প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ঙসি দিপার্তমেন্ত ওফ বাইওতেক্নোলোজী (DBT)গী অমব্রেলা স্কীম অনি স্কীম অমত্তদা পুনশিন্বা ‘বাইওতেক্নোলোজী রিছর্চ ইনোভেসসন এন্দ ওন্ত্রপ্রিন্যুরসিপ দিভেলপমেন্ত (বাইও-রাইদ) স্কীম, বাইওমেনুফেকচরিং এন্দ বাইওফাউন্দ্রী কৌবা অনৌবা কম্পোনেন্ত অমগা লোয়ননা অয়াবা পীখ্রে‍।

স্কীম অসিগী মপুং ওইবা কম্পোনেন্ত অয়ুম লৈ:

ক)       বাইওতেক্নোলোজী রিছর্চ এন্দ দিভেলপমেন্ত (R&D)

খ)       ইন্দস্ত্রিএল এন্দ ওন্ত্রপ্রিন্যুরসিপ দিভেলপমেন্ত (I&ED)

গ)       বাইওমেনুফেকচরিং অমসুং বাইওফাউন্দ্রী

পুনশিল্লবা স্কীম ‘বাইও-রাইদ’ অসি পায়খৎনবগী প্রপোজ আউতলে অসি ১৫শুবা ফাইনান্স কম্মিসনগী ২০২১-২২ দগী ২০২৫-২৬ ফাওবগী ওইনা লুপা করোর ৯১৯৭নি‍।

বাইও-রাইদ স্কীম অসি বাইওমেনুফেকচরিং অমসুং বাইওতেক্নোলোজীগী লমদা ইনোভেসন পুরক্নবা, বাইও-ওন্ত্রপ্রিন্যুরসিপ য়োকখৎনবা, অমসুং মালেমগী লুচিংবা অমা ওইবগী ভারতকী খোঙফম চেৎশিলহন্নবা শেম্বনি‍। মসিনা থিজিন হুমজিনবগী থবক খোঙজেল য়াঙখৎহন্নবা, প্রদক্তি দিভেলপমেন্তকী ফীভম ফগৎহন্নবা, অমসুং একাদমিক রিছর্চ অমসুং ইন্দস্ত্রিএল এপ্লিকেসনগী মরক্তা লৈরিবা অহোবা মেনশিন্নবা পান্দম থম্লি‍। স্কীম অসি হেল্থকেয়র, লৌউ-শিংউ, এনভাইরনমেন্তেল সস্তেনেবিলিতী, অমসুং ক্লীন ইনর্জীনচিংবা হীরমশিংদা লৈরিবা লৈবাক্কী অমসুং মালেমগী শিংনবশিং লাকশিনবদা বাইও-ইনোভেসনগী মতিং লোকশিন্নবা ভারত লৈঙাক্কী মিসনগী শরুক অমনি‍। বাইও-রাইদ স্কীম পায়খৎপনা পুরক্কদবা কান্নবশিং –

-         বাইও-ওন্ত্রপ্রিন্যুরসিপ য়োকখৎপা: বাইও-রাইদনা বাইও-ওন্ত্রপ্রিন্যুরশিংদা সীদ ফন্দিং, ইনক্যুবেসনগী ঙাক্লৌ, অমসুং মেন্তোরসিপ পীদুনা স্তার্তঅপশিংগী কান্নরবা ইকোসিস্তেম অমা শেমগৎকনি‍।

-         ইনোভেসন খুমাঙ চাওশিলহন্বা: স্কীম অসিনা সিন্থেতিক বাইওলোজী, বাইওফার্মাসিউতিকেল, বাইওইনর্জী, অমসুং বাইওপ্লাস্তিক্নচিংবা লমশিংদা কত্তিং-এদ্জ রিছর্চ অমসুং দিভেলপমেন্ত তৌননবা গ্রান্ত অমসুং ইন্সেন্তিবশিং পীগনি‍।

-         ইন্দস্ত্রী-একাদমিয়া কোলাবোরেসন্দা তেংবাংবা: বাইও-রাইদনা বাইও-বেজ প্রদক্ত অমসুং তেক্নোলোজীশিং কম্মর্সিএলাইজেসন তৌবদা খোঙজেল য়াঙ্খৎহন্নবগীদমক একাদমিক ইন্সতিত্যুসনশিং, রিছর্চ ওর্গনাইজেসন, অমসুং ইন্দস্ত্রীশিংগী মরক্তা মরী ফগৎহনগনি‍।

-         সস্তেনেবল বাইওমেনুফেকচরিং পুক্নিং থৌগৎপা: ভারতকী গ্রীন গোল পরিংদা বাইওমেনুফেকচরিংগী লমদা অকোয়বগী ফীভমগী মতুং ইন্না সস্তেনেবল ওইবা থৌওং য়োকখৎপদা মরুওইবা মীৎয়েঙ থমগনি‍।

-         এক্সত্রামরেল ফন্দিংগী খুত্থাঙদা রিছর্চরশিংদা ঙাক্লৌ পীবা: লৌউ-শিংউ, হেল্থকেয়র, বাইওইনর্জী, অমসুং এনভাইরনমেন্তেল সস্তেনেবিলিতীনচিংবা হীরমশিংদা রিছর্চ ইন্সতিত্যুসনশিং, য়ুনিভর্সিতীশিং, অমসুং লনাই রিছর্চরশিংদা এক্সত্রামরেল ফন্দিংগী ঙাক্লৌ পীদুনা বাইওতেক্নোলোজীগী তোঙান তোঙানবা লমশিংদা সাইন্তিফিক রিছর্চ, ইনোভেসন, অমসুং তেক্নোলোজিকেল দিভেলপমেন্ত খুমাঙ চাওশিহন্বদা বাইও-রাইদনা মরুওইবা শক্লোন লৌগনি‍।

-         বাইওতেক্নোলোজী সেক্তরদা হ্যুমেন রিসোর্স মখোঙ শোম্বিবা: বাইও-রাইদনা বাইওতেক্নোলোজীগী মল্তিদিসিপ্লিনরী এরিয়াশিংদা থবক তৌরিবা মহৈরোয়, নহা ওইরিবা রিছর্চরশিং অমসুং সাইন্তিস্তশিংগী হোলিস্তিক দিভেলপমেন্ত অমসুং সপ্পোর্ত ফংহনগনি‍। হ্যুমেন রিসোর্স দিভেলপমেন্তকী ইন্তিগ্রেতেদ প্রোগ্রাম্না কেপাসিতী বিল্দিং অমসুং মেনপৱার স্কিলিংগী লমদা থৌদাং য়াগনি অমসুং মখোয়বু তেক্নোলোজিকেল এদভান্সমেন্তকী হেন্না নৌবা হোরাইজন শীজিন্নবদা হেন্না মতিক চাহনগনি‍।

মখা তানা, লৈবাকসিদা সর্কুলর-বাইওইকনমী লৈহন্নবা, পুন্সিগী হীরম খুদিংদা গ্রীন অমসুং ফ্রেন্দলী এনভাইরনমেন্তেল সোলুসন পুরক্তুনা মালেমগী অইং অশাগী খল হোংলকপগী চৈথেংশিং হন্থহন্নবা ইকায়খুম্নরবা প্রধান মন্ত্রীনা হৌদোকখিবা ‘লাইফস্তাইল ফোর দি এনভাইরনমেন্ত (LiFE) পরিংদা বাইওমেনুফেকচরিং অমসুং বাইওফাউন্দ্রীগী কম্পোনেন্ত অমা হৌদোক্লি‍। বাইও-রাইদকী অনৌবা কম্পোনেন্ত অসিনা হেল্থকেয়র আউতকম ফগৎহন্নবা, লৌউ-শিংউগী পোত্থোক ফগৎহন্নবা, বাইওইকনমী গ্রোথ পুরক্নবা, বাইও-বেজ প্রদক্তশিং স্কেল-অপ অমসু কম্মর্সিএলাইজেসন তৌনবা, ভারতকী নীংথিনা খঙ-হৈরবা ৱর্কফোর্স হেনগৎহন্নবা, অমসুং ওন্ত্রপ্রিন্যুরশিংগী খোঙজেল চেৎশিনহন্নবা লমদমসিগী ওইবা ইনোভেতিব ওইবা পাম্বৈশিং শেমগৎপদা ‘বাইওমেনুফেকচরিং’গী চাউরবা মতিংবু মখোঙ শোম্নবা মীৎয়েঙ থম্লি‍।

DBT গী থৌরাং অসি ভারতপু বাইওতেক্নোলোজী রিছর্চ, ইনোভেসন, ত্রান্সলেসন, ওন্ত্রপ্রিন্যুরসিপ, অমসুং ইন্দস্ত্রিএল গ্রোথকী লমদা মালেমগী ওইনা হিদান্নবা ঙম্বা অমসুং ২০৩০ ফাওবগী মনুংদা US$300 বিলিয়ন বাইওইকনমী ওইহন্নবা মিসন মপুং ফাহন্নবা লৈবাক চাওখৎহন্নবা অমসুং খুন্নাই নুংঙাই য়াইফহন্নবা মপা চুম্বা খুৎলায় অমা ওইনা বাইওতেক্নোলোজীগী মতিং লোকশিন্নবা থম্লিবা মঙলান পরিংদা লৈরি‍। বাইও-রাইদ স্কীম অসিনা ‘বিক্সিত ভারত ২০৪৭’গী মঙলান মঙফাওনহন্নবগী লমদা মশক থোক্না থৌদাং য়াগনি‍।

বেকগ্রাউন্দ:

দিপার্তমেন্ত ওফ বাইওতেক্নোলোজী (DBT), সাইন্স অমসুং তেক্নোলোজী মন্ত্রালয়না বাইওতেক্নোলোজী অমসুং মোদর্ন বাইওলোজীগী লমদা অথোই অহেন্বা অমসুং ইনোভেসন্না থৌদুনা পুবা রিছর্চ অমসুং ওন্ত্রপ্রিন্যুরসিপ য়োখৎলি‍।

*****