লৈবাক শিনবা থুংনা চৎথরিবা স্বচ্ছতা হী সেভা কেম্পেনগী শরুক অমা ওইনা, ভারত সরকারগী সোসিএল জস্তিস অমসুং এম্পাৱরমেন্ত মন্ত্রালয়গী মখাদা লৈবা দিপার্তমেন্ত ওফ এম্পাৱরমেন্ত ওফ পর্সন্স ৱিথ দিসএবিলিতীজ (DEPwD) না সেপ্তেম্বর 17, 2024দা স্বচ্ছতা পখৱারা হৌদোকখ্রে। কম্ম্যুনিতীশিংগী মরক্তা স্বচ্ছতা প্রমোৎ তৌবা অমসুং অপুনবা থৌদাং লৌবগী ৱাখল্লোন অমা পুক্নিং থৌগৎনবা পান্দম থম্লিবা চয়োল অনিগী খোঙথাং অসি DEPwD গী সেক্রেতরী, শ্রী রাজেশ আগরৱালনা ওফিসর অমসুং এমপ্লোয়ী পুম্নমক্তা স্বচ্ছতাগী ৱাশক লৌদুনা হৌদোকখি। কেম্পেন অসিনা দিপার্তমেন্ত অসিগী মখাদা লৈবা নেস্নেল ইন্সতিত্যুৎ অমসুং কম্পোজিৎ রিজনেল সেন্তর (CRC) কয়ামরুম মায় পাক্না শরুক য়াহনখ্রে। মসিনা তুং কোইনা ক্লিনলিনেসকী থবকশিং পায়খৎপগী তঙাই ফদবগী মতাংদা পুক্নিং থৌগৎলি।

শ্রী আগরৱালনা মহাক্কী ৱারোলদা হায়খি, "মসি শুপ্নগী কেম্পেন অমা খক্তা নত্তে, মসি ঐখোয়গী অপুনবা থৌদাংনি। ঐখোয় পুন্না হোৎনমিন্নদুনা, ঐখোয়গী অকোয়বগী ফিভম অসি শেংদোক্তুনা থম্নবা হোৎনমিন্নবা তাই, অমসুং মসিগী খোঙথাং অসি মীয়ামগী খোঙজং অমা ওইহল্লকপা তাই।" মহাক্না থবক পায়খৎনবা হায়খিবা অদু শরুক য়ারিবশিং পুম্নমক্তা মপাঙ্গল কন্না শৌগৎখি, মসিনা হৌজিক চত্থরিবা থবকশিং অসিগী মওং মতৌ তাকখি।

স্বচ্ছতা হী সেভা কেম্পেনগী মরুওইবা হাইলাইতশিংগী মনুংদা নেস্নেল ইন্সতিত্যুৎ ফোর দি এম্পাৱরমেন্ত ওফ পর্সন্স ৱিথ ইন্তেলেকচুএল দিসএবিলিতীজ (NIEPID), সেকন্দরাবাদকী এক্তিব পার্তিসিপেসন য়াওরি, হায়রিবা নুমিৎ অসিদা স্বচ্ছতাগী ৱাশক লৌবগী থৌরম পাংথোকখি। স্তাফ অমসুং মহৈরোয়শিংনা মখোয়গী নুংমিৎ খুদিংগী পুন্সিদা ক্লিনলিনেস ঙাক্তুনা থম্বগী মরুওইবা অদু খঙলদুনা, ক্লিনলিনেস অমসুং অকোয়বগী ফিবম কাইদনা থম্বগী মখোয়গী ফিরেপ অদু অমুক হন্না ফোংদোক্নবগীদমক পুনশিনখি।

মুম্বাইদা লৈবা অলী য়াৱার জুং নেস্নেল ইন্সতিত্যুৎ ওফ স্পিচ এন্দ হিয়রিং দিসএবিলিতীজ (AYJNISHD (D)) দা ইন্সতিত্যুৎ অসিনা সেপ্তেম্বর 14দগী হৌদুনা ওক্তোবর 2, 2024 ফাওবা নুমিৎ 15নি চুপ্না চত্থগদবা স্বভব স্বচ্ছতা সঙ্কর স্বচ্ছতা (4S) কেম্পেনদা শরুক য়াখি। চাউরাকপা স্বচ্ছ ভারত মিসনগী শরুক অমা ওইনা লমচৎ শাজৎ হোংদোকপা অমসুং স্বচ্ছতা য়োকখৎনবা পান্দম থম্লিবা থৌরম অসিদা মহৈরোয়শিং, ওফিসিএলশিং, ৱা ঙাংবদা খুদোংচাদবা মীওইশিং অমসুং বোম্বে ম্যুনিসিপাল কোর্পোরেসন (BMC) গী স্তাফ য়াওনা তোঙান তোঙানবা থাক্কী মীওইশিং শরুক য়াখি। শরুক য়ারিবা পুম্নমক্না লৌখিবা অচেৎপা ৱাশক অসিনা হেন্না লুনানবা অমসুং হেন্না হায়জিনিক ওইবা খুন্নাই অমা শেমগৎনবা কেম্পেনগী মিসনদা মখোয়গী কত্থোকপা অদু অমুক হন্না ফোংদোকখি।

NIEPID গী এদমিনিস্ত্রেতিব কন্ত্রোলগী মখাদা থবক তৌরিবা, নেল্লোরদা লৈবা কম্পোজিৎ রিজনেল সেন্তর (CRC) দগী অতোপ্পা মরুওইবা শরুক তমলকখি। সেপ্তেম্বর 17, 2024দা শ্রী জি. রামঞ্জুলুদা স্তাফ মেম্বরশিং, D.Ed স্পেসিএল এজুকেসন প্রোগ্রামগী মহৈরোয়শিং, ফিজিওথেরাপী ইন্তর্নশিং, PwDশিং অমসুং মখোয়গী মমা মপাশিংনা শরুক য়াখিবা স্বচ্ছতাগী ৱাশক লৌবগী থৌরম অমা পাংথোকখি। থৌরম অসিনা লুনানবা হায়বা খুন্নাইগী থৌদাং অমা ওইনা ক্লিনিতীগী মরুওইবা অদু ময়েক শেংহনখি, মসিনা কেম্পেনগী আউতরীচ হেন্না মপাঙ্গল কনখৎহনখি।

স্বচ্ছতা হী সেভে কেম্পেন্না তোঙান তোঙানবা ইন্সতিত্যুৎশিং অমসুং কম্ম্যুনিতীশিংগী মীওইশিংবু মপুং ওইবা ভেল্যু অমা ওইনা স্বচ্ছতাবু য়াওহন্নবা মায় পাক্না পুক্নিং থৌগৎলি। মসিগী খোঙথাংশিং অসিনা দিপার্তমেন্ত ওফ এম্পাৱরমেন্ত ওফ পর্সন্স ৱিথ দিসএবিলিতীজনা স্বচ্ছ ভারত মিসনদা চাউনা মতেং পাংদুনা হেন্না লুনানবা, হেন্না মশা-মউ ফবা অমসুং ইনক্লুসিব ওইবা সোসাইতী অমা প্রমোৎ তৌবদা লেপ্তনা লুচিংলিবা অদু উৎলি।

*****