மத்திய துறைமுக, கப்பல் மற்றும் நீர்வழித்துறை அமைச்சர் திரு சர்பானந்த சோனோவால், மர்மகோவா துறைமுகத்தைப் பார்வையிட்டு புதிதாக வரவிருக்கும் சர்வதேச பயணிகள் கப்பல் முனையத்தை ஆய்வு செய்தார். தனது பயணத்தின் போது, புதிய முனைய கட்டிடத்தின் கட்டுமான தளத்தை அவர் பார்வையிட்டதுடன், படகு சவாரி மூலம் துறைமுகத்தின் அதிநவீன வசதிகளை பார்வையிட்டார். 'தாயின் பெயரில் ஒரு மரக்கன்று' முன்முயற்சியின் ஒரு பகுதியாக, மர்மகோவா துறைமுக வளாகத்தில் அமைச்சர் ஒரு மரக்கன்றையும் நட்டார்.
 

மேலும், கோவாவில் நாளை நடைபெறவுள்ள 20-வது மாநில கடல்சார் மேம்பாட்டு கவுன்சில் கூட்டம் குறித்தும் அவர் செய்தியாளர்களிடம் விளக்கினார்.

"பிரதமர் மோடியின் தொலைநோக்கு தலைமையின் கீழ், இந்தியாவின் கடல்சார் துறையை மாற்றியமைக்க சாகர்மாலா  திட்டத்தின் கீழ், கோவாவில் ரூ .24,000 கோடி மதிப்புள்ள லட்சிய திட்டங்களை மத்திய துறைமுகங்கள் கப்பல் மற்றும் நீர்வழித:துறை அமைச்சகம் முன்னெடுத்து வருகிறது. கடல்சார் இந்தியா தொலைநோக்குத் திட்டம் 2030 மற்றும் அமிர்த கால தொலைநோக்குத் திட்டம் 2047 உள்ளிட்ட இந்த முயற்சிகளின் முன்னேற்றம் குறித்து, கடல்சார் மாநில மேம்பாட்டுக் குழு ஆய்வு செய்யும். கடலோர மாநிலங்களைச் சேர்ந்த அனைத்து பங்குதாரர்களையும் ஒன்றிணைப்பதன் மூலம், உலகத் தரம் வாய்ந்த உள்கட்டமைப்பை உருவாக்குவதை மத்திய துறைமுகங்கள், கப்பல் மற்றும் நீர்வழித்துறை அமைச்சகம் நோக்கமாகக் கொண்டுள்ளது" என்றார்.

"மர்மகோவா துறைமுகத்தில் புதிய கப்பல் முனையத்தின் மூலம், 2030 ஆம் ஆண்டுக்குள் 1.5 மில்லியன் கப்பல் சுற்றுலாப் பயணிகள் என்ற எங்கள் இலக்கை அடைய உதவும் வசதிகளை வழங்குவதை நோக்கமாகக் கொண்டு, சிறந்து விளங்குவதற்கான ஒரு அளவுகோலை நாங்கள் அமைத்து வருகிறோம்" என்று திரு சோனோவால் மேலும் கூறினார்.

2024 செப்டம்பர் 12 மற்றும் 13 ஆகிய தேதிகளில் கோவாவில் நடைபெறவுள்ள மாநில கடல்சார் மேம்பாட்டு கவுன்சிலின் (எம்.எஸ்.டி.சி) 20-வது கூட்டத்திற்கு திரு சர்பானந்தா சோனோவால் தலைமை தாங்குவார். இந்த முக்கிய நிகழ்வில் முதலமைச்சர்கள், கடலோர மாநிலங்களின் மூத்த அமைச்சர்கள் மற்றும் யூனியன் பிரதேசங்களின் நிர்வாகிகள் பங்கேற்க உள்ளனர். ஒன்பது கடலோர மாநிலங்கள், நான்கு யூனியன் பிரதேசங்களின் மூத்த அதிகாரிகள், மத்திய அரசின் பல்வேறு அமைச்சகங்கள் மற்றும் துறைகளின் பிரதிநிதிகளும் கலந்து கொள்வார்கள்.

20 வது எம்.எஸ்.டி.சி கூட்டம், இந்தியாவின் கடல்சார் எதிர்காலத்திற்கு முக்கியமான பல முக்கிய கடல்சார் முயற்சிகள் குறித்து உரையாற்றும். சாகர்மாலா திட்டத்தை மறுஆய்வு செய்வது, அதன் முன்னேற்றத்தை மதிப்பிடுவதுடன் துறைமுகம் சார்ந்த வளர்ச்சியை இயக்குவதற்கான எதிர்காலத் திட்டங்களை கோடிட்டுக் காட்டுவதில் கவனம் செலுத்தும். குஜராத்தின் லோதலில் உள்ள தேசிய கடல்சார் பாரம்பரிய வளாகம் (NMHC) குறித்தும் நீடித்த விவாதங்கள் நடைபெறும். இது இந்தியாவின் வளமான கடல்சார் வரலாற்றைப் பாதுகாப்பதற்கும் வெளிப்படுத்துவதற்குமான முயற்சிகளை எடுத்துக்காட்டுகிறது. நாட்டின் உள்நாட்டு நீர்வழி வலையமைப்பின் வளர்ச்சி, மற்றொரு முக்கிய தலைப்பாக இருக்கும், சரக்கு மற்றும் பயணிகள் போக்குவரத்தை மேம்படுத்துவதை நோக்கமாகக் கொண்ட திட்டங்கள் மதிப்பீடு செய்யப்படுகின்றன.

மேலும், துறைமுகங்களுக்கான சாலை மற்றும் ரயில் இணைப்பை மேம்படுத்துவது, சரக்குகள் மற்றும் பயணிகளின் சுமூகமான இயக்கத்தை எளிதாக்குவது குறித்து கூட்டத்தில் விவாதிக்கப்படும். அகழ்வாராய்ச்சி நடவடிக்கைகளைப் பணமாக்குவதற்கான கேரள கடல்சார் வாரியத்தின் உத்திகள், துறைமுக நடவடிக்கைகளுடன் இணைக்கப்பட்ட குஜராத் கடல்சார் வாரியத்தின் நகர்ப்புற மேம்பாட்டுத் திட்டங்கள் மற்றும் கடல்சார் வளர்ச்சிக்கான ஆந்திரப் பிரதேச கடல்சார் வாரியத்தின் விரிவான முதன்மை திட்டம் உள்ளிட்ட புதுமையான முயற்சிகளும் காட்சிப்படுத்தப்படும். சுற்றுச்சூழல் நிலைத்தன்மை ஒரு முக்கிய கருப்பொருளாக இருக்கும், அழுக்கு சரக்குகளைக் கையாள்வதைக் கட்டுப்படுத்துவதன் மூலம், கோவா துறைமுகத்தில் மாசுபாட்டைக் குறைப்பதில் சிறப்பு கவனம் செலுத்துகிறது, தூய்மையான, நிலையான துறைமுக நடவடிக்கைகளை ஊக்குவிப்பதற்கான பரந்த முயற்சிகளுடன் இணைவதுடன் சுற்றுலாப் பயணிகளுக்கும் குடியிருப்பாளர்களுக்கும் ஒரு இடமாக கோவாவின் முறையீட்டை மேம்படுத்துகிறது.

இவை தவிர, பெரிய மற்றும் சிறு துறைமுகங்களின் இணக்க நிலை, கப்பல் கட்டுதல் மற்றும் கப்பல் பழுதுபார்க்கும் தொழில்களை ஊக்குவிப்பதற்கான மூலோபாய திட்டங்கள், சாகரங்கலன் வழிகாட்டுதல்களை மறுஆய்வு செய்தல் மற்றும் இந்தியாவில் துறைமுக தரவரிசை முறையை மேம்படுத்துதல் குறித்து விவாதங்கள் நடத்தப்படும்.

1997-ம் ஆண்டில் நிறுவப்பட்ட எம்.எஸ்.டி.சி, இந்தியாவின் கடல்சார் துறையின் வளர்ச்சிக்கான உச்ச ஆலோசனை அமைப்பாக செயல்படுகிறது. பெரிய மற்றும் சிறு துறைமுகங்களின் ஒருங்கிணைந்த வளர்ச்சியை மாநில அரசுகளுடன் ஒருங்கிணைந்து ஊக்குவிப்பதே இம்முகமைகளின் முதன்மை நோக்கமாகும். மத்திய துறைமுகங்கள், கப்பல் மற்றும் நீர்வழித் துறை அமைச்சர் தலைமையிலான இந்த கவுன்சிலில், அனைத்து கடல்சார் மாநிலங்களின் துறைமுகங்களுக்குப் பொறுப்பான அமைச்சர்கள், யூனியன் பிரதேசங்களின் நிர்வாகிகள் மற்றும் கடற்படை, கடலோர காவல்படை மற்றும் பிற முகமைகளின் பிரதிநிதிகள் உள்ளிட்ட முக்கிய பங்குதாரர்கள் இடம் பெற்றுள்ளனர்.

இந்தியாவின் கடல்சார் உள்கட்டமைப்பை மேம்படுத்துதல், துறைமுக இணைப்பை ஊக்குவித்தல் மற்றும் கடல்சார் துறையில் நிலையான வளர்ச்சியை ஊக்குவித்தல் ஆகியவற்றில், அரசின் உறுதிப்பாட்டை இந்த முக்கிய மாநாடு மீண்டும் உறுதிப்படுத்துகிறது. சிறு துறைமுகங்களை பெரிய துறைமுகங்களுடன் ஒருங்கிணைத்தல், சாலைகள், ரயில்வே, உள்நாட்டு நீர்வழிப் போக்குவரத்து ஆகியவற்றுக்கான புதிய முன்மொழிவுகள் வலுவான கடல்சார் பொருளாதாரத்திற்கு வழிவகுக்கும்.

***

MM/RR/DL