தீ தொடர்பான துயரங்கள் தொடர்பாக, பொதுமக்களின் பாதுகாப்பை அதிகரிக்கும் ஒரு தீர்க்கமான நடவடிக்கையில், வீட்டு தளவாடங்கள் அல்லாத தளவாடங்களில் தீ பற்றாத மெத்தை துணிகளைப் பயன்படுத்துவதைக் கட்டாயமாக்கும் கடுமையான விதிமுறைகளை அரசு அறிமுகப்படுத்தியுள்ளது. அக்டோபர் 2023 முதல் நடைமுறைக்கு வரும், தரக் கட்டுப்பாட்டு ஆணை (QCO) இப்போது பொது இடங்களில் பயன்படுத்தப்படும் அனைத்து அப்ஹோல்ஸ்டரி கூறுகளும் இந்திய தரநிர்ணய அமைவன விதிமுறைகளுக்கு குறிப்பாக IS 157682008 இணங்க வேண்டும்,

அலுவலகங்கள், மால்கள், விமான நிலையங்கள், உணவகங்கள், நிலத்தடி வணிக வளாகங்கள், அருங்காட்சியகங்கள், மருத்துவமனைகள், வழிபாட்டுத் தலங்கள் மற்றும் கல்வி நிறுவனங்கள் போன்ற பொது இடங்களில் காணப்படும் உள்நாட்டு அல்லாத தளவாடங்களில் பயன்படுத்தப்படும் மெத்தை கலவைகள் மற்றும் துணிகளுக்கு QCO பொருந்தும். பொது பயன்பாட்டிற்காக மெத்தை துணியைக் கொண்ட முழுமையான தளவாடங்கள் அல்லது துணை சாதனங்களின் அனைத்து இறக்குமதிகளுக்கும் இந்த உத்தரவு பொருந்தும். இருப்பினும், தொழில்துறையின் வேண்டுகோளின்பேரில் 2025 மார்ச் 31 வரை தளர்வு வழங்கப்பட்டுள்ளது.

ஜவுளி அமைச்சகம், தொழில் மற்றும் உள்நாட்டு வர்த்தகத்தை மேம்படுத்துவதற்கான துறையை (DPIIT) தளவாடங்களுக்கான QCOகளில் IS 157682008-ஐ ஒருங்கிணைக்குமாறு கேட்டுக் கொண்டுள்ளது. இந்த ஒருங்கிணைப்பு, தளவாடங்களுக்கான அனைத்து தொடர்புடைய தரங்களையும் உள்ளடக்கிய ஒரு விரிவான கட்டமைப்பை வழங்கும். இந்த தீர்க்கமான நடவடிக்கை, பொது இடங்களில் தீ தடுப்பு பாதுகாப்பை மேம்படுத்துவதற்கும், அனைத்து வீட்டு உபயோகம் அல்லாத தளவாடங்களும் தரம் மற்றும் பாதுகாப்பின் மிக உயர்ந்த தரத்தை பூர்த்தி செய்வதை உறுதி செய்வதற்கும், அதன் மூலம் உயிர்களையும் சொத்துக்களையும் பாதுகாப்பதற்கும் அரசாங்கத்தின் உறுதிப்பாட்டை சுட்டிக்காட்டுகிறது.

தரக் கட்டுப்பாடு ஆணைகள் முக்கியமான தயாரிப்புகளில் தரம் மற்றும் பாதுகாப்பை உறுதி செய்வதற்கான அரசின் பரந்த உத்தியின் ஒரு பகுதியாகும். பல தயாரிப்புகளுக்கு பிஐஎஸ் சான்றிதழ் தன்னார்வமானது என்றாலும், தீ-தடுப்பு அப்ஹோல்ஸ்டரி போன்ற முக்கியத்துவம் வாய்ந்த பொருட்களுக்கான இந்த தரநிலைகளுக்கு இணங்குவது, இப்போது கட்டாயமாகும். இந்த ஒழுங்குமுறை, பாதுகாப்பான பொது இடங்களை உருவாக்குவதற்கும், இந்த சூழல்களில் பயன்படுத்தப்படும் தளவாடங்கள் மிக உயர்ந்த பாதுகாப்பு தரங்களை பூர்த்தி செய்வதை உறுதி செய்வதற்கும் ஒரு குறிப்பிடத்தக்க நடவடிக்கையாகும்.

----

MM/KPG/KR/DL