27 ফাওবদা লৌমী করোর 11গী দিজিতেল আইদেন্তিতী শেমগৎনবা পান্দম থম্লি। চহি অনিগী মনুংদা লৈবাক শিনবা থুংনা মহৈ-মরোং থাবগী দেতা খোমজিনবা দিজিতেল ক্রোপ সর্ভে হৌদোক্নবা পান্দম থম্লি। মসিদা জিলা 400 অসি 2024-25দা অমসুং লেমহৌরিবশিং অসি 2025-26দা কোনশিনগনি।

2024গী ওগস্ত 16দা হৌদোকখিবা কৃশী দিসিজন সপোর্ত সিস্তেম - DPI না মহৈ-মরোংশিং, লৈহাও, ৱেদর, ঈশিংগী রিসোর্সশিং অসিনচিংবগী রিমোৎ সেন্সিংদা য়ুম্ফম ওইবা ইনফোর্মেসন পুনশিন্নবগীদমক নেস্নেল লেবেল জিওস্পেসিএল সিস্তেম অমা শেমগনি।

লৈবাক অসিগী লৌউ-শিংউগী লম হেক্তর মিল্লিয়ন 142গী অকুপ্পা মরোল লৈবা সোইল প্রোফাইল মেপশিং শেম্বা লোইশিন্নবা পান্দম থম্লি। হেক্তর মিলিয়ন 29 রোমগী সোইল প্রোফাইল ইনভেন্তরি অসি হান্ননা লোইশিনখ্রে।

দিজিতেল জেনরেল ক্রোপ ইস্তিমেসন সর্ভে (DGCES) না সাইন্তিফিক্লি দিজাইন তৌরবা মহৈ-মরোং ককপগী এক্সপেরিমেন্তশিংদা য়ুম্ফম ওইদুনা মহৈ-মরোংগী পোত্থোক্কী এস্তিমেসন পীগনি। হৌখিবা চহিদা পাইলোৎশিং পাংথোকখি অমসুং হৌজিক অনৌবা সিস্তেম অসি লৈবাক শীনবা থুংনা 2024-25দগী চৎনবা হৌখ্রে।

দিজিতেল এগ্রিকলচর মিসন অসিনা ফার্মর-সেন্ত্রিক দিজিতেল সর্ভিসশিং শেমগৎপা ঙমহন্নবা অমসুং সেক্তর অসিগীদমক মতম চানা অমসুং থাজবা য়াবা ইনফোর্মেসন ফংহন্নবা হোৎনরি।

1. 1. লৌমীশিংনা ক্রোপ লোন, মহৈ-মরোংগী ইন্সুরেন্স, MSP দা য়ুম্ফম ওইবা পোৎ-চৈ পুথোকপা, এগ্রিকলচর ইনপুত সপ্লাইয়রশিং অমসুং লৌউ-শিংউগী পোৎথোকশিং য়োনবা অসিনচিংবা বেনিফিৎশিং অমসুং সর্ভিসশিং ফংনবগীদমক তোঙান-তোঙানবা ওফিসশিংদা নত্ত্রগা সর্ভিস প্রোভাইদরশিংদা ফিজিকেল ওইনা চৎপা তৌদনা মশা মশানা দিজিতেল ওইনা মশক খঙদোকপা অমসুং ওথেন্তিকেৎ তৌবা ঙমগনি।
2. 2. থাজবা য়াবা দেতানা সরকারগী এজেন্সীশিংদা স্কিমশিং অমসুং সর্ভিসশিংবু হেন্না ইফিসেন্ত অমসুং ত্রান্সপরেন্ত ওইহনবদা মতেং পাংগনি।
   3. মসিনা মহৈ-মরোংগী পোত্থোক পুথোকপগী অচুম্বা এস্তিমেসনদা মতেং পাংগনি। মসিনা লৌমীশিংদা লৌউ-শিংউগী পোত্থোকশিংগী মমল লেপ্পা, পুশিল্লকপা অমসুং থাদোকখিবদা ইভিদেন্স-বেজ ওইবা সরকারগী পোলিসীশিংগা লোয়ননা মতেং পাংগনি।
3. 4. DPIশিংনা লৌমীশিংগীদমক মহৈ-মরোংশিং থাবগী থৌরাং, ইরিগেসনগী মথৌ তাবশিং, মহৈ-মরোংশিংগী হকশেল, পেস্ত অমসুং লায়না লাকশিন্নবা অমসুং ইরিগেসনগী মথৌ তাবশিংগা মরী লৈনবা কস্তমাইজ তৌরবা এদভাইজরী সর্ভিসশিংগী সোলুসনশিং পুথোকপদা মতেং পাংগনি। মসিনা লৌমীশিংদা ক্রোপ দাইভর্সিফিকেসন তৌবদা মতেং পাংগনি।

কৃশী শখীশিং

1. খুঙ্গংগী নুপীশিংবু হেন্না মপাঙ্গল কনখৎহন্নবা, এগ্রিকলচর অমসুং রুরেল দিবেলপমেন্তকী মন্ত্রালয়না কনভর্জেন্স প্রোগ্রামগী মখাদা অগস্ত 30, 2023দা MoU অমা খুৎয়েক পীনখি। পার্তনরশিপ অসিনা "লাখপতি দিদি" প্রোগ্রামগা মরী লৈননা পেরা-এক্সতেন্সন ৱার্কর ওইনা কৃশী শখীশিংবু ত্রেনিং অমসুং সর্তিফিকেৎ পীগনি।
2. কৃশী শখীশিং অসি মখোয়গী কম্ম্যুনিতীশিংদা য়াম্না চেৎনা য়ুম্ফম ওইবা, এক্সপিরিয়েন্স লৈবা, থাজবা য়াবা লৌমীশিংনি। মখোয়না এগ্রো-ইকোলোজিকেল তেক্নিকশিং, সোইল হেলথ, লাইবস্তোক মেনেজমেন্ত, অমসুং বাইও-ইনপুতশিংগুম্বা মরুওইবা লৌউ-শিংউগী থবকশিংদা নুমিৎ 56গী ত্রেনিং ফংখি।
3. হৌজিক হৌজিক্তি DAY-NRLM প্রোগ্রামগী খুত্থাংদা রাজ্য 12দা কৃশী শখীশিংনা নেচরেল ফার্মিং অমসুং সোইল হেল্থ কার্দকী রিফ্রেসর ত্রেনিং ফংলি।
4. ত্রেনিং ফংলবা মতুংদা প্রোফিসিএন্সী তেস্ত পাস তৌরবা মতুংদা, কৃশী শখীশিং অসি পেরা-এক্সতেন্সন ৱার্কর ওইনা সর্তিফাইদ তৌগনি।
5. সর্তিফাইদ কৃশী শখীশিংনা এগ্রিকলচর পেরা এক্সতেন্সন ৱার্কর ওইনা মখোয়গী শেন্মিৎলোনগী মনিংতম্বা হেনগৎহন্দুনা চহি খুদিংগী লুপা 50,000 হেন্না ফংগনি। (এনেক্সর I)

6. কৃশী শখীনা মখাদা পীরিবশিং অসি MOA&FW অসি পায়খৎখনি

এগ্রিকলচর ইনফ্রাস্ত্রকচর ফন্দ (AIF)

হৌজিক লৈরিবা ইনফ্রাস্ত্রকচরগী অৱাৎপশিং কোকহন্নবা অমসুং লৌউ-শিংউগী ইনফ্রাস্ত্রকচরদা শেন থাদনবা, আত্মনির্ভর ভারত পেকেজগী মখাদা এগ্রি ইনফ্রা ফন্দ (AIF) হৌদোকখি। AIF অসি লৈবাক অসিগী লৌউ-শিংউগী ইনফ্রাস্ত্রকচরগী লমদম অসি শেমদোক্নবা ভিজন অমগা লোয়ননা হৌদোকখিবনি। এগ্রিকলচর ইনফ্রাস্ত্রকচর ফন্দ অসি মহৈ-মরোং তান্থোক্লবা মতুংগী মেনেজমেন্ত ইনফ্রাস্ত্রকচর অমসুং কম্ম্যুনিতি ফার্মিং এসেতশিংগীদমক 3%গী ইন্তরেস্ত সবভেন্সন অমসুং ক্রেদিৎ গরেন্তী সপোর্তকী খুত্থাংদা লায়রবা প্রোজেক্তশিংদা ইনভেস্তমেন্ত তৌনবগীদমক মেদিয়ম-লোং-তর্ম দেৎ ফাইনান্সিং ফেসিলিতী অমনি। স্কিম অসিগী মখাদা লুপা করোর লাখ 1গী ফন্দ অসি শেনবা চহি 2020-21দগী শেনবা চহি 2025-26 ফাওবা পীগনি অমসুং স্কিম অসিগী মখাদা শেনবা চহি 2020-21দগী শেনবা চহি 2032-33 ফাওবগী মনুংদা মতেং পীগনি।

AIFগী লেপ্পা লৈতবা এক্সপান্সন

হন্দক্তা, কেন্দ্রগী মন্ত্রীমন্দলনা এগ্রিকলচর ইনফ্রাস্ত্রকচর ফন্দ (AIF) পাকথোক চাউথোকহনবদা অয়াবা পীখ্রে। মরুওইবা থবকশিংগী মনুংদা মখাগীশিং অসি য়াওরি:

• ইলিজিবল ওইবা বেনিফিসরী পুম্নমক্কীদমক ভাইএবল কম্ম্যুনিতী ফার্মিং এসেতশিং অয়াবা পীবা,
• সেকেন্দরী প্রোসেসিং প্রোজেক্তশিং য়াওনা ইলিজিবল ওইবা থবকশিংদা প্রাইমরী প্রোসেসিংগা পুনশিন্নবা
• AIFপু PM-KUSUM কম্পোনেন্ত-এগা পুনশিনবা।
• FPOশিংদা ক্রেদিৎ গেরেন্তী সপোর্ত পীনবগী স্কিমদা NAB সনারক্ষন য়াওহনখি।

স্কিমগী মখাদা খুমাং চাউশিনবা

হৌজিক ফাওবদা, AIF কী মখাদা প্রোজেক্ত 76,400গীদমক লুপা করোর 48,500গী অয়াবা পীখ্রে। AIF.কী মখাদা অয়াবা পীরবা মরুওইবা প্রোজেক্তশিংগী মনুংদা কস্তম হায়রিং সেন্তর 18,606, প্রাইমরী প্রোসেসিং য়ুনিৎ 16,276, গুদাম 13,724, সোর্তিং অমসুং গ্রেদিং য়ুনিৎ 3,102, কোল্দ স্তোর প্রোজেক্ত 1,909, পোস্ত-হর্ভেস্ত মেনেজমেন্ত প্রোজেক্তশিংগী অতোপ্পা মখল 21,394 অমসুং কম্ম্যুনিতি ফার্মিং এসেতশিং য়াওরি।

AIFগী কান্নবা

ঙসি ফাওবদা এগ্রিকলচর ইনফ্রাস্ত্রকচর প্রোজেক্ত 76,400 হেন্না অয়াবা পীখ্রে। মসিনা সেক্তর অসিদা লুপা করোর 80,000 হেন্না শেল থাদবা ঙম্লে অমসুং খুঙ্গংগী লমশিংদা থবক ফংহন্নবা খুদোংচাবা লাখ 8.25 রোম ফংহল্লে। AIF কী মখাদা শেমখিবা স্তোরেজ ইনফ্রাস্ত্রকচর অসিনা স্তোরেজ কেপাসিতীগী 500 LMT গী ময়া হাপচিনখ্রে মসিদা দ্রাই স্তোরেজগী 466 LMT অমসুং কোল্দ স্তোরেজগী কেপাসিতীগী চাউরাক্না 34 LMT। অহেনবা স্তোরেজ কেপাসিতী অসিনা চহিগী ওইনা চিঞ্জাক্কী মহৈ-মরোংগী 18.6 LMT অমসুং হোর্তিকলচরগী পোত্থোক 3.44 LMT কনবা ঙমগনি।

DA&FWনা মাগী নুমিৎ 100গী এক্সন প্লানগী মখাদা তোঙান তোঙানবা মফমশিংদা ইনফ্রাস্ত্রকচর য়ুনিৎ 7,000 হেন্না শেমগৎনবা পান্দম থমখি। মসিগী অপুনবা লোনগী অয়াবা লুপা করোর 5,000 ওইগনি। মসিনা লৌউ-শিংউগী মতুংদা ইনফ্রাস্ত্রকচর প্রোজেক্তশিং অমসুং কম্ম্যুনিতী ফার্মিং এসেতশিংগীদমক লুপা করোর 7,500গী ইনভেস্তমেন্ত পুথোক্কনি। জুন 10দগী হৌদুনা নুমিৎ 100নিগী ওইনা পান্দম অসি মপুং ফাহনখি। প্রোজেক্ত 100 অমসুং নুমিৎ খুদিংগী লুপা করোর 100গী ইনভেস্তমেন্তকী থবকশিং পাংথোক্তুনা পান্দম অদুদগী হেনগৎখি। তার্গেৎকী মায়োক্তা নুমিৎ 100গী মনুংদা পাংথোকখিবা থবক অদু মখাদা পীরি

.

ফার্মর্স প্রদ্যুসর ওর্গানাইজেসন (FPO):

নুমিৎ খুদিংগী ওপরেসনগীদমক মথৌ তাবা FPO শিংদা তোঙান-তোঙানবা লাইসেন্সকী সপোর্ত পীবা

ভারত সরকারগী এগ্রিকলচর অমসুং ফার্মরস ৱেলফেয়র (DA&FW) দিপার্তমেন্তনা রাজ্য সরকারগী মতেংগা লোয়ননা FPOশিংদা সিদ, ফর্তিলাইজর, পেস্তিসাইদ অমসুং APMC ত্রেদ লাইসেন্স পীখি। অসুম্না, FPOশিংনা মখোয়গী লৌমী মেম্বরশিংগীদমক সিদ, ফর্তিলাইজর, বাইও-পেস্তিসাইদশিং অমসুং পেস্তিসাইদশিং য়াওনা ইনপুতশিংগী মখল পুম্নমক স্তোক তৌদুনা বেকৱার্দ ইনপুত লিঙ্কেজশিং লিংখৎলে। থৌরাং অসিগী খুত্থাংদা, লৌমীশিংনা অপুনবা ওইনা থবক পায়খৎলি অমসুং তোঙান-তোঙানবা ইনপুতশিং (বসিদ, ফর্তিলাইজর, পেস্তিসাইদশিং অসিনচিংবা) লৈবদা কাংলুপকী ওইবা দিসকাউন্ত ফংলি। মসিনা মরম ওইদুনা মখোয়গী পোত্থোকশিং য়োনবদা হেন্না ফবা মমল ফংলি।

সেচুরেসন দ্রাইব হৌরকপদগী ঙসি ফাওবদা, FPOশিংদা ইসু তৌবা ইনপুৎ লাইসেন্সশিং (সিদ, ফর্তিলাইজর, পেস্তিসাইদ অসিনচিংবা), APMC ত্রেদ লাইসেন্সশিং, FSSAI & GST  অসিনচিংবনি। মসিগী মথক্তা, সেচুরেসন দ্রাইব অসিগী মনুংদা ONDC প্লেতফোর্মদা FPO 4433সু য়াওখি।

FPOশিংগী মেম্বর লৌমীশিংনা হায়রিবা ইন্তরেন্সন অসিদগী কান্নবা কয়া অমা ফংলগনি। মসিগী মনুংদা ক্বালিতী লৈবা লৌউ-শিংউগী ইনপুতশিং অসি ফজদবা পোত্থোকশিং লৈহন্দনা য়াম্না লায়না ফংহনবা অমসুং সিজন পুম্বদা ইনপুতশিং অসি ফংহন্নবগী থাজবা য়াওরি। মসিগী মথক্তা, মসিনা লৌমীশিংগী ইনপুতকী শেনফমখক্তদা সেভ তৌহনখিবা, অমসুং মসিগী ইনপুতশিং অসি খুঙ্গং অদুদা ফংহনবনা মরম ওইদুনা মসিগী ইনপুতশিং অসি ফংহনবদা চংলিবা মতম হন্থহনখিবা, শেল চংদবা অমসুং অচুম্বা মমলশিং ফংহনখি। ইনপুত অমসুং লেবর কোস্ততা শেন্থং পীবনা পোত্থোক পুথোকপগী মমল হন্থহল্লি। মসিনা মরম ওইদুনা লৌমীশিংনা মখোয়না পুথোক্লিবা পোত্থোকশিংদগী হেন্না শেন্দোং ফংবা ঙমহল্লি।

ONDC নেৎৱার্ক্তা FPOশিং ওনবোর্দ তৌবা

ঙসি ফাওবদা ONDCদা FPO 7757 ওনবোর্দ তৌখ্রে। ওপন নেৎৱর্ক ফোর দিজিতেল কম্মর্স (ONDC) অসি ওপন অমসুং দিসেন্ত্রেলাইজ তৌরবা নেৎৱার্ক অমা শেমদুনা ই-কম্মর্সপু দেমোক্রেটাইজ তৌনবা পান্দম থম্লিবা ত্রান্সফোর্মেতিব ইনিসিএতিব অমনি।

থৌরাং অসিগী মরুওইবা পান্দমদি হায়রিবা FPOশিং অসি লোকেলগী ঙমখৈদগী হেন্দোক্তুনা ভারত শিনবা থুংনা লৈরিবা কঞ্জ্যুমরশিংগা হকথেংননা শম্নবা ঙমহন্দুনা কৈথেল য়ৌহনবনি। কঞ্জ্যুমরশিংগা হকথেংননা ৱারী শানবদা য়ুম্ফম ওইদুনা অমসুং মখোয়গী পাউখুমশিংগা লোয়ননা, FPOশিংনা হেন্না ফবা বিজিনেসকী ৱারেপ অমা লৌবদা নত্তনা পোত্থোক্কী মগুন, মথৌ তাবা পেক্কেজিং, পোত্থোক মখল অসিনচিংবা ফগৎহনবদা হেন্না ফবা ফীভমদা লৈগনি। ONDCদা শরুক য়াদুনা, FPOশিং অসি মার্কেৎ অমদা অমত্তা ওইবা মওং অমদা লৈবদগী কান্নবা ফংগনি। মখোয়না ক্রেদিৎ, ইন্সুরেন্স অমসুং লোজিস্তিক্সকুম্বা ভেল্যু এদেদ সর্ভিসশিংদা এক্সেস ফংলগনি। মখোয় অসি প্লেৎফোর্ম অমখক্তদা য়ুম্ফম ওইদবা নত্তে। নেৎৱার্ক অসিনা B2B ত্রাঞ্জেক্সনশিংসু তৌবা য়াহল্লি। মসিনা FPO.শিংদা ভারত শিনবা থুংনা অচৌবা ওর্দরশিং পীবা ঙমহল্লি। ONDCগী B2B ফঙ্কসনেলিতিদা পেকেজ তৌরবা পোৎলমশিং অমসুং মহৈ-মরোং অমসুং মনা-মশিংদগী হৌরগা অতেকপা পোৎলমশিং ফাওবা পোৎলম কাংলুপ কয়া অমা য়াওনবা প্রোভিজন লৈ।

ক্লিন প্লান্ত প্রোগ্রাম (CPP):

• হোর্তিকলচরনা মহৈ-মরোংশিং মখল-মখা কয়া থোকহনবদা য়াম্না মরু ওইবা থৌদাং অমা লৌরি অমসুং লৌমীশিংদা মখোয়গী লমদগী হেন্না ফবা মহৈ-মরোং ফংহন্নবা খুদোংচাবা পীরি।
• লৈবাক অসিদা হোর্তিকলচর ফার্মরশিংনা মহৈ-মরোং থাবগী মরুওইনা মহৈ-মরোংশিং থাবগীদমক, অৱাংবা মহৈ-মরোং পীবা, লায়না য়াওদবা অমসুং মগুন লৈবা পাম্বী থাবগী পোৎলমশিং ফংবদা অচৌবা শিংনবগী মায়োক্তা লৈরি। মসিগী শিংনবসি খঙলদুনা ভারত সরকারনা লুপা করোর 1767.67গী শেনফমগা লোয়ননা ক্লিন প্লান্ত প্রোগ্রাম হৌদোক্লে।
• প্রোগ্রাম অসি দিপার্তমেন্ত ওফ এগ্রিকলচর অমসুং ফার্মরস ৱেলফেয়রনা ইন্দিয়ন কাউন্সিল ওফ এগ্রিকলচর রিসর্চকা খুৎশম্নদুনা ইমপ্লিমেন্ত তৌরি অমসুং মসিনা মহৈ-মরোং থারিবা লৌমীশিংদা সর্তিফাইদ, লায়না-লাইচৎ য়াওদবা পাম্বী থাবগী পোৎলম ফংহল্লগনি।
• CPPনা লৈবাক অসিদা মহৈ-মরোংগী মহৈ-মরোংগী মগুন অমসুং পোত্থোক হেনগৎহনবদা অচৌবা খোংথাং অমা উৎলি। মসিনা লৌমীশিংগী শেন্দোংদা য়াম্না অফবা শাফু অমা পীগনি অমসুং মালেমগী মরুওইবা মহৈ-মরোং থাদোকপা লৈবাক অমা ওইনা লৈবাক অসিগী থাক অদু মপাঙ্গল কনখৎহল্লগনি, কৈথেলগী খুদোংচাবশিং হেঙ্গৎহল্লগনি অমসুং ইন্তর্নেস্নেল ফ্রুত ত্রেদতা মসিগী শরুক হেনগৎহল্লগনি।
• ক্লিন প্লান্ত প্রোগ্রামগী মখাদা মালেমগী থাক্কী অত্যাধুনিক ক্লিন প্লান্ত সেন্তর (CPC) নিপান লিংখৎকনি। মখোয়শিং অসি লায়না লৈতবা ক্লিন প্লান্তশিং পুথোক্নবা অত্যাধুনিক দাইগ্নোস্তিক অমসুং থেরাপ্যুতিক ফেসিলিতীশিংগা লোয়ননা মপুং ফাহনগনি।
• CPCগী মথক্তা, প্রোগ্রাম অসিগী মখাদা পান্দম থম্লিবা মহৈ-মরোং পাম্বীশিংগীদমক অচৌবা নর্সররী 75 হেন্না শেমগৎকনি। মসিনা মরিশুবা চহিদগী হৌরগা লায়না লায়না লৈতবা ক্লিন প্লান্তিং মেতরিএল করোর 4দগী 6 ফাওবা পুথোকপা হৌরগনি।

নেস্নেল পেস্ত সর্ভিলেন্স সিস্তেম (NPSS)

নেস্নেল পেস্ত সর্ভিলেন্স সিস্তেম (NPSS) অসি এগ্রিকলচর অমসুং ফার্মর ৱেলফিয়র দিপার্তমেন্ত (DA&FW) গী দিজিতেল ইনিসিয়েতিব অমনি। মসিগী পান্দমদি লৈবাক শিনবা থুংনা এগ্রিকলচরেল পেস্ত সর্ভিলেন্স অমসুং পেস্ত মেনেজমেন্ত ফগৎহনবনি। সিস্তেম অসিদা মোবাইল এপ অমসুং ৱেব পোর্তেল অমা য়াওই। মোবাইল এপ অসি এন্দ্রোইদ অমসুং iOS প্লেতফোর্ম অনিমক্তা পেস্ত-রীলেতেদ ইনফোর্মেসন ফংনবগীদমক ফংলি। ৱেব পোর্তেল অসি পাম্বীনা শোকহনবা ঙম্বগী থৌওং য়েংশিন্নবা অমসুং শীজিন্নরিবশিংদা এদভাইজরী পীনবা ইন্তিগ্রেতেদ প্লেতফোর্ম অমনি। NPSS দা মহৈ-মরোং 61গীদমক পেস্ত আইদেন্তিফিকেসন মোদ্যুল অমসুং মতম চানা এদভাইজরীশিং থাদনবগীদমক মহৈ-মরোং 15গীদমক সর্ভিলেন্স মোদ্যুল য়াওরি।

লৈবাক অসিদা লৈরিবা লৌমীশিং, মহৈরোয়শিং, সাইন্তিস্তশিং, এক্সপর্তশিং অসিনচিংবশিংনা শীজিন্নবা ঙম্নবগীদমক NPSS অসি শক্নাইরবা লৌউ-শিংউগী মন্ত্রীনা ওগস্ত 15, 2024দা হৌদোকখ্রে। NPSS গী কান্নবশিংগী মনুংদা পেস্ত মেনেজমেন্ত হেনগৎহনবা, লৌউ-শিংউগী পোত্থোক হেনগৎহনবা, অমসুং দেতা-দাইভর্দ দিসিজনমেকিং য়াওরি। NPSS না পেস্তশিংনা মরম ওইদুনা মহৈ-মরোং মাংহনবশিং হন্থহনবদা মতেং পাংই অমসুং মসিনা লৌমীশিংদা মতম চানা অমসুং চুম্না পেস্ত মেনেজমেন্ত সোলুসনশিং ফংহন্দুনা লৌউ-শিংউগী পোত্থোক হেনগৎহল্লি। মসিনা লৈবাক অসিগী লৌউ-শিংউগী পোত্থোক ঙাক-শেনবা অমসুং ফুদ সেক্যুরিতী লৈহন্নবগী মরুওইবা খোংথাং অমনি। মসিগী ইনোবেতিব এপ্রোচ অমসুং তেক্নোলোজিকেল এদভান্সশিংগা লোইননা, NPSS না ফুদ সেক্যুরিতী অমসুং লৌউ-শিংউদা রেসিলিয়েন্স লৈহন্নবগী মায়কৈদা মশক থোকপা খুমাং চাউশিনবা অমা উৎলি।

ওগস্ত 15, 2024দগী হৌদুনা NPSS এপ্লিকেসন শীজিন্নবদা খুমাং চাউশিনবা:

1. লৈবাক শিনবা থুংবদা লৈরিবা লৌমী 16000না NPSS এপ দাউনলোদ তৌখ্রে।
2. এপ অসিদা সর্ভে 22359 পাংথোকখ্রে।
3. লৌমীশিংদা মহৈ-মরোং 61 দা তাবা পেস্ত মশক খঙদোকখ্রে।

NPSSগী মপুং ওইবা পোইন্তশিং

1. লৈবাক অসিদা লৈরিবা লৌমীশিং, মহৈরোয়শিং, সাইন্তিস্তশিং, এক্সপর্তশিং অসিনচিংবশিংনা শীজিন্নবা ঙম্নবগীদমক NPSS অসি শক্নাইরবা লৌউ-শিংউগী মন্ত্রীনা ওগস্ত 15, 2024দা হৌদোকখ্রে।

 2. NPSS দা মহৈ-মরোং 61গীদমক পেস্ত আইদেন্তিফিকেসন মোদ্যুল অমসুং মতম চানা এদভাইজরীশিং থাদনবগীদমক মহৈ-মরোং 15গীদমক সর্ভিলেন্স মোদ্যুল য়াওরি।

3. এপ অসিগী খুত্থাংদা সর্ভে 22359 পাংথোকখ্রে।

4. লৌমীশিংনা মহৈ-মরোং 61গী মথক্তা পোকপা পাম্বীশিং মশক খঙদোক্লে

প্রধান মন্ত্রী ফাসল বিমা য়োজনা (PMFBY)

PMFBY অসি লৈবাক শিনবা থুংনা লৌউ-শিংউ অমসুং হোর্তিকলচরগী মহৈ-মরোংশিংগী পুন্সি চক্রগী মনুংদা লৌউ-শিংউ তৌরিবা কম্ম্যুনিতীশিংদা তোঙান-তোঙানবা রিস্কশিং অমসুং খুদোংথীবশিংগী মায়োক্তা শেল-থুমগী ঙাক-শেনবা ফংহন্নবা সেন্ত্রেল সেক্তর স্কিম অমনি।

স্কিম অসিগী মখাদা পাংথোক্কদবা থবক থৌরমশিংগী নুমিৎ 100গী থৌরাংগীদমক, হন্দক্কী খারিফ সিজন অসিদা মমাংগী খারিফকী চাংদম্নবদা লৌমী মশিং হেনগৎহনবা অসি দিপার্তমেন্ত অসিগী এক্সন পোইন্তশিংগী মনুংদা অমনি।

মসিগীদমক, দিপার্তমেন্ত অসিনা স্কিম অসিগী মখাদা লৌমীশিং এনরোল তৌনবগীদমক কৎ-ওফ দেৎ শাংদোক্নবগীদমক তোঙান তোঙানবা রাজ্যশিং অমসুং য়ু.তি.শিংদগী লাকপা রিক্বেস্তশিং প্রো-এক্তিব ওইনা অয়াবা পীখ্রে। মসিগী মথক্তা, PMFBY গী মখাদা KCC একাউন্ত হোল্দর ফার্মরশিংবু মরি লৈনবা বেঙ্ক ব্রাঞ্চশিংগী খুত্থাংদা কান্নবা ফংহন্নবা কেম্পেন অমা জুলাই 2024দা হৌদোকখি। মতম অদুগী মনুংদা অতোপ্পা রাজ্য অমা, হায়বদি স্কিম অসিগী মখাদা ঝারখন্দসু ওনবোর্দ তৌখি।

ভারত সরকারগী খোঙথাংশিং অসিগী মহৈ ওইনা, চাউরাক্না লৌমী লাখ 35 অমসুং হেক্তর লাখ 40গী মখাদা স্কিম অসিগী মখাদা ইন্সুরেন্স ফংহনখি। খারিফ 2024গীদমক্তা ইন্সুরেন্স তৌরবা লৌমীশিংগী অপুনবা মশিং অসি মতম পুম্নমক্তা খ্বাইদগী ৱাংবা 293 লাখ য়ৌরগনি অমসুং অপুনবা ইন্সুরেন্স তৌরবা এরিয়া অসি হেক্তর লাখ 365 য়ৌরগনি হায়না পানরি। মসিনা চাদা 12 হেনবা হেনগৎলকপা ওইগনি।

11. ঈশিং-ঈচাউগী য়েংশিনবা: লৌউ-শিংউ অমসুং লৌমীশিংগী য়াইফ-থৌরাংগী মন্ত্রীনা মন্ত্রালয় অসিগী সেনিয়র ওফিসরশিংগা লোয়ননা ঈশিং-ঈচাউগী ফিভম য়েংশিন্নবা অন্ধ্র প্রদেশ অমসুং তেলঙ্গনাদা চৎখ্রে। সেন্ত্রেল দেলিগেসন অমনা রাজ্যশিং অসিদসু চৎখি। ইকাই খুম্নরবা ঐচ.এম.দা রিপোর্ত অমা পীশিনখ্রে।

অনৌবা থৌশিলশিং

কৃশী চৌপাল

"কৃশী চৌপাল" হায়না মিংথোনবা অনৌবা তেলিভিজন অমসুং রেদিও প্রোগ্রাম অমনা লৌউ-শিংউগী এজুকেসন অমসুং আউটরিচকী লমদা অনৌবা খোংথাং অমা লৌখৎলি। 2024গী ওক্তোবরদগী হৌগদৌরিবা থৌরাং অসিনা লৌমীশিং অমসুং খ্বাইদগী নৌবা এগ্রিকলচরেল রিসর্চ অমসুং তেক্নোলোজীগী মরক্তা লৈরিবা অৱাৎপা অদু কোকহন্নবা পান্দম থম্লি। মসিনা মরুওইবা পাউশিং অসি খ্বাইদগী মথৌ তারিবা মীওইশিংদা য়ৌহনগনি।

কৃশী চৌপালগী পান্দমশিং:

1. অনৌবা এগ্রিকলচর রিসর্চকী পাউ শন্দোকপা:
   • প্রোগ্রাম অসিনা লৌমীশিংগা অনৌবা তেক্নিকশিং, মহৈ-মরোংশিংগী মখলশিং, পাম্বীশিং লাকশিন্নবা অমসুং তুং কোইনা চৎনবা য়াবা থৌওংশিংগী মতাংদা লৌমীশিংদা ইনসাইৎ পীদুনা খ্বাইদগী নৌবা রিসর্চকী ফীভমশিং শন্দোকপদা মীৎয়েং থমগনি। কমপ্লেক্স রিসর্চপু প্রেক্তিকেল, এক্সনেবল ওইবা এদভাইসতা ওন্থোক্তুনা, কৃশী চৌপালনা লৌমীশিংদা প্রদক্তিবিতী অমসুং সস্তেনেবিলিতী হেনগৎহন্নবা শক্তি পীনবা হোৎনরি।
2. খ্বাইদগী ফবা এগ্রিকলচরেল প্রেক্তিসশিং প্রমোৎ তৌবা:
   • লৌউ-শিংউদা খ্বাইদগী ফবা থবক-থৌরমশিংগী মরুওইবা পল্লদুনা, শো অসিনা মায় পাকপা কেস স্তদীশিং, অনৌবা লৌউ-শিংউগী পাম্বৈশিং, অমসুং ইকোলোজিকেল ফার্মিংগী থৌরাংশিং উৎকনি।
3. এগ্রিকলচরেল এক্সপর্তশিংগা লোয়ননা দাইরেক্ত কম্ম্যুনিকেসন ফংহনবা:
   • লৌমীশিংনা লৌউ-শিংউগী এক্সপর্তশিংগা হকথেংননা লাইভ Q&A সেসনশিংগী খুত্থাংদা ৱারী শানবগী খুদোংচাবা ফংহল্লগনি। কম্ম্যুনিকেসনগী ওপন লাইন অসিনা লৌমীশিংগী অখন্নবা ৱাহংশিং, শিংনবশিং, অমসুং শিংনবশিং কোকহনবদা মতেং পাংগনি, মসিনা কম্ম্যুনিতী অমসুং সপোর্তকী ৱাখল্লোন অমা শেমগৎকনি।

ফার্মর গ্রিভান্সেস রিদ্রেসেল সিস্তেম (FGRS)

DA&FW না লৌমীশিংদা মরী লৈনবা স্কিম অমহেক্তগা মরী লৈনবা মখোয়গী গ্রিভান্স রেজিস্তর তৌবদা মল্তি-লিঙ্গ্বেল সপোর্ত ফংহন্নবা অমসুং ময়েক শেংনা ৱাহন্থোক লৈরবা থৌওং অমসুং খোঙথাংশিংগী মখাদা লেপ্লিবা মতমগী মনুংদা রিদ্রেসেল ফংহন্নবা লৌমীশিংগী গ্রিভান্স রিদ্রেসেল সিস্তেম অমা লিংখৎকনি। FGRS প্লেৎফোর্ম অসিনা লৌমীশিংদা সবসিদীশিং, তেক্নিকেল সপোর্ত, এক্সতেন্সন সর্ভিসশিং অমসুং প্রোগ্রামশিং অমসুং স্কিমশিং পায়খৎপগা মরী লৈনবা হিরমশিংগা মরী লৈনবা মখোয়গী ৱাহংশিং নত্ত্রগা কমপ্লেন্তশিং রেজিস্তর তৌনবগীদমক (CSCশিংগী খুত্থাংদা ৱেব পোর্তেল, মোবাইল এপ, কোল সেন্তর সপোর্ত, IVR অসিনচিংবা)। মসিনা রিএল-তাইমদা কমপ্লেন্তকী স্তেতস ত্রেক তৌবা অমসুং প্রোগ্রেসকী ওতোমেতেদ ওইবা অপদেৎশিং ফংহল্লগনি। মসিনা ত্রান্সপরেন্সী লৈহল্লগনি অমসুং লৌমীশিংবু ইনফোর্মেসন পীরগনি।

FGRS না মরুওইবা ৱাহৈদা য়ুম্ফম ওইবা পথাপ নাইনা কাংলুপ খায়দোকপা অমসুং ইসুশিংগী মরুওইবা পীবগী থৌওং য়াউহল্লগনি। মসিনা মরী লৈনবা সরকারশিং/ দিভিজনশিং/ PSUশিং/ ওতোনোমস বোদীশিং/ কোওপরেতিবশিংদা এদ্রেস তৌনবা অমসুং রেস্পোন্স শেম্নবগীদমক গ্রিভেন্স অদু এস্কেলেসন মেত্রিক্সনা মপাঙ্গল কনবা অমসুং এদ্রেস তৌবদা মতেং পাংগনি। FGRনা লৌমীশিংদা মরী লৈনবা স্কিম অমহেক্তগা মরী লৈনবা মখোয়গী ৱাহংশিং নৎত্রগা কমপ্লেন্মেন্তশিং রেজিস্তর তৌনবগীদমক অমসুং লেপ্লিবা মতমগী মনুংদা রিদ্রেসেল ফংনবগীদমক লোল কয়াদা তেংবাং পীনবা পান্দম থম্লি।

মখাদা পীরিবা অসুম্না ক্‌রোপ প্রদক্সনদা ঐখোয়না চাউনা মায়পাকপশিং উবা ফংখি:

• 2023-24গী ফাইনেল এস্তিমেসনগী মতুং ইন্না লৈবাক অসিদা অপুনবা চেং-হৱায় পুথোকপা অসি তন মিলিয়ন 332.2 ওইগনি হায়না পানরি। মসি 2022-23গী মনুংদা পুথোকখিবা তন মিলিয়ন 329.7দগী তন মিলিয়ন 2.6 হেন্না ওইগনি।

• অসিগুম্বা হেনগৎলকপা অসি 2023-24দা চেং অমসুং গেহুগী অফবা পোত্থোক পুথোকপগী মহৈনি।
• চহি 2024-25দগী 13.09.2024 ফাওবদা খারিফ মহৈ-মরোংগী মখাদা কোনশিনবা অপুনবা এরিয়া অসি মমাং চহিগা য়েংনবদা চাউরাক্না 2% হেনগৎলে। মমাং চহিগা চাংদম্নবদা চেংগী লম হেক্তর লাখ 16 হেনগৎখ্রে অমসুং গেহুগী লম হেক্তর লাখ 4 হেনগৎখ্রে।

কেন্দ্রগী মন্ত্রী শ্রী শিবরাজ সিংহ চৌহান্না দিপার্তমেন্ত ওফ এগ্রিকলচরেল রিসর্স এন্দ এজুকেসন (DARE) অমসুং ইন্দিয়ন কাউন্সিল ওফ এগ্রিকলচরেল রিসর্স (ICAR) না নুমিৎ 100গী মনুংদা ফংখিবা মরুওইবা মায়পাকপশিং অদু মখাদা পীরি:

নুমিৎ 100 গী মরু ওইবা মায়পাকপশিং

ক্লাইমেৎ রেসিলেন্ত ক্বালিতী ভেরাইতী 109 রিলিজ তৌবা অমসুং মখোয়গী তুংলমচৎকী ইম্পেক্ত: হৌখিবা নুমিৎ 100নিগী মনুংদা, মহৈ-মরোং 61গী অখন্নবা ক্বালিতী লৈবা ভেরাইতী 109 রিলিজ তৌখি অমসুং প্রধান মন্ত্রীনা জাতিদা কত্থোকখি। হায়রিবা মখল পুম্নমক অসি ইন্সেক্ত, লায়না, ঈকং, ৱাতরলোগ্গিং, নুংশা, থুমগী লৈহাওগুম্বা তোঙান তোঙানবা বাইওতিক অমসুং এবাইওতিক স্ত্রেসশিংদা তোলরেন্ত ওই অমসুং মখল খরদি ন্যুত্রিএন্ত মরাং কায়না ফংই। উবা ফংলিবা অসিগী মতুং ইন্না, অইং-অশা হোংলকপা অসি শাথীনা হেনগৎলক্লি। অসিগুম্বা মখলশিং অসিনা লৌমীশিংগী মহৈ-মরোংশিং অদু তুংগী ফীভমদা শোকহন্দনবা ঙাকথোক্কনি অমসুং লৌমী অদুনা মহৈ-মরোং পুম্নমক মাংহনবগী মহুত্তা মপুং ফানা মহৈ-মরোং ফংগনি।

লৌমীশিংদা অনৌবা মখলশিং অথুবা মতমদা ফংহন্নবা ফ্রেমৱার্ক: ICAR, এগ্রিকলচরেল য়ুনিভর্সিতীশিং অমসুং রাজ্যশিংনা লৌমীশিংদা মখলশিং অসিগী মরুশিং অথুবা মতমদা ফংহন্নবা মপুং ফাবা ফ্রেমৱার্ক অমা পুন্না শেমখ্রে। লাক্কদৌরিবা রবি সিজনগী মহৈ-মরোংশিংগীদমক ব্রিদর সিদকী ইন্দেন্ত রাজ্যশিংদগী লৌখ্রে। মসিগী মথক্তা, লৌমীশিং অমসুং সরকারগী মহৈ-মরোং পুথোকপগী ইন্সতিত্যুসনশিংদা অথুবা মতমদা ফংহন্নবা, মহৈ-মরোং পুথোকপদা লৌমীশিং অমসুং প্রাইবেৎ সেক্তরগী ইন্তর্প্রাইজেসশিংগী মতেং লৌগনি।

SATHI  পোর্তেলদা মহৈ-মরোং পুথোকপগী সেন্তরশিং য়াওহনবা: মসিগী পরিং অসিদা, মন্ত্রালয়না SATHI পোর্তেলদা ব্রীদর সিদ পুথোকপা সেন্তর 266 য়াওহনখ্রে। মসিনা মরুগী ত্রেসএবিলিতী লৈহল্লগনি অমসুং লৌমীশিংদা ক্বালিতী লৈবা সিদ ফংহনবদা মতেং পাংগনি।

এদভান্স এগ্রিকলচরেল তেক্নিকশিং থাদোকপা: তোঙান তোঙানবা এগ্রিকলচরেল তেক্নিক 100 থাদোকখ্রে। মখোয়না লৌমীশিংদা চুনবা মশিং অমসুং মতমগী মনুংদা ইনপুতশিং পীবদা, শেল হন্থহনবদা অমসুং মহৈ-মরোংশিংবু তোঙান তোঙানবা লায়না অমসুং ইঞ্জেক্তশিংদগী ঙাকথোকপদা ইফেক্তিব ওইরে।

ক্লাইমেৎ চেঞ্জদগী ঙাকথোক্নবা স্ত্রেতেজিক প্লানশিং: ব্লোক লেভেলদা ক্লাইমেৎ চেঞ্জ থেংননবা, ব্লোক 140 (রাজ্য 28 অমসুং য়ুনিয়ন তেরিতোরী 4) গীদমক স্ত্রেতেজিক প্লানশিং শেমখ্রে। মখোয়শিং অসিদা ঈকং থোকপা মতমদা অচুম্বা মখলশিং খনগৎপা, কা হেন্না নোং চুবা, ঈশিং ঈচাও থোকপা, সমুদ্রগী ঈচাও থোকপা অসিনচিংবা থোকপদা ঈশিং য়োকশিন্নবা পাম্বৈশিং, ৱাতরলোগ্গিং তৌবা মতমদা মহৈ-মরোং অমসুং শা-শন কনবা পাম্বৈশিং অসিনচিংবা য়াওরি।

AI দা য়ুম্ফম ওইবা এপশিং/তুলশিং শেমগৎপা: AI দা য়ুম্ফম ওইবা, মমল হোংবা অমসুং কেপাসিতি ৱাংবা এপশিং/তুলশিং 10 শেমগৎখ্রে। মসিগী মনুংদা মহৈ-মরোং 61গীদমক AI দা য়ুম্ফম ওইবা পেস্ত আইদেন্তিফিকেসনগীদমক্তা অখন্নবা প্লেৎফোর্ম অমা য়াওরি। মসিগী খুত্থাংদা লৌমীশিংনা পেস্তশিংগী ফোতোশিং অপলোদ তৌরি অমসুং মখোয়গী মমিং অমসুং কন্ত্রোলগী মতাংদা ইনফোর্মেসন ফংলি। হৌখিবা থা অমদা, লৌমী 15,000 হেনবনা মসিগী এপ অসি দাউনলোদ তৌদুনা শীজিন্নবা হৌখ্রে। মসিগা মান্ননা, অতোপ্পা AI দা য়ুম্ফম ওইবা খুৎলাই/এপ নিপান অমসু শেমগৎখ্রে অমসুং লৌমীশিংনা শীজিন্ননবা ফংহনখ্রে, মসিনা লাক্কদৌরিবা মতমশিংদা লৌউ-শিংউদা অচৌবা মতেং ওইরগনি।

লৌউ-শিংউগী এজুকেসনগী এদমিসন সিস্তেম ওনলাইন ওইহনবা অমসুং ভিকাস এপ শেমগৎপা: এগ্রিকলচরেল য়ুনিভর্সিতীশিংদা এদমিসন, এক্রেদিতেসন অমসুং রৱী প্রোগ্রামশিং মপুং ফানা ওনলাইন ওইহনখ্রে। অমসুং নেস্নেল এজুকেসন পোলিসী 2020গী মতুং ইন্না, এগ্রিকলচরদা মল্তিপল এন্ত্রি/মল্তিপল একজিৎ, ওন্তপ্রিনোরশিপতা মীৎয়েং থম্লিবা অসিগুম্বা প্রোভিজনশিং য়াওহন্দুনা গ্রজুয়েৎ কোর্সশিং শেমগৎখ্রে। মসি লাক্কদৌরিবা একাদেমিক সেসনদগী চৎনহনগনি। মসিগা লোয়ননা, গ্রাজুয়েৎ মহৈরোয়শিংগীদমক 'রুরেল এৱেরনেস ৱার্ক এক্সপরিয়েন্স (RAWE) 'গী মখাদা মোবাইল এপ "ভিকাস" (ভেঞ্চর ফোর ইন্তরেক্সন ওফ কিসান এন্দ এগ্রি-স্তেদেন্তস) অমা ইমপ্লিমেন্ত তৌখ্রে। মসিনা মহৈরোয়শিংগী লৌউ-শিংউগী লমদা পুক্নিং চিংশিনবা হেনগৎহনগনি অমসুং মখোয়দা লৌউ-শিংউগী থবক থৌরম কয়াগী মরমদা অকুপ্পা মরোল পীগনি।

KVK না লৌমীশিংদা ত্রেনিং পীবা: কৃষি বিজ্ঞান কেন্দ্র (KVK.) গী খুত্থাংদা নহারোলশিং অমসুং নুপীশিংগী হৈশিংবা হেনগৎহন্নবগীদমক, হৌখিবা নুমিৎ 100দা কুশল য়ুভা প্রোগ্রামগী মখাদা লৌমী অমসুং নহারোল 65,000 হেনবদা ত্রেনিং পীখ্রে। মসিগী মনুংদা নুপী 32465 অমসুং নুপা 32941না ত্রেনিশিংনি।

নেচরেল ফার্মিং প্রমোৎ তৌনবা লৌখৎলিবা খোঙথাংশিং: নেচরেল ফার্মিংগী সাইন্তিফিক ফেক্তশিং খঙনবগীদমক রিসর্চ অমসুং ইভালুএসনগী থবক চত্থরি অমসুং গ্রেজুয়েৎ লেভেল কোর্স অমা শেমখ্রে। নেচরেল ফার্মিংদা KVK 425না নেচরেল ফার্মিংদা ত্রেনিং প্রোগ্রাম 2,476গী খুত্থাংদা লৌমী 1,01,633দা ত্রেনিং পীখি অমসুং দেমোন্সত্রেসন 7,592 পাংথোকখি। মসিগী মথক্তা, লৌমী লাখ 11.37 অমসুং অতোপ্পা স্তেকহোল্দরশিংবু এৱেরনেস প্রোগ্রাম 11.341গী খুত্থাংদা কভরেজ তৌখি।

*****