محنت و روزگار اور یوتھ افیئرز اینڈ اسپورٹس کے مرکزی وزیر ڈاکٹر منسکھ منڈاویا نے آج نئی دہلی میں پلیٹ فارم ایگریگیٹرز کے ساتھ ایک اہم اجلاس کی صدارت کی اور کارکنوں کو ای شرم پورٹل پر رجسٹر کرنے کی ضرورت پر زور دیا۔ اس اقدام کا مقصد اس بات کو یقینی بنانا ہے کہ گگ اینڈ پلیٹ فارم کارکنوں کو سماجی تحفظ کی اسکیموں تک رسائی حاصل ہو۔

اس اجلاس میں بڑھتی ہوئی افرادی قوت کی منفرد ضروریات کو پورا کرنے کے لیے ایک جامع فریم ورک تیار کرنے پر توجہ مرکوز کی گئی ، جس کا مقصد اس بات کو یقینی بنانا ہے کہ ان کارکنوں کو ضروری سماجی تحفظ کے تحفظ تک رسائی حاصل ہو۔

گگ اینڈ پلیٹ فارم ورکرز کے لیے سماجی تحفظ کے لیے ایک جامع فریم ورک کو یقینی بنانے کے لیے ، ڈاکٹر منڈاویا نے وزارت کو ہدایت دی کہ وہ ایک وقف کمیٹی تشکیل دے تاکہ تمام اسٹیک ہولڈروں کی رائے حاصل کی جاسکے۔ یہ کمیٹی اہم امور پر غور و خوض کرے گی اور ان کارکنوں کے لیے ایک مضبوط سماجی تحفظ فریم ورک قائم کرنے کی سمت میں کام کرے گی۔

مرکزی وزیر نے اگلے تین ماہ کے اندر ای شرم پورٹل پر آن بورڈنگ ورکرز کے لیے ہدف مقرر کیا ہے۔ انھوں نے زور دے کر کہا کہ مختلف حکومتی اقدامات کے تحت مزید فوائد کی فراہمی کے لیے کارکنوں کی رجسٹریشن انتہائی اہم ہے۔ ایگریگیٹرز پر زور دیا گیا کہ وہ اس رجسٹریشن مہم میں مدد کریں اور اس بات کو یقینی بنائیں کہ تمام اہل کارکن پورٹل پر رجسٹرڈ ہیں۔

نیشنل کیریئر سروس (این سی ایس) پورٹل کے بارے میں بات کرتے ہوئے ، جو ملازمت تلاش کرنے والوں اور آجروں کے لیے روزگار سے متعلق مختلف خدمات فراہم کرتا ہے ، ڈاکٹر منڈاویا نے ایگریگیٹرز کی حوصلہ افزائی کی کہ وہ ملک بھر میں لاکھوں افراد کے لیے روزگار کے مواقع کو وسیع کرنے کے لیے این سی ایس پورٹل پر اپنی ملازمت کی خالی آسامیوں کی فہرست بنائیں۔

کل 8 بڑے پلیٹ فارم ایگریگیٹرز نے گفت و شنید میں حصہ لیا جن میں اربن کمپنی، سویگی اینڈ انسٹا مارٹ، زوماٹو اینڈ بلنکٹ، پورٹر، ایون کارگو، ایمیزون، اوبر، اولا کے ساتھ ساتھ ایف آئی سی آئی، ڈیلوئٹ، سی آئی آئی، ایمپلائرز فیڈریشن آف انڈیا، انڈیا ٹیک، او ایم آئی وغیرہ جیسی تنظیمیں شامل تھیں اور وزارت کی اس پہل کی ستائش کی۔

شرکاء نے قابل قدر تبادلہ خیال کیا اور وزارت کے اقدامات کے لیے مضبوط حمایت کا اظہار کیا ، جو گگ کارکنوں کے لیے سماجی تحفظ کے فریم ورک کو بہتر بنانے کے لیے متحد ہ عزم بستگی کا غماز ہے۔

***

(ش ح – ع ا)

U. No. 100