Ka Tnat Drinking Water and Sanitation (DDWS), Tnat Jal Shakti, ha ka jingiatreilang bad ka Tnat Housing and Urban Affairs (MoHUA), ka la pynbna ia ka jingplie paidbah ia ka Swachhata Hi Seva (SHS) 2024. Kane kadei ka campaign ha kylleng ka ri ba iadei bad ka jingleh khuid kaba pynthikna ia ka jingkut jingmut na ka bynta ka India kaba kham khuid bad kaba koit ba khiah. Ka phang pdeng jong ka campaign mynta u snem kalong ‘Swabhav Swachhata, Sanskar Swachhata’, kaba la wan na ka shiphew snem ka jingtrei ban wanrah jingkylla  hapoh ka Swachh Bharat Mission (SBM), kaba la saindur biang ia ka jinglong ka jingkhuid jingsuba jong ka India naduh ba la sdang ia ka ha u 2014. Ha kane ka campaign yn iohi ia ki nongshong shnong kylleng ka ri ba ki iashim bynta ha ki jingpynkhuid paidbah, ki campaign ai jingtip paidbah, bad ka jingiatreilang na ka bynta ka mariang kaba khuid. Ka DDWS marwei ka thmu ban pynlong palat 9.2 lak ki prokram ha ki jaka nongkyndong ha baroh ki jylla/UT ha kaba kin 4.9 lak ki prokram Swachhata Mein Bhagidari bad 3.74 lak ki CTU bad 61,638 ngut ki  SafaiMitra Suraksha Shivir.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                              

Ha kane ka campaign, kaba la sdang mynta ka sngi, la sakhi shibun ki prokram ba la pynlong ha kylleng ka ri. Ha Rajasthan, u Vice President jong ka India, Jagdeep Dhankhar, u la plie ia ki prokram kylleng ka ri ryngkat bad u Myntri Sorkar Pdeng ba dei khmih ia ka Tnat Housing and Urban Affairs Manohar Lal Khattar, bad u Avinash Gahlot, Tnat Social Justice and Empowerment, Sorkar Rajasthan ha Jhunjhunu. Ha Karnataka la plie da u Myntri Khynnah jong ka Sorkar Pdeng ba dei khmih ia ka Tnat Jal Shakti, V. Somanna bad ha phra tylli ki Jylla, la pynlong ia ki jingialang plie paidbah da ki Myntri Rangbah bad kiwei kiwei ki ophisar. Nalor kane, la pynlong ia ka jingplie ia ki prokram ha baroh ki Jylla/UT da ki kynrem ki lyndan. Ki bynta ba kongsan jong ka SHS 2024:

• Ka campaign SHS 2024 ka phaikhmat ha ki Cleanliness Target Unit (CTU), ki ban pynkylla palat 6 lak tylli ki jaka ba jynjar bad kiba jakhlia ha kylleng ka ri, ba la ithuh lyngba ka rynsan mapping. La pynshlur ia kito kiba iadon bynta ha kane ka kam, kynthup ki public sector unit (PSU), ki karkhana kiba iatreilang, bad ki NGO, ban pdiang ia kine ki CTU na ka bynta ka jingpdiang ia kine ki CTU ban wanrah ia ka jinjgpynbeit ha ka por ba la buh bad ki sienjam ba iadei bad ka jingkhuid.
• Ka jingiashim bynta ki paidbah: La pynbeit ban pynlong palat 6.5 lak tylli ki prokram ha ki Tnat sorkar pdeng, ki Tnat, bad ki sorkar jylla hapoh ka phang pdeng Swachhata Mein Jan Bhagidari. Kine ki prokram ki thmu ban wanrah ka jingiatreilang ki nongshong shnong ha ka jingai jingtip bad ki kam Jan Bhagidaari ha ki jaka sor bad ki jaka nongkyndong. La kyrshan ia ka ‘rukom treikam kaba kynthup baroh ka imlang sahlang’ ha kane ka campaign ba mynta u snem, kaba wanrah lang ia baroh ki nongshong shnong, ki karkhana, ki kynhun pyniaid shnong ha ki jaka sor, ki NGO, ki panchayat, bad kiwei kiwei kiba don bynta ha kane ka kam. Kane ka jingiatreilang ka pynthikna ba man ki kyndong kynshrot jong ka ri ki shah ktah ha ka jingiakhih SHS.
• Ki Safai Mitra Suraksha Shivir: Palat 80,000 tylli ki camp la buh ban peit ia ka koit ka khiah jong ki nongpynkhuid, ki tiar ba iadei bad ka jingshngain, bad ka jingioh ia ki skhim ba iadei bad ka jingshngain ha ka imlang sahlang, ka ban pynthikna ia ka bha ka miat bad ka jingshngain jong ki ha ka kam.

Ha ka jingplie ia ka India Water Week (IWW) 2024 kaba phra ha New Delhi mynta ka sngi, ka President jong ka ri, Droupadi Murmu ka la ong ba ka international conference ha kaba iadei bad ka um kadei ka rynsan kaba biang ban iamir jingmut halor ka jingpeit ia ka WASH (Water, Sanitation and Hygiene) bad ka jingpynkhlian ia ki jingiatreilang kylleng ka pyrthei ha kane ka kam kaba kongsan.

 

Haba peit ia ki shiphew snem ka jingktah ki kam pynkhuid ha ka IWW 2024, U Myntri Sorkar Pdeng ba dei khmih ia ka Tnat Jal Shakti, C.R. Patil, ha ka jingplie kylleng ka ri ia ka International WASH conference u la ong, “ka Swachh Bharat Mission ka la long ka Jan Andolan ban pynkylla ia ka rukom im bad mynta la ithuh kylleng ka pyrthei kum ka kam ba khlain ban pynduna ka jingkhlad ki khyllung, iada na ki jingpang jingshitom, bad kyntiew ia ka kamai kajih. Naduh ba la plie paidbah ia ka ha u 2014, ka SBM ka la kyntiew ia ka jingkhuid jingsuba bad ka jingioh ia ka um kaba khuid, ha kaba la shna palat 11.6 klur ki painkhana haduh mynta bad ka la pynthikna ba ka India ka la lait na ka jingleit painkhana pathar. Ia kane la bteng ha ka Bynta ba II jong ka prokram da ka jingphaikhmat sha ka jingiaineh ka jinglait na ka jingleit painkhana pathar, ka jinglum ia ki niut kiba pyut bad ki bym pyut bad ka jingban jur ia ka jingkhuid jingsuba ki shnong nongkyndong jong ka India. Dei na ki sienjam jong ki Jylla/UT ba haduh mynta, 50% ki shnong ha India kidei kiba la ioh ia ka kyrdan ODF plus Model.” U Myntri u la ban shuh shuh ba, “ka jinglehkhuid kam dei ka jingkitkhlieh tang jong kawei ka kynhun, hynrei kadei ka kamram jong manla u briew. Lyngba kane ka rukom treikam, ngi pynthikna ba ka Swabhav Swachhata kalong shi bynta ki jingngeit jong ka ri.”

Ha ka jingai jingkren jong ka, ka Vini Mahajan, Secretary, Tnat Drinking Water and Sanitation, ka la kren shaphang ka campaign SHS kaba long ka dak jong ki 10 snem ba la khot ia ka jingiatreilang da u Myntri Rangbah duh Narendra Modi, kaba la ai mynsiem ha kaba ka ri baroh kawei ka iawanlang na ka bynta kane ka kam. Ka jingkut jingmut jong ki nongshong shnong jong ngi, ki karkhana, bad ki kynhun sorkar na ka bynta ban pynthikna ia ka jingkhuid kum ka rukom im kadei kaei ka ban wanrah jingkylla ha ka thong jong ngi ban wan, ka la ong.

Naduh ba la sdang ia ka da u Myntri rangbah duh Narendra Modi ha u 2014, ka SBM ka la sakhi ka jingjop kaba khraw, kynthup:

• Ki shnong ODF Plus Model: la pynbna ODF Plus Model palat 2.95 lak (50%) ki shnong ha ki jaka nongkyndong jong ka India.
• Ka jingiashim bynta paidbah: ki jingpynkhuid, ki jingiaid paidbah, bad ki marathon ki la long shi bynta ka jingsngewthuh ki paidbah, ka la iarap ban wanrah ia ki jingngeit ha ka jinglehkhuid ha ki shnong ki thaw ha kylleng ka ri.

Ka campaign kan kut ha ki jingrakhe ia ka Swachh Bharat Diwas ha ka 2 tarik Risaw, ha kaba ki tnat sorkar pdeng bad ki kynhun kin iashim bynta ha ki jingpynkhuid, ki prokram deiriti, bad ki jingiashim bynta ki paidbah. Na ka bynta ki jingtip ba kham bniah bad ka jingiashimbynta, la pynshlur ia ki nongshong shnong ban leit sha ka rynsan SHS 2024 www.swachhatahiseva.gov.in

*****

(Release ID: 2056168) Visitor Counter : 14