লৌউ-শিংউ অমসুং লৌমীশিংগী য়াইফ-থৌরাংগী রাজ্য মন্ত্রী শ্রী রাম নাথ থাকুরনা এম্বেসেদর ওফ ইন্দিয়া তু ব্রাজিল শ্রী সুরেশ রেদ্দি অমসুং লৌউ-শিংউ অমসুং লৌমীশিংগী য়াইফ-থৌরাংগী বিভাগ, জোইন্ত সেক্রেতরী শ্রী ফ্রেঙ্কলিন এল. কোবুংনা বাইলেতরেলগী মীফমশিং লমজিংখি। শ্রী থাকুর অমসুং জপানগী লৌউ-শিংউ, ফোরেস্ত্রী অমসুং ফিশরিজকী মন্ত্রী শ্রী সাকামোতোগী মরক্তা সেপ্তেম্বর 12, 2024দা ব্রাজিলদা বাইলেতরেলগী মীফম অমা পাংথোকখি।

নাকল অনিমক্না তেক্নোলোজী শীজিন্নবা, ফুদ প্রোসেসিং, কোল্দ স্তোরেজ অসিনচিংবা, ভারতকী লৌউ-শিংউগী সস্তেনেবিলিতী অমসুং প্রদক্তিবিতী য়াওনা প্রাইবেৎ ইনভেস্তমেন্তগী খুত্থাংদা নাকল অনিদা কান্নবা লমশিংদা তেংবাং পীননবা মখোয়গী অচেৎপা ফিরেপ অদু ফোংদোকখি।

মার্কেৎ এক্সেসকী মতাংদা খন্ন-নৈনখি মসিদা ভারতকী মন্ত্রী শ্রী থাকুরনা জপানদা ভারতকী কম্ফোই অমসুং অঙ্গুরশিংগী মার্কেৎ এক্সেসকী হেনগৎহন্নবা থবক অথুবা মতমদা পাংথোক্নবা হায়খি অমরোমদনা জপানগী মন্ত্রী শ্রী সাকামোতোনা জপানিজ সেদরগী মার্কেৎ এক্সেস হেনগৎহন্নবা ফোংদোকখি।

শ্রী থাকুর অমসুং ব্রাজিলগী লৌউ-শিংউ অমসুং লাইবস্তোক্কী মন্ত্রী শ্রী হোস্ত কার্লোস ফাভারোগী মরক্তা সেপ্তেম্বর 13, 2024দা ব্রাজিলদা নাকল অনিগী ওইবা মীফম অমা পাংথোকখি।

শ্রী ফাভরোনা ভারতকী প্রেসিদেন্সীদগী লৌরকখিবা মহৈশিং অমসুং লৈবাক অনিগী মরক্তা লৈনরিবা মরুপ-মপাং ওইবগী মরী অদু পনখি। AWGগী মীফমশিং মায় পাক্না লোইশিনবগীদমক শ্রী থাকুরনা ব্রাজিলগী প্রসিদেন্সীদা নুংঙাইবা ফোংদোকখি।

মীফম অদুদা নাকল অনিমক্না সাইন্স অমসুং তেক্নোলোজীদা তেংবাং পীনবা, ইথানোল পুথোকপদা তেংবাং পীনবা অমসুং কৈথেলগী খুদোংচাবা ফংহনবগী মতাংদা খন্ন-নৈনখি।

সাইন্স অমসুং তেক্নোলোজীদা মতেং পীননবা নাকল অনিমক্না য়ানখি অমসুং ICAR ইন্দিয়া অমসুং EMBRAPA ব্রাজিলগী মরক্তা এম.ও.য়ু. অসি G20 লীদর্স মীতিংগী মমাংদা লোইশিনগনি। ব্রাজিলগী নাকলনা ক্লাইমেৎ চেঞ্জ এক্সনদা মতেং পাংগদবা ইথানোল পুথোকপগী তেক্নোলোজীদা মতেং পীননবা অচেৎপা ৱাফম থমখি।

ভারতনা মহাক্কী সোরগুম, রেপসীদ, লশিং, গেহু, বর্লী অমসুং তিলহৌশিংগীদমক ব্রাজিলগী কৈথেলদা চঙনবা হোৎনরি। ব্রাজিলগী নাকলনা সাইত্রস অসিনচিংবগীদমক ভারতকী কৈথেলদা চঙবা পাম্লি। মন্ত্রীশিংনা ললোন-ইতিক্তা লৈরিবা অৱাবা অসি কোকহল্লগদবা পন্দুনা লৈরিবা ইসুশিং অসি কোকহন্নবা হোৎনবা ফোংদোকখি।

শ্রী থাকুর অমসুং USAগী দিপুতি সেক্রেতরী ওফ এগ্রিকলচর, এক্সোচিতল তরেস স্মোলনা অসি সেপ্তেম্বর 13, 2024দা ব্রাজিলদা বাইলেতরেলগী মীফম অমা পাংথোকখি।

নাকল অনিমক্না USDA অমসুং MA&FW দাইলোগকী খোঙথাং অসিগী মখা তাবা থবক পায়খৎনবা য়ানখি। নাকল অনিমক্না ক্লাইমেৎ-স্মার্ত এগ্রিকলচর, এগ্রিকলচরগী প্রদক্তিবিতী হেনগৎহনবা, এগ্রিকলচর ইনোভেসন, ফোর্কাস্তিং অমসুং প্রদক্সন রিপোর্তিং অমসুং এগ্রিকলচর অমসুং ক্রোপ রিস্ক প্রোতেক্সন অমসুং এগ্রিকলচর ক্রেদিৎকী লমশিংদা মতেং পীনবা য়ানখি। US না কন্সেপ্ত নোৎ অমসুং মসিনা মখা তানা অওনবা পুরক্লিবা অসিবু থাগৎখি।

USDAনা ক্রোপ ইন্সুরেন্স সেক্তরদা ভিজিৎশিং তৌবগী খুত্থাংদা লৌশিং শেয়র তৌনবা য়ানখি। শ্রী থাকুরনা মহৈ-মরোং অমসুং মনা-মশিংনচিংবগী মার্কেৎ এক্সেসকী খুদোংচাদবশিং পনখি। ভারতকী অলফালফা হে ফোরদরগীদমক মার্কেৎ এক্সেস অথুবা মতমদা ফংহন্নবা য়ু.এস.না হায়জখি। নাকল অনিমক্না য়ানরবা স্ত্রেতেজীশিংগী মতুং ইন্না মার্কেৎ এক্সেসকা মরী লৈনবা পন্দুনা লৈরিবা ইসুশিং অসি ৱারোইশিন পুরক্নবা য়ানখি।

শ্রী থাকুরনা লুচিংবা ভারতকী মীহুৎ কাংবু অমসুং ওফেলিয়া নিক, পার্লিয়ামেন্তরী স্তেৎ সেক্রেতরী, জর্মনী না লুচিংবা মীহুৎ কাংবুগী মরক্তা নাকল অনিগী ওইবা মীফম অমা সেপ্তেম্বর 13, 2024দা ব্রাজিলদা পাংথোকখি।

শ্রী থাকুরনা ইন্দো-জর্মন জোইন্ত ৱার্কিং গ্রুপকী লেপ্তনা পাংথোক্লিবা মীফমশিং অসিদা নুংঙাইবা ফোংদোকখি। শ্রীমতী ওফেলিয়া নিকনা অনৌবা দিল্লীদা লাক্কদৌরিবা অহর ফুদ ফেয়রগা মান্ননা IND-GERগী ৱার্কিং গ্রুপ অমা পাংথোক্নবা ৱাফম থমখি। নাকল অনিমক্না এগ্রো-ইকোলোজী, তেক্নিকেল একচেঞ্জ অমসুং ত্রাইএঙ্গুলার দিবেলপমেন্ত প্রোজেক্তশিংগী খুত্থাংদা মতেং পীননবা য়ানখি।

লৌউ-শিংউদা আর্তিফিসিএল ইন্তেলিজেন্স শীজিন্নবা অমসুং অপীকপা লৌমীশিংদা মতেং পীনবা, এগ্রো-ইকোলোজী অমসুং ওর্গানিক ফার্মিংগুম্বা সেক্তরশিংদা মতেং পীননবা নাকল অনিমক্না য়ানখি। শ্রীমতী ওফেলিয়া নিকনা শ্রী থাকুরবু গ্লোবেল ফোরম ফোর ফুদ এন্দ এগ্রিকলচর অমসুং বার্লিনদা পাংথোক্কদৌরিবা এগ্রিকলচর মিনিস্তরশিংগী কনফরেন্সতা শরুক য়ানবা কৌখি।

 শ্রী থাকুরনা লুচিংবা ভারতকী মীহুৎ কাংবু অমসুং UKগী ফুদ সেক্যুরিতী অমসুং রুরেল এফিয়র্সকী মন্ত্রী শ্রী দানিএল জাইচনারনা লুচিংবা মীহুৎ কাংবুগী মরক্তা সেপ্তেম্বর 13, 2024দা ব্রাজিলদা নাকল অনিগী ওইবা মীফম অমা পাংথোকখি।

নাকল অনিমক্না এগ্রিকলচর ফুদ সিস্তেমবু সস্তেনেবল এগ্রিকলচর, রিসর্স অমসুং সাইন্স-প্রিসিজন ব্রীদিং, জিন ইদিতিং অমসুং এক্সতেন্সন সর্বিসশিংদা ত্রান্সফোর্ম তৌবদা মতেং পাংনবগী অপাম্বা ফোংদোক্নখি।

শ্রী জাইচনারনা KVKs অমসুং ATMA না লৌমীশিংদা সাইন্স য়ৌহন্নবগীদমক লৌরিবা থৌদাং অদু থাগৎপা ফোংদোকখি। মহাক্না ICARগা লোয়ননা জোইন্ত ৱার্কশোপকী খুত্থাংদা ভারতকী মোদেলদগী তমগদবা অমসুং UK গী এগ্রিতেক সেন্তরগী এক্সপরিয়েন্সকা শরুক য়ানবা অপাম্বা ফোংদোকখি। UKনা লৌউ-শিংউগী সেক্তরদা লৈবাক অনিগী ওইবা পার্তনরশিপ অসি মাংলোমদা চংশিন্নবা ইন্সতিত্যুস্নেল মেকানিজম অমা লৈহন্নবা পুক্নিং চিংশিনখি।

শ্রী থাকুরনা লুচিংবা ভারতকী মীহুৎ কাংবু অমসুং স্পেনগী লৌউ-শিংউ, ফিশরিজ অমসুং ফুদকী মন্ত্রী ঐচ.ই. লুইস প্লানাসনা সেপ্তেম্বর 13, 2024দা ব্রাজিলদা নাকল অনিগী মীফম অমা পাংথোকখি।

শ্রী প্লানাসনা দাইরী পোত্থোকশিংগীদমক ভেতেরিনরী সর্তিফিকেৎ অয়াবা পীরকপগীদমক ভারতকী মন্ত্রীদা থাগৎপা ফোংদোকখি অমসুং তুংদা অসিগুম্বা প্রোতোকোলশিং অসিগা মরী লৈননবা অপাম্বা ফোংদোকখি। মহাক্না শা অমসুং শাগী পোত্থোকশিংগীদমক সেনিতরী অমসুং ভেতেরিনরী সর্তিফিকেৎকী মতাংদা ৱারোইশিন পুরকপদা পুক্নিং চিংশিনখি অমসুং কোমলাগীদমক ত্রান্সিৎকী মতমদা কোল্দ স্তোরেজকী ভেলিদিতীগী মতাংদা অয়াবা ফংলগনি হায়বগী থাজবা ফোংদোকখি।

নাকল অনিমক্না তেক্নোলোজী, অনৌবা জেনোমিক তেক্নিকশিং, ঈশিং শীজিন্নবগী মতিক চাবা থৌওং অমসুং তেক্নোলোজী, ক্লাইমেৎ রেসিলেন্ত এগ্রিকলচর, সিদ অমসুং পাম্বীশিংগী তেক্নিকেল অমসুং সাইন্তিফিক সোলুসনশিং অমসুং লৈবাক অনিগী রিসর্স ইন্সতিত্যুসনশিংগী মরক্তা তেংবাং পীনবা অপাম্বা ফোংদোকখি। শ্রী প্লানাসনা শ্রী থাকুরবু মাদ্রিদতা লাক্নবা কৌখি।

শ্রী থাকুরনা লুচিংবা ভারতকী মীহুৎ কাংবু অমসুং এনভাইরনমেন্ত অমসুং ক্লাইমেৎ মন্ত্রী, ঐচ.ই. দা. অমনা অল দাহাককা ব্রাজিলদা সেপ্তেম্বর 12, 2024দা নাকল অনিগী ওইবা মীফম অমা পাংথোকখি।

নাকল অনিমক্না লৌউ-শিংউগী সেক্তরদা ললোন-ইতিক হেনগৎহনবগী তঙাই ফদবা অদু ফোংদোকখি। তেক্নিকেল তীমশিংনা মার্কেৎ এক্সেসকা মরী লৈনবা ৱাফমশিং খন্ননবা নাকল অনিমক্না য়ানখি।

UAEনা রিসর্চ অমসুং তেক্নোলোজীদা তেংবাং পীনবা, ভর্তিকেল ফার্মিং, হায়-য়িল্দ তেক্নোলোজীশিংদা এক্সপরিয়েন্স শেয়র তৌনবা অপাম্বা ফোংদোকখি।

নাকল অনিমক্না সস্তেনেবল এগ্রিকলচর, রেসিলিয়েন্ত ফুদ সিস্তেমশিংগা মরী লৈনবা ৱাফমশিংসু খন্নখি।

***

(Release ID: 2055237) Visitor Counter : 4