سوچھتا کو ادارہ جاتی بنانے اور سرکاری دفاتر میں زیر التواء معاملات کو کم کرنے سے متعلق حکومت کی مہم پر عمل کرتے ہوئے صحت اور خاندانی بہبود کی وزارت کا محکمہ صحت اور خاندانی بہبود اور اس کے مرکزی حکومت کے اسپتال/ ماتحت دفاتر/ منسلک دفاتر/ خود مختار ادارے/ سركاری زمرے كے ادارے وغیرہ  تیسری خصوصی مہم  کی سرگرمیاں جاری رکھے ہوئے ہیں۔ یہ كام ملک گیر صفائی مہم کا انعقاد کرکے اور سرکاری دفاتر میں زیر التواء کو کم کرنے کی کوششیں کرتے ہوئے كیا جا رہا ہے۔

نومبر 2023 سے اگست 2024 کے دوران کل 9,608 فائلوں کا جائزہ لیا گیا جن میں سے 505 فائلیں ختم کر دی گئیں۔ اس کے علاوہ 25,660 عوامی شکایات اور سی پی جی آر اے ایم ایس پر 3,146 اپیلیں، 119 پی ایم او حوالہ جات، 286 وی آءی پی حوالہ جات، 13 پارلیمانی یقین دہانیوں اور 53 ریاستی حکومت کے حوالہ جات کو نمٹا دیا گیا۔

علاوہ ازیں 817 صفائی مہمیں چلائی گئیں اور اسکریپ کو ٹھکانے لگانے اور فروخت کرنے سے 13,37,262/- روپے کی آمدنی ہوئی۔ اس طرح  13,336 مربع فٹ جگہیں خالی ہوئیں۔ 23 ضابطوں  کو بھی آسان بنایا گیا۔

ان مہمات نے جگہوں كا زیادہ  انتظام سامنے لانے اور دفاتر میں کام کرنے کے صحت مند ماحول میں نمایاں کردار ادا کیا ہے۔ ساتھ ہی  آمدنی بھی حاصل کی ہے۔

وزارت سرِ دست  2 اکتوبر 2024 سے 31 اکتوبر 2024 تک منعقد ہونے والی آئندہ  چوتھی خصوصی مہم  کے اہداف کو حاصل کرنے کو یقینی بنانے کے لیے ٹھوس کوششوں میں مصروف ہے۔

*****

ش ح۔ع س ۔س ا

U.No:10907

 

 

(Release ID: 2054766) Visitor Counter : 43