ثقافت اور سیاحت کے مرکزی وزیر جناب گجیندر سنگھ شیخاوت نے آج گاندھی درشن، راج گھاٹ، دہلی میں مہاتما گاندھی کے نام وقف ایک خصوصی ریلوے کوچ کا افتتاح کیا۔

اس موقع پر خطاب کرتے ہوئے جناب شیخاوت نے کہا کہ اس ریل کوچ کا تعلق اس واقعہ سے ہے جس نے گاندھی جی کی زندگی میں تبدیلی لائی تھی، اس کی تزئین و آرائش کی گئی ہے تاکہ گاندھی جی کے وژن کو عملی طور پر بیان کیا جاسکے۔ یہ افتتاح مہاتما گاندھی کے سفر اور ان کی پائیدار میراث کی یاد میں ایک تاریخی لمحہ ہے۔ وزیر موصوف نے مزید کہا کہ’’ ہم سب کو اس عزم کے ساتھ آگے بڑھنے کی ضرورت ہے کہ ہم گاندھی جی کے فلسفے کو اپنی زندگیوں میں عملاً نافذ کریں۔‘‘

یہ انوکھی نمائش جس کو ریلوے کی وزارت نے فراخدلی کے ساتھ عطیہ کیا، مہاتما گاندھی کے دور کی انتہائی مہارت سے بحال کی گئی ریلوے کوچ کو پیش کرتی ہے، جو ان کے ٹرین کے مشہور سفر کی علامت ہے جس نے ملک کو متحد کرنے اور انصاف اور مساوات کی وکالت کرنے کے ان کے مشن میں اہم کردار ادا کیا۔

گاندھی درشن پر واقع ریلوے کوچ مجسموں سے بھرپورہے جس میں گاندھی جی کے سفر اور ساتھی مسافروں کے ساتھ بات چیت کی عکاسی کی گئی ہے، جو زائرین کو مہاتما گاندھی کے ریل سفر کو زندہ کردینے والا ایک حیرت انگیز تجربہ فراہم کرتا ہے۔ نمائش میوزیم کا مرکزی مقام بننے کے لئے تیار ہے۔

مہاتما گاندھی کا تھرڈ کلاس ریلوے کمپارٹمنٹس میں برصغیر ہند وپاک کے ابتدائی اسفار ہندوستان کے بارے میں ان کی تفہیم اور متحدہ ملک کے ان کے وژن کی تشکیل میں اہم تھے۔ ان اسفار نے گاندھی جی کی زندگی میں ایک اہم کردار ادا کیا، جس نے انہیں زندگی کے تمام شعبوں سے تعلق رکھنے والے لوگوں سے رابطہ قائم کرنے، ان کی جدوجہد کو سمجھنے اور ان کے سچائی، عدم تشدد اور سماجی انصاف کے فلسفے کو بتدریج فروغ دینے کی  اجتماعی قوت اور ظلم کے خلاف ملک کو متحد کرنے کی ضرورت کو محسوس کرنے میں اہم کردار ادا کیا۔اس طرح ریلوے ایک متحد، جامع ہندوستان کے تانے بانے کو بُننے کے ان کے مشن میں ایک اہم آلہ بن گیا۔

بھارتی ریلوے نے کس طرح مہاتما گاندھی کے فکری عمل اور سماجی تبدیلی کے ان کے مشن کو گہرائی سے تشکیل دینے میں کردار ادا کیا،اس پر روشنی ڈالتے ہوئے گاندھی درشن کے وائس چیئرمین وجے گوئل نےکہا کہ ’’ریلوے گاندھی کے لیے محض نقل و حمل کا ذریعہ نہیں تھے، وہ ہندوستان کو مکمل طور پر سمجھنے کا ذریعہ تھے۔‘‘

***************

(ش ح ۔اص)

U.No.10784

(Release ID: 2054086) Visitor Counter : 45