சிதம்பரனார் துறைமுக ஆணையத்தில் தூத்துக்குடி சர்வதேச சரக்குப் பெட்டக முனையத்தை மத்திய துறைமுகங்கள், கப்பல் மற்றும் நீர்வழிகள் துறை அமைச்சர் திரு. சர்பானந்த சோனோவால் இன்று நாட்டுக்கு அர்ப்பணித்தார். முக்கிய உள்கட்டமைப்பு திட்டங்களையும் மத்திய அமைச்சர் தொடங்கி வைத்ததுடன், பல முன்முயற்சிகளுக்கு அடிக்கல் நாட்டினார்.

தூத்துக்குடி சர்வதேச சரக்குப் பெட்டக முனையத்தை இன்று திறந்து வைக்கும் நிகழ்ச்சியில் பிரதமர் திரு. நரேந்திர மோடி காணொலிச் செய்தி மூலம் உரையாற்றினார். நிகழ்ச்சியில் பேசிய பிரதமர், வளர்ந்த நாடாக மாறுவதை நோக்கிய இந்தியாவின் பயணத்தில் இன்று ஒரு குறிப்பிடத்தக்க மைல்கல்லை குறிக்கிறது என்பதை சுட்டிக்காட்டினார். மேலும் புதிய தூத்துக்குடி சர்வதேச சரக்குப் பெட்டக முனையம் 'இந்தியாவின் கடல் உள்கட்டமைப்பின் புதிய நட்சத்திரம்' என்று பாராட்டினார். வ.உ.சி. சிதம்பரனார் துறைமுகத்தின் திறனை விரிவுபடுத்துவதில் தில்லியின் பங்கை எடுத்துரைத்த பிரதமர், "14 மீட்டருக்கும் அதிகமான ஆழமான கச்சா எண்ணெய் தளம் மற்றும் 300 மீட்டருக்கும் அதிகமான நீளம் கொண்ட இந்த முனையம், வ.உ.சி துறைமுகத்தின் திறனை மேம்படுத்துவதில் முக்கிய பங்கு வகிக்கும்" என்றார். புதிய முனையம் துறைமுகத்தில் தளவாட செலவுகளைக் குறைக்கும் என்றும் இந்தியாவுக்கு அந்நிய செலாவணியை மிச்சப்படுத்தும் என்றும் எதிர்பார்க்கப்படுகிறது என்று பிரதமர் மேலும் கூறினார். தமிழ்நாட்டு மக்களுக்கு வாழ்த்து தெரிவித்த பிரதமர், இரண்டு ஆண்டுகளுக்கு முன்பு தனது பயணத்தின் போது வ.உ.சி. துறைமுகம் தொடர்பாக தொடங்கப்பட்ட பல்வேறு திட்டங்களை நினைவு கூர்ந்தார். விரைந்து முடிக்கப்பட்ட திட்டங்களுக்கு அவர் திருப்தி தெரிவித்தார். முனையத்தின் முக்கிய சாதனைகளில் ஒன்று, பாலின பன்முகத்தன்மைக்கான அதன் அர்ப்பணிப்பாகும், அதன் ஊழியர்களில் 40% பெண்கள், இது கடல்சார் துறையில் பெண்கள் தலைமையிலான வளர்ச்சியைக் குறிக்கிறது என்று அவர் வலியுறுத்தினார்.

நாட்டின் குறிப்பிடத்தக்க துறைமுக உள்கட்டமைப்புத் திட்டங்களில் ஒன்றின் செயல்பாட்டின் தொடக்கத்தைக் குறிக்கும் வகையில், புதிய தூத்துக்குடி சர்வதேச சரக்குப் பெட்டக முனையத்திலிருந்து முதல் சரக்கு கப்பலையும் திரு சோனோவால் கொடியசைத்து தொடங்கி வைத்தார். ஆண்டுக்கு 6 லட்சம் டி.இ.யு.க்களை கையாளும் திறன் கொண்ட இந்த துறைமுகம் ₹434 கோடிக்கும் அதிகமான முதலீட்டில் உருவாக்கப்பட்டுள்ளது.

புதிதாக கட்டப்பட்ட பசுமை ஹைட்ரஜன் திட்டத்தையும் மத்திய அமைச்சர் திறந்து வைத்தார், இது 'இந்தியாவை பசுமை ஹைட்ரஜனின் உலகளாவிய மையமாக மாற்றுவதற்கான பிரதமர் நரேந்திர மோடியின் தொலைநோக்குப் பார்வையை நனவாக்குவதற்கான முக்கிய படியாகும்' என்று அவர் குறிப்பிட்டார். 'ஹரித் சாகர் பசுமை துறைமுக முன்முயற்சியின்' ஒரு பகுதியாக 400 கிலோவாட் கூரை சூரிய மின் நிலையத்தையும் திரு சர்பானந்தா சோனோவால் திறந்து வைத்தார்.

"உலகின் தலைசிறந்த கடல்சார் சக்தியாக இந்தியா உருவெடுக்கும் முயற்சியில் உள்ளது என்றும் பிரதமர் திரு நரேந்திர மோடி அவர்களின் ஆற்றல்மிக்க தலைமையின் கீழ், செயல்திறன் மற்றும் உற்பத்தித்திறனை ஊக்குவிப்பதற்காக நமது சொத்துக்களை நவீனப்படுத்தவும், இயந்திரமயமாக்கவும், டிஜிட்டல் மயமாக்கவும் கடல்சார் துறை மிகப்பெரிய ஊக்கத்தைப் பெற்றுள்ளது என்று கூறினார்.  தற்போது வர்த்தக சமூகத்திற்கு மென்மையான, விரைவான சேவையை வழங்குவதற்கான எங்கள் முயற்சி ஏற்றுமதி-இறக்குமதி வர்த்தகத்தின் வளர்ச்சிக்கு வழிவகுக்கிறது. என்று தெரிவித்தார். இந்த முனையம், பிரதமர் திரு நரேந்திர மோடியின் தலைமையிலான தேசிய ஜனநாயக கூட்டணி அரசின் முதல் 100 நாட்களில் ஒரு முக்கிய சாதனையாகும் என்று கூறினார். 

இந்த நிதியாண்டின் இறுதிக்குள், அதாவது 2024-25-ம் நிதியாண்டில் 50 மில்லியன் டன் சரக்குகளைக் கையாளும் நோக்கத்துடன் வஉசி துறைமுக ஆணையம் 'மிஷன் 50'-ன் லட்சிய இயக்கத்தையும் தொடங்கினார். இந்த இலக்கை அடைய அனைத்து தொழிலாளர்களும் பங்குதாரர்களும் தங்கள் சிறந்த பங்களிப்பை வழங்குமாறு திரு சோனோவால் அழைப்பு விடுத்தார்.

***

IR/KPG/DL