కేంద్ర మత్స్య, పశుసంవర్ధక, పాడి పరిశ్రమాభివృద్ధి శాఖ మంత్రి శ్రీ రాజీవ్ రంజన్ సింగ్ అలియాస్ లాలన్ సింగ్ ఈరోజు భువనేశ్వర్‌లోని ఐసిఏఆర్ -సెంట్రల్ ఇన్‌స్టిట్యూట్ ఆఫ్ ఫ్రెష్ వాటర్ ఆక్వాకల్చర్ (ఐసిఏఆర్-సిఐఎఫ్ఏ)లో "రంగీన్ మచ్లి" మొబైల్ యాప్‌ను ప్రారంభించారు. ప్రధాన మంత్రి మత్స్య సంపద యోజన (పీఎంఎంఎస్వై) మద్దతుతో  ఐసిఏఆర్-సిఐఎఫ్ఏ ఈ యాప్ ను అభివృద్ధి చేసింది. ఈ యాప్ అలంకార మత్స్య రంగంలో పెరుగుతున్న అవసరాలను తీర్చడానికి రూపొందించారు. అభిరుచి గలవారు, అక్వేరియం దుకాణ యజమానులు, చేపల పెంపకందారులకు కీలకమైన వనరులను అందిస్తుంది. ఈ కార్యక్రమంలో కేంద్ర మత్స్య, పశుసంవర్ధక, పాడిపరిశ్రమాభివృద్ధి సహాయ మంత్రి శ్రీ జార్జ్ కురియన్, ఇతర ఉన్నతాధికారులు పాల్గొన్నారు.

శ్రీ రాజీవ్ రంజన్ సింగ్ తన ప్రసంగంలో, అలంకార మత్స్య రంగం  పట్ల పెరుగుతున్న ప్రాముఖ్యతను వివరించారు. మంత్రిత్వ శాఖ దాని అభివృద్ధికి బలమైన ప్రాధాన్యతనిస్తోందని, ఉపాధిని కల్పన, ఆర్థిక వ్యవస్థకు దోహదపడే రంగం సామర్థ్యాన్ని గుర్తించిందని పేర్కొన్నారు. దేశంలో అక్వేరియం అభిరుచిని మరింత విస్తృతంగా ప్రోత్సహించాలని ఆయన పేర్కొన్నారు.